 |
|
|
"22 avqust 2024-cü ildə ölkənin və xüsusilə təhsil siyasətinin həyatında aparıcı dəyişiklik baş verdiyini düşünmək olardı. Əsrin 1/4 hissəsini Təhsil İşçiləri Həmkarlar Komitəsinə, eyni zamanda Həmkarlar İttifaqlarına sədrlik etmiş Səttar Möhbalıyev nəhayət “səhhəti ilə əlaqədar” istefa verdi. İlk baxışdan ölkə gündəminə bomba kimi düşmüş bu xəbər bir çoxlarında islahat ümidi yaratsa da, sonradan baş verən proseslər bir daha “gedənin atasına rəhmət” fikrini təsdiq etdi..." Bu barədə "DİA-AZ"a göndərilən məqalədə deyilir.
Məqalədə daha sonra bildirilir: "Uzun illərdir müəllimlərin, bağça işçilərinin, müəllim-professor heyətinin və nəhayət tələbələrin təqaüdlərindən həyasızcasına tutulmuş 2 % vəsaitləri yumşaq tərzdə desək darmadağın edən Səttar Möhbalıyev və onun başının cinayətkar dəstəsindən hamının canı qurtardığını düşünüldü. Lakin seçkidən 2 aydan bir az artıq zaman keçməyi kifayət edirmiş ki, bir daha əmin olaq ki, növbəti yalnış kadr siyasəti özünü bir üzə verdi. Araz Paşayev haqqında sosial şəbəkələrdə apardığımız araşdırmalar nəticəsində, onun ziddiyətli karyerası, qarışıq işləri bizi sözün əsl mənasında heyrətə gətirdi. Araz Paşayev yazan kimi qarşımıza ilk olaraq Cənab Prezident İlham Əliyevin Şəmkir rayonuna səfəri, orda Gənclər Mərkəzi və Bayaraq Meydanı sosia obyektlərinin açılışı çıxır. Xatırladaq ki, 2000-2017-ci illərdə Vergilər naziri işləmiş Fazil Məmmədov Şəmkir rayonundan idi və bu rayon uzun illər onun işğalı altında olmuşdur. Şəmkir rayonunda icra başçıları, hüquq-mühafizə orqanları rəhbərləri məhz onun “xeyr duası” ilə təyin olunurdur. Maraqlıdır əslən Şəki rayonundan olan Araz Paşayev hara, Fazil Məmmədov hara ?! Bu barədə növbəti yazılarımızda ətraflı yazacağıq......
Qayıdaq Təhsil İşçiləri Həmkarlar İttifaqı Respublika Komitəsinə ! Araz Paşayev özü heç vaxt həmkarlar təşkilatlarında, xüsusi ilə bu sahədə heç vaxt fəaliyyət göstərməmişdir. Bu sahəni öyrənməyə bir müddət tələb etdiyi halda, özü ilə yumşaq dildə desək “yığıb gətirdiyi komandası” bundan betər mənzərə nümayiş etdirdi. Bir neçə gündür ki, Komitənin bir neçə əməkdaşı tökülüşüb respublika ərazisində fəaliyyət göstərən rayonların canına. Bu işlərə birbaşa rəhbərliyi TehranAğa Abdullayev adlı şəxs edir. Bu təhdidlərə rəhbərlik edən, yerli həmkarlar Komitələrinə təzyiqin başında Komitəyə özü ilə gətirdiyi, Məclisinin iclası olmadan qeyri-qanuni olaraq sədrin 1 ci müavini təyin etdiyi, əvvəllərdə Araz Paşayevin Təhsil Tələbə Kredit Fondunda maliyyə və iqtisadiyyat şöbəsinin müdiri işləmiş və aydındır bütün qara işlərinin icraçısı TehranAğa Abdullayev dayanır. Araz Paşayevlə eyni gündə Komitəyə gələn TehranAğa Abdullayev əvvəl DSMF və özəl sektorlarda fəaliyyət göstərib. Yerli Komitə sədrlərini qəbul edərək, onlara hədə qorxu gəlib, təhdid etməklə 5 000-dən 100 000-dək vəsait toplamışdır. Bu vəsaiti o qədər peşakarlıqla toplamışdır ki, bu gün də yerli təşkilat sədrləri başa düşmür bu vəsait hara köçmüşdür. Onlara hesab verilmişdir ki, apar bu məbləğdə vəsaiti mədaxil elə bu hesaba. Əldə etdiyimiz məlumata görə Araz Paşayevin “komandasında” təhsil işini bilməyən, həmkarlar işini bilməyən, ümumiyyətlə ölkənin ictimai-siyasi gündəmindən xəbəri olmayan gənclər toplaşaraq, yalnız öz mənfəətlərini gözləməkdədir. Hal-hazır Respublika Komitəsi üçün son 2 ayda alınmış xeyli sayda yeni və bahalı marka avtomobillərin nömrələrini dəqiqləşdiririk. Görəsən müəllimin, tələbənin boğazından kəsilən bu 2% vəsaitlər niyə kimlərinsə komfortu üçün niyə dağıdılmalıdır ? Bu qədər müavin, bu qədər müşavir vəzifələri nə üçün təsis olunmuşdur, özü də qanunsuz olaraq?.."
DAVAMI OLACAQ...
"Bu gün öyrənmişəm ki, dünyada Vanuatu adında bir ada dövlət varmış, Orxan Nəsibov adlı bir həmyerlimiz gedib oranın vətəndaşlığını alıb..." "DİA-AZ" xəbər verir ki, bu barədə tanınmış araşdırmaçı jurnalist Cavanşir Həsənli məlumat paylaşıb.
Orxan Nəsibovun çirkli pulların - Azərbaycanın dövlət büdcəsindən ayrı-ayrı məmurlar tərəfrindən oğrulanmış vəsaitin yuyulmasında iştirakçı ola biləcəyinə ehtimal edən Cavanşir Həsənli daha sonra əlavə edir: "Orxan Nəsibov Azərbaycanda, İngiltərədə, ABŞ-da və Türkiyədə onlayn bank xidməti (pul köçürmələri) həyata keçirən şirkətlər yaradıb.
Britaniyadakı şirkətinin aktivləri 14,5 milyon funt-sterlinq dəyərindədir.
Diasporla İş üzrə Dövlət Komitəmiz məlumat yayıb ki, həmyerlimizin qardaşına (Elxan Nəsibov) Britaniya paytaxtının “Freedom of the City of London” mükafatı verilib".
"DİA-AZ" qeyd edir ki, elə dünən bu barədə məlumat paylaşılıb. Həmin məlumatı təqdim edirik:
"Londonda yaşayan soydaşımız, “Guavapay” şirkətinin direktoru və komplayns üzrə baş inzibatçı Elxan Nəsibov Londonda yüksək dərəcəli “Freedom of the City of London” fəxri adına layiq görülüb.
Fəxri adın təqdimetmə mərasimində London şəhərinin lord meri Alastair Kinq iştirak edib, bu mükafatın əhəmiyyətini bir daha vurğulayıb.
"Freedom of the City of London" ən qədim və ən prestijli fəxri adlardan biridir. 1237-ci ildən başlayaraq hər il müxtəlif sahələr üzrə öz fəaliyyətində əhəmiyyətli nailiyyətlər qazanmış insanlara təqdim edilir. Bu fəxri adla təltif olunanlar sırasında II Elizabet, Uinston Çörçill, Nelson Mandela, Tim Berners-Li, Stiven Hokinq kimi tanınmış və nüfuzlu şəxslərin adlarını çəkmək olar".
Yəni göründüyü kimi Nəsibov qardaşları heç də təsadüfi adamlar deyillər...
Vergi kursları ilə məhşur BARATTSON kursları vergidən yayındığı üçün cərimələndi ve beynəlxalq lisenziyası əlindən alındı.
Azərbaycanda vergi və mühasibatlıq kurları ilə məhşur olan BARATTSON kursları vergidən yayındığı üçün cərimələndi və beynəlxalq ACCA mühasibat lisenziyası əlindən alındı.
Teref yazır ki, bu iddianı poçtumuza göndərilən məqalənin müəllifi irəli sürür. Müəllif daha sonra faktları sadalayaraq yazır:
BARATTSON MMC icarə müqaviləsini dəyərindən dəfələrlə aşağı qeyd etdiyi,illərdir vergidən yayındığı və eyni zamanda bəzi əməkdaşlarını müqaviləsiz çalışdırdığı Dövlət Vergi Xidmətinin apardığı vergi yoxlamasında aşkarlanıb.Yoxlama sonrasında yayınılmış vergi məbləği qaytarılmaqla əlavə olaraq 50 000 AZN cərimələndi.Ümumi olaraq 150 000 AZN ə yaxın məbləğ şirkətdən tutulub.
BARATTSON MMC-nin offisinə zəng etsəkdə və hətta bizə cavab verən robotun xahişi ilə sualımızı yazdıraraq cavab verməklərini xahiş etsəkdə bu vaxta qədər cavab ala bilməmişik!
Məqalədə irəli sürülən iddialarla bağlı qarşı tərəfində mövqeyini dərc etməyə hazırıq!
TEREF
Səhiyyə Nazirliyinin Analitik Ekspertiza Mərkəzi 2023-cü il dekabrın 25-dən 2024-cü il fevralın 24-dək olan müddətdə ölkədə fəaliyyət göstərən plastik və estetik cərrahiyə ilə qanunsuz məşğul olanların araşdırmasını apardığını açıqlayıb.
Mərkəzin məlumatında bildirilir ki, ümumilikdə 35 plandankənar yoxlama aparılıb, aidiyyəti üzrə şəxslərin fəaliyyəti hər bir müəssisədə ayrıca araşdırılaraq müvafiq tədbirlər görülüb.
Eyni zamanda, bu məsələ ilə bağlı hüquq-mühafizə orqanları tərəfindən də müvafiq araşdırma həyata keçirilib.
Əlavə olunub ki, 14 müəssisədə İnzibati Xətalar Məcəlləsinin müvafiq maddələri üzrə cərimə tətbiq edilib.
"Bir neçə halda fəaliyyəti aşkar olunan şəxslərin həmin müəssisələrdə fəaliyyətinə xitam verilib və ümumilikdə bütün müəssisə rəhbərliklərinə bu istiqamətdə xəbərdarlıq edilib. Mərkəzin səlahiyyətlərinə aid olmayan müəssisələrdə və məlumat natamam olan hallarda araşdırma aparılmayıb. Məsələ daimi nəzarət altındadır. Yeni faktlar olduğu halda nəzarət tədbirləri görüləcək”, - qurumun məlumatında qeyd olunub.
Sosial şəbəkələrdə saxta yollarla plastik və estetik cərrahiyyə şəhadətnaməsi alan tibbi işçilərinin siyahısı yayılıb.
Bildirilib ki, siyahıdakı həkimlərin heç biri estetik cərrahiyyə üzrə rezidentura təhsili almayıb.
Analitik Ekspertiza Mərkəzi vətəndaşlara müraciət edərək edib.
Bildirib ki, belə hallarla qarşılaşdıqları halda Mərkəzə müraciət etmək tövsiyə olunur.
"Nazir müavini və şöbə müdiri 30 min manat alıb"
Hazırda ABŞ-da yaşayan jurnalist Qənirə Ataşova 50-yə yaxın plastik cərrahın siyahısını yayıb.
O bildirib ki, siyahıdakı həkimlərin heç biri rezidentura təhsili almayıblar: "Bunlar Səhiyyə Nazirliyinə 30.000 AZN rüşvət verib və "möcüzəvi" şəkildə ixtisas dəyişiblər”.
Onun yaydığı sənədlərdə imza Səhiyyə Nazirliyinin elm və təhsil şöbəsinin müdiri Səidə Rüstəmova və nazir müavini İlqar Qasımova aiddir.
Jurnalist qeyd edib ki, 2011-ci ildən sonra Azərbaycanda rezidentura təhsili tətbiq olunub.
Qanuna görə, rezidenturanı bitirməyənlər ixtisaslı həkim kimi fəaliyyət göstərə bilməzlər: "Təsəvvür edin gedib bir-iki gün xaricdə "təhsil" alır, sonra isə böyük fəxrlə geri qayıdıb "Beynəlxalq sertifikatlı estetik cərrah" olduqlarını iddia edirlər".
Rəsmi qurumlar nə deyir?
Səhiyyə Nazirliyinin mətbuat xidmətindən Meydan TV bildirilib ki, Analitik Ekspertiza Mərkəzi nazirliyin qurumudur və onun rəsmi mövqeyi var.
Nazirlik jurnalistin adını çəkdiyi elm və təhsil şöbəsinin müdiri Səidə Rüstəmova və nazir müavini İlqar Qasımovla bağlı fikirləri şərh etməyib.
Bildirib ki, bu məsələyə Analitik Ekspertiza Mərkəzindən münasibət öyrənilməlidir.
Analitik Ekspertiza Mərkəzinin ictimaiyyətlə əlaqələr şöbəsinin müdiri Mətin Məcidli isə Meydan TV-yə deyib ki, qurum bu məsələ ilə bağlı rəsmi açıqlamasını yayıb: "Biz bu məsələ ilə bağlı ümumi mövqeyimizi yaymışıq. Belə şikayətlər varsa, istənilən şəxs Analitik Ekspertiza Mərkəzinə müraciət edə bilər və məsələ araşdırılacaq".
Analitik Ekspertiza Mərkəzi də sənədlərdə imzası olan nazir müavini və şöbə müdiri ilə bağlı suala cavab verməyib.
Azərbaycan Tibb Universitetinin 2013-cü ildə açılışı olduğu Tədris Cərrahiyyə Klinikası son vaxtlar demək olar ki, acınacaqlı vəziyyətdədir. Halbuki pandemiyadan öncə və pandemiya dövründə bu klinika səhiyyətinin sütunlarından biri idi.
Psixoloq, jurnalist Ramil Nəcəfli Tədris Cərrahiyyə klinikası ətrafında baş verən proseslərdən yazıb.
“Elə bil hansısa sehirli əl bu klinikanı boş qalmasında maraqlıdır. ATU-nun tədris üçün tikilən klinikaları səmərəli işlədilmir. İstər Tədris Terapevtik, istərsə də Tədris Cərrahiyyə klinikalarında mənzərə heç xoş deyil. Zəngin elmi kadr potensialını kimlərsə başqa yerlərə səpələməkdə maraqlıdır.
Tələbələrdə soruşuram ki, xəstələrin müayinələrinə, cərrahi əməliyyatlara aparırlarmı sizi? Cavab verirlər ki, xəstə yoxdur. Quru nəzəriyyə öyrənirik. Praktika yoxdur. Praktika üçün yer, xəstə lazımdır.
Bəs Tədris Klinikası nə üçündür? Tədris Cərrahiyyə Klinikasında kadr yetişdirmək üçün bütün imkanlar var. Belə klinikalara adətən kütləvi xəstə axını olmalıdır. Kafedralar da öz növbəsində tələbələrə konkret xəstələr üzərində praktiki biliklər öyrətməlidir. Klinika fəaliyyətə başladığı ilk illərdə müəyyən qədər xəstə axını var idi.
Bu tibb ocağı özünün peşəkar kadr potensialı və maddi-texniki imkanları ilə rəqabətdə irəli gedirdi. Vətəndaşlar yaxşı həkim sorağı ilə bu klinikaya çox üz tuturdular.
Ancaq İcbari Tibbi Sığorta tətbiqindən sonra klinika xəstə azlığı ilə üzləşib. Bu xəstələrin seçimi deyil. Müəyyən qurumnların fəaliyyəti ilə əlaqədardır.
Bu xəstəxananın imkanlarından istifadə etməmək gələcəyin həkimlərini praktiki biliklərdən məhrum etmək, peşəkar həkimləri, eyni zamanda elm adamlarını işsiz gücsüz, çarəsiz qoymaq Azərbaycan səhiyyəsinə qarşı düşünülmüş təxribat deyilmi?
Yoxsa bu müxtəlif qurumların arasında anlaşmazlıq və ya intriqaların nəticəsidir?
ATU Tədris Cərrahiyyə Klinikası nəyə görə İcbari Tibbi Sığortadan kənarda saxlanılır?
Bu klinikanın icbari tibbi sığortadan uzaq düşməsi kimlərin günahıdır?
ATU-nun Tədris klinikasına qarşı belə münasibət nədən xəbər verir?
2013-cü il Sentyabr ayında ölkə prezidenti səhiyyə ictimaiyyəti ilə birgə ATU-un bu möhtəşəm klinikasının açılışında geniş çıxış etdi və bura ilə bağlı gözləntilərini, arzu istəklərini, tapşırıqlarını ifadə etdi.
Prezident İlham Əliyev klinikanın açılışında belə demişdi: “Xatırlayıram ki, üç il bundan əvvəl bu klinikanın təməl daşını qoyduq. O vaxt - üç il bundan əvvəl Tədris-Terapevtik Klinikanın açılışını da qeyd etdik. O vaxt rektor və professor-müəllim heyətinin nümayəndələri müraciət etmişdilər ki, Cərrahiyyə Klinikasının tikintisinə də ehtiyac vardır. İlkin olaraq Prezidentin ehtiyat fondundan vəsait ayrılmışdır. Ondan sonra dövlət büdcəsi hesabına bir neçə il ərzində bu gözəl tibb mərkəzi yaradılmışdır.
Deyə bilərəm ki, Azərbaycanda son illər ərzində yaradılmış tibbi mərkəzlər arasında bu gün bu mərkəzin xüsusi yeri vardır. Öz gözəlliyi, memarlığı və funksional cəhətləri ilə seçilən bir klinikadır.
O vaxt belə bir klinikanın yaradılması iki məqsədi güdürdü. İlk növbədə, qarşıda Azərbaycan Tibb Universitetində tədris prosesini daha da yüksək səviyyəyə qaldırmaq məsələsi dayanmışdı. Eyni zamanda, bütün cərrahiyyə yönümlü kafedraları bir yerə yığmaq məsələsi qarşıya qoyulmuşdu. Biz buna nail olduq. Eyni zamanda, Azərbaycanda yeni, müasir tibb mərkəzinin yaradılması da təmin edilmişdir. Yəni, burada həm təhsil, həm səhiyyə - ölkəmiz üçün vacib olan iki sahə birləşir. Burada bütün işlər ən yüksək səviyyədə təşkil edilmişdir. Ən müasir avadanlıq quraşdırılıb, çox gözəl şərait vardır, çox gözəl binadır. Həkimlər, tələbələr üçün burada ən gözəl şərait yaradılmışdır. Belə də olmalıdır….”
Ölkə başçısının da, səhiyyə ictimaiyyətinin və medianın da bu xəstəxana ilə bağlı böyük gözləntiləri var idi. Təəsüf ki, bu gözləntilərin əksinə olaraq bu klinika hansısa intriqaların qurbanına çevrilir. Görünən odur ki, İcbari Tibbi Sığorta ətrafında müəyyən oyunlar gedir və bunun acısını da Azərbaycan elmi və Tibb Universitetində təhsil alan minlərlə tələbə və müəllimlər çəkir.
Bizim haqqımız var suallar verməyə və izahat istəməyə. İcbari Tibbi Sığortadan istifadə yaxşıladıqca xəstələri başqa klinikalara yönəldirlər.
Əvvəlki dövlət xəstəxanaları təmir edilir, yeni-yeni klinikalar açılır. Bir sıra özəl klinikalarla anlaşma imzalanır.
Sanki deyirlər başqa klinika açaq, təki icbari tibbi sığorta sistemi ATU klinikalarından uzaq olsun.
Digər tərəfdən başqa özəl klinikalar da var ki, TƏBİB-lə anlaşması olsa da bağlanan müqavilələr kağız üzərində qalıb. Ümumiyyətlə, bu və ya digər klinikanın İcbari tibbi sığorta üzrə müqaviləsinin olmasından çox anlaşmanın işlək olması önəmlidir.
Anlaşmanın icra olunması üçün görəsən hansı meyarlar mövcuddur?
Klinikalar xəstələrin cəlb olunması üçün kimlərdən “Xeyir dua” almalıdırlar?
ATU Tədris Cərrahiyyə Klinikası ümumiyyətlə, heç kimin yadına düşmür.
Bu klinika hazırda Azərbaycan Respublikası Səhiyyə Nazirliyinin balansındadır. Səhiyyə Nazirliyinin balansında olan bir sıra dövlət xəstəxanalarında İcbari Tibbi Sığorta işləyir.
Dövlətin resurslarından biri də İcbari Tibbi Sığortadır. Bu sistem səmərəli şəkildə Azərbaycan Tibb Universiteti klinikasında da effektiv şəkildə istifadə olunmalıdır.
Böyük bir tədris klinikasını qurbana çevirmək olmaz.
Medicina.az
Azərbaycanda 30 min manat rüşvət verib bir gecədə ixtisas dəyişən həkimlərin siyahısı tərtib edilib.
Bu barədə ABŞ-da yaşayan azərbaycanlı telejurnalist Qənirə Ataşova sensasion siyahı yayıb.
Qənirə Ataşova qeyd edib ki, onların arasında məşhur həkimlər də var:
"2011-ci ildən sonra Azərbaycanda rezidentura təhsili tətbiq olunub. Qanuna əsasən, rezidenturanı bitirməyənlər ixtisaslı həkim ola bilməz. Amma təqdim etdiyim siyahıdakı həkimlərin heç biri estetik cərrahiyyə üzrə rezidentura təhsili almayıb. Sual yaranır-bes necə oldu ki, bu adamlar bir gecədə estetik cərrah oldular?
Cavab sadədir, əziz oxucu. Səhiyyə Nazirliyinə bir "səmimi" rüşvət - düz 30 min manat! ödəyib, "möcüzəvi şəkildə” ixtisas dəyişdirmək mümkündür".
Telejurnalist qeyd edib ki, 30 min manata nazirlik dövlətin möhür və imzasını belə "hədiyyə" edir. Nə deyək, məbləğ o qədər "ucuzdur" ki, insanın az qala ürəyi ağrıyır.
Azərbaycanda bu həkimlər rüşvətlə cərrah olublar?
Bu möhtəşəm sertifikatın qiymətini niyə 500 min manat etməyiblər? Axı, peşəkar fırıldaqlar daha bahalı olmalıdır, elə deyilmi?
Əlbəttə, saxta cərrahlarımızda özlərini daha da inandırıcı göstərmək üçün xaricdə qısamüddətli kurslara qatılırlar. Təsəvvür edin, gedib bir-iki gün xaricdə "təhsil" alır, sonra isə böyük fəxrlə geri qayıdıb, "Beynəlxalq Sertifikatlı Estetik Cərrah" olduqlarını iddia edirlər. Amma diqqət edin, bu kurslar adi izləyiciləri də qəbul edir. Yəni, istəsəniz, siz də gedib orada oturub "beynəlxalq mütəxəssis" kimi özünüzü hiss edə bilərsiniz! Nə gözəl bir dünya, deyilmi".
Qənirə Ataşova əlavəmedib ki, sözügedən həkimlərin siyahısını yaymaqda məqsədi heç kimi gözdən salmaq deyil:
"İstəyirəm insanlarımız belə "müasir" və "asan" yolla estetik cərrah olan həkimlərə aldanmasın. Əgər əməliyyat etdirmək istəyirsinizsə, seçdiyiniz həkimin təhsilini və peşəkarlığını diqqətlə araşdırın. Axı, sağlamlığınız ucuz saxta sertifikatlardan daha qiymətlidir, elə deyil?
Hə, sənədlərdəki imzanın müəllifləri Səhiyyə Nazirliyinin Elm ve tehsil şöbesinin müdiri Səidə Rüstəmova və nazirin müavini İlqar Qasımovdur".
Həmin siyahını təqdim edirik...
Demokrat.az
“Padişah xalı” təmizlik şirkəti barəsində redaksiyamıza şikayət daxil olub.
TEREF Publika.az-a istinadla xəbər verir ki, Həlimə Ələkbərova adlı xanım saytımıza ünvanlandığı şikayət məktubunda qeyd edib ki, şirkət, yuyulması üçün verdiyi pərdələri yararsız hala salıb və üstəlik də ondan 55 manat pul alıb:
“Padişah xalı” təmizlik şirkətinə pərdələrimin yuyulması üçün müraciət etdim. Geri qaytarıldıqda isə gözlərimə inanmadım. Pərdələrim cırıq-cırıq, bərbad vəziyyətdə idi. 180 manatlıq dəyəri olan pərdələrimi şəkildə gördüyünüz vəziyyətə salıb, bu azmış kimi xidməthaqqı olaraq 55 manat da əlavə pul alıblar. Şirkətə iradımı bildirsəm də, nəticəsi olmadı. İsrar etdilər ki, pərdələri belə qəbul ediblər.
Mən şirkətin nümayəndələrini başa sala bilmədim ki, bir halda ki, pərdələr yarasız olub, onda hansı məntiqlə onların yuyulması üçün 55 manat ödəmişəm. Kim yarasız pərdənin yuyulmasına 55 manat verər?
Onlara dedim ki, pərdə yarasız idisə, bunu qəbul etməli deyildilər, ya da protokol tərtib etməli və orada qeyd etməliydilər ki, pərdələrdə bu zədələr var. Amma bunun heç birini etməyə-etməyə müştərini ittiham edirlər. Bu məsələnin ona görə ictimailəşdirilməsini istəyirəm ki, bu şirkət digər müştəriləri də aldatmasın".
Oxucunun şikayətini araşdırmaq üçün “Padişah xalı” təmizlik şirkəti ilə əlaqə saxladıq.
Şirkətdən zəngimizə cavab verən Samir adlı şəxs bildirdi ki, pərdənin yuyulmamışdan əvvəl çəkdikləri görüntülər onun əlindədir:
“Əvvəllər biz təhvil aldığımız əşyaları çəkmirdik, müştəriyə sözdə olaraq deyirdik. Eləsi olurdu başa düşürdü, eləsi olurdu deyirdi ki , mən bu dərəcədə bilmirdim. İndi isə video şəklində çəkirik ki, sonra problem olmasın. Mən müştəri şikayətini haqlı qəbul edirəm. Əgər müştərinin narahatlığı varsa, bizim borcumuzdur onu dinləmək. Bu xanım sadəcə bizdən pulunu geri istədi, dedi ki, mənim pulumu qaytar. Mən də izah etdim ki, biz də əziyyət çəkmişik, biz eyni şəkildə eyni dərman, eyni şampundan istifadə etmişik. Sizin pərdəni yuyub, ütüləyib təhvil vermişik. Pərdəni bizə təhvil verəndə də bizə özü zənbildə verib. Yəni biz nə pərdəni sökmüşük, nə götürmüşük. Özü çıxarıb zənbildə təhvil verib ki, özünüz ölçüb, yazarsınız. Biz əslində pərdəni açıq şəkildə, belə deyək, pəncərədən asılmış vəziyyətdə görsəydik, götürməyəcəkdik. Amma bizə sökülmüş, bağlı vəziyyətdə verib, biz də aparıb onu yuyulma yerində çəkib atmışıq özünə.
Bizim bunu kimi bir neçə müştərimiz olub. Biz onlara izah etmişik ki, bu xalçanı yusaq, cırılacaq, verməyin yuyulmağa. Deyirlər ki, siz yuyun, nə olar, olar. Belə çıxır ki, yoxlanış məqsədlə verirlər. Cırılsa pulunu vermərəm, cırılmasa malımı istifadə edərəm. Amma dərk etmirlər ki, bunun üçün bizim bir qrup işçi qüvvəmiz cəlb olunur. Yuyur, ütüləyir, aparıb qaytarırıq, vaxtımız gedir, sən də bəyənmirsən və deyirsən ki, xoşlamadıq, pulumuzu qaytarın. Belə çıxır ki, xoşlasa, götürəcək, xoşlamasa pulunu qaytaraq. Bura sınaq yeri deyil”.
Şirkət rəhbəri özü etiraf edir ki, pərdəni qəbul edərkən, ona baxmayıblar və zədələri qeyd etməyiblər. Yəni burada müştəri tam haqlıdır. Şirkətin borcu idi ki, pərdəni yerində təhvil alsın, hər hansı zədə varsa, onu protokollaşdırsın.
Bəs məsələ ilə bağlı ekspert nə deyir?
Məsələyə aydınlıq gətirmək üçün Azad İstehlakçılar Birliyinin sədri Eyyub Hüseynovun da fikirlərini öyrəndik.
E. Hüseynov bildirdi ki, kimyəvi təmizləmə və bu cür çamaşır şirkətlərindən daima Azad İstehlakçılar Birliyinə şikayətlər daxil olur:
“Biz, adətən istehlakçıların bu cür şikayətlərini İqtisadiyyat Nazirliyinə yönəldirik. Belə halda çox mürəkkəb vəziyyət əmələ gəlir. Ona görə də, malları bu cür şirkətlərə verən adamlar öncədən diqqətlə təhvil verməlidirlər. Yəni bu zaman təhvil-təslim aktı olsa, heç də pis olmaz. Bu zaman bütün qüsurları, harada nə varsa hamısı görünməlidir. Bahalı paltarların, xalçaların təmizlənməsində çox vaxt mübahisələr baş verir. Əgər vəziyyət deyilən kimidirsə, onda əlbəttə həmin o yuyucu şirkət bu məsələdə məsuliyyət daşıyır. İstehlakçı 195 qaynar xətti ilə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə istehlakçı hüquqlarının pozulması barədə şikayət edə bilər”.
2-ci qrup əlil, Müdafiə Nazirliyinin təqaüdçüsü Əhmədov Vaqif Əlibaba oğlu tərəfindən redaksiyamıza şikayət məktubu daxil olub. Sumqayıt Kompressorlar zavodunda baş verən qanunsuzluqlardan yazan şikayətçinin məktubunu olduğu kimi dərc edirik:
“Hörmətli redaksiya!
Sizin obyektivliyinizə tam əmin olaraq, Sumqayıt Kompressorlar zavodunun faciəsi barədə məlumat vermək istəyirəm. Zavod möhtəkirlərinin mənə, eləcə də aldıqları xəsərətə görə təqaüd həsrətində olan 60 nəfər işçinin başlarına gələnlər haqda danışmaqdan əvvəl, bu zavodun yaranma tarixi barədə qısaca məlumat verim.
Bakı Soyuducular İstehsalat Birliyi və onun tərkibində Sumqayıt Kompressorlar zavodunun 1969-cu ildə tikilib istifadəyə verilməsi, həmçinin Bakı Kondisionerlər Zavodunun, Qaradağ Dərin Özüllər zavodunun Azərbaycan Respublikasında inşa edilib istifadəyə verilməsi hələ Sovet dövründə Ulu öndər Heydər Əliyevin xalqımıza verdiyi ən gözəl töhfələrdəndir. Ancaq, görək, bu əmanətlər necə qorundu, müəssisələrin bu günki vəziyyəti necədir və konkret olaraq Sumqayıt Kompressorlar zavodu kimlər tərəfindən xarabalığa çevrildi...
Məsələn, müdafiə sənayesində istifadə üçün yararlı, yüz min tondan artıq çəkisi olan unikal dəzgahlar “metalloma” satıldı. Anbarlarda olan ehtiyat hissələri, avadanlıqlar və inşaat materialları talan edildi. Mənim Qazaxıstanın Aktau şəhərindən göndərdiyim inşaat materialları ilə tikilən yaşayış binalarının taleyi məlum deyil…
2007-ci ildə dövlət tərəfindən bizə müavinətlər ödənildi və iclas çağırıldı ki, zavod adı bizə məlum olmayan şəxslər tərəfindən özəlləşdirilir. Bildirdilər ki, biz özəlləşdirilmə çeklərimizi yeni rəhbərliyə təhvil edərək sahibkarlıq hüququ qazanacağıq və UVÇ-yə görə alacağımız təqaüdlər yeni sahibkarlar tərəfindən ödəniləcək.
Direktor vəzifəsinə Valeh Sadıqov təyin edildi, sahibkarlar və əlavə olunan şəxslərlə birlikdə İdarə Heyəti seçildi, zavod fəaliyyətini davam etdirdi. Valeh Sadıqov rəhmətə getdikdən sonra İskəndər Həmidov adlı şəxs direktor təyin edildi. Lakin onun rəhbərlik etdiyi müddətdə müəssisə xarabalığa çevrildi.
Yeri gəlmişkən, dəfələrlə onunla telefon əlaqəsi yaradaraq ağır vəziyyətdə olduğumu bildirmişəm. Məni yalanlarla aldadaraq, aradan çıxıb.
Alqı-satqıdan sonra yeni təyin edilmiş direktoru məhkəməyə dəvət ediblər. Bu zaman məlum olub ki, onlar müəssisənin 60 nəfərə əmək haqqı borcunu 2007-ci ildən ödəmədikləri barədə məlumat verməyib. 29.10.2024-cü il tarixində keçirilən iclas zamanı məlum oldu ki, köhnə səhmdarlar aksiyaları onlara satmış və vergiyə 50 000 AZN borc olduğunu bildirmişlər. Zavodun bizə hansı məbləğdə pul borclu olduğundan onların məlumatı yoxdur, həmin borcu ödəməkdən imtina edir və bizə məxsus aksiyaları 2 manatdan onlara satmağı təklif edirlər. Ölkədə bu qədər hərc-mərclik və nadanlıq olduğunu təsəvvür edə bilməzdim.
1988-ci il, dekabr ayının 8-nə qədər mən zavodda mexaniki təmir sexinin rəisi vəzifəsində çalışmışam. 1969-cu ildə fəaliyyətə başlayan zavod ilk dəfə 1988-ci ilin may ayından tam istehsal gücü ilə işləməyə başlayıb və ayda 94 000 ədəd kompressor istehsal edilib.
1988-ci il, dekabrın 7-də Ermənistan SSRİ-nin Leninakan-Spitak rayonlarında baş vermiş zəlzələ zamanı Azərbaycandan xilasetmə işləri üçün köməyə göndərilən 11923 saylı “polk”un tərkibində 1-ci rotanın siyası işlər üzrə müavini vəzifəsinə təyin edilib, Sovet ordusu tərkibində fəaliyyət göstərmişəm. Türküstan cəbhəsinin komandiri, ordu generalı Zaytsevin əmri ilə 11923 saylı “polk”un komandir əvəzi vəzifəsinə təyin edilmişəm. Xilasetmə işləri zamanı ermənilər tərəfindən vurularaq, İrəvan şəhərinə hərbi hospitala göndərilmişəm. Orada, bir gün əvvəl təyyarə qəzasından yeganə sağ qalmış xilas etdiyim Fəxrəddin Balayevlə birgə müalicə almışam.
Dekabr ayının 23-də Fəxrəddini müalicə üçün Moskvaya göndərdim və özüm Sumqayıta qayıtdım. Sumqayıt Bərpa Xəstəxanasının koordiologiya şöbəsində uzunmüddətli müalicədən sonra II qrup əlil kimi təqaüdə çıxdım. Zavod o zaman SSRİ Müdafiə Nazirliyinin tabeçiliyində olduğuna görə Azərbaycan Respublikasının Hərbi Komissarının müraciəti əsasında, aktla 80% təqaüdün ödənilməsini Həmkarlar Təşkilatının qərarı ilə zavod öz üzərinə götürdü.
2007-ci ilə qədər ödədi. 2007-ci ildən ayda 60 AZN olmaqla, həmin vəsaiti zavodun sahibləri ödəməyi öz üzərinə götürdü. 2007-ci ildən bu günə qədər mənə 2 600,0 AZN pul ödənilib və zavodun mənə 9 940,0 AZN borcu qalıb.
1994-cü ildə Ulu öndər Heydər Əliyev hakimiyyətə gəldikdən sonra, 1994-cü ildə Milli Məclisin sədr müavini Arif Rəhimzadənin və Prezidentin hərbi məsələlər üzrə müşaviri T.Ağahüseynovun qəbulunda oldum. Nəticədə, yardıma gedərkən təyyarəmizin qəzaya uğrama səbəbləri araşdırıldıqdan sonra terror faktı sübut olundu və qəza nəticəsində həlak olan 78 nəfərə şəhidlik statusu verildi. Həmin vaxt Azərbaycan Respublikasının müstəqil Müdafiə Nazirliyi olduğundan, qəza nəticəsində həlak olmuş 4 nəfər zabitin ailəsinə və mənə MN tərəfindən təqaüd təyin edildi. Qəzada sağ qalan Fəxrəddin Balayevə də I qrup Qarabağ əlili kimi təqaüd təyin edilmişdi. O, öldükdən sonra ailəsinə həmin təqaüdün verilməsi dayandırıldı. Mənə isə heç bir status verilmədən 54% pensiya təyin etdilər, hansı ki, II qrup əlil olduğumdan, ən azı 80% ödəməlidirlər və indiyə qədər dəfələrlə MM-ə etdiyim müraciətlər nəticəsiz qalır.
Hörmətli redaksiya!
“Sumqayıt Kompressorlar zavodu” ASC-dən mənə 2007-ci ildən borclu olduqları vəsaitin təcili verilməsi üçün köməklik etməyinizi xahiş edirəm”.
"Hurriyyet"
Bəli... Xaçmazlılar onu sevirmiş... özləri də bilmədən... özlərindən xəbərsiz... Sən demə, Xaçmaz sakinlərinin xəbəri yox imiş ki onlar öz icra başçılarına necə min könüldən bir könülə aşiq olubmuşlar...
Olsun arada şikayətlər də olub... Düzdür bu şikayətlər haqlı da olub... Doğrudur, bu şikayətlər günbəgün artır... Amma olsun...
Əsas odur ki, Xaçmaz camaatı rayonun icra başçısı Elnur Rzayev cənablarına sidqi-ürəkdən bağlıdırlar...
Nə isə... İndi isə keçək mətləbə...
***
"DİA-AZ bildirir ki, bu ilin oktyabr ayının 31-i tarixində vəzifə başında 5-ci ildönümünü keçirən Elnur Rzayevin Xaçmaza necə rəhbər olmasını müəyyənləşdirmək üçün yerli sakinlər sosial şəbəkələrdə sorğu keçirmək istəsələr də... bu baş tutmayıb.
Əslində baş tutmuş kimi görünür... Lakin diqqətlə müşahidə etdikdə aydın olur ki, "yuxarıları" aldatmağa vərdiş etmiş Elnur Rzayev cənabları özü barəsində sosial rəydə də saxta təəssürat formalaşdırmağa daha çox maraq göstərir, nəinki narazılıqlara səbəb olan amilləri aradan qaldırmağa...
Buna görədir ki, sıravi vətəndaşların başlatdığı sorğu, heç şübhəsiz ki başçının şəxsi göstərişi ilə TROL HÜCUMUNA məriz qalıb. Nəticədə, "ALLAH ELNUR MÜƏLLİMİN CANINI SAĞ ELƏSİN" ovqatlı yalanmı qənaətlər sorğunun ciddiliyini əməllicə şübhəyə alıb...
***
Əslində belə bir sorğuya ehtiyac da yoxdur. Elə Elnur Rzayevin adını axtarış verib sosial şəbəkələrdə rəy öyrənməyə çalışsanız onun yaratdığı eybəcərlikləri görmək mümkündür. Bunu elə "yuxarıda" oturanlar da yaxşı görür. Onlar hətta Elnur Rzayevin TROL XİDMƏTİ hesabına yaratdığı saxta təəssüratdan da xəbərdardırlar. Sadəcə olaraq...
Hər şeyin öz vaxtı var...
Keçən həftə "DİA-AZ" olaraq Azərbaycana qeyri-leqal yolla gətirilən diri mal-qaranın monopoliyası barədə müəyyən bir anons xarakterli informasiyanı təqdim etdik.
YAZISI BURADA: İdxal olunan DANA ƏTİ İNHİSARÇILARI... - İşin içində HƏR KƏS VAR...
Bununla bağlı "DİA-AZ" ilginc informasiyalar daxil olub. Həmin məlumatı təqdim edirik:
"Bu işin başında əsas olaraq Teyyub Hüseynov (Peykan, Teymur) dayanıb. Əslən Tovuzun Əlimərdanlı kəndindəndir. 2016-cı ildə yaradıb bu monopoliyanı və ölkədən Rusiyaya milyonlara dollar çıxardıb.
Özünü akademik, "Putinin dostu" kimi tanınan İlham Rəhimovun işlərini aparan insan kimi təqdim edir.
Gömrükdəki havadarı Xaçmaz Gömrük İdarəsinin rəisi Pərviz Rəhimovdur. Pərviz Rəhimov isə İlham Rəhimovun qardaşı oğludur.
Bu şəbəkənin AQTA-dakı havadarları Qida Təhlükəsizliyi agentliyi sədrinin müavini Balarəhim Quliyev və Baş baytar Qalib Əbdüləliyevdir.
İşin içinmdə olan Dadaş Şükürov isə dövlətə 1.4 milyon vergi borcu olan 1 şəxsdir... "Full-D şirkəti" onunöz adınadır və Dadaş Şükürov 2003-cü ildə 308.2 və 177.3.2 ci maddələri ilə həbs olunub və 7 il azadlıqdan məhrum olunub.
2017-ci ildə isə Piralları rayonunda neft şirkətinin borularının satdığına görə DTX tərəfindən həbs olunub. Onların AQTA-dakı havadarlarından digəri isə Sumqayıt regional Qida Agentliyinin rəisidir..."
DAVAMI MÜTLƏQ OLACAQ... Bizi izləyin...