 |
|
|
Qarabağda separatçı rejimə “humanitar yardım” adı ilə silah daşınması faktı bəllidir: DTX rəsmisinin açıqlaması prosesin davam etdiyini yenidən gündəmə gətirdi;
Hazırda baş verənlər isə prosesin daha da təhlükəli miqyas aldığını göstərir:
- Erməni qoşunların qalıqlarının çıxarılması öhdəliyi icra edilmir və belə görünür ki, xoşluqla icra edilməyəcək də;
- Separatçı-terrorçular davamlı təxribatlar törədir;
- Vardanyan kartı işə düşəndən sonra qondarma “statusdan” daha çox danışmağa başlayıblar;
- Bölgəyə müvəqqəti nəzarət edən Rusiya sülhməramlıları bütün bunlara nəinki şərait yaradır, hətta təşkilatçısı rolunda çıxış edir: hərbi yükləri Laçın dəhlizindən keçirir, separatçı-terrorçuların postlar qurmasına şərait yaradır, erməni əhalisinin Bakıya inteqrasiyasının qarşısını bütün yollarla alır;
Zamanın uzanması Azərbaycanın ziyanınadır, çünki geosiyasi şərtlərin dəyişməsi regiondakı proseslərə də təsir edə bilər və bu vəziyyət Bakının müəyyən addımlar atması zərurətini artırır:
- Separatçıların qurduğu hərbi postlarının ləğv edilməsi;
- Qeyri-siyasi və qeyri-hərbi müstəvidə separatçı-terrorçu rejimi erməni əhalisi arasında çətinə sala biləcək addımlar;
- Laçın dəhlizinin qeyri-humanitar məqsədlər üçün istifadə edildiyi faktının aktuallaşdırılması, Moskva qarşısında bu tələblərin qaldırılması və s;
İndiyə qədərki proseslər diplomatiyanın praktiki nəticələrə gətirib çıxarmadığına nümunədir.
***
- Qarabağda (Sarıbaba) son aşkarlanan minalar 2021-ci il Ermənistan istehsalıdır və Laçın dəhlizindən daşınıb;
- Laçın dəhlizindən razılaşmalara zidd formada istifadə edilir;
Rəsmi Bakı xarici işlər naziri Ceyhun Bayramov səviyyəsində məsələni aktuallaşdırır və “bütün lazımi addımlar atılacaq” mesajını verir. Hələki diplomatik müstəvidə...
Azərbaycan məsələni həm beynəlxalq müstəvidə, həm də digər tərəfdaşları ilə müzakirə edəcək.
Bu faktlar dəhlizə praktiki nəzarət əsasını yaradır.
Asif Nərimanlı - DİA.AZ