Sosial şəbəkələrdə və bəzi media resurslarında mərhum Xalq artisti Ramiz Novruzun qızı, stilist Şəfəq Novruzun yol hərəkəti qaydalarını kobud şəkildə pozan videosu yayılıb. Qəribədir ki, videonu stilist özünün sosial şəbəkə səhifəsində paylaşıb.

Videodan aydın görünür ki, Şəfəq Novruz avtomobili yüksək sürətlə idarə edərkən anası ilə birgə mahnı oxuyaraq rəqs edir. Videodan da göründüyü kimi, o, sükan arxasında rəqs edir və diqqəti sükanda yox, rəqsdədir.

Bundan əlavə, aktyorun qızı avtomobili idarə edərkən əllərini sükandan çəkir ki, bu da ciddi qayda pozuntusu hesab edilir.

Bəs Şəfəq Novruzu hansı cəza gözləyir?

Məsələ ilə bağlı fikirlərini Bizim.Media ilə bölüşən nəqliyyat üzrə ekspert Aslan Əsəd deyib ki, tanınmış adamların bu cür hərəkətləri istənilən halda qəbuledilməzdir:

“Çünki tanınmış adamlar hər vasitə ilə cəmiyyətə nümunə olmalıdırlar və onlar digərlərinə nümunəvi davranış təlqin etməlidirlər. Bu mənada bu görüntülər qəbuledilməzdir. Üstəlik, belə halların ictimailəşdirilməsi də doğru deyil. Bu digərlərinə pis nümunə ola bilər”.

Bəs, belə hallara görə sürücünü hansı cəza gözləyir?

Müsahibimizin sözlərinə görə, videodan aydın görünür ki, xanım sürücü avtomobili yüksək sürətlə idarə edərkən rəqs eləyir, hətta əlini sükandan çəkir:

“Bu da qəzaya şərait yaradır. Çünki, yüksək sürətlə gedən avtomobildə ani diqqətsizlik böyük faciəyə yol aça bilər. Bütün hallarda burada inzibati xəta var. Bunun təsdiqi üçün ilk növbədə həmin video DYP tərəfindən araşdırılmalıdır. Əgər sürücü ayıq olubsa və bu hərəkətə görə sürət həddini aşmaya və qəza şəraiti yaratmağa görə 150 manata qədər cərimə oluna bilər.

Əgər sürücü spirtli içki qəbul edibsə, onda cəza xeyli ağırlaşır. Çünki içkili vəziyyətdə avtomobil idarə etmək cəzanı sürücülük vəsiqəsindən məhrumetməyə qədər ağırlaşdırır”.

VİDEO BURADA: