 |
|
|
AVRO-2024-ün seçmə mərhələsində VII tura yekun vurulub.
Oxu.Az xəbər verir ki, İtaliya millisi öz meydanında Maltaya böyük hesabla qalib gəlib - 4:0.
Qolları Cakomo Bonavemtura, dubl edən Domeniko Berardi və Davide Frattezi vurublar.
Beş matçda 10 xal toplayan İtaliya C qrupunda ikincidir. Malta isə xal toplaya bilməyib və sonuncu - 6-cı pillədədir.
Günün Macarıstan - Serbiya marşı da meydan sahiblərinin qələbəsi ilə başa çatıb - 2:1.
Barnabas Varqa və Roland Salayın qollarına qonaqların heyətində yalnız Straxinya Pavloviç cavab verə bilib. Qələbə macarları G qrupunda birinci yerə yüksəldib.
Komandanın 13 xalı var. Üç xal az toplayan Serbiya ikincidir.
Danimarka isə öz meydanında Qazaxıstandan güclü olub - 3:1.
Yonas Vind və Robert Skov danimarkalıların qələbə qollarını vurublar. Qonaqların təsəlli topunu Ya Voroqovski rəqib qapısından keçirib.
Danimarka hazırda 16 xalla H qrupunda ikincidir. 12 xala malik qazaxlar dördüncü yerdə qərarlaşıblar.
14.10.2023, 22:01
AVRO-2024-ün seçmə mərhələsinin VII turunda daha iki oyun keçirilib.
Oxu.Az xəbər verir ki, Litva səfərdə Bolqarıstana qalib gəlib - 0:2.
Qələbə sayəsində xallarını beşə çatdıran Litva G qrupunda dördüncüdür. İki xalı olan Bolqarıstan sonuncu - beşinci pillədə qərarlaşıb.
H qrupunda Sloveniya Finlandiyanı qəbul edib. Qarşılaşma meydan sahiblərinin böyük hesablı qələbəsi ilə başa çatıb - 3:0.
Bu qələbədən sonra 16 xalı olan Sloveniya qrupda vahid liderdir. Finlandiya 12 xalla üçüncüdür.
21:23
AVRO-2024-ün seçmə mərhələsində VII turun iki oyunu keçirilib.
Oxu.Az xəbər verir ki, C qrupunda yer alan Ukrayna Çexiyanın paytaxtı Praqada qəbul etdiyi Şimali Makedoniyanı məğlub edib - 2:0.
Qolları 30-cu dəqiqədə Georgi Sudakov və 90+5-ci dəqiqədə Aleksandr Karavayev vurublar.
Qələbə sayəsində xallarını 10-a çatdıran Ukrayna qrupda ikincidir. Komanda lider İngiltərədən üç xal geri qalır, üçüncü İtaliyadan isə eyni qədər öndədir. Lakin italyanlar iki, ingilislər bir oyun az keçiriblər.
H qrupunda Şimali İrlandiya öz meydanında San-Marinoya böyük hesabla qalib gəlib - 3:0. Qolları Pol Smit, Coş Maqennis və Konor Makmenamin vurublar.
Şimali İrlandiya hazırda altı xalla qrupda beşincidir. Sonuncu - altıncı olan San-Marinonun xalı yoxdur.
Faiq Tahirov