Əməliyyat olunan NEFTÇİNİN həkimə HAQLI İRADI,HƏKİMİN onu ƏMƏLİYYAT etməsindən İMTİNAYA SƏBƏB OLDU.

Yaradılıb 11.09.2024 09:33 | Baxış sayı: 191
Ardını oxu...
Mənimlə 4 il əvvəl eyni palatada qalan neftçi - rayonda düzgün əməliyyat olunmamışdı. Onu təkrar əməliyyat olunmaq üçün Bakıya gətirilmişdilər. 2 gün idi əməliyyat olunmağı gözləyirdi.Təbii ki, sığorta hesabına. Həkim isə onun qohumlarına demişdi ki, sınıq yerinə qoyulan Mil üçün firmaya vermək üçün 1000 manat da nağd pul ödəməlisən. Nəhayət ki, 3 gün sonra həkim gəlib neftçiyə dedi ki, hazırlaş 1 saatdan sonra səni əməliyyata alacam. 3 gün ağrılar içində həkimi gözləyən Neftçi də çox mədəni surətdə həkimə dedi ki,artıq 3 gündür ki, burdayam, ağrılar içində, lakin bir dəfə də olsun gəlib məni yoxlayıb, baş çəkməmisiniz.
Bu sözdən sonra əsəbləşən həkim isə, onu əməliyyat etməyəcəyini bildirdi. Sonradan bu həmin neftçini başqa həkim əməliyyat etdi.
Ən maraqlısı da o idi ki, yeni həkim ayağa qoyulan Mil üçün firmaya tapşırdı ki, Mili birbaşa xəstənin özünə verib pulu alın. Firma bu Mili mənim yanında neftçiyə 400 manata satdı. Nə az, nə çox 600 manat fərqlə.
Daha maraqlısı da o idi ki, neftçini əməliyyat etməkdən imtina edən C.N. adlı bu həkim və ya QƏSSAB və ya daha doğrusu SAXTAKAR 2 dəfə məni də əməliyyat etmişdi, həkim eyni bu Millərə görə hər dəfə məndən əlavə 1000 manat pul almışdı. Saxtakar və şərəfsiz qəssab Həkim, əməliyyat pulundan əlavə, aldatma yolu ilə Millərə görə məndən nə az, nə çox düz 1200 manat pul almışdı, əlbəttə ki dələduzluq edərək.
Azer Quliyev
TEREF
 

“Baktelecom” Yaşar Qılıcovdan 168 min manata anbar icarəyə götürür -TENDERSİZ

Yaradılıb 11.09.2024 09:08 | Baxış sayı: 211
Ardını oxu...
“Bakı Telefon Rabitəsi” MMC (“Baktelecom”) Qılıcov Yaşar Sayad oğlu ilə satınalma müqaviləsi imzalayıb.
Yeniavaz.com xəbər verir ki, “Baktelecom” bu müqaviləni tender müsabiqəsi keçirmədən, bir mənbədən satınalma metodu əsasında imzalayıb.
Müqavilənin şərtlərinə görə “Baktelecom” Qılıcov Yaşar Sayad oğlundan bir il müddətində anbar icarəyə götürəcək və qarşılığında 168 min manat ödəyəcək.
 
 
 

Saray körpüsü uçma təhlükəsi ilə üz-üzə- Videoreportaj

Yaradılıb 10.09.2024 09:19 | Baxış sayı: 186
Ardını oxu...
Sumqayıt şəhərini Saray qəsəbəsi ilə birləşdirən körpüdə təhlükəli vəziyyət hələ də davam edir. Neçə ildir ki, bir hissəsində yaranmış çatlara görə körpü uçmaq təhlükəsi ilə üz-üzə qalıb. Oradan keçən avtomobillər böyük risk altında hərəkət edirlər. Maşınların keçidi zamanı körpünün silkələndiyi aydın hiss olunur. Hətta sürücülər maşınları saxlamasın deyə həmin hissədə işıqforun fəaliyyəti dayandırılıb.

Saray sakinlərinin sözlərinə görə, orada risk hər ötən gün bir az da artır. Vətəndaşlar həmin yolu xüsusi həyəcanla keçir.

“Azyaşlı övladlarımız avtobusla həmin hissədən keçirlər. Hər gün dua edirik. Hər şey ola bilər. Olacaq bir dəfə olur”,- deyə sakinlərdən biri bildirir.

Saraylıları ən çox narahat edən ağır çəkili yük maşınlarının həmin hissədən keçididir.

“Yolun yük maşınlarına tab gətirəcəyinə əmin deyilik. Ağır çəkili avtomobillər keçəndə deyirik ki, indicə körpü uçacaq”.

Sakinlər deyir ki, hər dəfə yamaq vurmaqla aidiyyəti orqanlar vəziyyətdən çıxırlar. Ancaq körpünün bir yolluq təmiri hələ də ləngiyir

Məsələ ilə bağlı Sumqayıt şəhər İcra Hakimiyyəti ilə əlaqə saxladıq.

Bildirildi ki, Sumqayıt şəhər İcra Hakimiyyəti tərəfindən aidiyyəti qurumlara müraciət olunub və körpüyə ilkin baxış keçirilib. Yaxın günlərdə körpüyə yenidən kompleks baxış keçiriləcək və qəzalı vəziyyətdə olub-olmaması ilə bağlı müvafiq rəy hazırlanacaq. Rəyin cavabına uyğun olaraq körpüdə tədbirlər görüləcək.

Yol nəqliyyatı üzrə ekspert Elməddin Muradlı Musavat.com-a açıqlamasında bildirib ki, yollarda, körpülərdə, ötürücülərdə təhlükəli vəziyyət varsa, mütləq müayinə aparılmalı və bu təhlükə vaxtında aradan qaldırılmalıdır. Sürücüləri risk qarşısında qoymaq olmaz.

“Xeyli müddətdir Saray körpüsündə təhlükə barədə məlumat yayılsa da rəsmi olaraq fikir bildirilmir. Biz hələ də bilmirik ki, orada təhlükə var, yoxsa yoxdur. Vizual görünən təhlükədir, yoxsa dərindən araşdırmalıdır. Nə dərəcədə risk var. Saray körpüsü sökülüb yenidənmi tikilməlidir, yaxud hansısa cari təmirlə aradan qaldırmaq mümkündür. Bu barədə məlumat olmadığına görə bizim üçün də konkret fikir bildirmək çətindir. FHN, AYNA mütləq ərazini nəzarətə götürməli və təhlillər aparılmalıdır”.

 
 
 

 Burda vergidən YAYINIRLAR? - ƏGƏR ELƏ DEYİLSƏ...

Yaradılıb 09.09.2024 09:58 | Baxış sayı: 262

Ardını oxu...
""Elmlər Akademiyası" metrosu yaxınlığında yerləşən "Padişah" restoranına gələnlər dünən (keçən şənbə günü nəzərdeə tutulur -red.) peşmanlıq və təəssüf hissi ilə ayrılırdılar..." Dia-az.İnfo xəbər verir ki, bu barədə "Müştərinin Səsi" sosial qrupundakı paylaşımında Pərvanə İsgəndərova adlı istifadəçi giley edir.
Narazı vətəndaş daha sonra yazır: "Müştərilərinə əvvəlcədən heç bir xəbərdarlıq etməyi lazım bilməyən restoran rəhbərliyi, hesab alınma məqamında nağdsız ödəmə terminallarının işləmədiyini bildirirdi. Üzərində nağd pulu olmayanlara isə çıxış yolu kimi əgər tək gəlibsə kiməsə zəng edib pul gətirməsini deməyi, əgər iki və daha çox adam gəlibsə digərləri orda qalmaq şərtilə biri gedib ən yaxın terminaldan pul çıxarıb gətirməsini bildirirdilər. Heç üzrxahlıq belə etmirdilər, hətta sonda ödənilən məbləğdən servis haqqını da tutmağı unutmurdular.
"Padişah" Restoran dünən saatlarla mövcud oıan problemi aradan qaldırmaq yolunda fəaliyyətsizliyinizdən və ofisiantları çıxmaq şərtilə digər səlahiyyətli əməkdaşlarınızın müştərilərlə davranışından dolayı ayıb olsun sizə.
Əgər problem ən azından bir saatdan artıq bir vaxtda həll oluna bilinmirsə təzə gələn müştəriyə bu barədə hər hansı bir məlumat verilməlidir. Hazırda ödəniş etmək istəyən müştəriyə də bir şərait yaradılmalıdır ki, kartdan-karta ödəmək vasitəsilə vəziyyətdən çıxsın. Yoxsa ki, gələn iki nəfərdən birini pul çıxartmağa göndərib, digərini "girov" kimi saxlamaq düzgün həll yolu deyildi..."
 

Bu halda avtobus zolağında dayanmaq olar - CƏRİMƏSİ YOXDUR - VİDEO

Yaradılıb 09.09.2024 09:33 | Baxış sayı: 224
Ardını oxu...
Hərəkət zamanı avtomobildə yaranmış nasazlığa görə sürücülər məcburi dayanma etməli olurlar. Avtobus zolağı olan yollarda məcburi dayanmanın hansı zolaqda edilməsi ilə bağlı redaksiyamıza çoxsaylı suallar ünvanlayırlar. Cərimələnməkdən çəkinən əksər sürücü nasazlıq baş verən zaman ikinci zolaqda saxlamağa məcbur olurlar. Qanunvericiliyə görə, belə hallarda hansı zolaqda dayanmaq düzgün hesab olunur?

Sürücülərə qaranlıq qalan bu məsələyə hüquqşünas Ərşad Hüseynov aydınlıq gətirib. O bildirir ki, “Yol hərəkəti haqqında” qanunun 52-ci maddəsinə görə, avtobus zolağında dayanmaq qadağan olunduğu kimi, ikinci zolaqda da dayanmaq qadağandır. Lakin bu qanunun 55-ci maddəsində qeyd olunub ki, məcburi dayanma vəziyyəti yaranarsa sürücü imkan daxilində nəqliyyat vasitəsini hərəkət hissəsinin kənarına çəkməlidir. Hətta mümkündürsə hərəkət hissəsindən çıxarmalıdır. Amma hərəkət hissəsindən kənara çıxarmaq mümükün deyilsə, ən azından hərəkət hissəsinin kənarına çəkməlidir. Hərəkət hissəsinin kənarında avtobus zolağı varsa sürücü bu zolaqda məcburi dayanma edə bilər. Avtomobili təxliyyə edənə qədər və yaxud da məcburi dayanmanın səbəbini aradan qaldırana qədər avtobus zolağında dayanan sürücüyə, heç bir cərimə yazılmamalıdır. Əgər cərimə yazılıbsa sürücünün şikayəti əsasında həmin cərimə ləğv edilməlidir.


 
 
 

Adil Vəliyev işinin öhdəsindən gələ bilmirsə... - ACINACAQLI DURUM...

Yaradılıb 08.09.2024 09:54 | Baxış sayı: 282
Ardını oxu...
Son zamanlar Bakının müxtəlif qəsəbələrində məişət tullantılarının qalaqlanması, vaxtında daşınmaması hallarını müşahidə edirik. Məsələn, Pirşağı qəsəbəsində və Binəqədi ərazisində bu kimi hallarla qarşılaşırıq. Sanki bu ərazilərin təmizlənməsinə məsul olan qurumların əli-qolu bağlanıb. Sanki bu qurumlar düşünür ki, fəaliyyətsizlikləri cəzasız qalacaq. Hələ bu azmış kimi vətəndaşlar da tullantılarını ətrafa səpələməkdən sanki xüsusi zövq alırlar. Bəs qanun nə deyir?
Hüquqşünas Ramil Süleymanov Bizimyol.info xəbər portalına açıqlamasında bildirib ki, məişət tullantılarının qalaqlanması, urnalardan kənara atılması ilə bağlı Azərbaycan Respublikasının İnzibati Xətalar Məcəlləsinə görə məsuliyyət müəyyən olunub.

“Məişət tullantılarının kənara atılması ilə bağlı fərqli müddəalar var. Vətəndaşların bir çox hallarda məsələn istirahətdə olduğu zaman, meşələrdə olduğu zaman meşə fondunun torpaqlarını istehsalat və məişət tullantıları ilə zibilləndirməsi Azərbaycan Respublikasının İnzibati Xətalar məcəlləsinin 244.1-ci maddəsinə görə, fiziki şəxslər 500 manatdan 800 manata qədər, vəzifəli şəxslər 2 min manatdan 2500 manata qədər, hüquqi şəxslər 7500 manatdan 10 min manata qədər cərimə olunurlar”-deyə hüquqşünas bildirib.

Ramil Süleymanov qeyd edib ki, vətəndaşlar məişət tullantılarını nəzərdə tutulmuş zibil qablarından kənara atdıqda, məsələn urnalardan kənara atdıqda bu Azərbaycan Respublikasının İnzibati Xətalar Məcəlləsinin 266.3-cü maddəsinə əsasən inzibati məsuliyyətə səbəb olur. Vətəndaş buna görə 50 manat məbləğində cərimə olunur.

“Sənaye və məişət tullantılarının qalaqlanması və yandırılmasının düzgün aparılmamasına görə dövlətin vəzifəli şəxsləri o cümlədən cavabdeh təşkilatlar bununla bağlı inzibati məsuliyyətə də cəlb oluna bilirlər. Bununla bağlı inzibati məsuliyyət fiziki şəxslərə görə, 500-800 manata qədər, vəzifəli şəxslər 2000-3000 manata qədər, hüquqi şəxslər 6500-8000 manata qədər məbləğində cərimə olunurlar. Ümumiyyətlə, vətəndaşlar bilməlidirlər ki, onların atdığı istənilən məişət tullantısı və ya bərk tullantılar yekunda təbiətə zərərdir. Təbiətə ərazi üzrə cavabdehliyi qanunlarla mühafizə edilir. Bu qanunlara tabe olmaq hər bir vətəndaşın və hər bir şəxsin borcudur”-deyə hüquqşünas bildirib.

 

Ölkəyə hava nəqliyyatı ilə səfər edənlərin sayı 35% artıb

Yaradılıb 08.09.2024 09:44 | Baxış sayı: 232
Ardını oxu...
Ölkəyə hava nəqliyyatı ilə səfər edənlərin sayı 35% artıb
Bu ilin yanvar-avqust aylarında Azərbaycana hava nəqliyyatı ilə 39 ölkədən 2 milyon 335 min 130 nəfər səfər edib.

İndex.az Dövlət Turizm Agentliyinin hesabatına istinadən xəbər verir ki, bu, ötən ilin eyni dövrü ilə müqayisədə 7 ölkə (21,8 %) və 526 min 485 nəfər (35,2 %) çoxdur.

8 ayda Azərbaycana ən çox sərnişin Rusiyadan daşınıb – 639 min 458 nəfər. Bu da 1 il əvvələ nisbətən 30,2 % artım deməkdir.

Hesabat dövründə Türkiyədən isə Azərbaycana 577 min 254 nəfər səyahət edib ki, bu da illik müqayisədə 18,7 % çoxdur.

İlk üçlüyə Birləşmiş Ərəb Əmirlikləri də 298 min 614 sərnişinlə (+47,5 %) daxil olub.

Daha sonra, Gürcüstan 149 min 842 sərnişin (+ 40,5 %), Səudiyyə Ərəbistanı 86 min 30 sərnişin (+14,8 %), Qazaxıstan 71 min 233 sərnişin (+31,1 %), Hindistan 71 min 582 sərnişin ( + 6,6 dəfə), İtaliya 40 min 599 sərnişin (+ 2 dəfə), Özbəkistan 38 min 41 sərnişin ( – 16 %), Küveyt 36 min 746 sərnişin ( + 33,1 %) və Qətər 36 min 186 sərnişin (+ 75,8 %) qərarlaşıb.

İlk onluğa Hindistan, İtaliya daxil olaraq, İsrail (29 min 034 sərnişin, – 4,5 %) və Almaniyanı (21 min 803 sərnişin, – 6,3 %) siyahıdan çıxarıb.

Təkcə avqustda isə Azərbaycana 378 min 248 sərnişin daşınıb. Bu, ötən ilin eyni ayına nisbətən 27,6 % çoxdur.

O cümlədən, ötən ay Türkiyədən 106 min 44 sərnişin daşınıb ki, bu da ötən ilin eyni ayı ilə müqayisədə 8 % çoxdur.
 
 
 

Daha bir ölkədə güclü zəlzələ oldu

Yaradılıb 08.09.2024 09:30 | Baxış sayı: 206
Ardını oxu...Tacikistanın Dağlıq Bədəxşan Muxtar Vilayətində 5 gücündə zəlzələ baş verib.

Demokrat.az xəbər verir ki, bu barədə Özbəkistan Fövqəladə Hallar Nazirliyinin seysmik proqnozlaşdırma mərkəzi məlumat yayıb.

Məlumata görə, zəlzələ ocağı 200 km dərinlikdə yerləşib.

Qeyd edək ki, Zəlzələnin episentri rayonun inzibati mərkəzi Xoroq şəhərindən təxminən 40 km aralıda dağlıq ərazidə olub.

Dağıntı və tələfat barədə heç bir məlumat yoxdur.
 
 
 

 Baltalı qovğanın yeni epizodu – “Medera” nədən montaj studiyasına dönmüşdü?

Yaradılıb 07.09.2024 09:58 | Baxış sayı: 261
Ardını oxu...
Ağadadaş Ağayevin "Medera” hospitalını məhkəməyə verməsi təbiidir. İlk gündən bəlliydi ki, bu qovğada tərs bir şeylər, əndazələrin aşılması hadisəsi var.

İyul ayının üçüncü ongünlüyündə baş verən dava-dalaşın tərəfləri tanınmış sənətçi və klinikanın gözətçisi olsa da, ölkəni başına götürmüş qalmaqalda bir ilk baxışdan gözə görünməyən tərəf də vardı.

Bu, məhz “Medera” klinikasıydı. Adi bir məişət hadisəsini ölkənin ictimai-siyasi gündəminə pərçim edən, 7-dən 77-yə qədər hər kəsin bildiyi, müzakirə etdiyi bir ixtilafa dönüşdürən klinika rəhbərliyi olmuşdu.

Söz yox, yaşadığı ağrı-acı üzündən əsəblərini cilovlaya bilməyən sənətçi də, ona artıqlaması ilə cavab göstərən mühafizəçi də qatıldıqları davaya görə məsuliyyət, özü də cinayət məsuliyyəti daşıyırlar, amma klinika rəhbərliyinin məsuliyyət payı daha böyükdür.

Ona görə də Ağadadaş Ağayevin vəkili baş vermis hadisənin videogörüntülərini, onun klinikada müayinə və müalicəsi ilə bağlı məlumatları razılığı olmadan, qanunsuz formada ictimailəşdirildiyini, bunun hüquq normalarına zidd olduğunu bəyan edərkən haqlıdır.

Vəkil düz deyir, həmin görüntülər gerçəkdən də A.Ağayevin şəxsi həyatının gizliliyini pozub, onun şərəf və ləyaqətinə, ictimai nüfuzuna ciddi, bərpaolunmaz zərər vurub.

Təsəvvür edin ki, 42 ildən bəridir ölkənin şou-biznes sferasında populyar olan, hər kəsin tanıdığı bir sənətçi klinika rəhbərliyinin səyi nəticəsində ictimaiyyətə cinayətkar kimi təqdim edildi və xalqda yaradılmış ilk rəy sona qədər eyni cür qaldı, hələ də elədir.

Hadisə barədə “Medera” tərəfindən müxtəlif media qurumlarına servis edilən ilk xəbərin başlığı beləydi: “Ağadadaş Ağayev adam baltaladı”.

Sonra onsuz da brend olan bu ad-soyadın sıradan birinə, Ağayev Ağadadaş adlı başqa və adi adama məxsus olmadığını göstərmək üçün müvafiq başlığa “müğənni” sözü də əlavə edildi.

Ardınca təfərrüatlar yayıldı, məlum oldu ki, müğənni heç də kimisə baltayla şaqqalamayıb, üstünə gələn adama 10-15 metrdən balta atıb və balta klinikanın qapısından içəri keçib.

Bütün bu hadisələrin hamısının klinikanın İT mütəxəssisləri tərəfindən montaj edilmiş videogörüntüləri gen-bol yayılırdı.

Sonra iddia olundu ki, A.Ağayevin atdığı balta klinikanın xadiməsini yaralayıb. Ancaq ortada yaralı yox idi, sadəcə, bir qadının adı çəkilirdi. Daha sonra bəlli oldu ki, balta qadını ciddi yaralamayıb, eləcə, sapı qadının ayağına toxunub. Videoların birində görünürdü ki, bir qadın qıvraq hərəkətlə baltanı yerdən götürüb gizlətməyə aparır.

Lap axırda mühafizəçinin 67 yaşlı müğənnini idman fəndi ilə yerə çırpdığını, ona lazım olduğundan artıq zor tətbiq etdiyini əks etdirən görüntülər meydana çıxdı.

Bütün bunları “Medera” klinikası edirdi. Onun şəfa ocağı, yoxsa piar mərkəzi, montaj studiyası olması bəlli deyildi.

O zaman bir çox jurnalistlər məhz bu məqama vurğu edir, klinikanın sönükən ocağa benzin çilədiyini yazırdılar. Amma hamının başı tərəf tutmağa qarışmışdı, bir tirə xalq artistini yamanlayırdı, bir tirə onu müdafiə edir, mühafizəçini haqlı elan edirdi.

Budur, indi yayılmış istintaq materiallarına, həssas məlumatlara, məhkəmənin hökmü olmadan bir insanın cinayətkar adlandırılmasına görə cavab vermək lazımdır.

Maraqlıdır, “Medera” klinikasının rəhbərliyi nəyə görə həm özünü, həm də məşhur sənətçini dilə-dişə salmaq yolu seçib və bu işi belə canfəşanlıqla, hay-küylə, nyu-media fəndləri ilə həyata keçirirdi?

Buna səhih cavabı klinika rəhbərliyi verə bilər. Amma güman ki, onlar zeytun yağı kimi üzə çıxmaq səciyyəsi daşıyan hərəkətlərin qanun pozuntusu və özlərinin ziyanına olduğunu anlamayıblar.

Hazırda ölkədə hamı “Medera”nı Ağadadaş Ağayevin başına gələn hadisəyə görə tanıyır.

Elə Ağadadaş Ağayevin adı çəkiləndə də yada düşən ilk şey onun son 43 ildə oxuduğu mahnılar olmur, əlinə balta götürüb klinikaya hücum etməsi olur.

Bu hadisənin ölkədəki ictimai-siyasi ortamı nə qədər gərginləşdirdiyi, sinfi ziddiyyətləri üzə çıxardığını nəzərə alsaq, bu qovğanı bu şəkildə ictimailəşdirənlərin nə boyda qəbahətə yol verdikləri anlaşılar.

Gerçəkdən də bu hadisəyə görə insanlar cəbhələşmişdilər: orta təbəqədən aşağıda yaşayan insanlar kütləvi şəkildə müğənnini döyən mühafizəçinin tərəfindəydilər və bir “ağ adam”ın cəzalandırılması onlara ləzzət eləmişdi. Eyni zamanda özünü orta təbəqədən yuxarıda sayan adamlar da sənətçini bir proletar tərəfindən incidilən ağa rolunda görür, onun tərəfini tuturdular.

Qoy “Medera”nın cavabdehləri məhkəmədə desinlər, görək, niyə belə hərəkət ediblər.

Xalid KAZIMLI - Musavat.Com
 

Dünyapress TV

Xəbər lenti