Aprel ayı inflyasiya məlumatlarının açıqlanması ilə milyonlarla məmurun alacağı artım tempi bəlli olub.

Tribunainfo.az xəbər verir ki, açıqlanan 4 aylıq məlumata görə, dövlət qulluqçularının maaşlarına 12,29 faiz artım tətbiq olunacaq.

Türkiyə Statistika Təşkilatının (TÜİK) aprel ayı inflyasiya məlumatlarının açıqlanması ilə təqaüdçülər və məmurlar üçün 4 aylıq maaş artımı nisbətləri də bəlli olub.

Buna görə, SSK və BAĞ-KUR təqaüdçüləri yanvar-aprel dövründə meydana gələn yüzdə 13,36 inflyasiya fərqinə bərabər zam alma hüququna malikdirlər. Dövlət qulluqçuları üçün isə eyni dövrdə inflyasiya fərqi yüzdə 6,94 olaraq hesablanıb.

Ötən il Azərbaycanda hava nəqliyyatı ilə 4 milyon 44,7 min sərnişin daşınıb.
Yeniavaz.com açıqlanan rəsmi məlumatlara istinadən xəbər verir ki, hava nəqliyyatından istifadə edən sərnişinlərin 3 milyon 296,3 mini beynəlxalq, 748,4 mini isə daxili uçuşlardan istifadə edib.
Qeyd edək ki, ötən il sərnişin daşınmasından əldə olunan gəlir 2 milyard 99 milyon 1,4 min manat olub. Bu gəlirin 2 milyard 39 milyon 555,8 min manatı beynəlxalq uçuşlardan, 59 milyon 445,6 min manatı isə daxili uçuşlardan əldə olunub.
Məlumat üçün bildirək ki, 2020-ci ilin aprel ayında Azərbaycanda quru sərhədlər bağlandıqdan sonra hava nəqliyyatından istifadə edən sərnişinlərin sayı və əldə olunan gəlirlər kəskin şəkildə artıb.
Cədvəldə son 5 ildə hava nəqliyyatından istifadə edən sərnişinlərin sayı və əldə olunan gəlirlər qeyd olunub:

Bakının Nərimanov rayonu istiqamətində, “premium” statusu ilə təqdim olunan “Şəhər Bağları” yaşayış kompleksində satışa çıxarılan mənzil sosial şəbəkələrdə və ictimaiyyətdə tənqidlərə səbəb olub. Belə ki, 720 kvadratmetrlik dubleks mənzil 4 milyon 500 min manat qiymətinə təklif olunur. Amma bu qədər yüksək məbləğin sadəcə bina mənzilinə verilməsi ciddi suallar doğurur.

Yenisabah.az xəbər verir ki, mənzil yüksək mərtəbədə yerləşir, Avropa brendli mebellərlə təchiz olunub, tam təmirli və şəhər panoraması ilə təqdim edilir. Lakin bu təfərrüatlar belə, 4,5 milyon manatlıq qiymətin əsaslandırılması üçün yetərli görünmür. Tikili bina şəraitində olan bir mənzilə, o da Nərimanov istiqamətində, bu cür qiymət qoyulması qeyri-real və süni şəkildə şişirdilmiş bazar göstəricilərinə işarə edir.

Qeyd edək ki, “Şəhər Bağları” kompleksi paytaxtın ən elit sayılan mərkəzi hissələrində deyil, Nərimanov rayonu ətrafında yerləşir. Bəzi təbəqələrdə prestijli kimi qəbul olunsa da, bu ərazinin nə tarixi dəyəri, nə də infrastrukturu 4 milyonluq daşınmaz əmlak üçün əsaslı arqument sayılmır.

Digər tərəfdən, bu mənzilin hələ də “bina evi” formatında təqdim olunması – yəni torpaq payı olmayan, fərdi həyəti və mülkiyyət müstəqilliyi olmayan bir daşınmaz əmlak olması – onun bu qiymətə satışını daha da şübhəli edir. Ekspertlər qeyd edirlər ki, bu cür mənzillərin dəyəri daha çox imitasiyaya və görünüşə əsaslanır.

Sosial şəbəkələrdə isə bəzi istifadəçilər bu elanı istehza ilə qarşılayıblar: “Nərimanovda bina evi üçün 4,5 milyon? Həyətyanı torpaq da verirlər, yoxsa sadəcə liftlə panoramaya baxmaq haqqı üçündür?”

Belə görünür ki, şəhər mənzərəsi, brend mebellər və “dünya səviyyəli dizayn” kimi ifadələrlə bəzədilən bu satış elanı əslində Bakıda daşınmaz əmlak bazarındakı süni qiymət strategiyalarının bir parçasıdır.

"Tesla"nın model sırası köhnə və çox bahalıdır, avtomobilləri isə olduqca bahalıdır..."

İlon Maskın siyasətə qısamüddətli marağı ona milyardlarla dollarlıq ziyana başa gəlib. Amerikanın elektrik avtomobilləri istehsal edən "Tesla" şirkətinin əsas ixrac bazarı olan Avropada satışlar mart ayında təxminən 29 faiz azalıb, bu gün isə dünya iqtisadi nəşrləri artıq 50 faizlik geriləmədən yazır.

Moderator.az xəbər verir ki, bu barədə " The Wall Street Journal" nəşri yazıb.

Nəşr yazır ki, "Tesla"nın satışları Avropada ciddi şəkildə azalıb: Fransa, Danimarka və Almaniyada 60 faizədək geriləmə qeydə alınıb. İqtisadçılar bu meylin
davam edəcəyini bildirir.

Səbəblər arasında Maskın siyasətə müdaxiləsi, bahalı və köhnəlmiş model çeşidi, rəqabətli Çin elektromobilləri və Avropada yeni modellərə satış icazəsinin olmaması göstərilir. Qazanc və mənfəət kəskin düşüb. Nəşr İlon Maskın vəzifədən uzaqlaşdırıla biləcəyini yazsa da, bu iddialar rəsmi olaraq təkzib olunub.

Aprel ayında Fransada cəmi 863 ədəd “Tesla” avtomobili satılıb ki, bu da ötən ilin həmin ayına nisbətən 59,4 faiz azdır. Yanvar-aprel ayları arasında isə satışlar 43,9 faiz düşüb. Danimarkada apreldə 180 ədəd "Tesla" alınıb, bu da keçən ilə görə 67 faizlik bir eniş deməkdir. Almaniyada isə ilin ilk üç ayında, Maskın seçki kampaniyasına kobud müdaxiləsindən sonra satışlar 62 faiz azalıb.

İqtisadçılar düşünür ki, bu hələ satışların tam çökməsinin başlanğıcıdır: bir çox ölkələrin məlumatları hələ dərc edilməyib və onların da Mask üçün məyusedici olacağı gözlənilir. Qeyd olunur ki, məsələ təkcə şirkət rəhbərinin siyasi baxışlarına qarşı antipatiyada deyil. "Tesla"nın model sırası köhnə və çox məhduddur, avtomobilləri isə olduqca bahalıdır.

Rəqiblər, xüsusilə Çinin BYF şirkəti heç də geri qalmayan, amma daha ucuz elektromobillər təqdim edir. Digər bir məsələ də ondan ibarətdir ki, Avropa ölkələri hələ "Tesla"nın avtopilot funksiyaları olan yeni qabaqcıl modelinin satışına icazə verməyib. Halbuki bu model Şimali Amerikada uğur qazanıb. Nəticədə şirkətin birinci rübdəki gəliri 20 faiz, xalis mənfəəti isə 71 faiz azalıb.

Ötən həftə İlon Mask Hökumətin Effektivliyi Departamentinə ayırdığı vaxtı azaldacağını və "Tesla" işlərinə daha çox diqqət yetirəcəyini bildirib. Çərşənbə günü "The Wall Street Journal" yazıb ki, "Tesla"nın Direktorlar Şurası Maskın Tramp administrasiyası ilə sıx əməkdaşlığına görə onu baş direktor vəzifəsindən çıxarmaq üçün alternativ namizədlər axtarır.

İddialara görə, onlar artıq bir neçə iri şirkətin rəhbərləri ilə əlaqə saxlayıb. Lakin ertəsi gün Direktorlar Şurasının sədri bu məlumatı təkzib edib. Onun sözlərinə görə, şura Maskın şirkəti böhrandan çıxarmağa qadir olduğuna inanır. Mask isə məqaləni "açıq-aşkar saxtakarlıq" adlandırıb.