Özünü Antiterror əməliyyatənda şəhid olan hərbçinin xanımı kimi təqdim edən Mingəçevir sakini Rəsmiyyə Kazımova həmcinsinə qarşı 22.500 manatlıq dələduzluq edib.

Gununsesi.info  Teleqraf-a istinadən xəbər verir ki, o, Bərdədən olan, adını qeyd etmək istəmədiyimiz şəhidin Mingəçevirdə çox adam tərəfindən tanınmayacağını düşünərək bu şəhərdə yaşayan Afət Nəsibovanı aldadıb.

Həmin qadının etibarından sui-istifadə edən 1987-ci il təvəllüdlü Rəsmiyyə Afətə şəhid xanımı olduğu üçün ona Mingəçevir şəhəri, Qələbə dairəsi yaxınlığında 80 000 manat dəyərində mənzil veriləcəyini və Afətə istəsə, təxminən 20 000 manat ödəniş etməklə həmin mənzili onun qızına sata biləcəyini və ondan alacağı məbləği sənədləşmə üçün xərcləcəyini bildirib.

Afət onun dedikləri ilə razılaşıb və istədiyi məbləği ödəyib. Rəsmiyyə Afətlə qızına bu barədə heç kimin yanında bir kəlmə də danışmamağı tapşırıb.

Həmin ərəfələrdə Afət Nəsibova ona zəng vuraraq mütamadi olaraq evin verilməsi ilə bağlı maraqlanıb. Rəsmiyyə isə Afətin aldadılmasını başa düşəcəyini düşünüb onu inandırmaq məqsədilə yalandan bazardan kilid açarı alıb. O, açarı Afətə təqdim edərək tezliklə köçəcəyi evin açarları olduğunu bildirib. Rəsmiyyə Afətə açılış olmamış evə köçməyin qadağan olduğunu deyib.

Rəsmiyyə inamı itirməmək üçün tez tez Vatsapda şəhid arvadı olmağı ilə bağlı paylaşımlar edib, şəhidin şəkillərini status bölməsində yayımlayıb. Maraqlıdır ki, həmin statuslar yalnız Afət Nəsibova üçün açıq olub.

Rəsmiyyə Kazımova məhkəmədə əməlindən peşman olduğunu, Afət Nəsibovaya dəymiş ziyanın ödənilməsi ilə bağlı aralarında razılğa gələrək barışıq sazişi imzaladığını bildirib.

Məhkəmə bu əməlinə görə Rəsmiyyə Kazımovanın azadlığını 5 ay 18 gün müddətinə mıhdudlaşdırıb.

Gununsesi.info

“Azərbaycan Prezidenti İlham Əliyevin təşəbbüsü ilə Milli Məclisə təqdim edilən amnistiya aktı qəbul edilib. 19 dekabr tarixində 20 mindən artıq insana şamil olunacaq bu akt ölkə tarixində ən çox insana təsir edəcək amnistiya aktlarından biri hesab olunur. Yeni amnistiya aktı çərçivəsində isə 5 mindən artıq insan cəzadan azad olunacaq, 3 mindən artıq insanın cəzası azaldılacaq, 7 mindən çox insan azadlıqdan məhrumiyyətlə bağlı olmayan digər cəzadan və şərti cəzadan azad ediləcək, 4 minə qədər insan digər cinayət məsuliyyətindən, 1000-dən artıq insan isə digər məsuliyyət növlərindən azad olunacaq“.

Bu fikirləri Gununsesi.info-ya açıqlamasında Siyasi və Hüquqi Araşdırmalar Mərkəzinin (SHAM) sədri, hüquqsünas Xəyal Bəşirov bildirib.

O, qeyd edib ki, burada qadınların da payı böyükdür:

“Ümumilikdə Azərbaycanda penitensiar müəssisələrdə cəza çəkən şəxslərin sosial reabilitasiyası ilə bağlı qanun mövcuddur. Eyni zamanda, cəzaların icrası məcəlləsində bu sahə ilə bağlı ayrıca müddəalar nəzərdə tutulub. Məqsəd cəza çəkən insanların gələcəkdə cəmiyyətə yenidən inteqrasiya prosesini asanlaşdırmaqdır. Bunun üçün cəza çəkən müəssisələrdə müxtəlif işlər aparılır.

Qeyd etdiyimiz amnistiya aktları, əfv sərəncamları və fərmanlar insanların cəza çəkdikləri müəssisələrdən daha tez azad olunması və cəmiyyətə inteqrasiya olunmasını təmin etmək məqsədilə verilir. Qadınlara münasibətdə ömürlük azadlıqdan məhrum etmə cəzası nəzərdə tutulmur və mümkün qədər qadınlara azadlıqdan məhrum etmə ilə bağlı olmayan cəzalar tətbiq edilir.

Paralel olaraq, vaxtından əvvəl azad etmə, amnistiya və əfv sərəncamları qadınların və digər şəxslərin, xüsusilə də qadınların, cəmiyyətdən uzun müddət təcrid olunmasının qarşısını almaq məqsədilə verilir. Uzun müddət təcrid cəmiyyətə reinteqrasiya prosesində müəyyən problemlər yarada bilər.

Eyni zamanda, cəzaçəkmə müəssisələrində insanların əmək fəaliyyəti ilə məşğul olmaları təmin edilir. Bu, onların azadlığa çıxdıqdan sonra cəmiyyətə qısa müddətdə inteqrasiya olunmasını asanlaşdırır və onların cəmiyyətdə faydalı fəaliyyət göstərməsinə imkan yaradır”.

Qeyd edək ki, dekabrın 22-də Penitensiar Xidmətin 4 saylı cəzaçəkmə müəssisəsindən 22 qadın azadlığa buraxılıb.

Onlardan ikisi azyaşlı övladı ilə saxlanılır.

Şəbnəm Rəhimova

Gununsesi.info