Unisinos (Braziliya) alimləri müəyyən ediblər ki, vegetarianlar ət yeyən insanlara nisbətən depressiyadan iki dəfə çox əziyyət çəkirlər.

Teref.com “Report”a istinadən xəbər verir ki, tədqiqat “Journal of Affective Disorders” jurnalında dərc olunub.

Yeni araşdırmada tədqiqatçılar 35-74 yaş arası 14 216 braziliyalı ilə müsahibə aparıblar. Onlar ət yeməyənlərin ət yeyənlərlə müqayisədə depressiyaya düşmə ehtimalının iki dəfə çox olduğunu müəyyən ediblər.

Qeyd olunub ki, vegeterianların depressiyaya meylini təsdiqləmək və ya təkzib etmək üçün uzunmüddətli və genişmiqyaslı tədqiqatlara ehtiyac var.

Bununla belə, yeni tədqiqat vegetarian pəhriz və depressiya arasındakı əlaqəni araşdıran bir çox əvvəlki tədqiqatlara uyğundur. Ən ətraflı araşdırma 2018-ci ildə Fransada aparılıb.

Orada, təkcə vegetarian, vegan və ya ət yeyən şəxsin statusu deyil, həm də tədqiqat iştirakçılarının hansı qidaları istehlak etdiyi öyrənilib. Məsələn, paxlalılar (lobya, noxud və ya mərcimək kimi) yeməmiş vegetarianlar depressiya kimi psixiatrik pozğunluqlarla əlaqəli simptomlarla daha çox qarşılaşırdılar.

Bu, depressiyanın vegetarian pəhrizdən deyil, onun qeyri-sağlam variasiyalarından qaynaqlandığını göstərə bilər.

Elm adamları epigenetikanın xərşəng xəstəliyinin yaranışındakı gizli rolunu anlamağa dair daha bir addım atıblar.

Gununsesi.info xarici mətbuata istinadən xəbər veri ki, İngiltərədəki “İnstitute if Cancer Research”də (Xərçəng Araşdırmaları İnstitutu) aparılan araşdırma xərçəng təşxis və müalicəsində önəmli yeniliklərə qapı açır. Epigenetika hüceyrələrdəki DNT düzülümü dəyişmədən hansı genlərin aktiv oalcağının, həmin adamın davranışlarına və çevrə faktolarına görə dəyişməsini analiz edən bir sahənin adıdır.

Araşdırmaçıların hədəfi test və müalicələri fərdiləşdirməkdir. Genetika deyildikdə, ağıllara DNT kodlarının nəsildən-nəsilə ötürülərkən dəyişməsi gəlir.

Bu günə qədərki araşdırmalar da, bu üzdən, bütövlükdə, həmin prosesdə yaranan mutasiyaların xərşəng yaranışını necə tətikləməsini analiz edirdi.

Fəqət son illərdə necə işləməsi tam olaraq çözülməmiş epigenetikanın da bu sahədə önəmli rol oynadığı anlaşıldı. Epigenomumuz illər içində harada və necə yaşamamıza görə dəyişir.

Londondakı Xərçəng Araşdırmaları İnstitutunda yer alan Təkamül və Xərçəng Mərkəzinin direktoru Professor Trevor Qraham “Xərçəngi anlamaqda yeni bir səddi aşdıq” deyir.

“BBC”yə danışan Qraham hər bir hüceyrədə DNT-lərin fərqli bir şəkildə fırlana bildiyini və bunun da hansı genlərin aktiv olacağına təsir etdiyini söyləyir. Genlərin necə dolanmasının xərçəngin necə davranacağını bəlli etməkdə çox önəmli olduğu anlaşıldı.

Prof. Qraham “Bu kəəşf bu gündən-sabaha xərçəng müalicəsini dəyişdirəcək bir şey deyil, ancaq yeni sağalma yöndəmlərinin irəlilədilməsində fürsət ola bilər”, deyir.

Döşə xərçəngi ehtimalını artıran BRCA kimi mutasiyalara yönəlik gen testləri bir nəfərin, sadəcə o sınaqda analiz edilən xərçəng növünə meyilli olduğu haqqında bilgi təmin edir.

Trevor Qraham “Həm genetik, həm epigenetik dəyişimləri analiz edərək həmin adamda daha gözəl işləyəcək fərdiləşdirilmiş xərçəng sağalmaları inkişaf etdirə bilərik”, – deyə söyləyir.

İki məqalə halında “Nature” (Təbiət) dərgisində yayımlanan araşdırmanın ilk məqaləsində 30 bağırsaq xərşəngi təşxislərindən 1300 örnək təhlil edilib.

Bu araşdırma xərçəngli hüceyrələrdə epiqenetikanın dəyişiklərin çox yayğın olduğunu və bunun xərçəngli hüceyrələrin digərlərinə müqayisədə sürətlə böyüməsinə də qatqı verdiyini ortaya qoyub.

İkinci məqalədə isə bir şişin fərqli yerlərdən alınmış çoxsaylı örnəkləri analiz edilib.

Bu araşdırmada da xərçəngli hüceyrələrin böyüməsinin, bütpvlükdə DNT mutasiyalarından başqa faktorlar tərəfindən kontrol edildiyi görülüb.

Araşdırmaçılar epigenetik dəyişimlərin xərçənlərin davaranışını birbaşa dəyişdirməsinə dair bir isbat əldə edə bilmədiklərini, bunu göstərmək üçün daha çox araşdırma edilməsinin gərəkliliyini vurğulayıblar.

Tərcümə: Arzu Sayadoğlu

Beyin yeyən “Naegleria Fowler” amöbü gənclər üçün böyük təhlükə yaradır.

Tribunainfo.az xarici mediaya istinadən xəbər verir ki, bu barədə rusiyalı mütəxəssislər məlumat yayıb.
Bildirilib ki, ən çox yoluxma halı xəstəliyin əsrin əvvəllərində özünü göstərdiyi ABŞ-da qeydə alınıb. Ən çox bilinən infeksiyalar normal sağlamlıq vəziyyətində olan gənc kişi və qadınlarda baş verib.
Qeyd olunub ki, virusun inkubasiya dövrü 3 gündən 7 günə qədərdir. Bu vəziyyətdə xəstə baş ağrısı, boğaz ağrısı, ürəkbulanma və qoxu itkisindən əziyyət çəkə bilər. Ölüm isə 10 gün ərzində baş verə bilər.
Xatırladaq ki, dekabrın 26-da Cənubi Koreyada ilk dəfə olaraq “Naegleria Fowler” amöbünə yoluxma halı qeydə alınıb. Məlum olub ki, yoluxmuş xəstə evə qayıtmazdan əvvəl dörd ay Taylandda yaşayıb.

Əgər evlərdəki Wi-Fi cihazları ləğv olunmasa, bu sistem söndürülməsə bizi fəlakət gözləyir.

Tribunainfo.az xəbər verir ki, türkiyəli ekspert Firat Mehri bu barədə danışıb.

“Wi-Fi bir silahdır, qarşısı alınmasa, xərçəng yayılacaq.
Wi-Fi bir dəqiqədə 5 milyard energetik titrəşim verir.
İnsanın hüceyrələri bu titrəşimlərdən hər dəqiqə bir sağa, bir sola hərəkətlənir. Nəticədə orqanizm daxildən qızır. Temperatur tənzimləməsi pozulur.
Bədən 36 dərəcəni saxlamaq üçün tükənir, hüceyrələr sürətlə qocalır, şiş hüceyrələri yaranır. İndi hüceyrələrə hər tərəfdən hücum var.
Yeməklər silahdır, telefon, Wi-Fi…
Biz hüceyrələrimizi qoruya bilmirik.
Bütün dünya, bəşəriyyət kütləvi işgəncə altındadır. 4G, 5G, telefon, internet, əlinizin altında hər şey… Komfortludur, yox, bu işgəncədir, bu bizim sonumuzdur”.

Qışda hər mürəbbə bədənə lazımlı deyil. Nəzərə alsaq ki, mürəbbələr şəkərlə zəngindir, çox hallarda zərərlidir.
Bakupost.az xəbər verir ki, terapevt Yekaterina Mayorova immuniteti gücləndirən qış mürəbbələrini seçib.
“Çaytikanı, zoğal və moruq mürəbbəsi orqanizmi mövsümün aktiv infeksiyalarından qoruya bilər.
Bu mürəbbələr antibakterial təsirə də malikdir.
Moruq qrip və respirator xəstəliklərlə təbii mübarizə aparır.
O, istiliyi salır, titrəməni götürür, orqanizmi bərpa edir.
Zoğal mürəbbəsi isə təzyiqi salır, stresdən qoruyur, ürək-damar xəstələrinə faydalıdır.
Mürəbbə 5 yaşından yuxarı uşaqlara verilə bilər”.

İngiltərədə bir həkim yanlışlıqla insanlara “xərçəng xəstəsisiniz” mesajı göndərib.

Yenicag.az xarici mediaya istinadən xəbər verir ki, özəl xəstəxanada çalışan həkim xəstələrinə yeni il təbriki göndərmək əvəzinə, yanlışlıqla xərçəng olduqlarını bildirən mesaj yollayıb.

“Diaqnoz: Metastaza uğramış aqressiv ağciyər xərçəngi” ifadələrinin olduğu mesajdan sonra insanlar xəstəxanaya axın ediblər.

Hadisədən sonra xəstəxana insanlardan üzr istəyib.

Yeməyi yavaş-yavaş yemək arıqlamağa kömək edir.

Bu barədə Meksikanın Xuares-del-Estado-de-Duranqo Universitetinin alimləri “Pediatric Obesit” jurnalında məqalə dərc ediblər.

Elm adamları bunu sınamaq üçün 54 könüllü üzərində təcrübə keçiblər.

Təcrübədə iştirak edənləri iki qrupa bölüblər. Birinci qrupun üzvləri hər tikəni 30 saniyə çeynəyiblər, ikinci qrupdakılar isə normal sürətlə yemək yeyiblər. Təcrübə bir il davam edib. Bu müddət ərzində subyektlər idman etməyiblər və xüsusi pəhrizlər saxlamayıblar.

Altı aylıq tədqiqatdan sonra birinci qrupdakı iştirakçıların təxminən iki kiloqrama yaxın arıqladıqları (il ərzində çəkilərinin 3-5%-i) görünüb, ikinci qrupdan olan könüllülər isə üç kiloqramdan çox (il ərzində ilkin çəkilərinin 7-8%-ə qədər) kökəliblər.

“Yavaş yemək effektivdir, çünki beyinə mədənin tox olduğunu anlamaq üçün daha çox vaxt verir. Yeməyi çox tez yeyəndə beyin insanın tox olduğunu başa düşməyə vaxt tapmır və aclıq hissi yox olmur. Bu da insanın yemək həddini aşmasına gətirir”, – deyə alimlər qeyd ediblər.

Tədqiqatçılar, həmçinin daha nəzərəçarpan nəticə əldə etmək üçün yeməkdən əvvəl bir stəkan su içməyi və yeməklər arasında qəlyanaltıdan çəkinməyi tövsiyə ediblər.
pressklub

Pandemiya Çinə qayıdıb. Pekinin illərdir həyata keçirdiyi “sıfır kovid siyasəti”, sərt qapanmalar nəticə vermədi. Çində gündə milyonlarla insan kovidə yoluxur, say o qədər artıb ki, Pekin gündəlik xəstə sayını elan etməyəcəyini açıqlayıb. Bəzi mənbələrə görə, Çində son 20 gün ərzində təxminən 250 milyon insan kovidə yoluxub. Kovid paytaxt Pekin və Şanxayda daha sürətlə yayılıb. Xəstəxanalar doludur. CNN-nin xəbərlərinə görə, Çində ölənlərin sayı da artıb. Çinli virusoloqların sözlərinə görə, hazırki kovid ilkin ştamdan fərqlidir.
Çində koronavirusun yenidən geniş yayılması qonşu ölkələri qorxudub. Hindistan hökuməti əhalini diqqətli olmağa çağırıb. Bu arada, Çinlə Hindistan sərhəddində son insident Dehlidə ciddi müzakirələrə səbəb olub. Hindistan parlamentində keçirilən müzakirələr zamanı “Hindistan Milli Konqresi” simasında müxalifət hökumətin siyasasətini tənqid edib. Müxalifət nümayəndələrinin fikrincə, hökumət ölkənin təhlükəsizliyini təimn edə bilmir. Müxalifət hökuməti Pekinlə münasibətlərə yenidən baxmağa çağırıb. Halbuki, uzun onilliklər ərzində hakimiyyətdə olan “Hindistan Milli Konqresinin” özü Çinlə sıx əlaqələrə malik idi.
Hökumət müxalifətin tənqidlərini qəbul etmir. Hindistan hökuməti Çinlə sərhəddə kifayət qədər böyük hərbi bölmələr yerləşdirib. Çin 2020-ci ildən başlayaraq Hindistanla sərhədin dağlıq hissəsinə xeyli qoşun hissəsi toplayıb. Dehli Pekinin bu siyasətini cavabsız qoymayıb.
Sərhəddə vəziyyətin hər an yenidən gərginləşə biləcəyi ehtimalı böyükdür. Kiçik toqquşma böyük müharibəyə səbəb ola bilər. Buna baxmayaraq, Çin Kommunist Partiyası ilə Hindistanın hakim “Bharata Canata” Partiyası arasında təmaslar davam edir. Hindistan müxalifətini narazı salan da budur.
Böyük dövlətlərin planlarına pandemiyanın geniş yayılması da əngəl olmur. Çinlə Hindistan arasında iki il əvvəl sərhəddə toqquşma məhz kovidin geniş yayıldığı günlərə təsadüf etmişdi.
“Atlas” Araşdırmalar Mərkəzi
Teref.az

Texas Universitetinin nevroloqları alzheymer xəstəliyinin inkişafını ləngitməyin yolunu tapıblar.

Alimlərin tədqiqatının nəticələri “Nature Communications” jurnalında dərc olunub.

Belə ki, amerikalı alimlərin tədqiqatına əsasən, dərin beyin stimullaşdırılması alzheymer xəstəliyinin inkişafını ləngitmək üçün təsirli yol ola bilər.

Dərin beyin stimullaşdırılması elektrik impulslarını çatdırmaq üçün beynin müəyyən bölgələrinə elektrodların implantasiyası ilə işləyir. Adətən həkimlər epilepsiya, parkinson xəstəliyi kimi xəstəlikləri belə müalicə edirlər. Alimlərin fikrincə, bu üsul həm də alzheymer xəstəliyinin inkişafını ləngitməyə təsir göstərə bilər.

Amerikalı alimlərin eksperimentində xəstəliyin yüngül forması olan 46 xəstə iştirak edib. Onların hamısı təcrübə zamanı xəstəlikdən müalicə olunub.

ABŞ-da həkimlər "TeraFlyu" və digər buna bənzər dərmanların xəstəliyə təsir etmədiyinə görə bazardan çıxarılmasını tələb ediblər.

Publika.az xəbər verir ki, ABŞ Qida və Dərman İdarəsi (FDA) “Benadryl” preparatının, “Mucinex” bəlğəmgətiricilərinin, həmçinin qrip və soyuqdəymə tozları “Theraflu” və antipiretik dərmanların satışının dayandırılmasını tələb edib.

Bu dərmanlar həkim resepti olmadan da satılır, lakin onların istifadəsi xəstələrin vəziyyətini bir o qədər yaxşılaşdırmır. Florida Universitetinin alimləri 2015-ci ildə FDA-ya fenilefrinin təsdiqlənmiş reseptsiz dərmanlar siyahısından çıxarılması üçün ərizə ilə müraciət ediblər. 2016-cı ildə tənzimləyici sorğuya baxıldığı açıqlandı və “hərtərəfli araşdırma və təhlil” tələb etdiyi üçün sorğuya dəqiq cavab verilmədi.