Vətən müharibəsindən sonra regionda yeni reallıqları işə salan Azərbaycan yekun sülhün humanizm prinsipləri əsasında təmin olunması üçün çalışır.

Tez-tez dəyişən danışıqlar masası sülh prosesinin ləngitsə də, hələ də davam edir.

Vətəndaşlığımızı qəbul edəcək ermənilərin digər xalqlar kimi bərabər hüququna sahib olacağının dəfələrlə qarantını versək də, prosesin başlamasını istəməyən qüvvələr müxtəlif yollarla münasibətləri korlamağa çalışırlar.

Hazırda regionda davam edən gərginlik fonunda ermənilərdə belə bir düşüncə var idi ki, Azərbaycan Qarabağda ermənilərin yaşadığı bəzi ərazilərə zor gücü ilə girəcək.

Lakin, Ekologiya və Təbii Sərvətlər Nazirliyi və “Azərgold” QSC-nin əməkdaşlarının daxil olduğu qrupun torpaqlarımıza səfəri bu düşüncəni alt-üst etdi.

Qarabağa yollanan mütəxəssislərimiz sülhməramlıların Xocalıdakı qərargahına səfər edərək qeyri-leqal iqtisadi fəaliyyətlər çərçivəsində faydalı qazıntıların qanunsuz istismarının aparıldığı yataqlarda monitoriq üçün yol xəritəsi hazırlamağa başlayıb.

Baku TV-nin mövzu ilə bağlı hazırladığı süjeti təqdim edirik:

“Əks halda, bu siyasət Ermənistan üçün onların təsəvvür etmədiyi qədər ağır nəticələrə gətirə bilər”.

Bu fikirləri Azərbaycan, Rusiya və Ermənistan Baş nazir müavinlərinin ötən gün Moskvada keçirilmiş görüşünün nəticəsiz bitməsinə münasibət bildirən Milli Məclisin deputatı Aydın Hüseynov Yenicag.az-a açıqlamasında deyib.

Onun sözlərinə görə, Ermənistanın bundan sonra bütün istiqamətlər üzrə danışıqlar prosesini uzatmaq imkanları tükənib:

“Əvvəla, bunu nəzərə almalıyıq ki, Ermənistan müstəqil siyasət yürütmək imkanına malik deyil. Onun siyasətinə ənənəvi müttəfiqi olan Rusiya, müsəlman həmrəyliyini bayraq etsə də, bunun əksinə davranan İran və xaricdəki erməni diasporu ciddi təsir göstərir.

Reallıq bundan ibarətdir ki, Zəngəzur dəhlizi açılmalıdır. Bu işin reallaşdırılması Azərbaycanın Naxçıvanla, o cümlədən qardaş Türkiyə ilə quru yolu ilə əlaqəsinin saxlanılmasını təmin edəcək. Eyni zamanda, dəhlizin açılması region dövlətlərinin əməkdaşlığı baxımından da onların maraqlarına uyğundur.

Bəli, Ermənistan istər bu məsələdə, istərsə də ümumilikdə nizamlama prosesi üzrə danışıqların uzadılmasına cəhd göstərir. Lakin Ermənistanın Zəngəzur dəhlizinin açılmasına bundan sonra da müqavimət göstərmək imkanı yoxdur. Ermənistan 2020-ci il 10 noyabr üçtərəfli bəyanatla üzərinə götürdüyü bütün öhdəlikləri yerinə yetirməlidir. Əks halda, bu siyasət Ermənistan üçün onların təsəvvür etmədiyi qədər ağır nəticələrə gətirə bilər”.

Qarabağda müvəqqəti məskunlaşmış Rusiya sülhməramlı qüvvələrinin komandanı general-mayor Andrey Volkov mandatlarına zidd olaraq 14 İran vətəndaşının Azərbaycan ərazisinə keçidini təmin etmələrinə münasibət bildirib.

Ancaq bu açıqlama həm qəribə, həm gülünc, həm də anlaşılmazdır. Eynilə sülhməramlıların mövcud fəaliyyəti kimi bu açıqlamada da daha çox tərəfkeşlik, müəmma, qeyri-müəyyənlik var. Bir növ Volkov bu açıqlaması ilə göstərib ki, sülhməramlılar əraziyə nəzarət edə bilmirlər. Zatən bunu sübut edən başqa faktlar da var ki, aşağıda onlara da toxunacağıq. Hələ ki, Volkovun son açıqlamasına diqqət edək.

Volkov azərbaycanlı jurnalistlərə açıqlamasında deyir ki, guya həmin şəxslər inşaat işçiləridir və 2 gün əvvəl Azərbaycandan qovulublar. Jurnalistlərin növbəti sualında isə Volkov çaşbaş qalır və özü-özünü ifşa edir. General gah deyir ki, məsələ araşdırılır, gah deyir araşdırılacaq, gah da deyir ki, həmin adamlar diversant deyillər. Bundan əlavə həm məlumatı mediadan aldığını söyləyir, həm də özlərinin bunu araşdırdıqlarını bildirir. Bir sözlə, Volkov sonradan bu müsahibəyə qulaq assa, özü də özünü başa düşməz...

Lakin hər kəsin başa düşdüyü bir məqam var . Sülhməramlılar öhdəliklərini yerinə yetirə bilmir. Azərbaycan ərazisinə dövlətimizin xəbəri olmadan xariciləri buraxırlar. Azərbaycan Respublikasının ərazilərinə hər hansı bir xarici səfər Azərbaycan Respublikasının milli qanunvericiliyi çərçivəsində müəyyən edilmiş qaydalara, suverenlik və ərazi bütövlüyü prinsiplərinə riayət etməklə həyata keçirilməlidir.

Bu barədə Azərbaycan XİN-in İrana notasında da bildirilib. İran demişkən, bu məsələdə də İran tərəfi susqunluq nümayiş etdirir. Əgər Volkova inansaq, həmin şəxslər inşaat işçiləri olublar. Belədirsə, İran tərəfi niyə susub? Nə üçün hər hansı bir açıqlama vermir? Heç Volkov da azərbaycanlı jurnalistlərin qarşısına çıxmasaydı açıqlama vermək, bu ayıblarını ört-basdır etmək üçün “fikir” bildirmək niyyətində görünmürdü.

Baş verənlər göstərir ki, Azərbaycan Rusiya sülhməramlıları ilə birgə onların müvəqqəti yerləşdikləri ərazilərdə nəzarət xidməti həyata keçirməlidir. Əks halda, proses heç ermənilərin və oradakı rusların da xeyrinə olmayacaq. Azərbaycan əsgəri sülhməramlıdan fərqli olaraq hər zaman ayıq-sayıqdır və həmişə haqq üçün savaşıb...

Sülhməramlıların işinin adı nədir?

44 günlük Vətən müharibəsinin sonunda imzalanan üçtərəfli 10 noyabr bəyanatının 4-cü bəndinə görə, Rusiya sülhməramlıları 5 il müddətinə Qarabağ bölgəsinə-ərazilərimizə yerləşdirildi.

Həmin bəndə görə, sülhməramlı kontingent Azərbaycanın Qarabağ bölgəsinə yerləşdiriləndə paralel olaraq qanunsuz erməni silahlı qüvvələrinin çıxarılması təmin edilməli idi. Ancaq biz nəyin şahidi oluruq?
Ətraflı

Son günlər baş verənlər göstərir ki, sülhməramlıların ərazidə olması Azərbaycan üçün əlavə problem, ermənilər üçün isə dayaq, güc rolunu oynamaqdadır.

Son bir ayın məlumatlarına nəzər salmaq kifayət edir ki, sülhməramlıların orada yarıtmaz fəaliyyətləri ilə bağlı geniş təsəvvürə malik olaq.

Ötən həftə Müdafiə Nazirliyi məlumat yaydı ki, Laçın rayonundakı Sarıbaba yüksəkliyinin şimal hissəsində qanunsuz erməni silahlı dəstələri tərəfindən basdırılan minalar aşkarlanıb. Həmin minalar 2021-ci ildə Ermənistanda istehsal edilib və Rusiya sülhməramlılarının müvəqqəti nəzarətində olan dəhliz və yollarla bu ərazilərə daşınıb. Sülhməramlılar isə yenə də bütün bunları gözməzdən gəliblər.

Qeyd etmək yerinə düşər ki, 2020-ci il Vətən müharibəsinin başa çatmasından etibarən bu günədək 268 vətəndaşımız mina partlayışından zərər çəkib, onlardan 3 nəfər jurnalist daxil 45 nəfər həlak olub. Həlak olan 45 nəfərdən 35 nəfər mülki şəxsdir.

Bundan əlavə, hər gün ermənilərin qeyri-qanuni dəstələri həmin ərazilərdə Azərbaycan ordusunu atəşə tutur. Sülhü yaratmalı olan sülhməramlılar isə bütün bunların qarşısında aciz qalıblar.

Təbii ki, belə bir “sülhməramlı”nın Azərbaycan ərazisində olması ermənilərə sərf edir və onlar gərginlik yaradaraq rusların bölgədə bir qədər də artıq qalmasına nail olmaq istəyirlər. Özlərini arxalı köpək kimi hiss etməyə davam edirlər.

Ermənistanın Baş naziri Paşinyan da son iki ildə sülhməramlı missiyaya uyğun gəlməyən fəaliyyətlə məşğul olan Rusiya sülhməramlılarının mandatının qeyri-müəyyən müddətə qədər uzadılmasını açıq şəkildə bəyan edib...

Qayıdaq mövzuya. Həmin 14 nəfərin kim olduğu ilə bağlı ümid edək ki, Volkov növbəti açıqlamasında məntiqli, faktlara əsaslanan fikirlər söyləyəcək.

Belə çıxır ki, erməni terrorçuları ilə bərabər digər terrorçular da bu ərazidən keçərlərsə, sülhməramlıların ruhu da duymaz. O zaman onların orada işi nədir? Görünür, bu sualın cavabını sülhməramlılar bilmir. Əgər işlərinin adını bilsəydilər, onu icra etməkdə də çətinlik çəkməzdilər... (musavat.com)

“Rusiya tərəfinin öz məlumatlarında Azərbaycan ərazilərinin adlarını erməni mənbələrində göstərilən şəkildə yazması heç bir halda təsadüf sayıla bilməz. Əgər bu təsadüf və ya məlumatsızlıqdan qaynaqlanan yanlışlıq olsaydı o zaman Azərbaycan Müdafiə Nazirliyinin həmin yanlışlığı aradan qaldırılması üçün artıq yeddi dəfə etdiyi müraciət öz həllini tapar və həmin səhv aradan qaldırılardı”.

Bu fikirləri Demokrat.az-a açıqlamasında politoloq Yusif Bağırzadə deyib. Politoloq qeyd edib ki, Rusiya Azərbaycana təzyiq göstərməyə çalışır.

“Əgər Rusiya rəsmi Bakının müraciətlərinə baxmayaraq yenə də öz bildiyini edirsə, yenə də ərazilərimizin adlarını “erməniləşdirməyə” davam edirsə, üstəlik öz rəsmi məlumatlarında artıq inzibati ərazi vahidi kimi mövcud olmayan “Dağlıq Qarabağ” ifadəsindən istifadə edirsə demək ki, məqsəd başqadır. İndiki halda məqsəd Azərbaycan təzyiq göstərməkdən ibarətdir. Çünki, Rusiya Müdafiə Nazirliyinin rəsmi məlumatlarında indiyə qədər də bir neçə dəfə oxşar şəkildə ərazilərimizin adlarının dəyişdirilərək verilməsinə cəhdlər edilmişdi, amma Azərbaycan tərəfinin müraciətlərindən sonra həmin ifadələrə düzəliş edilmişdi. İndi isə müraciətlərin cavabsız qalması birbaşa təzyiq vasitəsidir. Nəyin bahasına olursa-olsun regionda mövcudluğunu qoruyub saxlamağa cəhd edən Rusiya sülhməramlıların mandatnın uzadılması ilə bağlı müraciətlərə Azərbaycan tərəfindən müsbət cavab ala bilmədiyi üçün bu cür metodlardan istifadə edir”.
“Rusiya başa düşür ki, Azərbaycanla Ermənistan arasında münasibətlərin normallaşmasını uzun müddət üçün tormozlamaq mümkün olmayacaq. Odur ki, indi əsas gücünü Ermənistana təzyiqdan daha çox separatçı rejimə dəstək verməyə yönəldib. Rusiya həm Qarabağdakı separatçı rejimə dəstək verməklə onu Paşinyanın apardığı sülh danışıqlarını qəbul etməməyə şirnikləndirir. Dəstək isə təkcə adlarımızı dəyişdirməklə deyil, həm də Vardanyan vasitəsilə separatçılara müxtəlif səviyyədə yardımlarla edilir”.
“Üçtərəfli bəyanatın tələblərinə uyğun olaraq erməni hərbi birləşmələrinin ərazilərimizi hələ də tərk etməməsinə göz yumur, humanitar dəhliz rolu oynamalı olan Laçın dəhlizindən silah-sursat daşınmasına şərait yaradır, kilsə, məktəb tikir və s. Bütün bunlar onu deməyə əsas verir ki, Rusiya problemin birdəfəlik həllində maraqlı deyil və “sülhməramlıların” nəzarəti altında olan ərazilərdə uzun müddətə qalmaq arzusundadır. Amma Rusiya bilməlidir ki, ərazilərimizdə müvvəqəti olaraq yerləşmiş sülhməramlı missiyanın hər hansı bir beynəlxalq mandatı yoxdur və ərazilərimizdə ancaq 10 noyabr üçtərəfli bəyanatın əsasında fəaliyyət göstərirlər. O bəyanatın ki, Ermənistanla yanaşı, həm də Rusiyanın üzərinə müəyyən öhdəliklər qoyur. Əgər Ermənistan və Rusiya həmin bəyanatla üzərlərinə düşən öhdəlikləri icra etməyəcəklərsə o zaman Azərbaycanın da öz öhdəliklərindən imtina edərək həm Laçın dəhlizini bağlamaq, həm də rus hərbi kontingentinin müddətin bitməsini gözləmədən ərazilərimizi tərk etməsini tələb etmək hüququ var”.