Ümumi şarj sahələri telefonlarımızı doldurmaq üçün çox praktik görünə bilər. Bununla belə, onun təhlükələri haqqında öyrəndiyiniz zaman şarj cihazınızı özünüzlə daşımağı üstün tutacaqsınız.
Bizimyol.info "webtekno"ya istinadən xəbər verir ki, hava limanlarında, otellərdə və ya ticarət mərkəzlərində yerləşən ictimai şarj nöqtələri olduqca cəlbedici görünə bilər. Lakin bu yerlərdə telefonunuzu doldurmaq ciddi risklərə səbəb ola bilər.

Bu riskin arxasında duran səbəb olduqca qorxuludur: “Juice Jacking (Şirə Çəkilməsi)”.

Bəs “Juice Jacking” nədir?
“Juice Jacking”, hakerlərin ictimai USB portlarından istifadə edərək cihazınıza zərərli proqram və izləmə proqram təminatı quraşdıra biləcəyi bir texnikadır.

Proqram təminatı telefonunuzun məzmununa daxil olaraq parollarınızı oğurlaya və şəxsiyyət oğurluğu edə bilər. Onlar hətta bank hesablarınızdan pul köçürə və ya məlumatlarınızı "Dark Web"də sata bilərlər.

Federal Rabitə Komissiyasının məlumatına görə, cinayətkarlar zərərli proqramları birbaşa ictimai USB şarj stansiyalarına quraşdıra bilərlər. Beləliklə, hər hansı bir USB portunun pozulmadığına əmin olmaq üçün heç bir yol yoxdur.

Bu, cinayətkarların xüsusi şarj portlarını hədəf almasını tələb etmir. Sizə sadəcə olaraq telefonunuzu hava limanında, oteldə və ya ticarət mərkəzində USB portuna qoşmağınız kifayət edə bilər.

USB-A kabellərində dörd sancaq, iki güc ötürücü sancaq və iki məlumat ötürmə pin var

Bu, telefonunuzu USB portuna qoşduqda məlumatlarınızı birbaşa cihaza ötürmək imkanını açır. Hətta yeni cihazları USB-C vasitəsilə doldurmağı tövsiyə edən mütəxəssislər belə cihazların “Juice Jacking” hücumlarından tam təhlükəsiz olmadığını bildirirlər.

Android və iOS cihazlarında proqram mühəndisləri istifadəçi məlumatlarının oğurlanmasının və ya zərərli proqramların quraşdırılmasının qarşısını almaq üçün bəzi addımlar atıblar, lakin daim ortaya çıxan yeni və naməlum boşluqlar o deməkdir ki, hətta telefonunuzu ən son təhlükəsizlik yerlərdə yeniləmək belə həmişə kifayət olmaya bilər.

"Rabitabank"ın mobil tətbiqində problemlər yaranıb. İqtisadiyyat.az xəbər verir ki, bu barədə tətbiq istifadəçiləri bildiriblər.

Mobil tətbiq vasitəsilə istifadəçilərə məzmunu anlaşılmayan bildirişlər göndərilir.

Eyni zamanda, bir çox istifadəçi mobil tətbiqə daxil olduqda çətinliklə üzləşdiklərini söyləyiblər.

"Rabitabank" hələ ki, sözügedən problemlə bağlı açıqlama yaymayıb.

Azərbaycanda və Qazaxıstanda süni intellektin inkişafı, təbii dil modellərinin yaradılması sahəsində mövcud vəziyyətə bir daha nəzər saldım.
Elə bu il Qazaxıstanda İrbisGPT - süni intellekt əsaslı ilk Milli Dil Modeli yaradıblar. Platforma qazax dilində olan data və açıq kod əsasında, ictimai əsaslarla formalaşıb.
Bu isə o deməkdir ki, hər istifadəçi bu modelin təkmilləşdirilməsinə töhfə verə biləcək. Məqsəd Qazax dilinin texnologiyar sahəsinə, rəqəmsallaşma proseslərinə daha dərin inteqrasiyasına nail olmaqdır. Modelin işlənməsi üçün ilkin olaraq açıq mənbələrdə olan 20 Gb datadan istiafdə edilib.
Bu ölkədə həmçinin maşın öyrənməsi sahəsində lider olan Hugging Face ilə əməkdaşlıq çərçivəsində daha bir süni intellekt layihəsinə start verilib.
Bu qlobal platforma süni intellekt əsaslı , açıq kodlu layihələrin qarşılıqlı istifadəsinə imkan yaradır. Hansı ki qlobal şirkətlər olan Google, Microsoft, Amazon, Meta da bu resurslardan bəhrələnirlər.
Qazaxlar böyük məlumat bazasına malik fiziki və hüquqi şəxslərin datasını bu platforma əsasında bir yerə toplamağı , nəhəng milli data ehtiyatı yaratmağı , bunun əsasında müstəqil bir Təbii Dil Modeli yaratmağı hədəfləyiblər.
Xatırladıram ki, bir müddət öncə Qazaxıstanda süni intellekt sahəsinin inkişafı üçün Presight Aİ Ltd və Birləşmiş Ərəb Əmirliyi arasında superkompüter mərkəzinin və Data Mərkəzin qurulması ilə bağlı anlaşma da baş tutub.
Xatırladıram ki, hazırda Azərbaycanda süni intellekt sahəsində RİNN-in AİLab və İN-nin 4SİM qurumları, ETN-in İS və İT İnstitutları, ADA və AzTU, A2Z və Robotronics və s. qurumlar məşğuldur.
Bəzi böyük özəl qurumlarda və mərkəzi icra qurumlarında süni intellekt həllərinin tətbiqinə başlanılıb.
Bu sahədə kadrların hazırlanması üçün də müəyyən layihələr həyata keçirilir.
Lakin süni intellektin tətbiqi və inkişafı istiqamətində biz hədsiz çox ləngiyirik. Real işlər ortada görünmür.
Uzun illərdir ki, hamı üçün əlçatan olan, ana dilimizdə Milli Korpusun yaradılmasını reallaşdıra bilmirik. Ana dilimizdə məlumat bazalarına sahib olanların, dövlət və özəl sektorun, ictimai sektorun belə bir resursun yaradılmasına töhfə verməsi üçün şərait yaradılmayıb.
Əsas data da hökumətin əlində cəmləşib ki, biznesin bura çıxış imkanları yetərli deyil.
Biznes və ekosistem üçün, hamının bəhrələnə biləcəyi superkompüter mərkəzi də formalaşdırılmayıb.
On illər öncə hökumətin dəstəyilə Dilmanc layihəsi çərçivəsində bir neçə uğurlu həllər yaradılsa da , layihə çərçivəsində formalaşan milli korpus hamı üçün əlçatan deyil. Bu resursun RİNN-ə təhvil verildiyi bildirilib.
Milli Dil Korpusunun yaradılması ilə AMEA-nın Dilçilik İnstitutu, ETN –in İS (keçmiş Kibernetika) və İnformasiya Texnologiyaları İnstitutunun birgə iş apardığı bildirilsə də hələlik ortada heç nə yoxdur.
Azərbaycanda iki qurum, RİNN və İN süni intelelktin inkişafı ilə bağlı konseptual sənəd layihəsi hazırladıqlarını açıqlasalar da, onunla bağlı da hələlik real olaraq ortada heç nə yoxdur.
Fikrimcə sektorun inkişafı üçün səlahiyyətli qurum olan RİNN, İRİA bu məsələdə çox ləng hərəkət edir.
Bu sahəyə böyük resurslar ayrılmalıdır, RİNN bu sahənin inkişafna töhfə verə biləcək bütün maraqlı tərəfləri bir araya gətirməlidir.
Osman Gunduz
TEREF

Telefonda casus proqramların quraşdırılıb-quraşdırılmadığını müəyyən etməyin yolu açıqlanıb.

Əgər smartfon müstəqil olaraq hərəkətləri yerinə yetirirsə, məsələn, açılır, proqramları açır və s. O zaman bu, cihazınızda casus proqramın ola biləcəyini və cihazın xarici müdaxilənin təsiri altında olduğunu göstərə bilər.

Bundan əlavə, bu cür müdaxilənin əlamətləri aşağı İnternet sürətini, cihazın qızmağa başlamasını və ya faktiki istifadəçi fəaliyyətini əks etdirməyən hərəkətləri əhatə edir. Məsələn, smartfonun qalereyasında istifadəçinin çəkmədiyi skrinşotlar və ya videolar ola bilər.

“Smartfonunuzda sadalanan bəzi əlamətləri görsəniz, panikaya ehtiyac yoxdur. Onlar başqa səbəblərdən də yarana bilər. Bununla belə, dincliyiniz üçün cihazınızı casus proqram təminatı üçün peşəkar yoxlanış etməyə dəyər. Müəyyən bacarıq və təcrübəniz varsa, bunu özünüz edə bilərsiniz.

Azərbaycanda dövlət qurumu olaraq ilk dəfə İKTA elektromaqnit sahəsinin (EMS) insan sağlamlığına potensial təsiri mövzusunda araşdırma aparıb və bunu açıq formada dərc edib.
EMS, anlaşıqlı desək, bütün radioelektron vasitələri (baza stansiyaları, müxtəlif antenlər, ötürücülər və s.) tərəfindən ətraf mühitə yayılan elektromaqnit dalğalarının yaratdığı enerji şüalanmalarıdır.
İKTA -nın belə bir araşdırma aparması, beynəlxalq standartları və təcrübəni açıqlaması, müqayisələr aparması çox təqdirəlayiqdir.
Əvvəllər bu tip açıqlamalar ancaq müstəqil qurumlar və ekspertlər, media və vətəndaş cəmiyyəti tərəfindən olurdu.
Amma dərhal da qeyd edim ki, Azərbaycanda bu sahə ilə bağlı ciddi problemlər də var. İKTA Azərbaycandakı standatları, müqayisələri qeyd etsə də, real vəziyyətə elə də yer ayırmayıb. Görünür ki əllərində yetərli data olmayıb.
Gigiyena və Sanitar Epidemioloji Qurumun da mövcud Qaydalara uyğun olaraq radioelektron vasitələrə rəy verməsi prosesində şəffaflıq və hesabatlılıq yetərli hesab oluna bilməz.
Araşdırmada Azərbaycanda bu sahəyə nəzarətdə daha sərt yanaşma olduğu bildirilir. Şübhə etmirəm.
Amma reallıq odur ki, beynəlxalqdan fərqli olaraq bizdə hətta uşaq bağçasının, bərbərxananın, restoranların və şadlıq evlərinin, adi mağazaların də binalarının üstündə baza stansiyaları, ötürücülər tapmaq olar.
Elə ailələr tanıyıram ki, aylıq hansısa bir cüzi dolanışıq üçün həyətində nəhəng bir baza stansiyası quraşdırmağa icazə verib. Ən yaxın ətrafda da yaşayış var.
Görəsən Səhiyyə Nazirliyi, Sanitar qurum həmin həyətlərin ətrafında, həmin binaların ətrafında yaşayanlarda elektromaqnit şüalanmasının təsirini ölçübmü?
Düşünürəm ki gələcəkdə İKTA-nın bu sahədə tənzimləmə məsələrinə öz səlahiyyətləri çərçivəsində nəzarət etməsi də faydalı olardı .
İstənilən halda, texnologiyaların insan sağlamlığına təsiri baxımından İKTA-nın bu araşdırması çox diqqət cəlb edəndir və faydalıdır, həmçinin ictimai nəzarətin təşkili üçün də əhəmiyyətlidir.
Osman Gunduz
TEREF