Britaniya Muzeyindən oğurlanan 2 min tarixi əsərin axtarışlarına başlanılıb.
"Report" xarici KİV-ə istinadən xəbər verir ki, bu barədə Londondakı Britaniya Muzeyinin rəhbəri Corc Obsorn bildirib.
Onun sözlərinə görə, dünyanın ən əhəmiyyətli muzeylərindən biri olan Britaniya Muzeyindən qızıl-zinət əşyaları və qiymətli daşlar da daxil olmaqla 2 minə yaxın əsər oğurlanıb.
"Bütün muzey kolleksiyası düzgün təsnif edilməyib. Nəyin oğurlandığını öyrənmək üçün məhkəmə-tibb ekspertizası aparılır. Artıq oğurlanmış əşyaların bir qisminin tapılmasına nail olmuşuq”, - muzey rəhbəri deyib.
Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Elçin Əlibəylinin təqdimatında Göyçə mahalının, Çəmbərək (Krasnoselo) rayonunun Ardanış kəndi haqqında xüsusi buraxılış hazırlanıb.
Verilişdə Ardanış kəndinin tarixi, etnoqrafiyası, mədəniyyəti, xalçaçılığı, mətbəxi, toyları, aşıq sənəti, bayram ənənələri, iqtidsadiyyatı, kənd təsərrüfatı və digər sahələrindən geniş söhbət açılıb.
Bildirilib ki, Ardanış Göyçə gölünün sahilində, dəniz səviyyəsindən 1975 metr hündürlükdə yerləşir. "İrəvan əyalətinin icmal dəftəri"ndə "Ərdanuc", Qafqazın 5 verstlik xəritəsində "Ardanic" formasında qeyd edilib. Toponim qədim türk dilində "dağ", "dağlıq", "dağ kəndi" mənasında işlənən "art" sözündən və məkan anlayışı bildirən "-an" və "-ış" sözdüzəldici şəkilçisindən ibarət olub, "dağlıq yerdə yerləşən kənd" mənasını bildirir. Kənddə yalnız azərbaycanlı yaşayıb və müxtəlif illərdə, ən son isə 1988-ci il noyabrın 24-dən 28-dək tarixi-etnik torpaqlarından qovulub.
Qeyd olunub ki, Ardanış qədim və zəngin tarixə malik bir bölgədə - Göyçə mahalının şimal-şərqində yerləşir. Ərazidəki tarixi abidələr - Armudlu ərazisində Alban məbədinin qalıqları, o cümlədən Çaldakı alban qəbiristanlığı, eləcə də "Ocağın başı" adlanan dağ zirvəsində alban kilsəsinin qalıqları, Adatəpə, Böyük meşənin qənşərində və bir sıra digər yerlərdə aşkar edilmiş qədim oğuz qəbirləri, Ardanış yaxınlığındakı mağaralar və s. qədim dövrlərin yadigarları olaraq minilliklər boyu bu diyarın, bu ərazinin yaşayış məskəni olduğunu sübut edir. Ardanış ərazisindəki tarixi abidələr və tapılan maddi-mədəniyyət nümunələri bu ərazinin bizim eradan əvvəl III-II minilliklərdə məskunlaşdığını göstərir.
Həmçinin diqqətə çatdırılır ki, əhalinin əsas məşğuliyyəti əkinçilik və heyvandarlıq olub. Kənddə iqtisadiyyatın əsasını tütünçülük, taxılçılıq, heyvandarlıq təşkil edib. Balıqçılıq, bağçılıq və arıçılıq da xeyli inkişaf edib. Kənddə üçmərtəbəli orta məktəb binası, mədəniyyət evi, ticarət və ictimai-iaşə müəssisələri, hamam, elektriklə işləyən dəyirman, ağac emalı qurğusu, heyvandarlıq üçün yem emalı sexi və s. var idi.
Verilişdə Ardanışda olan 4000 illik türk məzarlığında gizlədilənlər, alban abidələri, Nadir şahın ordusunun, taun xəstəliyindən qırılan Nadir şahın ordusunun kütləvi məzarlıqları, Ardanış-türk tarixini əks etdirən abidələrin üzərində yazı və simgələr üzə çıxarılır, “Əmir Teymur Ardanışda alban abidəsini niyə dağıdıb” sualına aydınlıq gətirilir.
Vurğulanır ki, Göyçədə 2000 ildən çox torpaq altında qalmış mərz daşının üzərindəki yazı Azərbaycan dilində ən qədim yazı nümunəsidir.
Xatırladaq ki, Qərbi Azərbaycan Xronikası layihəsinin məqsədi tarixi torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.
Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq, Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.
Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.
Veriliş avqustun 26-da saat 19:30-da “Baku TV”nin efirində və yutub kanalında yayımlanıb.
Qaraqoyunlu və Ağqoyunlu tayfa ittifaqları əsas – kök – tayfa ilə yanaşı bir neçə halqadan ibarət ittifaq tayfalarından təşəkkül tapmışdı. Qaraqoyunlularda hakim tayfa Baranlı və ya Barani tayfası idi, Ağqoyunlularda isə Bayındır tayfası idi Qaraqoyunlu dövlətində ikinci halqada 2 tayfa vardı. Faruk Semere görə, bunlar Saadlu və Baharlı tayfaları idi. Ağqoyunlularda isə ikinci halqada Pürnak və Mosullu tayfaları yer alırdı (Woods, 1993: 338,340). İkinci halqanı təşkil edən tayfalar qohumluq və ailə bağları ilə yanaşı iqtisadi, ictimai və hərbi əhəmiyyətləri səbəbi ilə mərkəz tayfanın ətrafında yer alır və dövlətin əsasını təşkil edən tayfalardan hesab olunurdu. 2-ci halqadan olan bəzi tayfa nümayəndələri dövlətin ali postlarına təyin olunur, əmir əl-üməra, ordu əmiri və lələlər ola bilirdi. 3-cü halqa tayfaları Qaraqoyunluda Ağaçəri, Alpout, Cəgirli, Duharlu və Bayramlı tayfaları idi. Ağqoyunlularda isə Biçan (Bican), Hacılı, Əfşar, Bayat və Qacar tayfaları idi. Bu tayfalar hər iki dövlətdə güc və dövlətdə təmsil baxımından ikinci halqadan sonrakı yerlərdə dayanırdı. Ancaq bəzi dövrlərdə 3-cü halqadan çıxan şəxsiyyətlər də dövlətdə mühüm postlara yüksələ bilib. Məsələn, Qara Məhəmmədin bacısının Ağaçəri tayfasının başçısı ilə evlənməsi və ya Ağqoyunlu Sultan Yaqubun Bican oğlu Süleymanın qızı ilə evlənməsi buna sübut kimi qəbul olunur. Bican oğlu Süleyman həmçinin Yaqubun lələsi olub. Qaraqoyunlu ittifaqında Qaramanlı, Ayinli, Hacılı, Dögər oymaqları və həmçinin Süleymani, Mahmudi kimi tayfalar 4-cü halqada yer alırdı. Ağqoyunlularda isə Ərəbgirli, Duharlu, Ağamlı, Bozdoğan, Çepni, İnanlu kimi oymaqlar 4-cü halqada yer alırdı. Ancaq 4-cü halqa dövlət içərisində ən az təsiri olan tayfalar hesab olunurdu. Faruk Sümer Qaraqoyunlu tayfa ittifaqında 12 oymağın yer aldığını, bununla yanaşı 3 kürd qrupunun da ittifaqa daxil edildiyini yazır. Ağqoyunlu tayfa ittifaqında isə tayfa və oymaqların sayı 40-dan çoxdur. Bunların bir qismi sonradan Qaraqoyunlu tayfa ittifaqından olan tayfalar olduğu üçün mütəxəssislər Ağqoyunlu tayfa ittifaqını bir neçə mərhələdə qeyd edir. Birincisi dövlət qurulana qədər olan dövr, ikincisi isə dövlət qurulduqdan sonrakı dövr. Məsələn, Baharlı tayfası Qaraqoyunlu ittifaqında yer alıb, daha sonra isə Ağqoyunlularla ittifaqa daxil olub və dövlətdə mühüm yerə sahib olub. Kənan Rövşənoğlu Teref.az
Məşhur Hollivud aktyoru Şon Penn Ukraynadan bəhs edən “Supergüc” adlı film çəkib.
Bizim.Media xəbər verir ki, artıq filmin ilk treyleri yayımlanıb.
Hollivud aktyoru və rejissoru genişmiqyaslı müharibə zamanı bir neçə dəfə Ukraynaya səfər edib və ölkə rəhbəri Volodimir Zelenski ilə, eləcə də ukraynalılarla ünsiyyətdə olub.
O, həmçinin Ukraynanın müxtəlif bölgələrində Rusiyanın hücumları nəticəsində baş verən dağıntıları qeydə alıb.
Qeyd edək ki, treylerin sonunda Penn “Ukraynalılar qalib gələcək. Yeganə sual isə “nəyin bahasına?””, - deyə qeyd edib.
“Xoşbəxt yaşamaq üçün çox böyük şeylərin arxasınca düşməyə ehtiyac yoxdur. Gün ərzində bir mənalı iş görə bilsən, o səni xoşbəxt edə bilir. Çox zaman xoşbəxtlik burnumuzun ucunda olur, biz onu görmürük. O bizi çağırır, biz onu eşitmirik. O bizlə danışmaq istəyir, biz ona vaxt ayırmırıq. O bəlkə də bizi bir mərtəbə yuxarıda gözləyir, biz liftdən tez düşürük. O bizi sağda gözləyir, biz sola dönürük. Ona görə də xoşbəxtliyimiz çox uzaqlarda deyil, əlimizin altındadır, burnumuzun ucundadır, qulağımızın dibindədir. Sadəcə onu görmək lazımdır. Baxmaqla görmək arasında çox böyük fərq var”
DİA.AZ bildirir ki, bunu Moderator.az-a açıqlamasında əməkdar artist, sevilən aktrisa Dilarə Əliyeva deyib. Sənətçi uzun illər həm aparıcı, həm də serial və teatrda aktrisa olaraq çalışıb. Aktrisa teatr fəaliyyətinin ona digər sahələrdə cığır açdığını bildirib.
“Cəfər Cabbarlı adına İrəvan Dövlət Azərbaycan Dram teatrında aktrisa kimi fəaliyyət göstərmişəm. Teatr bir aktyorun, aktrisanın formalaşmasında əvəzsiz rol oynayır. Səhnədə, teatrda olmaq insanı formalaşdırır. Qəribə bir yükləyir, səni iş texnikası ilə tanış edir. Səhnədə qazandığın təcrübəni sən həm kinoya, həm də efirə daşıya bilirsən. Teatr, aparıcılıq və serial çəkilişlərinin illər uzunu hər birinin öhdəsindən gəlmişəm. Bir müddət serial çəkilişlərinə başlayanda aparıcılıqdan ayrıldım. İndi hər ikisini birlikdə edə bilirəm” deyə aktrisa bildirib.
Dilarə Əliyeva həyat yoldaşı, mərhum prodüsser Oqtay Əliyevdən də danışıb.
“Həm biz ailəsi, həm də valideynləri üçün çox çətindir. Hər gün səhər saat 7, uzaq başı 8-in yarısı hər səhər Elmira xanımla zəngləşib danışırıq. O məni yığır, mən onu yığıram. Oqtay anasına çox bənzəyirdi. Bir də görürsən nəsə bir işi görəndə Elmira xanıma zəng edirəm. Elə hiss edirəm ki, Oqtayla danışıram, onunla bölüşürəm. Eynən Oqtayın reaksiyalarını görürəm” deyə sənətçi bildirib.
“Qarabağ” klubu Sloveniyada “Olimpiya”ya qarşı UEFA Avropa Liqasının pley-off mərhələsinin ilk oyununun Azərbaycanda yayımlanmamasına münasibət bildirib.
Klub bu barədə rəsmi feysbuk hesabından paylaşın edib.
“Hörmətli azarkeşlər, “Olimpiya” – “Qarabağ” qarşılaşmasının yayım hüququnun öhdəliyini “İdman Azərbaycan” kanalı öz üzərinə götürüb. Lakin texniki səbəblərdən “İdman Azərbaycan” bu oyunu canlı yayımlaya bilmir. Yayımla bağlı məsuliyyəti birbaşa “İdman Azərbaycan” kanalı daşıyır”, – deyə yazıda vurğulanıb.
Qeyd edək ki, “Qarabağ” 2:0 hesablı səfər qələbəsi qazanaraq, qrup mərhələsinə vəsiqə yolunda önəmli üstünlük əldə edib.
Ötən gün yazıçı Çingiz Abdullayevin Rəşad Məcidin doğum günündə feysbuk vasitəsilə ona yazdığı təbrik sosial şəbəkələrdə müzakirə olunub. Sosial şəbəkə istifadəçiləri Çingiz Abdullayevi Azərbaycan dilini bilməməkdə, cümlələri natamam yazmaqda ittiham ediblər.
Hurriyyet.Az xəbər verir ki, tənqidlərlə bağlı Yazıçılar Birliyinin katibi, yazıçı Çingiz Abdullayev News24.az-a açıqlamasında bildirdi ki, yazdığı təbrikdə tənqid ediləcək nəsə yoxdur:
Vətəndaş Həmrəyliyi Partiyasının sədri, millət vəkili Sabir Rüstəmxanlı müəllifi olduğu verilişdə bu dəfə Türkiyədə radikal sol görüşlü bir qrup siyasətçi, yazıçı və hüquq müdafiəçisinin Azərbaycan əleyhinə bəyanatı haqqında danışıb.
Millət vəkili BMT Təhlükəsizlik Şurasında Laçın yolunun “bağlanmasından” sonra yaranmış “humanitar böhran”nın müzakirəsi zamanı, həmçinin Özbəkistan Prezidenti Şavkat Mirziyoyevin Şuşaya səfəri ərəfəsində Azərbaycanın əleyhinə 100 nəfərə yaxın Türkiyə vətəndaşının imzaladığı belə bir bəyanatın yayılmasının təsadüfi olmadığını bildirib. Sözügedən bəyanatı "bayquş səsi"nə bənzədən S.Rüstəmxanlı qeyd edib ki, özünü aydın sayan, kimliyi bəlli olmayan bu dəstə ermənilərə havadarlıq edir: "Deyirlər ki, guya Azərbaycan erməniləri blokadada saxlayır. Baş verənləri soyqırımına bənzədir və bu kimi bir çox cəfəng iddialar irəli sürürlər. Xocalı soyqırımını yaşayan bir milləti bu cür ittiham etmək özünü Türkiyə vətəndaşı sayanlar üçün, - indi mən deyəcəm, onlar necə vətəndaşdırlar, - ayıbdır. Utanmalıdırlar bu sözü deməkdən. Türkiyə ən ağır günlərində daim Azərbaycanın yanında olub. Nuru Paşanı xatırlayaq, Osmanlının ən ağır vəziyyətində Qafqaz İslam Ordusu gəlib Azərbaycanda qardaşlarına yardım etdi, Bakını bolşevik-erməni işğalından azad etdilər. XX yüzilin dahisi Ataturk deyirdi ki, Azərbacanın sevinci sevincimiz, kədəri kədərimizdir. O zaman Naxçıvanla əlaqə kəsilməsin deyə Atatürk pulla İrandan ərazi aldı. Türkiyə Naxçıvana qarant durdu. 2020-ci ildə Türkiyə yenə öz qardaşlıq borcunu yetinə yetirdi, siyasi, diplomatik planda Azərbayacana dəstək verdi. Azərbaycan ordusunun yetişməsinə, silahlanmasına yardım edən bir dövlətin adını aydın, qəzetçi qoyan bir zümrəsi birdən-birə ortaya çıxıb Azərbaycanı ittiham edirsə, bu, gülüncdür. Mən əminəm ki, Azərbaycan-Türkiyə münasibətlərinə soyuqluq gətirən, camaatın sidqini sıyıran yarım cümlə söz deyənlərin nə Azərbaycan, nə də Türkiyə türkünə aidiyyatı yoxdur. Türkiyədə nə qədər istəyirsən türk soyadlı erməni, yunan, PKK-lı terroçular, FETÖ-nun davamçıları və söz terroru ilə məşğul olanlar var". Bu qüvvələrin Türkiyədə geniş fəaliyyət göstərdiyini vurğulayan millət vəkili bunun üçün münbit şərait olduğundan təəssüfləndiyini bildirib: "Çox təəssüf ki, mən Türkiyə siyasətinin bu tərəfini dəstəkləyə bilmirəm. Orada kitab evinə girəndə görürsən ki, Türkiyəni ittiham edən onlarla kitab var. PKK mövqeyindən yazılan, "erməni soyqırımı", uydurma erməni tarixi haqqında kitablar satılır. Bu kitablar hamısı Türkiyədə çap olunur. Bəs, görək orada onun yarısı qədər Azərbaycan haqqında kitablar var? Bu məsələdə Azərbaycan diasporunun da, Türkiyə dövlətinin də günahı var. Kitab ticarəti ilə məşğul olanların çoxunun adı türk olsa da, özü türk deyil. O dükanlara girəndə nəyin təbliğ olunduğunu görmək çox asandır. Məhz bu təbliğatı aparanlar deyirlər ki, Azərbaycan ermənilərin hüquqlarını tapdalayır. Hansı hüquqlardan söhbət gedir? Sən bu xalqa necə çirkab ata, necə yalan deyə bilərsən?" S.Rüstəmxanlı bədnam bəyanata kifayət qədər reaksiya verilmədiyindən də danışıb: "Düzdür, onlara cavab verənlər oldu, müəyyən səslər ucaldı. İlk cavab verənlərdən biri də Milliyətçi Hərəkat Partiyası oldu. Azərbacyanda da bəzi qəzet və saytlar fikir bildirdilər. Amma ümumiyyətlə, Türkiyədə yaşayan azərbacyanlıların, diasporumuzun səsi çıxmadı. Bu diaspor nə işə məşğuldur? Ancaq yubileylər keçirməklə, yas mərasimləri, Xocalı soyqırımının ildönümünü qeyd etməklə, müəyyən tarixi hadisələrlə bağlı bir araya gəlməklə iş bitmir. Belə olmaz. Bəs bu mətbuatda gedən məsələlər? Biz eşidənə qədər onlar eşidir, onlar oxuyur, onlar görürlər. Niyə cavab vermir, niyə səslərini ucaltmırlar? Biz, bizi sevməyənlərdən az deyilik, onlardan gücsüz də deyilik. Görünür, bu məsələdə çatışmayan cəhətlər var, təşkilatlanma zəifdir. Amma bu işi yoluna qoymaq, Azərbaycanın səsini türk mətbutına çatdırmaq olar. Bununla bağlı tədbir görülməlidir".
Sonda S.Rüstəmxanlı Azərbaycan əleyhinə bəyanat səsləndirən Türkiyə "ziyalı"larına çağırış edib: "Üzümü həmin başdanxarab, biqeyrət, şərəfsiz, Azərbayacana böhtan atan, kimliyi bilinməyən erməni, PKK cocuqlarına, Avropaya, Amerikaya iş verənlərə, cinsiyyəti bəlli olmayanlara, şüuru, düşəncəsi xəstə olanlara tutub deyirəm ki, siz su bulandıra bilməzsiniz. Azərbaycan-Türkiyə münasibətləri uzun tarixi yol keçib və elə bir səviyyədədir ki, sizin kimi qarışqalar, cırtdanlar buna heç bir təsir göstərə bilməz. Yaxşısı budur, gedin, öz işinizlə məşğul olun". Xatırladaq ki, Türkiyədə radikal sol görüşlü bir qrup siyasətçi, yazıçı və hüquq müdafiəçisinin bu günlərdə yayılan bəyanatında guya, Qarabağda ermənilərə 8 aydır blokada tətbiq edildiyi, "bölgənin ağır humanitar böhran ərəfəsində olduğu"ndan bəhs edilir, hətta ermənilərə qarşı hansısa “soyqırımı” siyasəti aparıldığı iddia olunur.
Türkiyəli aktyor Olgun Şimşek avtomobil qəzasına düşüb.
Teref.Az olay-a istinadən bildirir ki, qəza səhər saatlarında Bodrumda baş verib. Hadisə nəticəsində aktyor yaralanıb.
Əraziyə Təcili Tibbi Yardın briqadası göndərilib. İlk müdaxilənin ardından xəstəxanaya aparılan Şimşek ambulator olaraq müalicə olunduqdan sonra evə buraxılıb. Qeyd edək ki, Olgun Şimşek Azərbaycanda da sevilən "Eşkiya Dünyaya Hükümdar Olmaz" serialında "kimsəsiz Yaşar" rolu ilə tanınıb. Məqaləyə dair fotomateriallar:
Aziz Nesin Türkiye Yazarlar Sendikası başkanlığını yaparken, sendikanın ikinci başkanlığı görevinde bulunan Demirtaş Ceyhun, "Yaşasın Aziz Nesin" başlıklı kitabında, Nesin'in çay düşkünlüğünü şöyle anlatır : "Aziz Bey, dehşetli düşkündür çaya.. Şeker çayın tadını bozuyor diye, şeker de koymaz içine. Çalışırken de çaydanlık kaynar durur ocakta. Akşama kadar bilmem kaç bardak şekersiz çay içer.." Yıllar önce Aziz Nesin, Moskova'dan Tiflis'e geçmiştir. Uçak erken kalktığı için de çay içememiştir. Uçak, Tiflis'e iner inmez mihmandara "Aman" der, "bana bir bardak çay bulun !" Mihmandar, "Çay goley" der, "Hele bir otele gidelim !" Otele gelirler. Nesin yine "çay" diye tutturur. Mihmandar yine, "Çay goley canım.. Hele sen odana çık, eşyalarını bırak gel !" Aziz Nesin, çaresiz odasına çıkar, eşyalarını bırakır, elini yüzünü yıkadıktan sonra lobiye iner. Bir de ne görsün ? Masada bir şişe şarap ve iki kadeh.. O "Yahu bir bardak çay !" dedikçe mihmandar "Canım çay goley, önce birer yudum şarap içip gelişini kutlayalım. Hadi hoş gelmişsen.." diye karşı çıkmakta.. Bir bardak, bir bardak derken şişe biter öğle olmadan.. Şişe bitince Nesin yine "çay" diye tutturur.. Mihmandar yine "Çay goley canım" der, "hele şöyle bir Tiflis'i gezip görelim de.." Fazla uzatmayalım, yolda önemli bir Gürcü yazarla karşılaşılır ve Nesin zorla göl kenarındaki bir lokantaya götürülür.. Tabii hemen şaraplar söylenir.. İkindi olmuştur. Gölde yüzerler, çıkarlar ve tabii hemen şaraplar söylenir.. Artık akşam olmuştur. Bu kez de akşam yemeğine gidilir. Ama bu kez kadehle de içilmez şarap, Gürcü törelerine göre boynuzla içilir. Hem de bir dikişte !.. Aziz Nesin sonrasını anlatırken, ne kadar içtiğini, gecenin kaçına kadar içtiğini anımsayamadığını itiraf ediyor. Tek anımsadığı, bir masanın başına oturmuş, karşısında bir dolu insan. Fotoğraflarını çekiyorlar. Sorular soruyorlar. Meğer gezi bitmiş artık dönüyormuş, dönmeden önceki basın toplantısıymış bu !.. Gazetecilerden biri, "Tiflis'i nasıl buldunuz ?" diye sorunca Nesin hemen cevabını yapıştırmış : "Tiflis benim için kocaman bir tavan !" Birden bir sessizlik olmuş salonda. Şaşırmışlar. "Anlayamadık" demişler. "Anlayamayacak ne var ?" demiş Aziz Nesin, "Arkadaşlarınıza sorun. Geldiğimden beri şarap içmekten başka bir şey yapmadım. Sizin törelerinize göre de şarap boynuzla içiliyor. Boynuzla da yudum yudum içilemiyor. Boynuzun içini de boş bırakamıyorsunuz. Habire boynuzu kafaya dikmekten, tavandan başka bir yere bakamadım ki.. Tiflis deyince gözümün önüne kocaman bir tavan geliyor.. Hepsi bu. (REFİK DURBAŞ, "Rakı İle Edebiyat Muhabbeti") Teref.az
