 |
|
|
AZAL-ın təyyarəsinin Rusiya ərazisində vurulmasına görə Qroznı aeroportunun rəhbəri istintaqa cəlb edilib. Maraqlıdır ki, Çeçenistan lideri Ramzan Kadırov dekabrın 26-da Təhlükəsizlik Şurasının katibi vəzifəsini daşıyan qardaşı oğlu Həmzət Kadırovu “Çeçenistan Respublikası qarşısında xidmətlərinə görə” medalı ilə təltif edib. Həmzət Kadırov isə dekabrın 25-də Çeçenistan səmasında Ukrayna PUA-larının vurulduğunu açıqlamışdı. Onun təltif edilməsi Ukrayna PUA-larının vurulmasına görədir. Belə çıxır ki, Azərbaycana məxsus təyyarənin qəzaya uğramasında H.Kadırovun da məsuliyyət payı var.
O da məsuliyyətə cəlb oluna bilərmi?
Globalinfo.az-a danışan hüquqşünas Ramil Süleymanov deyib ki, Ramzan Kadırovun qəhrəman kimi təltif etdiyi qardaşı oğlu Azərbaycan dövləti üçün cinayətkardır.
Onun sözlərinə görə, kiçik Kadırov Azərbaycan qanunlarına uyğun olaraq istintaqa cəlb edilməli və məhkum olmalıdır:
“Beynəlxalq hüquqda şəxsin hansısa statusunun olmasının heç bir önəmi yoxdur. Məsələn, istintaqın aparılması ilə bağlı Baş Prokurorluqdan Rusiyaya bir qrup şəxs ezam olunub. Bu, müsbət haldır.
Nəticə etibarilə bizim istintaqçıların həmin cinayətin araşdırılmasında iştirak etməsi həm də ona əsas verəcək ki, cinayətkar və onun ətrafında günahkar hesab olunan şəxslər barəsində araşdırma dəqiq aparılsın. Əgər Rusiya, Ramzan Kadırov belə bir hadisəni gizlətməyə cəhd göstərə və hər hansı bir müdaxilə edərsə, o zaman dövlətimiz Azərbaycan vətəndaşlarına qarşı törədilmiş cinayətlə bağlı özünün daxilində cinayət işi başlatmaqla, istintaqı daxili resursları hesabına aparmaqla həmin şəxsləri beynəlxalq axtarış sisteminə, yəni interpol sisteminə verə bilər.
R.Süleymanov deyib ki, nəticə etibarilə Ramzan Kadırovun təltif etdiyi Həmzət Kadırov birbaşa interpolla axtarışda olan şəxslər siyahısına düşəcək:
“Öldürülən şəxslərin sayı çox olduğuna görə, bunu törədən adamlar ömürlük azadlıqdan məhrumetmə cəzası ala bilərlər”.
ABŞ-nin Los-Anceles Beynəlxalq Hava Limanında “Delta Airlines”ə məxsus sərnişin təyyarəsi havaya qalxmağa hazırlaşarkən Gonzaga Universitetinin basketbol komandasını daşıyan “Key Lime Air” şirkətinə məxsus özəl bir təyyarənin uçuş-enmə zolağına daxil olub.
Baş verə biləcək mümkün fəlakətin qarşısı son anda alınıb.
Belə ki, qüllə özəl təyyarənin hərəkətəni əvvəlcədən müəyyən edərək hadisəyə müdaxilə edib.
Təyyarənin pilotu ilə əlaqə saxlayan qüllə ardıcıl “dayan” əmrləri verərək bunun kritik xəbərdarlıq olduğunu deyib və beləcə qəzanın qarşısını son anda alıb.
Qeyd edək ki, ABŞ Federal Aviasiya İdarəsi (FAA) hadisə ilə bağlı araşdırmalara başlayıb.
МШВУЩ
AzPolitika.info
Prezident İlham Əliyevin Azərbaycanın sərnişin təyyarəsini vuran Rusiyanın mövqeyini sərt tənqid etməsi Kremlə tutarlı cavab idi. İlham Əliyev Rusiya hakimiyyətinin 3 gün səssiz qalmasından və təyyarənin “qəzaya uğramasını təbii səbəblərlə” əlaqələndirməsindən narazılığını ortaya qoydu.
Axar.az xəbər verir ki, bu sözləri politoloq Elxan Şahinoğlu Prezident İlham Əliyevin ötən gün AzTV-yə müsahibəsini şərh edərkən deyib.
O bildirib ki, dövlət başçısı Rusiyanın izi itirməyə çalışdığına dair konkret suallar səsləndirdi:
“İlham Əliyev rusiyalı həmkarı Vladimir Putinlə telefon danışığından sonra Azərbaycan Dövlət Televiziyasına verdiyi müsahibəsində Rusiya rəsmi strukturlarını sərt təndiq etdi. Bu o deməkdir ki, Kreml sahibinin telefonda səsləndirdiyi üzrü yarımçıq olub. Çünki Putin Rusiyanın cavabdeh olduğunu etiraf etməyib. İlham Əliyev isə müsahibəsində Rusiyanın üzrxahlığından sonra etiraf və kompensasiyanın ödənilməsinin vacibliyini bildirib. Rusiyanın siyasi və ekspert dairlərində etiraf və kompensasiya mövzularında müzakirə getmir, İlham Əliyevin açıqlamalarını görməzlikdən gəlməyə çalışırlar. Kreml icazə vermir. Əksinə, Kremlin nəzarətindəki televiziya kanalları və Z-blogerlər baş verən hadisəyə görə Ukraynanı günahkar sayırlar, guya Ukrayna dronları qəsdən sərnişin təyyarəsinin uçuşuna mane olublar. Bunun özü də cinayətin izinin itirilməsinə və cavabdehlikdən boyun qaçırmağa yönəlik təşəbbüslərdir.
Vladimir Putin Rusiya İstintaq Komitəsinin sədri Aleksandr Bastrıkini Çeçenistana göndərib. O, Qroznıda əməliyyat müşavirəsi keçirib. Putin anlamamış deyil ki, İlham Əliyevin təyyarə qəzasıyla bağlı haqlı tələbləri yerinə yetirilməsə, bu, Azərbaycan-Rusiya münasibətlərinə təsirsiz ötüşməyəcək. Ancaq Putin Əliyevin tələblərini yerinə yetirsə belə, “vurulan təyyarənin niyə Qroznı yaxınlığındakı hava limanlarından birinə enməsinə icazə verilməyib” sualı heç zaman gündəmdən düşməyəcək. Kremlin “pilotlar özləri Aktau istiqamətini seçiblər” versiyasını səsləndirməkdə davam etməsi Azərbaycanda və beynəlxalq aləmdə qəbul edilməyəcək”.
Azərbaycanın obyektiv və prinsipial mövqeyi nəzərə alınaraq, Azərbaycan Hava Yollarına məxsus və Aktau yaxınlığında qəzaya uğrayan “Embraer 190” tipli sərnişin təyyarəsinin qara qutuları Braziliya Aviasiya Qəzalarının Araşdırılması və Qarşısının Alınması Mərkəzinə (CENIPA) göndərilməsi barədə qərar qəbul olunub.
Axar.az xəbər verir ki, bu barədə Rəqəmsal İnkişaf və Nəqliyyat Nazirliyi məlumat yayıb.
CENIPA-da qara qutuların çatdırılması və oxunması prosesi azərbaycanlı mütəxəssislərin birbaşa müşayiəti və bilavasitə iştirakı ilə həyata keçiriləcək. Bununla yanaşı, Azərbaycan tərəfindən cəlb edilmiş bu sahədə ixtisaslaşmış beynəlxalq ekspertlər də bu prosesdə iştirak edəcəkdir. Bu yanaşma, qəza araşdırmalarının tam şəffaf və beynəlxalq standartlara uyğun şəkildə aparılmasını təmin etmək məqsədi daşıyır.
Bu addım həm də qəzaya dair araşdırmaların obyektivliyinə dair mümkün şübhələrin qarşısını almağa və nəticələrin beynəlxalq ictimaiyyət üçün etibarlılığını artırmağa xidmət edir. Azərbaycanlı mütəxəssislərin bilavasitə iştirak etməsi və beynəlxalq ekspertlərin prosesi müşayiət etməsi araşdırmanın əhatəliliyini və dəqiqliyini daha da gücləndirəcək.
Məlumat üçün bildiririk ki, CENIPA təyyarə qəzalarının araşdırılmasında yüksək texniki imkanlara malikdir. Mərkəz müasir avadanlıqlarla təchiz olunub və məlumatların deşifr edilməsi üçün beynəlxalq səviyyədə sertifikatlaşdırılmış laboratoriyalara sahibdir.
Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.
Baş nazirin müavini Bozumbayev Azərbaycan təyyarəsinin qəzasını araşdırmaq üçün Qazaxıstan komissiyasına heç bir təzyiq olmadığını dedi. Lakin, görünür, vəziyyət o qədər də sadə deyil. Bunu Azərbaycan rəhbərliyinin ritorikasından da görmək mümkündür.
Axar.az xəbər verir ki, bu sözləri qazaxıstanlı siyasi müşahidəçi Qaziz Abışev Aktau yaxınlığında qəzaya uğrayan Azərbaycan Hava Yollarına məxsus təyyarənin qara qutularının Braziliyanın CENIPA şirkətinə verilməsi ilə bağlı məlumatı “Tenqrinyus”a şərh edərkən deyib.
O bildirib ki, Bakı ilə Moskva arasında tam qarşılıqlı anlaşma olsaydı, vəziyyət bu yerə gəlməzdi:
“Çox güman ki, Qazaxıstanı hər hansı güzəştə getməyə məcbur etmək üçün ona müvafiq siyasi təzyiqlər edilir. Xüsusilə, nəzərə alın ki, Rusiya qara qutuların MDB-nin Beynəlxalq Aviasiya Komitəsinə (İAC) verilməsi ideyasını fəal şəkildə irəli sürüb.
Belə bir vəziyyətdə Qazaxıstan rəhbərliyinin qəzaya uğramış təyyarənin “qara qutu”larının Braziliya Təyyarə Qəzalarının Araşdırılması və Qarşısının Alınması Mərkəzinə (CENIPA) təhvil verilməsi qərarı təzyiqlərin neytrallaşdırılması və şifrənin qərəzsiz və ədalətli açılması, dünya ictimaiyyətində etimadın yüksəldilməsi baxımından olduqca prinsipial addımdır. Görünür, prezidentlər Əliyev və Putinlə danışmağa müvəffəq olan, Rusiya ilə Azərbaycan arasındakı hazırkı mübahisədə qərəzsiz vasitəçi kimi çıxış edən və obyektiv araşdırmanın məsuliyyətini üzərinə götürən Prezident Tokayev belə qənaətə gəlib ki, bu, ən optimal variantdır. Və Tokayevin bu addımı tərəflər və beynəlxalq ictimaiyyət tərəfindən yüksək qiymətləndiriləcək”.
Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.
Rusiya lideri Vladimir Putin 28 dekabrda Prezident İlham Əliyevə zəng edərək, hadisənin Rusiya səmasında baş verməsinə görə üzr istəyib. 29 dekabrda Putin yenidən İlham Əliyevə zəng edib və bu mövzunun müzakirəsini davam etdirib.
Ukraynanın Kropivnitskidəki Dövlət Uçuş Akademiyasının sinif otaqlarından birinə Azərbaycanın Milli Qəhrəmanı, AZAL-ın Aktau yaxınlığında qəzaya uğrayan sərnişin təyyarəsinin pilotlarından biri Aleksandr Kalyaninovun adı veriləcək.
Referans.az xəbər verir ki, bu barədə Ukraynanın Azərbaycandakı səfiri Husyev Yuriy “X” hesabında məlumat verib.
“Bu mükafat onun fədakarlığını şərəfləndirir və gələcək aviasiya işçilərini ilhamlandırır. Onun mirası yaşayacaq” , - səfir bildirib.
Qeyd edək ki, Aleksandr Kalyaninov həmin akademiyanın məzunu olub.
Qazaxıstan Prezidenti Kasım-Jomart Tokayev Manqistau vilayətində qəzaya uğrayan AZAL-a məxsus təyyarənin sərnişinlərinin xilas edilməsi zamanı cəsarət, peşəkarlıq və vətəndaş məsuliyyəti nümayiş etdirən bir qrup Qazaxıstan vətəndaşını təltif edib.
"Cebheinfo.az" xəbər verir ki, təltif olunanlar arasında Fövqəladə Hallar Nazirliyinin əməkdaşları, tibb işçiləri, polis əməkdaşları, Manqistau Regional Elektrik Şəbəkəsi şirkətinin və Aktau şəhəri Beynəlxalq Hava Limanının əməkdaşları var.
Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.
"ABŞ-nin yeni seçilmiş prezidenti Donald Tramp və iş adamı İlon Mask Qrenlandiya, Kanada, Böyük Britaniyanı və Panama kanalını ölkənin tərkibinə qatmaqdansa satın ala və öz şəxsi mülkiyyətinə çevirə bilərlər".
Bakupost.az xəbər verir ki, bunu Rusiya Təhlükəsizlik Şurası sədrinin müavini Dmitri Medvedev "X" sosial şəbəkəsində bildirib.
“Mən başa düşmürəm ki, Birləşmiş Ştatlar nə üçün Kanada, Qrenlandiya və hətta Britaniyanı öz tərkibinə daxil etsin, həmçinin Panama kanalını geri qaytarsın. Daha sivil bir yol var: Donald Tramp və İlon Mask sadəcə olaraq həmin torpaqları şəxsi mülkiyyət kimi ala bilərlər”, - deyə o yazıb.
Qeyd edək ki, dekabrın əvvəlində Tramp zarafatla ABŞ-a qonşu olan Kanadanı 51-ci ştat, baş nazir Castin Trüdonu isə qubernator adlandırmışdı.
"Kanada ABŞ-a qoşulmaq qərarına gəlsə, ölkədə vergilər 60%-dən çox azalacaq" deyə Tramp bildirib.
Siyasətçi Qrenlandiyanı almaq arzusunu da açıqlayıb.
"Milli təhlükəsizliyi və dünyada azadlığı təmin etmək üçün Amerika Birləşmiş Ştatları hesab edir ki, Qrenlandiyaya sahib olmaq və ona nəzarət etmək mütləq zərurətdir", - deyə Tramp Truth Social sosial şəbəkəsində yazıb.
Kadırov onu Qazaxıstanda qəzaya uğrayan Azərbaycan təyyarəsini Çeçenistan üzərində uçarkən vurmaqda ittiham edənləri hədələyib.
Musavat.com xəbər verir ki, o, bu barədə özünün telegram kanalında video açıqlama yayımlayıb.
“Əgər məni haqsız yerə ittiham etsəniz və ya təhqir etsəniz, şərəf və ləyaqətimə toxunmağa cəhd etsəniz, özümü qorumaq üçün qanuna arxalanmayacağam. Ailəmi, xalqımı və namusumuzu qorumaq üçün hər vasitədən istifadə edəcəyəm. Xalqıma, ailəmə və ya özümə hörmətsizlik edənlərə müvafiq cavab veriləcək. Bunu sizə söz verirəm”. - , deyə Kadırov bildirib.
Təyyarə qəzasında həlak olanların hamısının cəsədləri hələlik müəyyən edilməyib.
Axar.az xəbər verir ki, bunu hökumət komissiyasına rəhbərlik edən Qazaxıstan Baş nazirinin müavini Kanat Bozumbayev deyib.
O bildirib ki, hazırda genetik tədqiqatlar davam edir.
Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.
Hadisə ilə bağlı Rusiya lideri Vladimir Putin Prezident İlham Əliyevə zəng edərək üzrxahlıq edib.