 |
|
|
Bu günlərdə Prezident yanında Ali Attestasiya Komissiyası məlumat yaydı ki, 2022-ci ildə Azərbaycanda 516 nəfərə elmi doktorluq dərəcəsi verilib. Tribunainfo.az xatırladır ki, rəsmi məlumatda onlardan 432 nəfərin fəlsəfə doktoru, 84 nəfərin isə elmlər doktoru dərəcəsi aldığı qeyd olunub. Həmin müddətdə fəlsəfə doktoru elmi dərəcəsi almaq istəyən 222 nəfərə, elmlər doktoru elmi dərəcəsi almaq istəyən 24 nəfərə isə imtina cavabı gəlib.
Bundan başqa, 2022-ci ildə 200 nəfərə dosent, 28 nəfərə professor elmi adı verilib. Dosent elmi adı almaq istəyən 29 nəfərə, professor elmi adı almaq istəyən 7 nəfərə imtina verilib.
Maraqlıdır, AAK-ın elmi adlar verməkdən imtina etdiyi şəxslər kimlərdi?
Bu barədə kiçik araşdırma ortaya bəzi nüansları çıxarıb. Məlum olur ki, mətbuatda qurumun məhz bu fəaliyyəti ilə bağlı saysız-hesabsız şikayətlər var: elmi adların pulla satışından tutmuş, saxta diplomlara qədər..
Əslində, bu quruma Famil Mustafeyevin rəhbər təyinat edilməsindən sonra gözləntilər varıydı, lakin onların ümidləri təkrar öldü. Təkcə son bir ayda bu qurumla bağlı saytımıza kifayət şikayət xarakterli məlumatlar daxil olub. Sadəcə, anonimliyini qoruyaraq məzmununu təqdim etmişik. Həmin şikayət məktublarında elm adamları qeyd edirlər ki, Famil Front oğlu Mustafayev komissiyanı bazara çevirib.
Qeyd olunur ki, vicdanlı alimləri, gənc elmi araşdırmaçıları dəyərləndirməli olan Ali Atestassiya Komissiyası elmi ad alveri ilə məşğuldur. İllərdir elmi dərəcə satan bu qurumun keçmiş rəhbərinin qoyduğu “ənənə”ni davam etdirən sədr Mustafayev Famil Front oğlu böyük korrupsiya şəbəkəsi yaradıb.
Tribunainfo.Az xəbər verir ki, Ali Attestasiya Komissiyasında fironluq edən F.Mustafayev komisiyadan keçənlərin sevincini də qursağında qoyur. Elmi adların verilməsində alimlərin qarşısında minimum 20 min manat tələb qoyan AAK sədri yaxınlarda bu işin topdan satışı ilə də məşğul olar. Hətta professorluq diplomunun saxta olmasına dair iddialar var.
F.Mustafayevin rəhbər vəzifəyə gəlişindən sonra AAK-da rüşvətin yığışdırılacağına ümidlər çox idi. Ancaq rüşvət və korrupsiya yuvasına çevrilən AAK-ın yeni rəhbərliyinin də köhnədən qalma ənənələri davam etdirməsi elm ictimaiyyətini, vicdanlı alimləri çox narahat edib.
Məsələn, vicdanlı professorlardan olan İdris Abbasov mətbuata verdiyi müsahibəsində qeyd edib ki, AAK sədri müzakirə edilmiş elmi işləri dəfələrlə təkrar müzakirəyə cəlb edir. Çarəsiz qalan əksər gənc alimlər və araşdırmaçıların dəfələrlə müzakirə edilmiş işləri əllərində qalmış olur:
“Mən ona görə də təkrar müzakirəyə sədrlik etməkdən imtina etdim. Elmə, inkişafa heç bir faydası olmayan belə yanlış qərarın icraçısı olmaq üçün o qədər cahil olmalısan ki, bu hərəkətə boynubükük şəkildə razı olasan. Həyatda hər şey elmdən, ziyalılıqdan, haqq sözünü deməyi bacarmaqdan, özünə qarşı tələbkar olmaqdan başlayır. Təəssüf ki, bizim bəzi alim-məmurlarımız bunu hələ də anlamaq istəmirlər. Şirnikləndirici təkliflər, formal müzakirələr, formal seminar vədləri elmin inkişafına deyil, rüşvətə xidmət edir”.
Professor əlavə edir: “Ekspert Şurasının lüzumsuz olduğunun şahidi oldum. Famil Mustafayev yenilik etmək istəyirsə, ilk olaraq elmə aidiyyəti olmayan Ekspert Şurasını ləğv etməliydi”.
Bəs F.Mustafayev nə etdi? Nazirlər Kabineti qarşısında məsələ qaldırdı ki, ekspertlərə pul vəsaiti ayrılsın. Professor bildirib ki, kənardan baxanda da elə bilirlər ki, Ekspert Şurası böyük iş görür, içəridə nəsə iş gedir. Dəhlizlərdə isə vicdanlı alimlər, gənc araşdırmacılar əllərində işləri müdafiəsini, ona verilən rəyı gözləyir. Bu gözlənti aylarla, illərlə davam edir.
Ancaq qızına, gəlininə toy hədiyyəsi kimi elmi ad, elmi dərəcə alıb hədiyyə vermək istəyənlər heç o dəhlizlərdə ayaq da döymürlər. Bu cür evdar “alimlər” də elmi dərəcələrinin qiyməti ilə öyünürlər. 20 min manatlıq elmi ad, 30 min manatlıq elmi dərəcə…
Uzun illərdən bəri ömrünü elmə həsr etmiş, min əziyyətlə dissertasiya yazıb müdafiə etmək istəyənlərin qarşısında AAK rəhbəri F.Mustafayev Çin səddi çəkib. Elmi dərəcə, elmi ad admaq istəyən gənc alimlərin əli ciblərində olmalıdır. Yoxsa onların bu günə qədər oxuduqları, araşdırdıqları, yazdıqları dissertasiyalar heç kəsə lazım deyil.
Bəzi namizədlər elmi adlara görə rüşvət istənilən namizədlər media vasitəsi ilə qurumun rəhbəri Famil Mustafeyevə müraciət edirlər ki, bəs bizdən pul istənilir. Sadəlövh alimlər düşünürlər ki, bu pulu onlardan istəyənlər Famil Mustafayevə xəyanət edirlər. Onların müraciətlərindən belə görünür ki, bu rüşvətistəmə əməliyyatından qurumun sədrinin xəbəri yoxdur. Amma düşünmürlər və ya düşünə bilmirlər ki, Prezidentin etimad göstərdiyi Famil Mustafayev bu işi görməz.
Tribunainfo.az
Neftçala rayonunda narazlıq bitib tükənmək bilmir. Bir neçə il bundan əvvəl Dövlət Təhlükəsizliyi Xidmətinin sözügedən rayonda uğurlu əməliyyatı digərlərinə dərs olmur, heç nəticə belə çıxarmaq istəmirlər. Sözügedən əməliyyatlardan müəyyən əlaqələr hesabına canını qurtaran Neftçala rayonunda 20 ildən artıq maliyyə şöbəsinin sədri işləmiş Rəşid Manafov yenidən baş qaldırıb.
"Azərbaycan Reallığı"na məlumat verən mənbənin sözlərinə görə xarici görkəmindən Ramiz Mehtiyevə oxşayan bu yaşlı qoca rayonda artıq boz kardinal adında qazanıb. 70 dən çox yaşı olan agsaqqal rayonun məzarlıqlarında yer axtarmaq əvəzinə vəzifədə işləyib vəzifəsindən su istfadə edərək rayonun mərkəzində qeyri qanunu yollarla sahibləndiyi obyeklərin yenidən inkişaf etdirmək arzusuna düşüb. Hələ bu azmış kimi sözügedən rayonun gənc icra başçsı Mirhəsən Seyidovunda yerinə göz dikib.
Bir sözlə rayonu çapib-talayan qoca korrupsioner rayonda icra başçısı olmağ arzusundadır.
Rəşid Manafov Rayonun maliyyə şöbəsinin sədri işlədiyi dövrdə rayonda xeyli sayda mülkləri, obyektləri özünün yaxın qohumları - qızı, yeznəsi, oğlu və həyat yoldaşının adına rəsmiləşdirərək əldə edib. Bunlardan biri də rayonun mərkəzində yerləşən məişət evidir. Manafov sözü gedən nəhəng obyekti həyat yoldaşının adına qeyri-qanunu yollarla özəlləşdirib.
Demək olar ki, sözügedən idarə adiyyatı üzrə faliyyət göstərmir. Manafov sözügedən idarənin bir hissəsinə özünüz şəxsi biznesi üçüb böyük bir "pekarnı" istifadəyə verib. Bundan əlavə rayonun mərkəzində keçmiş Neftçala rayon icra hakimiyyəti ilə üz-üzə qeyri qanunu yollarla əldə etdiyi bir çox obyektlər, iri ticarət mərkəzə açaraq hüquq-mühafizə orqanlarına da "burada mən, bağdata kor xəlifə" kimi mesajlar ötürür.
Bir neçə gün bundan əvvəl rayon prokurorluğunun keçirdiyi uğurlu əməliyyat nəticəsində rayonun bələdiyyə sədri Rövşən Quliyevin həbsi Rəşid Manafovu artıq narahat etməyə başlayıb. Özünün dediyinə görə onun canını bir neçə il bundan əvvəl həbsdən qızı Rəşidə vasitəsi ilə qutarmışdısa bu dəfə artıq arıq çirkli hay harayına kimsə çata bilməyəcək.
Rayonun 50 % ərazisini işğal etmiş bu boz kardinal bu dəfə həbsdən sığortalana bilməyəcək. Bütün xəstəliklərini evdə yox kürdəxanı istintaq təcridxanasında mualicə edəcək Rayonda mülklərə, var- dövlətə sahib olmağ üçün dağıtmadığı ailələr yıxmadıqı evlər qalmayıb.
Sonda biz yazdıq söz artıq hüquq-mühafizə orqanlarınındır. Ümidvarıq ki, güc strukturları bu şəxsi də yaddan çıxarmayıb barəsində araşdırma aparıb ölçü götürəcəklər.
AZƏRBAYCANREALLIĞI.COM
Teref.az-ın vatsap nömrəsinə daxil olmuş şikayət ərizəsini oxuculara təqdim edirik:
Göyçay rayonu 1-ci Ərəbcəbirli kənd sakini İsmayılov Qadir Şamil oğlu tərəfindən
Ə R İ Z Ə
Cənab Prezident! Yazaraq bildirmək istəyirəm ki, 2020-ci il tarixdə Məşğulluq Mərkəzinə müraciətim əsasında "DOST" İş Mərkəzinin xətti ilə Göyçay Mənzil İstismar İdarəsində 2 aylıq işlə təmin olunmuşdum. Ondan sonra yenidən müraciət etdim ki, uzunmüddətli müqavilə ilə öz işimi davam etdirim, lakin mənə "Hazırda yalnız 2 aylıq işlər mövcuddur, ola bilsin yaxın gələcəkdə vakansiyalar gələcək, biz özümüz sənə xəbər verəcəyik" dedilər. Aldığım məlumata görə, 2 aylıq işlər ləğv ediləndən sonra əmək müqaviləsi əsasında uzunmüddətli iş yerləri gəldi. Buna baxmayaraq məni axtarıb-arayan olmadı. Halbuki daimi iş yerinə çox ehtiyacım var. Yazdığım ərizələrlə bağlı "DOST" İş Mərkəzindən zəng edərək mənə bildirirlər ki, "Sənin müraciətini Dövlət Məşğulluq Agentliyinə yönəltmişik, yaşadığın rayonda fəaliyyət göstərən Məşğulluq Mərkəzinə müraciət etməlisən". Həmçinin, Göyçay Məşğulluq Mərkəzindən də mənə zəng edildi və oraya dəvət olundum. Məşğulluğun Nizami adlı əməkdaşı şəxsiyyət vəsiqəmin surətini alaraq nəisə qeydiyyat dəyişikliyi etdiyini bildirdi. Sonra mənə "Sabah gələrsən" dedi. Onun dediyi sabahlardan bir neçəsi keçdi, hər dəfə gedəndə "Nizami müəllim yoxdur" və yaxud da "Get, filan vaxtı gələrsən" deyirlər. İdarədə olanda isə "Get, hara yazırsan, yaz" deyəcək qədər özünə arxayındır. Ümumiyyətlə isə adı Məşğulluq Mərkəzi adlanan bu yerdə çalışan əməkdaşların öz məşğuliyyəti vardır. Həmin məşğuliyyət: yüksək təmirli kabinetlərdə oturaraq bahalı şirniyyatlarla çay içməkdən, mobil telefonla oynamaqdan, kompüter arxasında əyləşməkdən, vətəndaşları get-gələ salmaqdan ibarətdir. Heç şübhəsiz ki, adı çəkilən bu idarənin bəzi əməkdaşları xalqa xidməti qarşılığında dövlət tərəfindən aldığı yüksək məbləğdə maaşın haqqını layiqincə yerinə yetirə bilmirlər. Vətəndaşlara qarşı süründürməçiliklə məşğuldurlar.
Nəzərinizə çatdırım ki, 2019-cu ildə ailə həyatı qurmuşam və 2 azyaşlı övladım var. Özüm heç yerdə işləmirəm. Evim olmadığı üçün ailəmlə birlikdə valideynlərimin yanında qalırıq. Üstəlik məndən yaşça kiçik qardaşım İsmayılov Nadir Şamil oğlu da valideynlərimin evində qalır. O, Vətən müharibəsi veteranıdır. Onun da evi və işi olmadığına görə ailə həyatı qura bilmir. Anam evdar qadındır. Təkcə yaşlı atam iş olandan-olana fəhləlik etməklə bu, böyük ailənin maddi ehtiyaclarını qarşılamağa çalışır. Övladlarımın gündəlik maddi təlabatını ödəyə bilmirəm. Olduqca acınacaqlı durumdayıq. Azyaşlı uşaqlardır, tez-tez xəstələnir, çöpü qalır, mən isə bir ata kimi onların qarşısında utanc hissi keçirirəm. Dövrümüzdə zəruri ehtiyac kimi istifadə edilən uşaq bezinə aylıq 90 (doxsan) manat pul lazım olur. Kommunal xərcləri heç demirəm. Mavi yanacağa olan 1000 (min) manat borcumuzu ödəyə bilmədiyimizə görə mexaniki qaz sayğacını çıxarıb, əvəzində smart kart tipli sayğac quraşdırıblar. Ancaq karta qaz yükləməyə pulum yoxdur deyə, dağ-dərədən, çay kənarlarından, zibilliklərdən kiçik odun parçaları və çır-çırpı toplayıb yandırırıq. Dərdimi uca dağlara yükləsəm, dağlar ovxam-ovxam gedər, ağaclara yükləsəm, ağaclar sanki bol meyvə gətirmiş şəkildə başını aşağı dikər. Qısası, toxun acdan nə xəbəri olsun?! Nə edəcəyimi, necə edəcəyimi bilmirəm.
Cənab Prezident! Azərbaycan Respublikasının Konstitusiyasının 16-cı maddəsinə əsasən, "Azərbaycan dövləti xalqın və hər bir vətəndaşın rifahının yüksəldilməsi, onun sosial müdafiəsi və layiqli həyat səviyyəsi qayğısına qalır". Sizdən çox xahiş edirəm, yaşadığım Göyçay şəhərində yerdəşən Mənzil İstismar, Sanitar-Təmizlik, Abadlaşdırma və Təmir İdarələri kimi kommunal idarələrin birində işlə təmin olunmağıma köməklik göstərəsiniz. Bir daha xatırladıram, həqiqətən elə çarəsiz vəziyyətdəyəm ki, hava-su qədər daimi iş yerinə ehtiyacımız var. Ümid edirəm ki, dövlətimizin başçısı olaraq bizə əlinizdən gələn yaxşılığı əsirgəməyəcəksiniz. Sizə çox minnətdarlığımızı bildiririk.
Teref.az olaraq qarşı tərəfin mövqeyini dərc etməyə hazırıq!
Teref.az
Ukraynada faciələrlə dolu bir qanlı müharibə gedir, dünya məhvərindən oynayıb, geopolitik savaş pik həddə çatıb, bizim ekofəallar 40 gündən çoxdur ki, Laçın koridorunda tarix yazır, Xankəndidə terrorçu yuvasını cəhənnəmə vasil etməyə yaxınlaşırıq, Qarabağdan rus əsgərlərini vaxtından tez çıxarmaq üçün proses gedir, amma bütün bu qarışıqlığın, əhəmiyyətli hadisələrin bizim bəzi məmurlara heç bir aidiyyatı yoxdur. Onlar qoyub getdiyimiz yerdə qalıblar, öz şakərlərindən əl çəkməyiblər, köhnə rüşvətxor əyyamı davam etdirirlər, sanki başqa planetdə yaşayırlar. Hətta icra başçılarının həbsi, Vasif Talıbovun belə erasının bitməsi, bu qədər kadr və sistem dəyişiklikləri də onların tükünü tərpətmir. Bu vəzifəli şəxslərə elə gəlir ki, zəlzələ də olsa, ondan pul qazanmaq lazımdır. Belələrindən biri Nərimanov rayonunu "ağ günə” çıxarıb indi Abşeronu "gülüstan”a çevirən icra başçısı Abdin Fərzəliyevdir.
A.Fərzəliyev şəhərin Nərimanov rayonuna rəhbərlik etdiyi dövrdə necə işləyirdisə, Abşeron rayonunda da əhdinə "sadiq”dir.
İcra başçısı faktiki olaraq Abşeronu qarış-qarış satmaq, qanunsuz tikintilərə rəvac vermək üzrə rekord qırmağa hazırlaşır. Az qala hər həftə FHN əməkdaşları Abşeronda bir qanunsuz tikintinin qarşısını alırlar. Tribunainfo.az bildirir ki, bu tikintilərə icazə verən isə Abşeron İH memarlıq şöbəsi, rəhbərliyi və icra hakimi A.Fərzəliyevdir. Sözsüz ki, Fərzəliyevin möhür-ştampı olmadan, onun sərəncamı və razılığı olmadan heç bir vətəndaş daşı daş üstünə qoya bilməz. Görünür ki, hansısa fərdi şəxs, yaxud sahibkar Abşeron İH-lə "sövdələşir”, tikintiyə icazə sənədi alır, tikinti normativlərini pozur, qanunsuz tikinti aparır və sonda FHN gəlib sökür. Belə çıxır ya nazir Kəmaləddin Heydərov Abdin Fərzəliyevə müharibə açıb, ya da həqiqətən FHN qanuni iş görür. Axı kimsə özbaşına tikintiyə başlasa, elə birinci Abşeron İH əməkdaşları başının üstünü kəsdirərdi. Əgər onlar müdaxilə etmirlərsə, tikintinin gedişində FHN məsələyə qarışırsa, deməli, Abşeron İH başçısı Fərzəliyevin "marağı” təmin olunub.
Yeri gəlmişkən, Tribunainfo.az-a müraciət edən Abşeronun Masazır qəsəbəsi, Əliağa Vahid küçəsi, ev 109 sakini Əhmədov Telman İsa oğlu da mansardla birlikdə üçmərtəbəli, 12 metrlik obyektin onun evi ilə ara məsafəsi saxlamadan tikilməsindən şikayətçidir.
Məlum olduğu kimi yaşayış məntəqələrində yanaşı sahələrdə tikinti aparılmasının əsas şərtləri Şəhərsalma və Tikinti Məcəlləsi ilə tənzimlənir. Tikintilərin arasında məsafələr və qonşuluq hüququna görə qonşu tikililər arasında məsafə saxlamaq zəruridir.
Şikayətçi Telman Əhmədov isə bildirir ki, düz bir ildir onun evinə bitişik qanunsuz tikinti aparılıb: "Biz müxtəlif dövlət qurumlarına şikayət etsək də heç bir müsbət nəticə olmayıb. Bu obyekt demək olar ki, bizim evə bitişik tikilib. Hətta heç olmasa 1 metr ara məsafəni saxlanılmasını dedik, onda tikintini aparanlar ora pilləkəni də gətirib araya, bizim evə birləşdirdilər. Biz buna etirazımı bildirdikdə isə cavab verdilər ki, "hara istəyirsiniz şikayət edin, biz heç kimdən qorxmuruq”.
Onun sözlərinə görə, məhkəmə qərarı əsasında bir aydır tikintini müvəqqəti dayandırıblar: "Bu yaxınlarda Fövqəladə Hallar Nazirliyinə də getmişdik, orada da sənədlərə baxıb bizə dedilər ki, obyektin tikintisi qeyri-qanunidir. Çünki obyektin torpağının sənədi yoxdur, yalnız bələdiyyə sənədi var”. Şikayətçi onu da bildirir ki, bələdiyyənin yerində fərdi ev adı altında obyekt tikirlər, amma alanla satan arasında heç bir müqavilə yoxdur: "Kupça” Faiq Kərimovun adınadır və tikintini aparanlar da yeri ondan alıblar. Amma rəsmi heç bir alqı- satqı sənədi yoxdur. İndi onlar çəkilib kənara ki, "bura bizim deyil, Faiqindir”. Rövşən Məmmədov, Şükürov Əli, Allahverdiyev Rövşən adlı 3 nəfər nə yollasa torpağı alıblar Faiqdən və həmin torpağın üstündə qanunsuz tikinti aparırlar. Onlar Faiq Kərimovun adından istifadə edərək deyirlər ki "obyekt bizim deyil, Faiqindir, gedin onu məhkəməyə verin”, amma məhkəmədə Faiq üçün onlar vəkil tutublar. Faiq Kərimov isə deyir ki, "mənlik bir şey yoxdur, mən onlara satmışam torpağı”.
Biz Memarlıq və Şəhərsalma İdarəsinə də müraciət etdik, gəlib baxış keçirdilər və rəy bildirdilər ki, həqiqətən də tikintinin heç bir sənədi yoxdur. Ortada alqı-satqı yox, torpağın sənədi yox, amma bu boyda tikinti demək ki, artıq başqa çatıb. Dəfələrlə qanunsuz tikinti ilə bağlı Abşeron rayon İcra Hakimiyyətinə müraciət etmişik, onlar da müraciətimizi yönləndirib Abşeron İH-in Memarlıq və tikinti şöbəsinə. Abşeron İH-in Memarlıq və tikinti şöbəsinin müdiri Elvin Quliyev bəlkə 15 dəfə bizə məktub göndərib ki, aparılan tikinti qeyri-qanunidir. Amma bununla belə heç bir tədbir görülüməyib”.
Vətəndaş Prezidenti İlham Əliyevə, birinci xanım Mehriban Əliyeva , Prezident Administrasiyasına, çoxsaylı dövlət qurumlarına müraciət edib: "Prezidentin köməkçisi – Prezident Administrasiyasının Ərazi-təşkilat məsələləri şöbəsinin müdiri Zeynal Nağdəliyevin onlayn görüşündə olmuşuq. O da tədbir görülməsi üçün Abşeron rayon İcra Hakimiyyətinin başçına xəbərdarlıq edib. Amma heç bir tədbir görülməyib. Sadəcə bizim şikayətimizə baxan yoxdur. Gəlirlər baxış keçirirlər, deyirlər qanunsuzdur, amma atırlar bir-birinin üstünə. Tikintini elə aparıblar ki, bizə hava gəlmir. Yoldaşım bronxial astmadır , mən ürək xəstəsiyəm, 2 dəfə ağır əməliyyat olunmuşam. Obyektə görə burada nəfəs almaq olmur. Divarlarımız qaralır. Hətta bir müddət əvvəl bizə yalandan dedilər ki, əgər "Biz ara məsafəsi saxlamamışıqsa, onda sizin evi də alırıq. Hətta dedilər beh də verəcəyik. Amma sonradan məlum oldu ki, bu onların növbəti yalanı idi. Gecə-gündüz də tikinti gedib, norma və qaydalarının tələblərinə riayət etmədən tikintini bizə tərəf olan hissədən başqa başa çatdırıblar. Hər cür vəchlə , bəhanələrlə bizi aldadırlar. Bizim məhkəmədən tələbimiz odur ki, obyekt ara məsafəsi verilməsi üçün sökülsün. Sökülməsi bir yana qalsın, onlar bizimlə heç bir razılaşmaya da gəlmirlər,heç bizi eşitmək belə istəmirlər. İki dəfə məhkəmədə olmuşuq. Hətta məhkəmə də bizim işimizə ədalətlə baxmır. Biz məhkəmənin qərarından Apelyasiya şikayəti vermişik. Artıq bizdə məsələnin müsbət həll olunmasına inamsızlıq yaranıb.
Mətbuat vasitəsilə aidiyyəti qurumlardan artıq dərəcədə xahiş edirik, bizim problemi həll etsin”.
Mənbə: TİA.az
“Yeni Ələt” dəmiryol stansiyasında parklanmış vaqonların bilərəkdən yandırıldığı iddia edilib.
Bu barədə Oxu.Az-ın redaksiyasına daxil olan müraciətdə bildirilib.
Belə ki, ərazidə olan vətəndaşlardan biri saytımıza “Yeni Ələt” dəmiryol stansiyasında rels üzərində olan vaqonların bilərəkdən yandırıldığına dair görüntülər yollayaraq hadisənin qəsdlə törədildiyini iddia edib:
“Sözügedən stansiyada vaqonların yandırılması adi hal alıb. Mütəmadi olaraq bu hal müşahidə edilir. Bu vaqonlar, əslində, maddi maraq məqsədi ilə yandırılır. Əvvəlcə tonlarla çəkisi olan vaqonlar oğurlanır. Yaxın müddətdə də 10-dan çox vaqon oğurlanıb. Daha sonra onlar yandırılır və sonra istismara yararsız kimi aktlaşdırılır. Bununla da dəmir parçası, “metallolom” kimi satılır”.
Vətəndaş məsələnin aidiyyəti orqanlar tərəfindən araşdırılmasını istəyir və vurğulayır ki, “Yeni Ələt” dəmiryol stansiyasında bunun kimi başqa qanunsuz faktlar da var.
Məsələ barədə Daxili İşlər Nazirliyindən Oxu.Az-ın sorğusuna cavab olaraq bildirilib ki, qeyd edilən məsələ barədə Qaradağ Rayon Polis İdarəsinə şikayət daxil olub:
“Aparılan araşdırmalar zamanı Ələt qəsəbəsində 10-dan çox vaqonun oğurlanması barədə səsləndirilən iddialar öz təsdiqini tapmayıb.
Belə ki, qeyd edilən ərazi müvafiq qaydalara uyğun olaraq satılandan sonra həmin yerdə olan aidiyyəti dövlət orqanına məxsus vaqonlar oradan çıxarılaraq mühafizə olunan vaqonların saxlanıldığı depoya aparılıb”.
“Azərbaycan Dəmir Yolları” Qapalı Səhmdar Cəmiyyətindən isə saytımıza bildirilib ki, vətəndaş tərəfindən ötürülən fakt və sübutların ADY-yə təqdim edilməsi xahiş olunur.
"Kənd Təsərrrüfatı Naziri İnam Kərimov idarəçiliyini itirdiyi kimi regonlarda tabeliyində faliyyət göstərən Dövlət Aqrar İnkişaf Mərkəzləri də maddi cəhətdən problemlər yaşayır". Bu barədə DİA.AZ-a göndərilən məlumatda deyilir.
Məqlumatda daha sonra qeyd olunur: "Dövlət büccəsindən milyonlarla manat pul ayrılan aqrar sahədə acınacaqlı şərait yaranıb. Şabran rayonu Dövlət Aqrar İnkişaf Mərkəzi Azərişıq ASC-yə ödəməyə pul tapa bilmədiyinə görə 10 gündən çoxdu qaranlığa qərq olub. Hazırda ibtidai icma dövrünü yaşayan Şabran DAİM-nin rəhbəri Fəxrəddin Osmanov işçilərə bildirib ki fevral ayının ortalarına qədər belə olacağını bildirib. DAİM nin işçilər vacib sənət işləri olduqda 1-2 saatlıq generator işlədərək binanı müvəqqəti işıqlandıraraq işlərini görür. İnam Kərimov aqrar sahəni məhv etdiyi kimi regonlarda işləyən dövlət qulluqçularınında dövlətə Cənab Prezidentin siyasətini kölgə altına salır. Qaranlığa qərq olunmuş dövlət müəssəsinə vətəndaşın necə ehtimad etsin, ya orada işləyən dövlət məmuru işıqsız invertarsız necə dövlətin vətəndaşın işin görsün. İnam Kərimovun yarıtmaz faliyyətinə görə regonlarda neçə DAİM elektrik enerjisindən günlərdi əziyyət çəkir. İnanırıq ki, Cənab Prezident İlham Əliyev özbaşınalıqla idarəçilik edən İnam Kərimov barəsində tədbir görər".
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Azərbaycanda ən çox korrupsiya və özbaşınalıqların baş verdiyi qurumlardan biri də Meliorasiya və Su Təsərrüfatı Açıq Səhmdar Cəmiyyəti olub. 2006-ci ildən 2021-ci ilə qədər bu quruma rəhbərlik edən Əhməd Əhmədzadə sözün həqiqi mənasında buranı korrupsiya bataqlığına çevrimişdi.
2021-ci ildə quruma rəhbər təyin edilən Zaur Mikayılovdan bəzi gözlənilər olsa da, o da ASC-nin fəaliyyətini şəffaflaşdıra bilmədi, daha doğrusu, şəffaflaşdırmadı, bataqlıq daha da böyüdü, ətrafa yayıldı və dərinləşdi.
Bu yaxınlarda mediada gedən araşdırmalar da Meliorasiya və Su Təsərrüfatı Açıq Səhmdar Cəmiyyəti ilə bağlı haqlı suallar ortaya çıxarıb. Amma qurum bu suallara cavab vermək əvəzinə, olanları gözməzdən gəlir və qanunvericilik qarşısında özünü heç məsul saymır.
2022-ci ilin sonlarında qurumun tabeliyində fəaliyyət göstərən Kür-Araz çaylarında Bəndlərin İstismarı İdarəsi sifarişçi olduğu növbəti tenderə yekun vurub. Bu tenderlə bağlı suallar durumun olduqca ağır olmasından xəbər verir. Yəni merkantil idarəçilik bu təşkilatın əsas sevizinə çevrilib.
Bəs tenderi udan MMC kimindir?
Bir müddət öncə "qlobal.az"da gedən araşdırmada bildirilirdi ki, idarə 2022-ci ilin dekabr ayının 29-da "Əsaslı təmir üzrə Sabirabad, Hacıqabul, Salyan və Neftçala rayonları ərazisində Kür çayında daş-betonla sahilbərkitmə işlərinin satın alınması" lotu üzrə keçiridyi satınalmanın məbləği 5.965.000 manat, qalibi isə "İnşaatçı-Neftçi" Məhdud Məsuliyyətli Cəmiyyəti olub.
Nizamnamə kapitalı 10 manat olan "İnşaatçı-Neftçi" MMC-nin hüquqi ünvanı Şirvan şəhəri 28 may küçəsi, ev 2, mənzil 30 ünvanı, qanuni təmsilçisi isə Zeynalov Faiq Səmid oğludur. Amma tenderin şəffaflığı ilə bağlı ortada heç bir hesabatlılıq yoxdur. Bu MMC-nin fəaliyyəti ilə bağlı isə heç bir dolğun suala məlumata rast gəlinmir…
15 milyonluq satınalma ilə bağlı qaranlıq məqamlar…
Kür-Araz çaylarında Bəndlərin İstismarı İdarəsi 2021-ci ilin mart ayından 2022-ci ilin dekabr ayının 29-a qədər 7 (yeddi) satınalmaya yekun vurub. Bu tenderlərin ümumi məbləği 15.252.638 (on beş milyon iki yüz əlli iki min altı yüz otuz səkkiz) manat təşkil edib:
1. Lot - "Maşın mexanizmlərinin və nəqliyyat vasitələrinin ehtiyat hissələrinin satınalınması"
Qalib təşkilat - "Sevinc-96" MMC
Məbləğ - 241.880 AZN
2. Lot - "Əsaslı Təmir uzrə torpaq işləri"
Qalib təşkilat - "Meliorativ maşın stansiyası" MMC
Məbləğ - 538.600 AZN
3. Lot - "Cari təmir üzrə daş-betonla sahil bərkitmə işləri"
Qalib təşkilat - "Sevinc-96" MMC
Məbləğ - 1.046.132 AZN
4. Lot - "Əsaslı Təmir uzrə torpaq işləri"
Qalib təşkilat - "İlkin-N" MMC
Məbləğ - 6.175.511 AZN
5. Lot - "Maşın mexanizmlərinin və nəqliyyat vasitələrinin ehtiyat hissələrinin satınalınması"
Qalib təşkilat - "Sevinc-96" MMC
Məbləğ - 239.507 AZN
6. Lot - "Cari təmir üzrə Ucar, Zərdab, Kürdəmir, Sabirabad, Salyan, Neftçala rayonları ərazisində olan çaylarda mexanizmlərlə torpaq işlərinin satın alınması"
Qalib təşkilat - "Ricon" MMC
Məbləğ - 1.006.008 AZN
7. "Əsaslı təmir üzrə Sabirabad, Hacıqabul, Salyan və Neftçala rayonları ərazisində Kür çayında daş-betonla sahilbərkitmə işlərinin satın alınması"
Qalib təşkilat - "İnşaatçı-Neftçi" MMC
Məbləğ - 5.965.000 manat.
Göründüyü kimi, idarənin qalib etdiyi bu təşkilatlardan "Ricon" MMC istisna olmaqla hamısının hüquqi ünvanları qonşu rayonlardadır:
- "İnşaatçı-Neftçi" MMC - Hüquqi ünvanı Şirvan şəhəri 28 may küçəsi, ev 2, mənzil 30;
- "Sevinc-96" MMC - Hüquqi ünvanı Şirvan şəhəri, H.Z.Tağıyev, ev 45, m. 1;
- "İlkin-N" MMC - Hüquqi ünvanı Salyan rayonu Qarabağlı kəndi;
- "Meliorativ maşın stansiyası" MMC - Hüquqi ünvanı Sabirabad rayonu Bulaqlı kəndi.
Qalib təşkilatların texniki bazası yoxdur…
Kür-Araz çaylarında Bəndlərin İstismarı İdarəsinin 2021-ci ilin mart ayından indiki dövrədək qalib elan etdiyi təşkilatların maddi-texniki bazaları barədə açıq internet resurslarında heç bir məlumata rast gəlinmir.
Məlumata görə, "İlkin-N" MMC-nin texniki bazası mövcuddur. Iddia olunur ki, Kür-Araz çaylarında Bəndlərin İstismarı İdarəsinin digər tenderlərində qalib elan olunan təşkilatlar - "Meliorativ maşın stansiyası" MMC və "Sevinc-96" MMC əslində "İlkin-N" MMC-nin sahibi "Hacı Qurban" kimi tanınan Qurban Abasova məxsusdur.
Bu şirkətlərin qalib elan edildiyi işlərdə "İlkin-N" MMC-yə məxsus avtomobil və digər texnikalardan istifadə edilir. Yeri gəlmişkən, işlərdə "İlkin-N" MMC ilə bağlı zaman-zaman mediada tənqidi məqalələr dərc olunub, şirkətin şəffaflığı sorğulanıb, amma şirkət hər hansı bir açıqlama verməyib.
Tenderin qaliblərini ASC-dəki xalaoğlu müəyyən edir…
Digər qurumlarda olduğu kimi və artıq Azərbaycanda pis ənənəyə çevrilən qohumluq prinsipləri ASC-də də uzun illərdir ki, mövcuddur. Ona görə də satınalmaların formallığı hər zaman diqqət çəkir. Kür-Araz çaylarında Bəndlərin İstismarı İdarəsinin sifarişçi olduğu satınalmaların bəzi təşkilatlarda olduğu kimi formal keçirildiyi, əslində qaliblərin öncədən bəlli olduğu bildirilir. Həmçinin Meliorasiya və Su Təsərrüfatı Açıq Səhmdar Cəmiyyətinin ən böyük təşkilatlarından olan Kür-Araz çaylarında Bəndlərin İstismarı İdarəsinin sifarişçi olduğu satınalmalarda görülən işlərin dəfələrlə şişirdiliyi, alınan mal-materiallar isə rəsmi sənədlərdə əks olunduğu barədə fikirlər səslənir. İdarənin formalaşdırdığı satınalma komissiyasının müstəqil və şəffaf qiymətləndirmə aparmaq və satınalma keçirmək kimi imkanları yoxdur.
Buna səbəb isə İdarə rəisinin qanunun tələblərindən daha çox ASC rəhbərliyində təmsil olunan qohumunun sözlərinə və tapşırıqlarına qeyd-şərtsiz əməl etməsi iddia edilir. Görünən odur ki, qurumda tapşırıq və qohumluq qanunların aliliyindən daha öndədir.
Kür-Araz çaylarında Bəndlərin İstismarı İdarəsinin rəisi Elman Nuriyevin xalasıoğlu Azərbaycan Meliorasiya və Su Təsərrüfatı ASC-nin sədr müavini Zakir Quliyevdir.
Zakir Quliyev ASC-yə sədr müavini təyin edilməmişdən əvvəl uzun illər Kür-Araz çaylarında Bəndlərin İstismarı İdarəsinin rəisi vəzifəsində çalışıb.
O, 2006-cı ildə Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədr müavini vəzifəsinə təyin edildikdən sonra xalasıoğlu Elman Nuriyevi Kür-Araz çaylarında Bəndlərin İstismarı İdarəsinin rəisi qoyub. Bu da bayaq dediyimiz kimi, dövlət qurumunun qohumluq prinsipləri ilə çalıışdığının bariz nümunəsidir. Təbii ki, şəffaf olmayan qurumlarda qohumşuluqla idarəçilik həm də geniş korrupsiya şəbəkəsinin formalaşmasına yol açır və Azərbaycan nümunəsində biz zaman-zaman bunun şahidi olmuşuq.
Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri Zaur Mikayılovdur. O, bu vəzifəyə 2021-ci ilin aprel ayında təyin edilib. Artıq iki ildir ki, quruma rəhbərlik edən Mikayılovun tender və satınalmalarda yol verdiyi nöqsanlar göz deşir və bu hələ ASC-də baş verənlərin hamısı deyil, görünür, orada daha dərin və ciddi problemlər var. Açıq tenderləri bu prinsiplə icra etdirən şəxslərin gör gizlində hansı fəaliyyətləri var. Mikayılovun rəhbərlik etdiyi qurumda və onun tabeliyində olan idarələrdə bu halların baş verməsi hər şeyi açıq-aşkar ortaya qoyur.
Əgər bu qurumda ciddi yoxlamalar aparılsa, aydın olacaq ki, Zaur Mikayıov nəinki sələfindən geri qalmır, hətta mənfi idarəçilikdə onu da vurub keçib… //gundemxeber.az//
Kənd Təsərrüfatı Nazirliyi, ona tabeli qurumlar, xüsusilə də nazir İnam Kərimov və komandası son vaxtlar medianın gündəmindən düşmür. Məlum olur ki, aqrar sektorun inkişaf etdirilməsi adı altında İnam Kərimov və komandası bir çox oliqarx məmurlara məxsus torpaq sahələrində bizneslərinə daxil olan xərcləri dövlət hesabına həyata keçirirlər. Dövlətin aztəminatlı ailələrə, fermerlərə verdiyi dəstəkdən isə bu gün daha çox yararlananlar nazirin “islahatçı” kadrlarıdır desək, yanılmarıq. Aqrar sektorun inkişaf etdirilməsi məqsədi ilə fermərlərə güzəştli şərtlər adı altında baha satılan gübrələr, yanacaq, vaxtlı-vaxtında verilməyən subsidiyalar və texnikalar gözdən pərdə asmaqdan başqa bir şey deyildir. Əslində isə son illər kənd təsərrüfatının inkişaf etdirilməsinə daha çox büdcə vəsaiti ayrılır. Bundan şəffaf və səmərəli istifadə etmək qalır İnam Kərimovun komandasının insafına.
İnam Kərimov və komandası isə əksinə, bunları fürsət bilib özlərinə məxsus təchizatçı şirkətlərlə işbirliyi qururlar. Aqrar sektorda islahatlar həyata keçirmək adı altında kənd təsərrüfatı texnikalarının və damazlıq heyvanların alışına şişirdilmiş rəqəmlərlə yüz milyonlarla manat vəsait xərcləyirlər. Hansı ki, aqrar sahəyə çəkilən belə izafi xərclər Kənd Təsərrüfatı Nazirliyinin bir çox maliyyə əməliyatlarında özünü açıq şəkildə biruzə verir. Aşağıdakı məlumatlarda olduğu kimi.
“Aqroservis” Açıq Səhmdar Cəmiyyəti tərəfindən Ucar Təchizat Bazasının hasarının təmiri işlərinin satın alınması üzrə keçirilmiş açıq tenderin nəticələri açıqlanıb. Dövlət satınalmalarının vahid internet portalına yerləşdirilmiş məlumata görə satınalma müqaviləsi 16.01.2023-cü il tarixdə bağlanıb. “Aqroservis” ASC qalib seçdiyi “OMAR NN GROUP” Məhdud Məsuliyyətli Cəmiyyətinə qeyd etdiyimiz işlərin görülməsi üçün 326 536.16 manat dövlət vəsaiti ödəyəcək.
Qeyd edək ki, tenderin şərtlər toplusunda görüləcək təmir işlərinin həcmi göstərilməyib. Buradan da maraqlı suallar meydana çıxır. Ucar Təchizat Bazasının hasarının uzunluğu və hündürlüyü nə qədərdi, cəmi neçə kvadratmetrdir ki, buranın təmirinə, tikintisinə yox, yalnız təmirinə üç yüz min manatdan çox vəsait ayrılıb. Bu vəsaitlə yeni nə qədər hasar çəkmək olar? Elə bu sual ətrafında araşdırmalar apardıq. Məlum oldu ki, “OMAR NN GROUP” Məhdud Məsuliyyətli Cəmiyyəti ilə “Aqroservis” Açıq Səhmdar Cəmiyyəti arasında işbirliyi çoxdan var. Belə ki, “Aqroservis” Açıq Səhmdar Cəmiyyəti 24.05.2022-ci il tarixdə Gəncə Təchizat Bazasının hasarının təmiri işləri üzrə də “OMAR NN GROUP” MMC ilə 103 840 manat məbləğində satınalma müqaviləsi bağlayıb.
Məlum olduğu kimi “Aqrolizinq” Açıq Səhmdar Cəmiyyətinin fəaliyyətinin tənzimlənməsi ilə bağlı bəzi tədbirlər haqqında” Prezident İlham Əliyevin 2020-ci il 17 avqust tarixli Fərmanına əsasən Cəmiyyətin adı dəyişdirilərək “Aqroservis” Açıq Səhmdar Cəmiyyəti adlandırılmışdır. Yəni hazırki “Aqroservis” ASC 2020-ci ilə qədər “Aqrolizinq” ASC kimi fəaliyyət göstərmişdir.
Bir az dərin araşdırdıqda məlum oldu ki, “Aqrolizinq” ASC-nin Tovuz rayon bölməsinin hasarının yenidənqurulması işlərinin satınalınması üzrə 54 574.33 manat məbləğində bir müqavilə də 04.03.2020-ci il tarixdə “İNŞAAT-İ.” Məhdud Məsuliyyətli Cəmiyyəti ilə bağlayıb. Hansı ki, bu MMC-yə məxsus VÖEN (1100157541) həm də “OMAR NN GROUP” MMC-yə aid olduğu göstərilir.
“Aqrolizinq” ASC-nin hasar təmiri əməliyatları bununla da bitmir. Belə ki, ASC Kürdəmir rayon bölməsinin uçmuş hasarının yenidənqurulması işlərinin satınalınması üzrə keçirdiyi kotirovka sorğusunda da qalib “İNŞAAT-İ.” MMC olub və tərəflər arasında 20 164.94 manat dəyəri olan satınalma müqaviləsi 27.12.2019-cu il tarixdə bağlanılıb.
Qeyd edək ki, “OMAR NN GROUP” MMC -yə aid olduğu göstərilən VÖEN-lə (1100157541) 2021-ci ilə qədər “İNŞAAT-İ.” MMC kimi bir sıra tenderlərin qalibi olub. 2022-ci ildə isə “İNŞAAT-İ.” MMC dönüb olub “OMAR NN GROUP” MMC. Bu adla isə 2022-ci ildə MMC yol çəkilişindən tutmuş təmir bərpa işləri üzrə bir neçə tenderin qalib olub.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “OMAR NN GROUP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 21.02.2005-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının BAKI ŞƏHƏRİ SABUNÇU RAYONU, BAKIXANOV ŞTQ, 4090\94 MƏH., ev 2/7, m. 118, qanuni təmsilçisinin isə Ömərov Namiq Nüsrət oğlu olduğu göstərilir.
MMC haqqında açıq mənbələrdə olan məlumatlar bu qədərdir. Görsənən odur ki, “Aqroservis” Açıq Səhmdar Cəmiyyəti ilə MMC-lərin qanuni təmsilçisi kimi göstərilən Namiq Ömərov arasında ancaq hasarların təmiri üzrə anlaşma olub. Hansı ki, heç bir tenderin şərtlər toplusunda görüləcək təmir işlərinin həcmi göstərilməyib. Elə Ucar Təchizat Bazasının hasarının neçə kvadratmetr olduğunu öyrənmək cəhdlərimiz də boşa çıxdı. Bu əməliyyatın nələrə hesablandığını da elə buradan təxmin etmək olar. Əsas məqsəd bazanın hasarının təmiri deyil, bu əməliyyatdan daha çox bəhrələnməkdir.
Qeyd edək ki, “Aqroservis” ASC-nin rəhbəri Elmin Rəhmanovdur. O, sözügedən quruma 2019-cu ildə rəhbər təyin olunduqdan qısa müddət sonra özünə 298 min manata “Lexus” avtomobili alması ilə gündəmə gəlmişdi. Elə 2019-cu ildən də Elmin Rəhmanov Səhmdar Cəmiyyətin rayonlarda yerləşən bazalarına hasar təmiri əməliyatlarına başlayıb.
Aktualinfo.org
Gəncə şəhərində yerləşən universitetlərdən mütamadi olaraq saytlara şikayət məktubları göndərilir.Əksər şikayətlərdə də həqiqət payı var.Bu günümüzdə də davam edir.Son illər universitetlərin arasında bir tək ADAU-nun adı hallanmırdı,artıq son aylar bu təhsil müəissəsinin adı da siyahıda yer alır.
Azərbaycan Dövlət Aqrar Universitetinin professor müəllim heyəti adından Faktinfo.az saytına növbəti şikayət göndərilib. Şikayətdə deyilir:
İnam Kərimov Zəfər Qurbanova Azərbaycan Dövlət Aqrar Üniversitetinin rektoru vəzifəsini icra etməyi həvalə edib.Zəfər Qurbanov texnika elmləri namizədidir, neft sənayesi üzrə mütəxəssisdir.O,aqrar sektora, onun istehsalat həyatına tanış sima deyil, aqrar sahədən heç bir məlumatı olmayan yad bir adamdır. Bu adam elə hesab edir ki, aqrar sahə və kənd təsərrüfatı sahəsi başqa-başqa məfhumlardır.
Bunlar əyani sübutdur ki,İnam Kərimov ixtisas sahibləri olan mütəxəssisləri yox,böyük çapda yerlibazlıq edərək yaxın qohum və əqrabasını müvafiq strukturlara yerləşdirir.
Eləcə də bu günlərdə Əhməd Məlikov ADAU-ya tədris işləri üzrə prorektor təyin olunub.Əhməd Məlikov Azərbaycan Texnologiya Universitetində müəllim işləyirdi. Xəmir qarışdıran qurğu üzrə müdafiə edib, aqrar sahənin mütəxəssisi deyil.Bu adam Azərbaycan Texnologiya Universitetinin sənayesi üzrə mütəxəssisdir.O,Azərbaycan Texnologiya Universitetinin keçmiş rektoru Telman Məlikovun qardaşıdır.Telman Məlikovun kürəkəni Elnur Əliyev isə nazir Mikayıl Cabbarovun ən yaxın adamıdır, onun birinci müavinidir.
Son dövrlərdə ADAU-da 3 dəfə olan ölkə Prezidenti universitetdə nümunəvi tələbə evi, nümunəvi tədris korpusu, nümunəvi maddi-texniki baza yaratdı. Zəfər Qurbanov isə aqrar universiteti nəinki regionda, hətta beynəlxalq səviyyədə tanıtmaq əvəzinə universiteti müxtəlif məmurların təsiri altına saldı.O,daxili nəzarət şöbəsinə Kamran adlı bir şəxs təyin edib. Bu adam tələbələrin davamiyyətini yoxlamır,əlində jurnal professor - müəllim heyətini yoxlayır.
Hazırda Aqrar Universitetdə pislə yaxşının, savadlı ilə savadsızın yeri bilinmir. Vəzifələrə dərəcəsi olmayan adamlar təyin olunur. Bu günlərdə "Əkinçilik, genetika və seleksiya" kafedrasına keçirilən kafedra müdiri seçkisində aqrar elmləri doktoru, professor Nizami Seyidəliyev kənarlaşdırılaraq bu sahəyə tamamilə yad olan, Şəmkir rayonunun sabiq icra başçısı Aslan Aslanovun bacısı qızı Aynur Həsənovanı müdir seçdi.Aynur Həsənovanın anası Ema Aslanova Gəncə Dövlət Universitetinin kafedra müdiridir. Onun dərsləri kafedranın digər müəllimləri tərəfindən tədris olunur.
Aqrar Universitetdə quşçuluq təsərrüfatı məhv edilmək üzrədir. Universitetin parnik təsərrüfatı ləğv olunub. Zəfər Qurbanov heyvandarlıq təsərrüfatında heyvanların sayının azaldılması haqqında da göstəriş verib. İxtisasları bağlayır,tələbələrin sayını aşağı salır. Bu da Cənab Prezidentin iqtisadi inkişaf konstektində apardığı kadr siyasətinə böyük zərbədir və onun Sərəncamına hörmətsizlikdir.
Zəfər Qurbanovun ADAU-ya rektor əvəzi təyin olunduğu gündən nəzərə çarpacaq bir fəaliyyəti olmamışdır. Hər gün iclas keçirir və bu 4-5 saatlarla davam edən mənasız iclasların hamısında yalnız özü danışır, özünü tərifləyir. Zəfər Qurbanov ancaq tələbələrlə görüşür, professor-müəllim heyəti ilə normal bir görüşü hələ də olmayıb.
Əhməd Məlikov isə Qəmbər Abdullayevin, Nurəddin Məmmədovun, Texnologiya Universitetinin sabiq rektorundan gecə-gündüz ora-bura donos yazan Azər Allahverdiyevin yaxın dostudur. Onun da heç bir qabiliyyəti yoxdur, olsa idi Texnologiya Universitetində ona vəzifə verərdilər.
Zəfər Qurbanov İnam Kərimovun kadrıdır. Əhməd Məlikov isə Mikayıl Cabbarovun kadrıdır. Hər ikisinin məqsədi rektor olmaqdır. Rektorluq uğrunda mübarizə gedir, savaş gedir. "İki qoçun başı bir qazanda qaynamaz" deyib atalar... Bu savaşda Mikayıl Cabbarovun kadrı olan Əhməd Məlikovun qalib gələcəyi açıq-aydın görünür. Hətta artıq Əhməd Məlikov Göygöl rayonunda Gilavar restoranında dostları ilə yeyib içərkən,Zəfər Qurbanovun qatarının getdiyini bildirmiş və bunu süfrə arxasında tostlarla qeyd etmişdir.
Mərhum akademik Cəlal Əliyevin dediyi kimi torpaqda yetişib, torpaqda böyüyən ən azından elmlər doktoru, professorlar bu universitetdə çalışıblar. Ona görə də aqrar sahəni dərindən bilən mütəxəssslər bu universiteti inkişaf etdirə bilər.ADAU-da magistr, bakalavr, yüksək ixtisaslı elmlər doktoru, fəlsəfə doktoru hazırlanırsa, ən azından bu universitetə aqrar sahəyə tam bələd olan şəxsin rəhbərlik etməsi daha münasibdir.
Seyid Cəfər Pişəvəri adına humanitar gimnaziyanı bitirib fars dili mütəxəssisi olan, daha sonralar Bakı Dövlət Universitetinin Beynəlxalq hüquq fakültəsini bitirərək beynəlxalq hüquq üzrə mütəxəssis olan İnam Kərimov aqrar sahəyə necə zərbə vurursa, onun yaxın qohumu, neft sənayesi üzrə mütəxəssis olan Zəfər Qurbanov da, ADAU-nu elə məhv edir. Aqrar sahə çox spesifik sahədir, bu sahəni idarə etmək üçün illərin təcrübəsi lazımdır, yəni akademik Cəlal Əliyevin ifadəsi ilə desək, idarə edən mütəxəssis “asfaltda yox, torpaqda doğulmalıdır”.
Ümid edirik ki, ölkə rəhbəri bu universitetin aqrar sahədən tamamilə məlumatsız şəxslərə həvalə etməsi haqqında ciddi bir tədbir görəcəkdir.
FAKTİNFO.AZ