Matenadaran və ya Mesrop Maştots adına İrəvan Əlyazmalar və Sənədlərin Qorunma və Tədris Mərkəzində Azərbaycanla bağlı düz 8 minə yaxın sənəd, əlyazma, nadir kitab, xəritə, xalça, əşya, kitabə və digər bu ölkədən aparılan sərvət saxlanılır. 2014-cü ildə isə Amerikada bir iş adamı Bakıdan alınan Şəki-Şirvan xalçaçılıq məktəbinə aid olan 3 əsrlik xalçanı satışa çıxarmış, Amerika erməniləri tərəfindən 100 min dollardan çox qiymətə alınaraq Matendaranda hədiyyə edilmişdir.

Kult.az xəbər verir ki, bu sözləri tarixçi alim, dosent Zaur Əliyev qeyd edib.

O bildirib ki, şəkildə gördüyünüz kitan (aşağıda təqdim edilir – red.) 1939-cu ildə İrəvanda çap edilib:

“Kitab Matendaranda işləyən bir qrup şəxs tərəfindən Torosyan adlı alimin redaktəsi ilə hazırlanıb. Sonradan bu kitab satışdan və bütün kitabxanalardan yığışdırılıb.

Amma Gürcüstanda arxivdə o zaman bunun surətini saxlaya biliblər. Bu kitabın surətini tam əldə etmişəm. Çox maraqlı faktlar və məlumatlar var. İlk olaraq Azərbaycan tarixi və türk dili ilə bağlı faktları ermənilər özləri kitabda bu cür etiraf ediblər:

“Matendaranda Azərbaycan ədəbiyyatı və tarixinə aid qiymətli tarixi sənədlər saxlanılır. Keçən il Matendaranda Alban əlifbası tapılmışdır. Onu ilk dəfə Marra adına Universitetin professoru Şanidze və dosent Abuladze aşkar edib, dərc ediblər. Bu əlifba Azərbaycan tarixi və ədəbiyyatı üçün misilsiz əhəmiyyət daşıyır. Bu yeni əlyazmalar, bizə çatan və hər addımda rastımıza çıxan faktlar sübut edir ki, Azərbaycan xalqı Cənubi Qafqazın mədəni dəyərlərinin yaradılmasında aktiv iştirakçı olubdur.

Matendaranda Azərbaycan tarixinə aid çox qiymətli yazılar var. Türk dilində yazılan şeirlər və əlyazmalar Azərbaycan tarixinə aiddir, heç biri öyrənilməyib”.

Bu, qısa tərcümədir və orijinalı sənəddə rus dilində oxuya bilərsiz. Bu fakt göstərir ki, erməni alimləri Matendaranda saxlanılan Alban əlifbasının Azərbaycana aid olduqlarını təsdiq edirlər və onun türk dilində olmasını da sübut edirlər. Bu gün dünyaya erməni əlifbası kimi göstərilən Alban əlifbası əslində saxtadır və əsl Alban əlifbası türk dilində hazırda Matendaranda gizli qutularda saxlanılır və üzə çıxarılmır”.

Prezident Ərdoğan dünən axşam qatıldığı canlı yayımda Suriyada DAİŞ-in (İŞİD) liderinin öldürülməsi ilə bağlı verdiyi açıqlama düna mediasının manşeti olub.

"TRT-Türk"ə istinadla məlumatına görə, Prezident Ərdoğan bildirib ki, terrorla mübarizə böyük və qüdrətli Türkiyə vətəndaşları üçün qürur mənbəyidir: "Terror təşkilatlarını nəinki ölkəmizdə, bölgəəd sındırdıq. Bu mübarizə Avropanın təhlükəsizliyinə də töhfə verir, lakin onlar bunun fərqində deyillər. NATO daxilində PKK/PYD ilə mübarizə aparan yeganə ölkəyik. MİT (Türkiyə kəşfiyyatı-Mia.az) uzun müddətdir DEAŞ-ın sözdə lideri Qureyşi izləyirdi. Bu şəxs dünən Suriyada zərərsizləşdirilib...".

Bu açıqlama dünya mətbuatında böyük əks-səda doğurub.

Mia.az xəbər verir ki, Suriyanın şimalında keçirilən əməliyyatın görüntülərini yayan Almaniyanın məşhur AFP agentliyinin müxbiri bildirib ki, türk kəşfiyyatı və Türkiyənin dəstəklədiyi yerli hərbi polis şənbə günü Afrinin şimal-qərbindəki Cinderes bölgəsini mühasirəyə alıb.

Məhəllə sakinləri AFP-yə bildiriblər ki, əməliyyatın hədəfi məktəb kimi istifadə edilən tərk edilmiş ferma olub.

"France 24" bu xəbəri "Ərdoğan DEAŞ lideri Əl Quaraşinin Suriyada zərərsizləşdirildiyini söylədi" başlığı ilə oxucularına təqdim edib.

"CNN İnternational" qondarma liderin oktyabrda sələfi öldürüldükdən sonra vəzifəyə başlaması ilə bağlı məlumat paylaşıb.

“Ərdoğan Türkiyənin DEAŞ liderini öldürdüyünü açıqladı” başlıqlı xəbərlərdə “Əl-Cəzirə” Ərdoğanın açıqlamalarına geniş yer verib.

MİT-in əməliyyatına geniş yer verən ABŞ-ın "CBC News" kanalı da Türkiyənin Suriyadakı gücünə diqqəti çəkib: "Türkiyə 2020-ci ildən bəri Suriyanın şimalına qoşun yeridib və bütün bölgəyə nəzarət edir”.

Yunanıstanın İn.gr saytı əməliyyatı "Türkiyə kəşfiyyatı DEAŞ liderini zərərsizləşdirdi" başlığı ilə təqdim edib.

Rusiya Prezidenti Vladimir Putin imzaladığı fərmanla dost ölkələr üçün neft məhsullarını daha aşağı qiymətlə satmağa qərar verib.

Xarici KİV xəbər verir ki, həmin dövlətlər Ukrayna münaqişəsində Rusiyanı dəstəkləyən ölkələrdir.

Qeyd edək ki, Putinin 2022-ci il dekabrın 27-də imzaladığı fərmanla Avropa İttifaqı ölkələri Rusiya neftini yüksək qiymətlə satın ala biləcəklər.

Böyük Britaniyada qeyri-adi sərgi ərsəyə gətirilib.

BAKU.WS xarici KİV-ə istinadən xəbər verir ki, kral iləsi üzvlərinin qeyri-etik fotoları çəkilib. Bəziləri fotoların süni intellektlə ərsəyə gəldiyini düşünsə də, şəkillər həqiqidir.

Fotoların çəkilməsində kral ailəsi üzvlərinə bənzəyən adamlar iştirak ediblər. Onlar ailə daxili münaqişələri və Kamillanın açıq-saçıq geyimlərini nümayiş etdiriblər.

Fotoları məşhurların oxşarlarının şəkillərini çəkən Alison Cekson lentə alıb. Şəkillərdə Kral Çarlz, kraliça Kamilla, Şahzadələr Uilyam, Harri və kral ailəsi gəlinləri Meqan Marklla Keyt Middlton yer alıblar.
"The Crown" adlı sərgi Londondakı qalereyalardan birində nümayiş olunacaq. Ziyarətçilər sərgini mayın 27-nə qədər pulsuz izləyə biləcəklər.

Ukrayna Prezidenti Volodimir Zelenski Böyük Britaniyanı Ukrayna üçün hava koalisiyasının formalaşdırılmasında liderliyi öz üzərinə götürməyə çağırıb.

Bu barədə dövlət saytında məlumat verilib.

Zelenski bu barədə Böyük Britaniya Baş nazirinin milli təhlükəsizlik məsələləri üzrə müşaviri Timoti Barrou ilə görüşündə deyib.

Zelenski Ukraynaya müdafiə dəstəyi məsələsində Böyük Britaniyanın liderlik mövqeyini qeyd edib.

“Sizdən xahiş etmək istəyirəm ki, tərəfdaşları Ukraynanı bütün lazımi silah və hərbi texnika ilə təmin etməyin zəruriliyinə inandırmağa davam edəsiniz”, - deyə o qeyd edib.

Zelenski və Böyük Britaniya baş nazirinin müşaviri Ukraynaya gələcək müdafiə yardımı ilə bağlı məsələləri müzakirə ediblər.

Zelenski xüsusilə Qərb tipli hərbi təyyarələrin, eləcə də Rusiyaya müqavimət göstərmək üçün lazım olan müxtəlif silah növlərinin Ukraynaya təhvil verilməsinin vacibliyini vurğulayıb.

O, Böyük Britaniyanı Ukrayna üçün hava koalisiyasının yaradılmasında liderliyini öz üzərinə götürməyə çağırıb.

Mənbə: UNİAN

ABŞ-ın keçmiş prezidenti Donald Tramp Respublikaçılar Partiyasından prezidentliyə namizədlərin hamısını əhəmiyyətli fərqlə qabaqlayıb.

Publika.az xəbər verir ki, bunu Emerson Kollecinin sorğusunun nəticələri sübut edir.

Trampın namizədliyini partiyanın tərəfdarları arasından sorğuda iştirak edən seçicilərin 62%-i dəstəkləyir. Seçki kampaniyasında iştirakını hələ rəsmən açıqlamayan Florida qubernatoru Ron DeSantis sorğuda cəmi 16% səs toplayıb.

Beləliklə, cəmi bir ay ərzində Trampın reytinqi yeddi faiz bəndi yüksəlib.

Respublikaçılar arasında populyarlıq baxımından üçüncü yeri 7% səslə ABŞ-ın keçmiş vitse-prezidenti Mayk Pens tutur.

Aprelin 24-25-də keçirilən sorğuda Respublikaçılar Partiyasının 445 seçicisi iştirak edib.

Qeyd edilib ki, eks prezidentə qarşı ittihamlar ona respublikaçıların rəğbətini qaytarıb.

Türkiyə Prezidenti Rəcəb Tayyib Ərdoğan Akkuyu AES layihəsini Türkiyənin Rusiya Federasiyası ilə birgə həyata keçirdiyi ən böyük sərmayə adlandırıb.

O, bu barədə cümə axşamı Ankaradan videobağlantı vasitəsilə iştirak etdiyi stansiyaya ilk nüvə yanacağının çatdırılması mərasimində bildirib.

“Akkuyu stansiyası bizim Rusiya ilə ən böyük müştərək sərmayəmizdir. Öz adımdan və xalqım adından Rusiyaya və Prezident Vladimir Putinə təşəkkür edirəm. Tikintidə əməyi olan bütün işçiləri təbrik edirəm. Bir çox belə mühüm layihələr kimi, Akkuyu layihəsi də büdcəmizə yeni yük əlavə etməyən maliyyə modelinə uyğun həyata keçirilir. Bunun sayəsində Rusiya ilə birgə tezliklə ölkəmizdə ikinci və üçüncü analoji qurğuların tikintisinə başlanacaq”, - deyə Ərdoğan qeyd edib.

Nigeriyanın Federal Paytaxt Ərazisində (FCT) silahlı şəxslərin hücumu nəticəsində 29 nəfər qaçırılıb.


Manset.az Daily Trust qəzetinə istinadən xəbər verir ki, ötən gecə FCT-nin Kvali rayonundakı Yewuti kəndinə gələn silahlı şəxslər atəş açıb.

Hücumda aralarında uşaqların da olduğu 29 nəfər qaçırılıb, 2 nəfər isə təcavüzkarların əlindən qaça bilib.

Kvali rayonunun keçmiş vitse-prezidenti Alhaji Zubairu Cibrin oğurlananlar arasında onun qardaşı və qardaşının ailəsinin də olduğunu bildirərək hücumu təsdiqləyib.

Cibrin qaçırılanların azad edilməsi üçün hökumətdən təcili yardım istəyib.

Qeyd edək ki, Nigeriyada adam oğurluğu ölüm cəzası ilə cəzalandırılır, lakin fidyə müqabilində adam oğurluğu adi hal alıb. Ölkədə artan təhlükəsizlik problemlərinə qarşı mübarizə çərçivəsində silahlı şəxslərə fidyə ödəmək qadağan edilib.