Azərbaycanda 2015-ci ildə yaşanan devalvasiyaların nəticələrindən biri də valyuta mübadilə məntəqələrinin bağlanması və bunun nəticəsində valyuta alqı-satqısının tamamilə bankların nəzarətinə keçməsi idi.

Uzun müddətdən sonra Azərbaycan Mərkəzi Bankı 2020-ci ilin sentyabrında valyuta mübadiləsi üçün ilk lisenziyanı verdi.

Son 5 ildə isə sadəcə 7 hüquqi şəxsə valyuta mübadiləsi ilə məşğul olmaq üçün lisenziya verilib. Ən son, bu il yanvarın 17-də Azərbaycan Mərkəzi Bankı “MMK-014” MMC-yə valyuta mübadiləsi fəaliyyəti üçün lisenziya verdi.

Nəticədə, Azərbaycanda valyuta mübadiləsi ilə məşğul olan hüqiqi şəxslərin sayı 7-yə çatdı: “Eliko”, “Delta Capital”, “Zuhur”, “Bakı Mərkəzi Valyuta”, “Meta-Kapital”, “Money Shop” və “MMK-014”. Lisenziya almış şəxslərin hamısı Bakı şəhərində fəaliyyət göstərir.

Bank məsələləri eksperti Əkrəm Həsənov da bildirir ki, bu biznesə maraq yoxdur: “Çünki hər bir bank şöbəsi və filialı bu əməliyyatları həyata keçirir. Bundan başqa valyuta mübadiləsi ilə bağlı bir çox məhdudiyətlər qoyublar. Ayrıca əhalidə də pul yoxdur”.

Həsənov, devalvasiyalardan öncə valyuta mübadilə məntəqələrinin sayının çox olmasını belə əsaslandırır: “Əvvəllər valyuta mübadilə məntəqələri formal olaraq bankların şöbələri idi. Bu bizneslə məşğul olmaq istəyənlər banklara müraciət edirdlər. Ancaq müstəqil fəaliyyət göstərirdilər. İndiki valyuta mübadilə məntəqələri isə bankın tərkibində deyil, hüquqi baxımdan da müstəqil fəaliyyət göstərirlər. Ona görə də, valyuta mübadilə məntəqələri ilə bağlı müəyyən ciddi tələblər var. Banklara bağlı olanda isə tələblər yumuşaq idi”.

Ekspert əlavə edir ki, 2015-ci ildən əvvəl valyuta mübadiləsi biznes kimi ona görə maraqlı idi banklardan fərqli olaraq valyuta mübadilə məntəqələri Mərkəzi Bankın limitini pozurdular: “Banklarda məzənnə Mərkəzi Bankın müəyyən etdiyi məzənnədən 2 faizdən çox fərqlənə bilməzdi. Sonra limit 4 faizə qaldırldı, daha sonra isə ləğv edildi. Həmin limiti valyuta mübadilə məntəqələri pozurdular. Limit olmadığına görə də, biznes kimi maraqlı olmadı”.
aktualinfo

Prezident İlham Əliyev Xarici Kəşfiyyat Xidmətinin həqiqi hərbi xidmət hərbi qulluqçularının aylıq vəzifə maaşlarının artırılması haqqında Fərman imzalayıb.

Fərmana əsasən, hərbi qulluqçuların aylıq vəzifə maaşları orta hesabla 10 % artırılıb.

Nazirlər Kabineti fərmandan irəli gələn məsələləri həll etməli, Xarici Kəşfiyyat Xidməti və Maliyyə Nazirliyi fərmandan irəli gələn məsələlərin həlli üçün zəruri tədbirlər görməlidir.

Fərman bu il yanvarın 1-dən tətbiq edilir.

Ramil Osmanlı bildirib ki, köhnə tikililərdə mənzillərin kvadratmetrinin qiymətinin yüksək olması həmin binalarda mənzil kvadratının az olması ilə bağldıır.
2024-cü ildə Azərbaycanda mənzil bazarında qiymətlər 2023-cü ilə nisbətən 9.9% bahalaşıb. Bu barədə Dövlət Statistika Komitəsi bildirib. Ötən il əvvəlki illə müqayisədə ilkin mənzil bazarında qiymətlər 11.3%, təkrar mənzil bazarında isə 9.8% artıb.
Qeyd edək ki, 2024-cü ilin IV rübündə mənzil bazarında qiymət indeksi əvvəlki rüblə müqayisədə 3.3%, o cümlədən ilkin mənzil bazarı üzrə 2.8%, təkrar mənzil bazarı üzrə 3.3% artıb.
Əmlak məsələləri üzrə ekspert Ramil Osmanlı Sputnik Azərbaycan-a açıqlamasında bildirib ki, Bakıda ilkin mənzil bazarında mənzillərin orta qiyməti belə dəyişir:
"Bakıda ilkin mənzil bazarında mənzillərin orta qiyməti 1 kv 2930 manat, təkrar mənzil bazarında isə 2167 manatdır. Bakı şəhərində ilkin mənzil bazarında qiymətlər 1 kv metrə 1500 manatdan başlayaraq 10 min manata qədər dəyişir. Təkrar mənzil bazarında isə yeni tikililərdə 1 kv metrin qiyməti 1400 manatdan 12 min manatadəkdir".
Ekspert bunu təkrar mənzil bazarına çıxardılan mənzillərin təmirli olması ilə əlaqələndirib. Onun sözlərinə görə, köhnə tikililərin qiyməti 1 kvadratmetr üçün 1800 manatdan başlayır, 4500-5 min manatadək davam edir. Köhnə tikililərdə mənzillərin kvadratmetrinin qiymətinin yüksək olması köhnə binalarda mənzil kvadratının az olması ilə bağldıır.
R.Osmanlı onu da qeyd edib ki, hazırda Bakıda ən bahalı mənzillər Səbail rayonunun 1-ci və 2-ci zonası və Bayıl yamacına doğru olan ərazilərdədir.

2024-cü ildə Azərbaycanda dəniz nəqliyyatı ilə 2 milyard 647,6 milyon ABŞ dolları dəyərində 2 milyon 807,5 min ton yük daşınıb.

Dövlət Gömrük Komitəsi xəbər verir ki, bunlar, 2023-cü illə müqayisədə müvafiq olaraq 37,5 % və 1,7 % çoxdur.

Ötən il dəniz nəqliyyatı ilə 97,2 milyon ABŞ dolları (əvvəlki ilə nisbətən 46,7 % az) dəyərində 95,5 min ton (21 % çox) yük ixrac edilib, 2 milyard 550,4 milyon ABŞ dolları (7,4 % çox) dəyərində 2 milyon 712 min ton yük (46,3 % çox) yük idxal olunub.

2024-cü ildə Azərbaycanda avtomobil nəqliyyatı ilə 12 milyard 508,3 milyon ABŞ dolları dəyərində 5 milyon 916 min ton yük beynəlxalq yük daşımaları həyata keçirilib.

Dövlət Gömrük Komitəsi xəbər verir ki, bunlar, 2023-cü illə müqayisədə müvafiq olaraq 3,3 % və 9 % çoxdur.

Ötən il avtomobil nəqliyyatı ilə 10 milyard 404,5 milyon ABŞ dolları (əvvəlki ilə nisbətən 1,3 % çox) dəyərində 3 milyon 592,4 min ton (5,7 % çox) yük idxal edilib, 2 milyard 103,8 milyon ABŞ dolları (15 % çox) dəyərində 2 milyon 323,6 min ton (14,6 % çox) yük ixrac olunub.

“Azərbaycanda korrupsiya bəzi orqanların bütün pillələrini əhatə edən sistemli bir problemdir. Dövlət subsidiyalarının təyinatına uyğun istifadə edilməməsi isə korrupsiyanın ən bariz nümunələrindən biridir. Subsidiyalar kənd təsərrüfatından tutmuş digər sahələrə qədər məqsədəuyğun istiqamətlərdə xərclənmir. Əksinə, bəzi məmurlar bu vəsaitləri şəxsi maraqları üçün istifadə edirlər”.

Bu sözləri Yenicag.az-a açıqlamasında Azərbaycan Demokrat Partiyasının (ADP) sədri Sərdar Cəlaloğlu deyib.

ADP lideri Hesablama Palatasının “Bakı Metropoliteni” QSC-də apardığı audit nəticəsində sərnişindaşımanın maya dəyərinin süni şəkildə artırılması ilə bağlı yaydığı informasiyaları şərh edib.
Məlumata görə, audit nəticəsində müəyyən edilib ki, sərnişindaşıma fəaliyyəti üzrə subsidiyalar düzgün tənzimlənməyib:

“Belə ki, yaranan sərbəst vəsaitlər əsaslandırılmadan muzdlu işçilərə fərdi mükafat adı ilə ödənilib. Bu ödənişlər gəlirdən çıxılan xərclərə aid edilərək sərnişindaşıma xidmətlərinin maya dəyərinin artmasına səbəb olub”.

Mövzu ilə bağlı fikirlərini bölüşən S. Cəlaloğlu ilə bildirib ki, “Bakı Metropoliteni” QSC-nin sabiq mərhum rəhbəri Tağı Əhmədovdan sonra sözügedən vəzifəyə gələn Zaur Hüseynovun dövründə bu kimi hallar metroda çoxluq təşkil edib:

“Dövlətin ayırdığı subsidiyalar saxta sənədlərlə mənimsənilir. Bu mənimsəmə yalnız bir sahəyə deyil, demək olar ki, bir sıra sektorlara sirayət edib. Bakı metrosunda da korrupsiya faktları geniş yayılıb. Bir çox rəhbər şəxsin dövlət vəsaitlərini şəxsi maraqlarına yönəltdiyi məlumdur. Bundan əvvəl metro rəhbərlərindən birinin milyonlarla rüşvət aldığı və bu psixologiya ilə fəaliyyət göstərdiyi bildirilib. Korrupsiyanın bu cür sistemli xarakter daşıması dövlət qurumlarını şəxsi obyekt kimi idarəetmə mentalitetindən qaynaqlanır”.

S. Cəlaloğluna görə, korrupsiya ilə məşğul olan şəxslərin çox yüngül cəzalarla azadlığa buraxılması, digərlərinə də eyni yolu izləmək üçün stimul verir:

“Bu proses dövlət büdcəsinin talan edilməsi, əhalinin kasıblaşması və xalqla dövlət arasında ziddiyyətlərin dərinləşməsi ilə nəticələnir. Mənə elə gəlir ki, hesablama Palatası, Baş Prokurorluq, maliyyə nəzarəti orqanları və digər qurumlar bu cür korrupsiya halları ilə bağlı vaxtında müdaxilə etsələr, bu kimi qurumlar da öz fəaliyyətinə çəki-düzən verərlər”.

Dünyanın ən zəngin insanı Şimali Amerika-da yaşayır.

İndex.az xəbər verir ki, “Space X” və “Tesla” kimj böyük şirkətlərin sahibi İlon Mask 454,1 milyard dollarlıq sərvəti ilə dünyanın ən varlı insanıdır.

TEREF müxtəlif qitələrin ən varlı insanlarını sizə təqdim edir:

1.

ABŞ prezidenti Donald Tramp bir daha bəyan edib ki, qlobal neft qiymətləri yüksək olaraq qaldıqca, Ukraynadakı münaqişə asanlıqla həll edilməyəcək.

APA xəbər verir ki, Tramp bu barədə Ukrayna münaqişəsinə münasibət bildirərkən danışıb.

Xatırladaq ki, bir gün əvvəl də amerikalı siyasətçi ilk dəfə olaraq xammalın qiymətləri ilə münaqişə arasında əlaqə olduğunu açıqlamışdı.

O həmçinin neft hasilatını artırmaq üçün OPEC+ və Səudiyyə Ərəbistanına müraciət etmək planı olduğunu açıqlayıb.

Ukrayna üzərindən Rusiya qazının tranziti məsələsi Avropa İttifaqı (Aİ) ölkələrinin xarici işlər nazirlərinin (XİN) 27 yanvar tarixli iclasında qaldırıla bilər.

“Report” xəbər verir ki, bu barədə Brüsseldə yüksək səviyyəli avropalı mənbə jurnalistlərə bildirib.

"Mən istisna etmirəm ki, bu məsələ bir nazir tərəfindən qaldırıla bilər. Lakin əvvəllər biz Slovakiya və Macarıstanla əlaqə saxlamışıq və belə nəticəyə gəlmişik ki, tranzitin dayandırılması onların enerji təhlükəsizliyinə təhlükə yaratmır", - o bildirib.

Ötən il Gürcüstan Azərbaycana 290 milyon ABŞ dolları dəyərində 12 min 849 ədəd avtomobil ixrac edib.

İndex.az xəbər verir ki, bu, 2023-cü ilin göstəricisindən dəyər ifadəsində 34%, kəmiyyət olaraq – 43% azdır.

Beləliklə, Azərbaycan Gürcüstanın avtomobil ixrac etdiyi ölkələr sırasında 3-cü yerdə qərarlaşıb.

Hesabat dövründə Gürcüstan xarici ölkələrə 2 milyard 427 milyon ABŞ dolları dəyərində 106 min 51 ədəd avtomobil satıb ki, bu da bir il əvvəlki göstəricilərdən müvafiq olaraq 14 % çox və 0,4 % azdır.

Gürcüstandan Qırğızıstana 1,19 milyard ABŞ dolları dəyərində 34 min 560 ədəd, Qazaxıstana 751 milyon ABŞ dolları dəyərində 48 min 986 ədəd, Ermənistana 99,7 milyon ABŞ dolları dəyərində 5 min 17 ədəd, Tacikistana 24,3 milyon ABŞ dolları dəyərində 1 min 496 ədəd avtomobil tədarük edilib.