 |
|
|
Sumqayıt Dövlət Universiteti tərəfindən 30 aprel 2025-ci il dəftərxana və təsərrüfat mallarının satınalınması ilə əlaqədar dərc edilmiş kotirovka sorğusunda Bakı şəhəri, Suraxanı ray, Hövsan ŞTQ, Hövsan yolu ev 21B m 3 ünvanında qeydiyyatda olan “Rigel təchizat” MMC (VÖEN: 1906342611) qalib elan olunmuş və 94 834,37 manat məbləğində müvafiq satınalma müqaviləsinin bağlanması nəzərdə tutulub. Məlumat satınalmaların portalında 03.06.2025-ci ildə dərc edilib.
Qeyd edək ki, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “RİGEL TƏCHİZAT” (VÖEN: 1906342611) Məhdud Məsuliyyətli Cəmiyyətinin 03.04.2025-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 50 manat olan MMC-nin hüquqi ünvanının BAKI ŞƏHƏRİ SURAXANI RAYONU, HÖVSAN ŞTQ, HÖVSAN YOLU, ev.21B, m.M3, qanuni təmsilçisi kimi isə Sadıxov Elmar İlqar oğlu qeyd olunub.
Apardığımız araşdırmalar zamanı məlum olmuşdur ki, “RİGEL TƏCHİZAT” MMC Sumqayıt Dövlət Universiteti tərəfindən 30 aprel 2025-ci ildə başlanılmış kotirovka sorğusundan cəmi 27 gün əvvəl dövlət qeydiyyatına alınıb.
Maraqlıdır, kotirovka sorğusundan cəmi bir ay əvvəl yaradılmış bu MMC-nin satınalmalarda iştirakına hansı hallarda yol verilir və MMC-nin fəaliyyəti ilə Nazirlər Kabinetinin qərarları uyğunluq təşkil edirmi?
Görəsən Sumqayıt Dövlət Universitetinin Satınalma Komissiyası alib seçərkən “RİGEL TƏCHİZAT” MMC-nin Azərbaycan Respublikası Nazirlər Kabinetinin 21 dekabr 2018-ci il tarixli 556 nömrəli Qərarı ilə təsdiq olunmuş “Mikro, kiçik, orta və iri sahibkarlıq subyektlərinin bölgüsü meyarları” üzrə hansı kateqoriyaya aid edilməsi, “Şərtlər toplusunun nümunəvi forması”nın təsdiq edilməsi haqqında Azərbaycan Respublikası Nazirlər Kabinetinin 30 dekabr 2023-cü il tarixli 503 nömrəli Qərarı müəyyən edilmiş Forma 3 ( Texniki baza), Forma 5 (Təchizatçı haqqında) və Forma 7 (Oxşar işlər üzrə təcrübə) və Azərbaycan Respublikası Nazirlər Kabinetinin 30 dekabr 2023-cü il tarixli 494 nömrəli Qərarı ilə müəyyən edilmiş uyğunluğun qiymətləndirilməsinin digər meyarlarını nəzərə alıbmı?
Qeyd edək ki, “Dövlət Satınalmaları Haqqında” Azərbaycan Respublikası Qanununun 23-cü maddəsində təchizatçıların uyğunluq göstəriciləri müəyyən edilmişdir. 23.5. Təchizatçıların uyğunluq göstəriciləri satınalma metodlarına aşağıdakı qaydada şamil olunur:
23.3.2. “Lisenziyalar və icazələr haqqında” Azərbaycan Respublikasının Qanunu ilə tələb olunduqda, müvafiq sahibkarlıq fəaliyyətinin həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olması; 23.5.1. bu Qanunun 23.3-cü ( 23.4.3. texniki imkanlarının və maddi-texniki bazasının olması; ) maddəsində qeyd olunan tələblər – satınalmanın bütün metodlarına; 23.5.2. bu Qanunun 23.4.1-ci ( 23.4.1. satınalma müqaviləsinin icrası üçün müvafiq sahədə peşəkarlığının və təcrübəsinin olması;) maddəsində qeyd olunan tələblər – açıq tender, ikimərhələli tender, qapalı tender və bir mənbədən satınalma metodlarına, habelə işlərin və xidmətlərin satınalınması ilə bağlı kotirovka sorğusu metoduna; 23.5.5. bu Qanunun 23.4.4-cü ( 23.4.4. müvafiq tələblərə cavab verən işçi qüvvəsinin olması.) maddəsində qeyd olunan tələblər – işlərin və xidmətlərin satınalınması ilə bağlı satınalmanın bütün metodlarına.
Amma göründüyü kimi Sumqayıt Dövlət Universiteti kotirovka sorğusu müsabiqəsində “RİGEL TƏCHİZAT” MMC-nin bir çox uyğunluq göstəricilərini nəzərə almadan satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir. Bu məlumatlardan da göründüyü kimi Sumqayıt Dövlət Universiteti ilə “RİGEL TƏCHİZAT” MMC arasında bağlanmış satınalma müqaviləsində təchizatçı şirkətin müvafiq sahədə peşəkarlığının və təcrübəsinin olması, müvafiq tələblərə cavab verən işçi qüvvəsinin olması nəzərə alınmamışdır. Bu da keçirilmiş kotirovka prosedurunda saxtakarlıq hallarına yol yerildiyinə əsaslı şübhələr yaradır.
Qeyd edək ki, Sumqayıt Dövlət Universitetinin rektor əvəzi Əminağa Sadıqovdu. O, bu vəzifəyə 12 fevral 2025-ci ildə gətirilib. Daha əvvəl isə Elm və Ali Təhsil üzrə Dövlət Agentliyinin direktor müavini olub.
Aktualinfo.org