Elə keçən həftə Səfərbərlik və Hərbi Xidmətə Çağırış üzrə Dövlət Xidməti (SHXÇDX) tərəfindən 2023-cü ilin may ayından etibarən korrupsiya hüquqpozmaları və digər neqativ hallarla bağlı araşdırma aparılması üçün Baş Prokurorluğa təqdim olunmuş məlumatlar açıqlandı.

"DİA-AZ" xəbər verir ki, həmin məlumatlardan aydıln oldu ki, 2025-ci ilin birinci rübündə Baş prokuror yanında Korrupsiyaya qarşı Mübarizə Baş İdarəsi tərəfindən qeyd olunan sahədə aparılmış araşdırmalar zamanı ümumilikdə 36 nəfərin hərbi xidmətə yararsız olduğu halda çağırıldığı, 26 nəfərin isə sağlam olmasına baxmayaraq, tibbi müayinədən sonra xidmətə yararsız kimi qeyd olunduğu müəyyən edilib. Həmçinin, 12 şəxsin müxtəlif saxta sənədlər vasitəsilə hərbi xidmətdən yayınması faktları aşkarlanıb.

Yəni bütün bunlar indi baş verir... Səfərbərlik və Hərbi Xidmətə Çağırış üzrə Dövlət Xidmətinin hazırki rəhbərliyinin hökmranlığı altında.

Elə "DİA-AZ" olaraq aşağıda təqdim edəcəyimiz gileydə də anoloji halla bağlı bir vətəndaş etirazı yer alıb.

Lənkəran rayonunun Osaküçə kənd sakini Xanağa Həsənov deyir ki, 2006-cı il təvəllüdlü nəvəsi Kamal Həsənov bu günə qədər keçirilən dörd hərbi çağırışda səhhətindəki problemə görə xidmətə yararsız hesab edilib. Lakin sonuncu müayinədə o, hərbi xidmətə yararlı kimi qeydə alınıb.

Vətəndaşın sözlərinə görə, Kamal Həsənov hərbi komissarlıqda keçirilən yoxlamalar zamanı 44 kilo 300 qram çəkidə olub. Buna baxmayaraq, tibbi sənədlərdə onun çəkisi 45 kilo 700 qram göstərilib.

Bundan əlavə, Kamal Həsənovun əl və qol əzələlərində gücsüzlük olduğunu bildirən baba, həkimlərin səhlənkarlığından da narahatdır.

Həsənov mətbuat vasitəsilə aidiyyatı qurumlara müraciət edərək, bu məsələnin araşdırılmasını və nəvəsinin qanunsuz olaraq hərbi xidmətə aparılmasının qarşısının alınması üçün tədbir görülməsini xahiş edir.

Məsələ diqqətimizdədir...

Bakının Xətai rayonunda yerləşən 257 saylı orta məktəbin həyətində çoxmərtəbəli yaşayış binasının inşa edilməsi sosial şəbəkələrdə geniş müzakirələrə səbəb olub.

Yenicag.az xəbər verir ki, sözügedən ərazidə tikinti işlərinə təxminən 3 il əvvəl başlanılıb.

İddialara görə, tikinti prosesini həyata keçirən şirkətin nümayəndələri valideynlərə bu binanın məktəb üçün nəzərdə tutulan yeni tədris korpusu olacağını bildiriblər. Lakin sonradan həmin tikilinin yaşayış binası olduğu üzə çıxıb.

Valideynlərin sözlərinə görə, məktəbdəki şagird sıxlığı səbəbindən əlavə korpusun inşa ediləcəyi əvvəlcədən elan olunmuşdu və bu səbəbdən də tikinti başlanarkən narazılıq yaranmayıb. Ancaq zaman keçdikcə, məlum olub ki, binanın təyinatı dəyişdirilərək yaşayış sahəsinə çevrilib. Bu vəziyyət isə bir çox valideynin narahatlığına səbəb olub.

Bildirilir ki, hazırda həmin bina artıq bir neçə ildir istifadəyə verilib. Valideynlər məktəbə giriş-çıxış üçün qalan yolun kifayət qədər daraldığını və bu səbəbdən sıxlıq yarandığını da qeyd edirlər.

Əldə etdiyimiz məlumata görə, məktəbin həyətindəki tikinti işlərinə rəsmi icazənin Xətai Rayon İcra Hakimiyyəti tərəfindən verildiyi iddia olunur. Məlumatda o da qeyd edilir ki, tikinti işləri zamanı icra başçısının köməkçisinin tez-tez əraziyə baş çəkməsi sakinlərin diqqətindən yayınmayıb.

Məsələ ilə bağlı Dövlət Şəhərsalma və Arxitektura Komitəsinin saytında hər hansı açıq məlumata isə rast gəlinməyib. İddialara əsasən, tikinti başa çatdıqdan sonra sənədlər komitəyə təqdim edilib. Lakin binanın məktəb həyətində yerləşməsi səbəbindən Komitə bu tikilini qanunsuz hesab edib və sənədlərin rəsmiləşdirilməsindən imtina edib.

Ərazidə yaşayan bəzi sakinlər binanın icra başçısına yaxınlığı ilə tanınan bir sahibkar tərəfindən inşa edildiyini iddia edirlər.

Mövzu ilə bağlı araşdırmamız davam edir. Yazıda adıkeçən şəxslərin mövqeyini işıqlandırmağa hazırıq.

“Tender kralı” kimi tanınan ATF şirkəti növbəti satınalma müsabiqəsinin qalibi seçilib.
TEREF Qaynarinfio-ya istinadən xəbər verir ki, şirkətin qalib seçildiyi tenderi Ağdaş Rayon İcra Hakimiyyəti keçirib.
Tender Ağdaş şəhəri İqbal Rzayev, F.Səfərov, Ərəş, Mirzalı Əliyev, M.Ə.Rəsulzadə və Sönməz Məmmədov küçələrində aparılacaq əsaslı təmir işlərinin satına alınması ilə bağlıdır.
ATF şirkətinin qiymət təklifi 397 547,43 manat olub. Bu məbləğ şərtlər toplusuna uyğun hesab edilib.
ATF şirkəti barədə mediada kifayət qədər yazılıb. Şirkət 23 dekabr 2003-cü ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Göyçay rayonunun Çayarxı kəndində yerləşir. MMC-nin qanuni təmsilçisi Muradov Təbriz Əzim oğludur.
ATF Azad, Təbriz və Fəxrəddin Muradov qardaşlarına məxsusdur. Şirkətin adı onların baş adlarının baş hərflərinin birləşməsidir.
Bəzi iddialara görə, şirkət Azərbaycan Avtomobil Yolları Dövlət Agentliyinin sədri Saleh Məmmədova bağlıdır. Bu iddia ATF-in əsasən yol təmirləri ilə bağlı keçirilən tenderlərin qalibi seçilməsi ilə əsaslandırılır. Bundan başqa, mediada gedən məlumatralara görə, bəzi hallarda AAYDA yol çəkilişlərində ATF-ə məxsus texnikadan yararlanır. Baxmayaraq ki, şirkətin maddi-texniki bazasının hansı səviyyədə olması bəlli deyil. Ehtimal olunur ki, əslində həmin texnikalar Saleh Məmmədova yaxın iş adamlarına, yaxud da şirkətlərə məxsusdur. Sadəcə layihələrdə ATF-in adına rəsmiləşdirilir.
Bəlli olan odur ki, bu şirkət demək olar ki, əksər rayonlarda yol təmirləri ilə məşğuldur. Hər halda dövlət satınalmalarının vahid elektron portalı üzərindən apardığımız araşdırma belə deməyə əsas verir.

Qarasu Əməliyyat Şirkətinin onlarla əməkdaşı Prezident Administrasiyasına, Əmək və Əhalinin Sosial Müdafiəsi Nazirliyinə, Dövlət Əmək Müfəttişliyi Xidmətinə və Korrupsiyaya Qarşı Mübarizə Baş İdarəsinə müraciət edərək, 2009-cu ildən bu günə qədər kəsilmiş əmək haqları və sosial təminatlarla bağlı şikayətlərini çatdırıblar. İşçilərin bildirdiyinə görə, illərlə susdurulan haqsızlıqlara qarşı artıq səslərini ucaltmaq qərarına gəliblər.

Lakin verilən məlumata əsasən, onların müraciətləri araşdırılmaq üçün yerinə komissiya göndərilmək əvəzinə, birbaşa Qarasu Əməliyyat Şirkətinin rəhbərliyinə yönləndirilib. Bu isə işçilərin vəziyyətini daha da ağırlaşdırıb.

"Şikayətlərimiz bizi təzyiq altında qoyur”

İşçilər iddia edirlər ki, rəhbərlik onların şikayət etmələrinə görə ayrı-ayrılıqda çağıraraq təzyiqlər göstərir, hədə-qorxu gəlir, işdən çıxarılmaqla hədələyirlər. "Biz sadəcə illərlə aldığımız maaşların kəsilən hissəsinin bərpasını istəyirik. Bu bizim hüququmuzdur. Amma indi hüququnu tələb edən işçi təhdid altına düşür”, – deyə müraciətçilər bildirirlər.

Əməkdaşların sözlərinə görə, dövlət qurumlarının məsələni yerində araşdırmaq əvəzinə şikayət məktublarını şirkətə yönəltməsi, onları rəhbərliyin hədəfinə çevirib. İşçilər hesab edirlər ki, bu cür yanaşma həm hüquqi, həm də etik baxımdan yolverilməzdir.

Kollektiv ictimai dəstək istəyir

Redaksiyamıza ünvanlanan kollektiv müraciətdə bildirilir ki, Qarasu Əməliyyat Şirkətində baş verən bu hallar təkcə bu müəssisə ilə məhdudlaşmır, ümumilikdə işçi hüquqlarının necə qorunduğunu bir daha gündəmə gətirir. Onlar ictimaiyyəti bu məsələyə biganə qalmamağa, müvafiq qurumları isə hadisəni obyektiv və şəffaf şəkildə araşdırmağa çağırırlar.

Qeyd edək ki, məsələ ilə bağlı aidiyyəti qurumların da mövqeyini dərc etməyə hazırıq.

14.01.2025 ci il tarixdən Dövlət Maliyyə Nəzarəti Xidmətinin əməkdaşları Abşeron-Xızı Regional Təhsil İdarəsinin tabeliyində olan məktəbəqədər təhsil müəssisələrini və o cümlədən ümumitəhsil müəssisələrində apardığı yoxlamalar hələ də davam edir”. Bu barədə redaksiyamıza göndərilən məqalədə deyilir.
Məqalədə daha sonra bildirilir: “Belə başa düşmək olur ki Xüsusi ilə Xırdalan 2 nömrəli məktəbdə baş verən korrupsiya faktları o qədərdir ki, yoxlam belə çətinlik çəkir.Məktəbin üç illik cədvəllərini itirən bir direktor yenidən köhnə jurnallardan cədvəllərin yazılması və yığlıması buna bilavasitə sübutdur.Yoxlama özü buna imkan yaratdı ki heç olmasa ayıbdır.Cədvəlləri arxiv idarəsindən yoxa çıxaran direktor Gülnaz Kərimova məktəbdə ancaq pul yığmaqla məşğuldur .
Xırdalan şəhər 2 nömrəli məktəbi bazara çevirən Gülnaz Kərimova indi də aparılan yoxlama komissiyasının adına bütün müəllimlərdən votsap qrupları yaradaraq lotereya adı altında rüşvət yığmaqdan çəkinmir.Sual edirəm məktəbin 400 müəllim heyyətinin loterayası təkcə 100 manatdan hesablasaq 40.000 manat edir.Hələ əlavələr olarsa bu məbləğin nə qədər artacağı barədə heç nə deyə bilmərəm.Gülnaz Kərimova sən nə etmək istəyirsən? Belə ki, əvvəlcə fikirləşirdim ki pul yığımında Gülnaz Kərimovaya yaxından dəstək olan müəllimlərin adlarını hallandırmayım ayıbdır, müəllim adına ləkədir. Ancaq sonradan qərara aldım ki niyə axı bu müəllimlər özlərinə hörmət qoymayıblar aralıqda pul yığmaq işini həyata keçirirlər.Əgər bu müəllimlər xəcalət çəkmirlərsə mən niyə xəcalət çəkinməliyəm, müəllimləri fikirləşməliyəm?
Qeyd edim ki direktor Gülnaz Kərimova ibtidai sinif müəllimlərini, direktor müavinlərinin bir qismini (adlarını qeyd edəcəm) gizli şəkildə bu işə təhrik edib ki, məktəbə yazılacaq cərimələr çox olduğundan dərs saatlarına görə müəllimlərdən 100 və ya 200 manat arası rüşvəti canla başla yığdırır. Aşağıda adlarını qeyd edəcəyim müəllimlər məharətlə rüşvət yığımında fəal iştirak edir və Gülnaz Kərimovanınn verdiyi qanunsuz tapşırıqları həyata keçirirlər
Belə ki, İbtidai siniflər üzrə Əzimova Arzu Rəhbər qızı 1 ci siniflər, Əliyeva Şəhla Adışirin qızı 2 ci siniflər, ( Şəhla xanım qanunsuz olaraq direktor müavinliyi vəzifəsini də icra edir) Qədirova Afaq Məhəmməd qızı 3 cü siniflər, Əsədova Raminə Səxavət qızı 4 cü siniflər, Abdullayeva Sevinc Arif qızı 5-11 ci siniflər rus bölməsi ( Sevinc Abdullayeva direktor müavini) Tağıyeva Könül Ələkbər qızı 5-6 cı siniflər, ( direktor müavini ) Mustafayeva Əsli Cahangir qızı və Salmanova Gülçin Məhəmmədəziz qızı 8-11-ci siniflər ( direktor müavinləri ) üzrə verilən tapşırıqları çəkinmədən yoxlama məktəbdə ola ola yığırlar.Baxın bu qədər adamları rüşvət yığmağa nə məcbur edir? Maraqlı burasıdır ki, mən kənardan bu qədər məlumatı ala bilirəm ancaq yoxlama üzvləri içəridə ola ola bu məsələlərdən xəbərsizdirlər. Bir mənalı şəkildə bildirirəm ki, rus bölmsənin müavini Abdullayeva Sevinc bloknotunda qeydiyyatlarını möhkəm apar yəqin ki istintaqa lazım olacaq. Sizin kimi cinayətkarlar hamısı qanun qarşısında cavab verəcəklər.Yoxlama komissiyasının adına yığılan pullardan görəsən komissiyanın sədrinin və eləcə də üzvlərin xəbəri var? Əsala xeyir. Çünki 09.04.2025 ci il tarixində məktəbdə Gülnaz Kərimova şaiyə buraxdırdı ki pul yığılmasını dayandırın, Dedi ki yoxlama gələcək məktəbə.Sən demə bu sözləri elə söz olaraq bildirib.müavinləri və müəllimləri sakitcə öz kabinetinə çağırıb bildirir ki işlərinizi möhkəm qurun,yəni yığımı davam edin.

Məktəbin 9-cu siniflərində monitorinq aparan Xırdalan şəhər 2 nömrəli məktəbin direktoru Gülnaz Kərimova hər uşaqdan iki manatdan pul yığmaqla özünü və özü kimi bu işə cəlb etdiyi müavinlərin iç üzünü ortaya qoydu Məktəbdə 321 doqquzuncu siniflərdə şagird təhsil alır.Hesablasaq 642 manat pul edir. Bu pullar hara gedir maraqlana olub ay edən Abşeron-Xızı Regional Təhsil İdarəsinin müdiri İlhamə Abdullayeva? Bəlkə gec deyil bir fikirləşəsiniz ay Regional İdarə? Dövlətin pulsuz təşkil etdiyi monitorinqlərə niyə məktəbdən pul yığılmalıdır ki? Bildiriəm ki məktəbin doqquzuncu siniflərində hətta iki üç nəfər pul verməsə belə digər uşaqlardan da əalavə pul yığıb tamamlayıb verilir və əlavə olaraq hər uşaqdan 5 (beş) manat fond pulu yığılır.Hesablayın məbləği təkcə doqquzuncu siniflərin fond pulu 1605 manat edir. 9Ç sinfi sinif rəhbəri Təranə Alxanova çox məharətlə bu işin öhdəsindən gəlir. Hətta kserokopiya pulu yığlır. Gülnaz Kırimovanın müəllimlər otağında rahat kresloda oturan adı məktəbdə kiçik texniki işçi kimi rəsmiləşdirilən rəfiqəsi Yeganə xanım necə bu işlə rahat məşğul olur. Ancaq MÜTDA ya şikayət edirəm cavab yazır ki etdiyiniz nöqsanlar öz həllini tapmadı. Sual edirəm nə zaman gəlib araşdırma aparmısınız ay Nurlan İsmayılbəyli? Bəs maliyənin aşkarladıqları necə bunlar ki yalan deyil. Yəqin siz Nurlan İsmayılbəyli də yazdığınız bu yalan cavablara görə nə zamansa məsuliyyət daşıyacaqsınız.
Məktəbdə milyonlarla rüşvəti talamaqda, müəllimləri hədə qorxu içində saxlamaq, dərs saatlarını satmaq, ölü canlı texniki işçilər, şagirdlər saxlamqdan gözü doymayan Gülnaz Kərimovadan heç bir təhsil gözləntisi ola bilməz. İnsana ləkə vurmaqdan şərləməkdən bezməyən Xırdalan şəhər 2 nömrəli məktəbin direktoru Gülnaz Kərimova barəsində inanıram aidiyyatı qrumlar hərəkətə keçəcək.Yaxşı olardı Elm və Təhsil Nazirliyi və eləcə də MÜTDA fikirləşin ki Gülnaz Kərimova və ona havadarlıq edən Abşeron-Xızı Regional Təhsil İdarəsinin müdiri İlhamə Abdullayeva sizin nüfuzunuza və eləcə gələcək kariyeranıza nə qədər ləkə gətirir. İnanıram ki Respublikamızda yetərincə direktorlar var ki məktəblərimizi idarə edə bilərlər.Bəlkə Gülnaz Kırimova vəzifədən azad ediləndən sonra məktəbin müəllim və şagird heyyəti işıqlı bir gün görər…”/dia.az

Şəki rayonu, Bideyiz kənd sakini İbadullayev Novruz Xaləddin oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, işlədiyi “Körpü-Bina-Tikinti” MMC şirkətində iş vaxtı başına ağır əşya düşüb, şirkət müalicə xərclərini ödəməkdən boyun qaçırır:

“Mən, İbadullayev Novruz Xaləddin oğlu, yazaraq bildirirəm ki, 2019-c ildən “Körpü-Bina-Tikinti” MMC şirkətindən işə başlamışam. Həmin ilin iyul ayında hadisə baş vermişdir. Belə ki, yuxarıdan 40 kiloqramlıq dəmir parçası başıma düşmüşdür...

Həmin vaxtdan indiyə kimi şirkətin rəhbəri Xəlil Göyüşovdur. Özü ilə görüşmək mümkün olmur, qəbul etmir.

Qeyd edim ki, həmin şirkətdə işləyərkən mən vəzifəmə aid olmayan işə cəlb olunmuşam. O zaman da xəsarət almışam. Hadisədən sonra şirkət məsuliyyətdən yayınmaq və sığorta ödənişindən qaçmaq üçün özlərinə sərf edən kimi sənədi aktlaşdırıblar. Mən həmin vaxtı çox ağır vəziyyətdə olduğumdan, bunların heç birini bilməmişəm.

Apardıqları xəstəxanada mənə aid heç bir sənəd yoxdur. İşi ən xırda nöqtəsinə kimi incə işləyiblər. Məni xəstəxanadan çıxarmaqlarına az qalmış üzümü bağlayıb, başıma papaq qoyaraq, çıxarıblar. O vaxt bilməzdim ki, sonradan bu hadisə sümüyümdə iz qoyub, başıma bəla ola bilər.

Həmin vaxt müalicə xərclərimi və xəstəxanada yatdığım 20 günün pulunu şirkət ödəyib. Hətta sağalandan sonra məni işimə də geri qaytaracaqlarını demişdilər. Evə çıxardan kimi bütün əlaqələri sildilər.

Hadisəni görən şahidlər var. Onların adlarını məhkəməyə təqdim etmişdim. Lakin məhkəmə heç bir sübuta baxmadan, işə xitam verdi. Rəhbər şəxsin vəkili məhkəmədə belə bir hadisənin olmadığını dedi. “Elmed” klinikasında yatmışam. 2 gün komada olmuşam. 20 gün xəstəxanada yatmışam. Sağalmağım üçün cəmi 15 min manat pul xərclənib.

Hazırda səhhətim ağırdı. İllərdir başımda olan ağrılar kəsmir. Aparata saldırdım, dedilər ki, başında çirklənmə var.

Müailəcə etməyə imkanım yoxdur. İş qabiliyyətimi də itirmişəm. Səlahiyyətli qurumlardan xahiş edirəm ki, mənə dəyən ziyanın qarşılanmasına dəstək olsunlar. Başımda xəsarətin yeri var. Mən onlara inanıb poisə müraciət etmədim. Bilmədim ki, müalicəmi yarım qoyacaqlar.

Mən, sizin sayt vasitəsilə şirkətin rəhbərindən bir daha xahiş edirəm. Mənim maddi durumum müalicəmə imkan versəydi, heç sizə müraciət etməzdim. Ağrılarım var, ölümlə üz-üzəyəm. Mənim müalicə olunmağıma köməklik göstərin.

Onu da qeyd edim ki, mənə və müalicəmə ödənilən 10 min manat və 5 min manat pul notarial qaydada qeyri-qanuni rəsmiləşdirilmişdir.

Hazırda isə səhhətimdə ciddi problemlər var. Əmək qabiliyyətimi itirmişəm. Xeyli miqdarda kredit və kənar borclarım var. İşləmədiyim üçün onları ödəyə bilmirəm".

Məsələ ilə bağlı “Körpü-Bina-Tikinti” MMC şirkətinin rəhbəri Xəlil Göyüşov və digər rəhbər şəxslərlə əlaqə saxlamağa çalışsaq da, teıefon zənglərimiz cavabsız qaldı.

Jalə FAMİLQIZI

Redaksiyadan: Yazıda adı çəkilən şəxslərin mövqeyini dərc etməyə hazırıq.

Son illər Azəraycanda kosmetoloji prosedurlara tələbat artdığından bu xidməti göstərən "kosmetoloqlar”ın, estetik mərkəzlərin sayı artıb. Sözsüz ki, bu da qeyri-peşəkar kosmetoloqların və onların qurbanlarının sayını artırır.

XALQ.AZ-ın məlumatına görə, rəsmi statistikaya görə, ölkəmizdə son illər kosmetoloji prosedurlardan əziyyət çəkənlərin sayı kifayət qədər artıb. Tibbi təhsili olmayanlar belə insanların sağlamlığı və gözəlliklər vəd edib gigeyinik qaydalara riayət etmədən qeyri qanuni prosedurlar həyata keçirilir.

Azərbaycan Respublikasının Qanununa əsasən kosmetoloji iş üzrə özəl tibb xidməti fəaliyyətinin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunmuş "Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda "kosmetoloji” iş üzrə tibbi xidmətin göstərilməsi tibbin bir sahəsi kimi qeyd olunub: "Burada tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutulub. Tibbi kosmetologiyaya, cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksion üsullar daxildir. Bu üsullara inyeksion prosedurlar, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq aid oluna bilər. Bu üsulların hamısı "kosmetoloji” işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssilər məşğul olmaq hüququna malikdirlər”.

Tibbi təhsili olmadan, lisenziyasız və sertifakatsız "Laser beauty clink vip” estetik mərkezində fəaliyyət göstərən sosial şəbəkədə kosmetoloq by_aygunomar adı ilə reklam edən Aygün Ömarovadır.

Araşdırmalarımız nəticəsində kosmetoloq Aygun Ömərova Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur.

Yəni o heç bir ali tibbi təhsili, tibbi sertifikata və lisenziyaya malik olmadan fəaliyyət göstərir.

İddialara görə özünü həkim kimi təqdim edən Aygun Ömərova tibbi prosedurları həyata keçirərək qanunvericiliyimizi heçə sayır.
ygun Ömərova müştərilərinə dolğu və plazma terapiya həyata keçirir. Bununla bağlı hətta sosail hesablarında məlumatlar və görüntülər əks olunub.Aygun Ömərova necə lisenziyası, sertifakatı olmadan bütün kosmetoloji prosedurları hətta inyeksiya həyata keçirir?

Məsələ ilə bağlı "Laser beauty clink vip” estetik mərkezindən heç bir açıqlama almaq mümkün olmadı, kosmetoloq Aygun Ömərovada zənglərimizə cavab vermədi.

Qeyd edək ki, hüquq mühafizə orqanları tərəfindən lisenziyasız plastik cərrahlar və kosmetoloqlar haqqında araşdırmalarından yayınmaq üçün artıq qanunsuz fəaliyyət göstərən "ixtisaslanmış həkimlər” və "kosmetoloqlar” sosial hesablarını bağlayır.
Həmçinin xəbər verdiyimiz kimi Səhiyyə Nazirliyinin lisenziya şərtlərinin pozulması hallarının aradan qaldırılmasına dair göstərişlərini yerinə yetirmədiyi üçün "Laser Beauty Klinikası”nın həmin filial üzrə lisenziya əlavəsi İqtisadiyyat Nazirliyinin inzibati aktı ilə dayandırılmışdır.

Məlumat üçün bildirir ki, Yasamal məhkəmənin qərarına əsasən, "Laser Beauty Estetik” 8000 manat cərimələnib.
XALQ.AZ-a Analitik Ekspertiza Mərkəzindən verilən məlumat görə, Kosmetoloji və cərrahi xidmətlər göstərən istənilən estetik tibb mərkəzinin fəaliyyəti üçün kosmetoloji iş və plastik cərrahi iş üzrə özəl tibbi xidmət lisenziyası tələb olunur. Tibbi kosmetogiyaya, саrrаhi müdaxiəlar istisna olmaqla (plastik саггаhiууауа aid оlmayan) konservativ va korreksion üsullar daxildir. Bu usüllаrа inyeksion рrоsеdurlаr, müxtalif növ араrаt kosmetologiyası (о сümlədən lazer üsulu epilyasiya), biorevitalizasiya, mezoterapiya, pilinq рrоsеdurları,və müalicəvi masaj usullarl, plazmoliftinq və digər рrоsеdurlar aid оlunur. Bu tibb müəssisələrində praktiki tibb fəaliyyəti üzrə müvafiq sertifikata malik plastik-cərrahlar, həkim-dermatovneneroloqlar və sertifikat alaraq, ixtisaslaşma keçən digər həkim mütəxəssislər fəaliyyət göstərə bilər. İstənilən pasientin kosmetoloq və ya cərrahın sertifikatını tələb etmək hüququ vardır. Qeyd edək ki, həkimlər beş ildən bir sertifikasiyadan keçirlər. Hər bir pasiyentin müraciət etdiyi həkimin sertifikatını tələb etmək hüququ var. Həkim həmin sertifikatı təqdim etməzsə, o zaman vətəndaş Analitik Ekspertiza Mərkəzinə müraciət edə bilər . Bu halda araşdırılma aparılır və lazım gələrsə, plandankənar yoxlama aparılması barədə qərar qəbul edilir deyə mərkəzdən bildirilib.
media-rr
Məlumat üçün bildiri ki, lisenziyasız kosmetoloji fəaliyyəti ilə bağlı sosial şəbəkələrdə bir çox görüntülər var ki, qanunsuz dolğu, full face, botoks, mezolar, lipolitik, bütün inyeksion prosedurları, hətta qanunsuz tələbə hazırlığı həyata keçirir. Hətta endirim adı ilə müştəriləri cəlb edib vaxtı keçmiş kosmetoloji preparatları istifadə olunması ilə bağlı məlumtlar var.

Məsələ ilə bağlı qanunsuz fəaliyyət göstərən kosmetoloq Ayğün Ömərova haqqında Analitik Ekspertiza Mərkəzinə müraciət olunub.(XALQ.AZ)

Qarşı tərəf mövqe sərgiləyə bilər.
TEREF

Səhiyyə sistemində hökm sürən qanunsuzluqlar barəsində dəfələrlə yazılmasına baxmayaraq hələ də xəstələrə potensial qazanc mənbəyi kimi yanaşan “ağ xalatlılar” çoxdur. İnsan talelərinə, həyatına biganə olan, pulsuz xəstələrə gözünün ucuyla belə baxmayan tibb işçiləri hətta puldan ötrü xəstə talelərini təhlükə altında da qoyurlar. Dövlətin səhiyyə xidmətlərinin yüksəldilməsi istiqamətində fasizləsiz tədbirlər görməsinə rəğmən belə “ağ xalatlı qara qüvvələr” öz əməlləriylə bu siyasətə zərbə vururlar.

Redaksiyamıza müraciət edən Sədaqət Verdiyeva (ad şərtidir.) adlı xəstənin yaxınları M. Topçubaşov adına Elmi Cərrahiyyə Mərkəzində baş verən qanunsuzluqlardan şikayət edir. Onun bildirdiyinə görə burada hər şey pulun iradəsinə tabedir. Pullu xəstələrin başına pərvanə kimi dolanan həkimlər nədənsə pulsuz xəstələrə baxmaq belə istəmir. Hətta kasıblarla danışanda Mərkəzin həkimlərinin səs tonu da dəyişr. Pululara qarşı şəfqət, nəzakət dolu intonasiyada danışan tibb personalı bütün mənfi enerjilərini pulsuz xəstələrin üzərinə tökürlər. Böyük Sabirin sözlərinə bir az düzəliş etsək M. Topçubaşov adına Elmi Cərrahiyyə Mərkəzi üçün fəaliyyət devizi kimi istifadə etmək olar:

“Kasıb, özünü sən də bir insanmı sanırsan,

Pulsuz xəstə, xəstəliyi asanmı sanırsan?”

Redaksiyamiza müraciət edən xəstənin yaxınları bildirir ki, xəstə Sədaqət Verdiyeva (ad şərtidir.) M. Topçubaşov adına Elmi Cərrahiyyə Mərkəzinin reanimasiya şöbəsində ağır vəziyyətdə müalicə alır. Mərkəzə müraciət etdikləri ilk gündən addım başı onlardan pul tələb edilib. Xəstənin ağır vəziyyətdə olmasından istifadə edən Mərkəzin tibb personalı onun yaxınlarını kifayət qədər “soyublar” . Şikayətçi bildirir ki, artıq verməyə pulları qalmayıb. Bütün qohum-əqraba səfərbər olaraq indiyə qədər köməklik etsə də artıq gündən-günə artan məbləği ödəməyə kimsənin gücü qalmayıb. Xəstə yaxınlarından pul ala bilməyən ECM həkimləri isə artıq xəstənin çıxarılmasını tələb edirlər. Onun vəziyyətinin ağır olması, həyatının təhlükə qarşısında qalması isə həkimləri qətiyyən maraqlandırmır. Tələb qətidir: “Xəstəni çıxarın!” Xəstə yaxınları onun həyatının təhlükədə olduğunu bildirsələr də Mərkəzin əməkdaşlarının tələbi dəyişməyib.

Şikayəti araşdırmaq üçün M. Topçubaşov adına Elmi Cərrahiyyə Mərkəzi ilə əlaqə saxlamağa çalışdıq. 4321830 nömrəli telefona zəng edərək Mərkəzin direktoru Rauf Ağayevlə danışmaq istədiyimiz bildirdik. Telefona cavab verən direktorun katibəsi bizimlə elə bir tonda danışdı ki, orda olan xəstələrə yazığımız gəldi. Katibə kobud şəkildə bildirdi ki, direktor danışmaq istəmir. Kiçik dialoqumuzdan ECM-də nəinki xəstələrə, hətta medya mənsublarına olan münasibət bizə tam aydın oldu. Görünür R. Ağayevin medyaya münasibətini yaxşı bilən katibəsi bizimlə bu tonda danışdı. Necə deyərlər uzaqdan görünən şəhərə bələdçi nə lazımdır?

Bu dəfə problemi araşdırmaq üçün Səhiyyə nazirliyi ilə əlaqə yaratmağa çalışdıq. Bizə cavab verən nazirliyin mətbuat xidmətinin Elvin adlı əməkdaşı bildirdi ki, onlar yalnız xəstə yaxınlarının, yaxud xəstənin özünün nazirliyin qaynar xəttinə şikayətindən sonra məsələni araşdıra bilərlər. Bu məntiqlə həyatı təhlükə qarşısında olan xəstənin yaxınlar işini-gücünü atıb, xəstələrini taleyin ümidinə buraxıb nazirliyin qaynar xətti ilə əlaqə saxlamalıdırlar. Həm də bu məntiqlə M. Topçubaşov adına Elmi Cərrahiyyə Mərkəzinə yolu düşən xəstələr özləri üçün bir nəfəri mətbuat xidmətinin rəhbəri vəzifəsinə təyin etməlidirlər. Bu nə məntiqdir? Bir insanın həyatı təhlükə qarşısındadır, pulu olmadığına görə reanimasiya şöbəsindən, xəstəxanadan qovulur, Səhiyyə nazirliyi qaynar xəttə şikayət tələb edir. Görünür mərkəzin əməkdaşları bütün qanunsuzluqları elə bu münasibətə arxayın olaraq törədirlər. “Kəndxudanı gör kəndi çap” məsəli adamın yadına düşür.

/Azerbaycanreallığı