Sakinlər yola görə dəfələrlə aidiyyəti qurumlara müraciət etsələr də, nəticəsi olmayıb

“Yazaraq sizdən xahiş edirik ki, problemimizi işıqlandırasınız. Kəndimizə giriş çay üzərindən quraşdırdığımız taxta parçalarının üzərindən keçir, çay daşanda uşaqların gediş-gəlişi təhlükəli olur. İşıq, qaz, kənddaxili yollarımızla bağlı problemlərimiz var. Uzun illərdir ki, dərdimizi dinləyən bir məmur tapmırıq”.

Masallının Təklə kəndinin sakinləri Meydan TV-yə kənddəki problemlərdən danışırlar. Onlar Meydan TV-yə yazdıqları məktubda iddia edirlər ki, kəndin uzun illərdir həllini tapmayan saysız-hesabsız problemi var. Bu problemlərin həlli üçün dəfələrlə aidiyyəti qurumlara müraciət etsələr də, qulaqları boş vədlər eşidib.

Kəndin girişindəki taxta “körpü”

Məktubda imzası yer alan sakinlərdən biri Həsən Həsənov bu problemlər ətrafında danışır. Söhbətə yoldan başlayır. Deyir, kəndə giriş üçün bir əsas yol var ki, o da Viləş çayının üzərindəki taxta parçalarından ibarətdir:


“İllərdir ki, özümüz çayın əsas qolunun üzərindən kəndə keçid etmək üçün taxta parçaları bərkitmişik. Sizə göndərdiyimiz fotolardan da görəcəksiniz ki, o taxtanın üstündən maşın keçə bilməz. Özümüz zorla o tərəf-bu tərəfə keçirik. Hökumət kəndə bir yol çəkmir ki, rahat get-gəl edək. Kəndə gəlmək üçün maşını qonşu kəndlərdə saxlamalı, o taxtanın üstündən keçməli oluruq”.

Sakinlər yola görə dəfələrlə aidiyyəti qurumlara müraciət etsələr də, nəticəsi olmayıb:

“Rəhmətlik Heydər Əliyev deyirdi ki, yol mədəniyyətdir, təəssüf ki, biz bu mədəniyyətdən uzaq bir kənddə yaşamaq məcburiyyətindəyik. Kənddə ağır xəstə olanda, yanğın baş verəndə nə təcili yardım, nə də yanğınsöndürənlər yetişə bilir”.

Sakinin sözlərinə görə, kənddaxili yollar da bərbad vəziyyətdədir:

“Yağış, qar yağanda kənddaxili yollar keçilməz olur. Uşaqlarımız məktəbə çətinliklə gedib-gəlirlər”.

Seldən sonra…

2015-2022-ci illər ərzində kəndə bir neçə dəfə sel gəlib. Olan-qalan təsərrüfatları yuyub aparıb, evlərə zərər vurub. Ancaq dəymiş zərərə görə kəndlilərə kompensasiya ödənilməyib:

“Əhali kənddən Fövqəladə Hallar Nazirliyinin göndərdiyi qayıqlarla çıxarıldı. Təsərrüfatlarımız, evlərimiz su altında qaldı. Hökumət bizimlə maraqlanmadı. Çayın içərisi hələ də təmizlənməyib, 2020-ci ildən işlər yarımçıq qalıb”, – sakin sözünə davam edir.

Köhnə transformator işə yaramır

Kənddə işıq problemi də var. Sakinlərin deməsinə görə, 2016-cı ildə kabelləşmə işləri aparılsa da, transformator quraşdırılmayıb. Hazırda istifadə olunan 3 kilometr aralıdakı transformatorsa tələbatı ödəmir. Qaz olmadığı üçün elektrik cihazlarından istifadə etmək məcburiyyətindədir. Ancaq bu, köhnə transformatorla mümkün olmur. Tez-tez ya transformator, da elektrik cihazları sıradan çıxır:

“Məsələylə bağlı Masallı Elektrik Şəbəkəsinin rəisi Samir Hüseynova da müraciət etmişik. Bu qədər sakinin problemi nəzərə alınmır, insanları çarəsiz duruma salırlar”.

Sakinlər deyir, kənddə qaz olsa elektrik cihazlarına üstünlük verməzlər. Kəndə qaz xətti çəkilib, ancaq bir çox evə sayğac qoyulmayıb, qaz verilməyib:

“Evlərə qaz sayğacı qoyulmur, pul tələb olunur. Qarşıdan qış gəlir, havalar soyumağa doğru gedir. Yenə istilik baxımından çətinlik çəkəcəyik. Meşələrə ayaq basa bilmirik, ağacların kəsilməsi inzibati məsuliyyət yaradır. Axı niyə bu qədər qoca, uşaq soyuqdan donmalıdı?”

İcra hakimiyyəti bələdiyyəyə tövsiyələr edib

Masallı rayon İcra Hakimiyyətindən bildirilib ki, sakinlər dəfələrlə bu quruma da müraciət ediblər. İcra hakimiyyəti də aidiyyəti qurumlara məktub göndərib, problemlərin həlli üçün müraciət edib. Aidiyyəti qurumlardan gələn cavablarda kənddəki bu problemlərin aradan qaldırılması üçün işlər aparıldığı bildirilib:

“Təklə ərazi nümayəndəsinin və Təklə kənd bələdiyyəsinin nümayəndələrinin iştirakıyla problemlər araşdırılıb. Yol Təklə bələdiyyəsinin balansında olduğuna görə çayın üzərindən salınmış körpünün və yolun təmir edilməsi üçün bələdiyyəyə tövsiyələr olunub. Bələdiyyənin təqdim etdiyi arayışa görə, vətəndaşların dəstəyi ilə sözügedən körpüdə təmir işləri aparılması üçün hazırlıq işləri aparılıb. Qaz sayğaclarının quraşdırılması ilə bağlı “Qaz təchizatı haqqında” Qanun sakinlərə izah edilib, bildirilib ki, müvafiq sənədlərini toplayaraq Masallı ASAN Xidmətə müraciət etməlidilər”.

Meydan TV

Göyçay Peşə Liseyindən bir sıra tələbə dərslərdə davamlı iştirak etmədiyi üçün liseydən xaric edilib.

"Cebheinfo.az" xəbər verir ki, bu barədə APA-nın sorğusuna cavab olaraq Peşə Təhsili üzrə Dövlət Agentliyindən bildirilib.

Qeyd edilib ki, 2024-cü ilin 4-7 iyun tarixlərində agentlik Göyçay Peşə Liseyində tədrisin təşkili vəziyyətinə, tələbələrin dərslərə davamiyyətinə baxış keçirib.

“Monitorinq zamanı tələbələrin davamiyyəti yoxlanılarkən 77 nəfər tələbənin uzun müddət heç bir səbəb göstərmədən dərslərdə iştirak etmədiyi məlum olub. Araşdırmanın nəticəsi olaraq, həmin tələbələrin dövlət buraxılışı imtahanı nəticələri ləğv edilərək liseydən xaric ediliblər”.

Qeyd edək ki, liseyin direktor vəzifəsini icra edən direktor müavini Günel Əhmədova və baş mühasibi Laçın Vəliyevin əmək müqaviləsinə xitam verilib.

SOCAR Azneft İB rəhbərliyinin diqqətinə
Şikayət neftçi xanımındandır
Problemin diqqətlə araşdırılmasına ciddi ehtiyac duyulur☝️
Salam Mirvari xanım! Mənim yoldaşım "28 May" NQÇİ də çalışır. Əvvəllər bir həftəlik rejimdə çalışırdı, indi isə 15 günlük. Bir neçə dəfə müraciyət etsədə 15 günlükdən bir həftəlik rejiminə keçirmədilər. Necə olur idarə işçiləri rəisə müraciyət edib bir həftəlik işləyə bilir sadə fəhlə isə yox?! Əgər qanun hamı üçündürsə onda niyə onlara olar amma mənim yoldaşıma yox? Təzə rəis gəlib idarəyə, ümid edirdik ki, bəlkə o göz işığı verər camaata amma yox. Köhnə hamam köhnə tas. İcazə yoxdursa onda bir həftəlik işləyənləri də eləsinlər 15 günlük. Xahiş edirəm mənim bu yazımı dərc edəsiniz, bəlkə insafları oyanar.
Mirvari Gahramanli

Bakıda obyektin qarşısının zəbt olunması ilə bağlı oxuculardan biri redaksiyamıza şikayət ünvanlayıb. Avtosfer.az xəbər verir ki, söhbət paytaxtın Nəriman Nərimanov rayonundan gedir.

Belə ki, Yanvar Nəsirov və Zeynal Xəlilov küçələrinin kəsişməsində (keçmiş Montin bazarının yanında) yerləşən "RR Construction" tikinti şirkətinin qarşısı qanunsuz olaraq zəbt olunub: "Əvvəl sakinlərlə birgə avtomobilimizi orada rahat park edə bilirdik. Lakin indi dəmir maneələr quraşdırılaraq ərazi özəlləşdirilib. Aidiyyəti qurumlardan xahiş edirik ki, dövlətin yolunu şəxsi parklanmaya çevirən şəxsləri məsuliyyətə cəlb etsin və quraşdırılmış dəmir maneələr sökülsün" - deyə oxucu bildirib.

Qeyd edək ki, İnzibati Xətalar Məcəlləsinin 354.0.4-cü maddəsinə əsasən, yolların hərəkət hissəsində sədlərin, şlaqbaumların qurulmasına və nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılmasına görə, fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilə bilər.

Ötən gün gecə saatlarında yük maşını və mopedin iştirakı ilə ağır yol-nəqliyyat hadisəsi qeydə alınıb. Nəticədə kuryer işləyən mopedin sürücü benzin daşıyan yük avtomobilinin təkərləri altında qalaraq ölüb. Faciəvi hadisə ölkədə fəaliyyət göstərən minlərlə moto-kuryerin təhlükəsizliyini bir daha gündəmə gətirir.

Digər moped sürücülərinin aqibətinin də belə olmaması üçün hansı tədbirlər görülməlidir?

Analoji qəzalarla bağlı “Yeni Sabah”a açıqlama verən nəqliyyat eksperti Elməddin Muradlı moto-kuryerlərin bəsit səhvlərə yol verdiyini vurğulayıb: socar vakansiya

“Moto-kuryerlər, ümumiyyətlə, moped, motosiklet sürücüləri ilə bağlı son vaxtlar narahatlıq doğuran vəziyyət müşahidə edilməkdədir. Onların iştirakı ilə baş verən qəzalarda primitiv səhvlərə yol verilir. Bu da acı və ağır hadisələrlə nəticələnir. Təəssüf ki, belə hadisələrə görə həmin nəqliyyat vasitələrinin sürücüləri həyatlarını itirirlər. Nəticənin faciə doğurmaması üçün sürücülərin diqqətli olması, yol hərəkəti qaydalarına əməl etməsi lazımdır. Təəssüf ki, onlar bəzən idarə etdikləri nəqliyyat vasitəsinə bir oyuncaq kimi baxırlar. Dəfələrlə bu şəxslərə xəbərdarlıq olunub, müxtəlif tədbirlər görülüb. Texniki nasaz nəqliyyat vasitələri ilə yola çıxan moped sürücüləri, eyni zamanda digər qayda pozuntularına yol verənlər də var”.

Ekspert məsələ ilə bağlı bir sıra tövsiyələr də verib:

“Belə hallarla mübarizə aparmaq, bədbəxt hadisələrin qarşısını almaq üçün təbliğat işlərinə ehtiyac var. Sözügedən nəqliyyat vasitəsinin sürücüləri hər hansı bir şirkətin əməkdaşlarıdır. Bu baxımdan, hesab edirəm ki, bu şirkətlərlə elə bir iş qurmaq lazımdır ki, onlar öz əməkdaşlarına təsir edərək, yol hərəkəti qaydalarına əməl etmələri üçün razılaşsınlar. Əks halda, çox ciddi fəsadlarla qarşılaşacağıq”.

Nərimanov Tibb Mərkəzinin baş direktoru Fazil Alməmmədov Dövlət Əmək Müfəttişliyi Xidmətinin Bakı Şəhər İdarəsi tərəfindən cərimələnib.

Qurum baş direktora İnzibati Xətalar Məcəlləsinin 192.6-cı maddəsi ilə cərimə yazıb.

Bu maddə işçinin əmək müqaviləsinə əmək qanunvericiliyinin tələbləri pozularaq xitam verilməsi ilə bağlıdır.

Maddədə inzibati cəza növü kimi vəzifəli şəxslərin 1500 manatdan 2000 manatadək məbləğdə cərimə edilməsi nəzərdə tutulur.

Fazil Alməmmədov qərarla bağlı məhkəməyə şikayət verib. Onun şikayətinə Nərimanov Rayon Məhkəməsində baxılacaq. Xalidə Əlisoy iş üzrə hakim təyin edilib. Fazil Alməmmədov işçini işdən qanunsuz çıxarıb?

Milli Məclisin VI çağırış deputatı İqbal Məmmədova məxsus olan Lerikdəki "Relax" İstirahət Mərkəzinin əl dəyişdirəcəyi deyilir.

Qaynarinfo-nun məlumatına görə, yay mövsümü bitdikdən sonra "Relax"ın fəaliyyəti yeni yaradılcaq törəmə şirkəti tərəfindən qurulacaq.

Şirkətin qanuni təmsilçisi və baş direktoru dəyişəcək. Hazırda müəssisədə təhvil-təslim işlərin aparılması üçün proseslər gedir.

İqbal Məmmədov bu ilin sentyabrın 1-də keçiriləcək parlament seçkilərində hakim Yeni Azərbaycan Partiyasının siyahısından kənarda saxlanılıb.

Deputatlığı müddətində İqbal Məmmədovun adı müxtəlif qalmaqallarda hallanıb. Onunla bağlı ən qalmaqallı xəbər ləğv edilən Vergilər Nazirliyinin 6 saylı Ərazi Vergilər Baş İdarəsinin əməkdaşlarının "Relax"da operativ vergi nəzarəti tədbirləri keçirmək istəyərkən deputatın oğlu Mirhəmid, qardaşı oğlu Orxan, bacısı oğlu Pərviz və onların dostları tərəfindən döyülmələri olub.

Daha bir qalmaqallı xəbər isə "Relax"da çayçı işləyən Lənkəran rayonu Təngivan kənd sakini, 1980-ci il təvəllüdlü Sücayev Anar Hüseyn oğlunun meyitinin işlədiyi çayxanadan təqribən 20 metr aşağıda axan dağ çayında aşkar olunması olub.

Deputatın 2017-ci ildə "Lerik Broyler" MMC-sində baş verən partlayış nəticəsində Vüqar Abbasov adlı şəxs ölüb, xeyli sayda insan yaralanıb.

İqbal Məmmədov bir milyon manat dəyəri olan mənzillərinin əlindən alınması, həmçinin müxtəlif fotolarla şantaj edilməsi ilə də gündəmə gəlib.

Hazırda İqbal Məmmədovun qeyri-rəsmi sahibi olduğu şirkətlərin dövlətə milyonlarla vergi borcu var. Deputatın qardaşı və qohumlarının rəhbərlik etdiyi şirkətlərin vergi borcu 10 milyon manatdan çoxdur.

Belə ki, "Kaspi Yıldız" Azərbaycan-Türkiyə Müştərək Müəssisəsinin 9.393.819,13 manat, "Lerik Broyler" MMC-nin 22.560,79 manat, həmçinin digər şirkətlərinin də külli miqdarda vergi borcu var.

"AZBİZNESSERVİS" MMC məhkəməlik olub.

32gun.az xəbər verir ki, sözügedən şirkət barəsində İnzibati Xətalar Məcəlləsinin 464-cü maddəsi ilə (Vergilərin, Rüsumlarin Ödənilməsi, Maliyyə Və Siğorta Qaydalari Əleyhinə Olan Inzibati Xətalar) protokol hazırlanıb.

Hazırlanmış protokol Naftalan Şəhər Məhkəməsinə təqdim edilib. Məhkəmə işi hakim Ayaz Səlimovun icraatındadır.

Bildirək ki, nizamnanmə kapalı 25629169.11 AZN olan şirkətin qanuni təmsilçisi Safi Orhan Kutluaydır.

İnternet resurslarında axtarış apardığımız zaman məlum oldu ki, Safi Orhan Kutluay

Naftalanın ən nüfuzlu kurort istirahət mərkəzlərindən biri hesab olunan "Garabag Resort & Spa" otelinin direktorudur.

“Digər dairələrdə də, rayonlarda da KXCP-dən olan namizədlərin təbliğatına maneçilik hallarına rast gəlinib...”

“Bununla yanaşı, bizimlə də, seçicilərlə də səmimi, mədəni rəftar edən polislərlə də rastlaşdıq. Hətta bəziləri bizimlə əl sıxıb görüşürdülər də...”

“Seçicilərimizlə ilk görüşlərimizdə təbliğat-təşviqat işlərinə müəyyən maneçilik halları oldu. Məsələn, bəzi yerlərdə asayişi təmin etməli olan kəslər görüşə gələnlərə “maraqlı nə var ki, burada, həmişə eşitdiyiniz sözləri deyirlər, nə üçün toplaşırsız” deyərək onları görüşdən çəkindirməyə çalışırdılar. Amma sonra hər kəsə öz işini, vəzifəsini anlatdıq... Bununla yanaşı, bizimlə də, seçicilərlə də səmimi, mədəni rəftar edən polislərlə də rastlaşdıq. Hətta bəziləri bizimlə əl sıxıb görüşürdülər də... Biz də onlara asayişi təmin etdiklərinə görə təşəkkürümüzü bildirirdik. Yəni həm tənqid, həm də təqdir olunası məqamlar var”.

Bunları Moderator.az-a açıqlamasında təbliğat-təşviqat kampaniyasının gedişatında rast gəldiyi neqativ hallardan bəhs edən 43 saylı Sumqayıt 2-ci seçki dairəsindən Milli Məclis üzvlüyünə namizəd, KXCP sədri Mirmahmud Mirəlioğlu dilə gətirib.

“Mənzil istismar sahələrinin(MİS) rəhbərləri də müxtəlif məkanlarda müxtəlif cür davranır. Bəzilərindən soruşuruq, xahiş edirik ki, sizin ərazidə yaşayan şəhid ailələri və qazilərin adlarını, ünvanlarını deyə bilərsinizmi, onlarla görüşək. Çox çətinliklə cavab verirlər, “yox, bizim sahədə şəhid ailəsi, ümumiyyətlə, yoxdur və yaxud cəmi iki şəhid ailəsi var” deyə uydurmalar söyləyirlər. Amma digər MİS rəhbərləri bizə canla-başla həm şəhid ailələri, həm də qazilərlə görüşməyimizə dəstək olurdu. Yəni həm öz işinə, vəzifəsinə qanunlara uyğun olaraq vicdanla, səmimi yanaşanlara, həm də qəti şəkildə azad seçkilərin, demokratiyanın əleyhinə olanlara, vəzifələrinə uyğun davranmayanlara rast gəldik və mən hesab edirəm ki, bunlar təbii haldır. Bununla belə, seçki kampaniyasının gedişinə birbaşa, açıq şəkildə mane olmaq hallarına rast gəlmədik”, - deyə deputatlığa namizəd əlavə edib.

“Əsas neqativ hallar ondan ibarətdir ki, şəkillərə, plakatlara qarşı mübarizə var. Və bu işdə həm rəqib namizədlər, həm də icra strukturları iştirak edib. İcra qurumları, yəqin ki, tənqidlərimizi, çağırışlarımızı nəzərə alıb dayanıblar. Bizim dairədə bizdən başqa görüş keçirən namizəd yalnız YAP-ın namizədidir, o da deyəsən, səhvən ötən seçkilərdəki dairəyə də gedib çıxır. Onu deyim ki, digər dairələrdə də, rayonlarda da KXCP-dən olan namizədlərin təbliğatına maneçilik hallarına rast gəlinib. Məsələn, rayonlardan birində görüş yeri təyin ediblər, sonra ləğv ediblər, görüşə imkan verməyiblər. Və s. Lakin MSK-nın, MSK-dakı səlahiyyətli nümayəndələrimizin müdaxiləsindən sonra bəzi məsələr həllini tapıb, bəziləri də olduğu kimi qalır. Bütün bunlar haqda müvafiq qurumlara və MSK-ya rəsmi məlumatlar verilib, həmçinin sosial şəbəkələrdə paylaşımlar edilib”,- deyə partiya sədri yekunlaşdırıb.

Sultan Laçın