Məşhur aktyor və rejissor Ben Afflek Cennifer Lopezdən boşanması ilə bağlı ilk dəfə açıqlama verib.

Tribunainfo.az “Posta”ya istinadən xəbər verir ki, aktyor GQ jurnalına müsahibəsində Lopezlə fərqli temperamentləri olduğunu və bunun onların ayrılıqlarına səbəb olduğunu bildirib.

Afflek şəxsi həyatını ictimaiyyətin diqqətindən kənarda saxlamaq istəyinin bəzən Lopezin daha açıq və paylaşmağa meyilli yanaşması ilə ziddiyyət təşkil etdiyini, bunun isə əlaqələrin dinamikasında mühüm rol oynadığını bildirib. Bununla belə, o, ayrılığın heç bir mübahisə və ya sensasiyalı hadisə ilə bağlı olmadığını xüsusi vurğulayıb.

Xatırladaq ki, cütlük 2022-ci ildə evlənib, boşanmaları isə rəsmi olaraq ötən ay yekunlaşıb.

Onlar nikah zamanı əldə etdikləri ortaq əmlak və gəlirlə bağlı beşaylıq danışıqlardan sonra razılığa gəliblər. Cütlük birlikdə aldıqları 60 milyon dollarlıq Beverli Hills malikanəsində də razılığa gəliblər.