 |
|
|
İspaniya çempioantının 12-ci turun "Atletiko Madrid" və "Las Palmas" komandalarının qarşılaşıb.
Oxu.Az xəbər verir ki, Madriddə baş tutan oyunda "Atletiko" 2:0 hesabı ilə qalib gəlib.
"Atletiko Madrid"in hücumçusu Culiano Simeone 37-ci dəqiqədə fərqlənib. 83-cü dəqiqədə Rodriqo De Paulun ötürməsindən "Atletiko"nun hücumçusu Aleksandr Sörlot ikinci topu vurub.
Bu matçdan sonra "Atletiko"nun aktivində 23 xalı var. Dieqo Simeonenin yetirmələri 12 matçdan sonra üçüncü pillədə qərarlaşıb. "Las Palmas" 9 xalla 18-ci yerdədir.
Türkiyə Super Liqasında XI tur davam edir.
Bu gün "Beşiktaş" növbəti dəfə məğlub olub.
Komanda "Kasımpaşa" ilə bacarmayıb.
Hesabında 20 xal olan "qara qartallar" 4-cü pillədə qərarlaşıblar.
Türkiyə Super Liqası
11-ci tur
2 noyabr
"Sivasspor" – "Rizəspor" - 2:1
"Kayserispor – "Adana Dəmirspor" - 0:0
"Beşiktaş" – "Kasımpaşa" - 1:3
“Qalatasaray”ın qapıçısı Muslera mövsümün sonunda karyerasını başa vuracaq
Türkiyənin “Qalatasaray” klubunun qapıçısı Fernando Muslera mövsümün sonunda karyerasını başa vuracaq.
İndex.az xəbər verir ki, bu barədə yerli “Milliyet” nəşri məlumat yayıb.
38 yaşlıq qolkiper məsələ ilə bağlı İstanbul təmsilçisinin rəhbərliyinə və baş məşqçi Okan Buruka məlumat verib.
Qeyd edək ki, uruqvaylı oyunçu 2011-ci ildən “sarı-qırmızılar”ın formasını geyinir. O, bu müddət ərzində yeddi dəfə Superliqanın qalibi olub. Təcrübəli qapıçı qapıçı dörd dəfə ölkə kubokunu, altı dəfə isə Superkuboku qazanıb.
İspaniyanın "Real" (Madrid) klubunun qapıçısı Tibo Kurtua zədəsini sağaldıb.
"Report" xarici KİV-ə istinadən xəbər verir ki, daha əvvəl UEFA Çempionlar Liqasının Liqa mərhələsinin III turunun "Borussiya" (Dortmund, Almaniya) ilə matçında zədələnən qolkiper komandası ilə birgə məşqlərə qatılıb.
O, İspaniya La Liqasının XII turunda "Valensiya" ilə görüşdə meydana çıxa bilər.
Qeyd edək ki, noyabrın 3-də keçirilməli olan "Valensiya" - "Real" qarşılaşması təbii fəlakət səbəbindən təxirə salınıb.
Joze Mourinyo "Fənərbaxça"nın məşqində zədələnib.
Musavat.com qafqazinfo-ya istinadən xəbər verir ki, portuqaliyalı mütəxəssis futbolçusu İsmail Yükseklə toqquşub.
Nəticədə Mourinyo həkimlər və futbolçuların köməyi ilə meydanı tərk edib. Sağ dizindən zədə alan Mourinyonun vəziyyətinin ciddi olmadığı bildirilib.
Baş məşqçi sosial şəbəkə hesabında zədələndiyi anın videosunu paylaşaraq bunları yazıb:
"Gənc məşqçilər üçün dərs: Heç vaxt oyunçularla eyni rəngdə geyinməyin. Onlar topu sizə ata və ya arxadan təpiklə vura bilərlər".
Hadisənin görüntülərini təqdim edirik.
Almaniya Kuboku uğrunda turnirin ikinci raundunda (1/16 final) "Bavariya" səfərdə "Maynz" ilə qarşılaşıb.
Oxu.Az xəbər verir ki, matç qonaqların mütləq üstünlüyü ilə keçib.
Vinsent Kompaninin yetirmələri meydan sahiblərinin qapısından 4 cavabsız top keçiriblər - 4:0.
Musiala het-triklə yadda qalıb.
Bu qələbə sayəsində "Bavariya" çətinlik çəkmədən turnirin növbəti - 1/8 mərhələsinə adlayıb.
Azərbaycanın qadın boksçusu Aynur Mikayılova tarixi ilkə imza atıb.
57 kq çəkidə mübarizə aparan yığma üzvü Monteneqronun Budva şəhərində gənclər arasında keçirilən dünya birinciliyində bunu reallaşdırıb.
Mikayılova 1/4 finalda Reka Varqa Saraya (Macarıstan) ilk raundda tam üstünlüklə qalib gəlib. O, yarımfinala yüksəlməklə özü üçün azı bürünc medalı təmin edib. Bu, Azərbaycan boks tarixində ilkdir. İndiyədək ölkəmizin heç bir qız boksçusu dünya birinciliyində bu mərhələyədək irəliləməyib. Onun qazanacağı istənilən əyarlı medal isə boks tariximizə qızlardan ibarət yığmanın ilk mükafatı kimi düşəcək.
Qeyd edək ki, mundialda yarımfinal görüşləri sabah təşkil olunacaq.
Səudiyyə Ərəbistanında Kral Kuboku uğrunda 1/8 final mərhələsinin görüşləri baş tutub.
Oxu.Az xəbər verir ki, portuqaliyalı ulduz Kriştianu Ronaldunun kapitanı olduğu "Ən-Nəsr" gözlənilmədən öz meydanında "Ət-Taavun"a uduzaraq turnirdən kənarda qalıb.
Qonaqların 71-ci dəqiqədə vurduqları top matçın taleyini həll edib. Flavio komandasını 1/4 final mərhələsinə çıxaran qola imza atıb.
Ronalduya gəlincə, o 90+6-cı dəqiqədə penaltidən yararlana bilməyərək, komandasının son real şansını əldən verib.
“France Football” nəşrinin ilin ən yaxşı futbolçusu üçün təsis etdiyi “Qızıl top” mükafatının sahibi bəlli olub.
“Report” xəbər verir ki, təqdimetmə mərasimi Fransanın paytaxtı Parisdəki Şatle teatrında keçirilib.
"Real Madrid" komandası mərasimi boykot etdiyi üçün tədbirdə iştirak etməyib.
Beləliklə İngiltərənin "Mançester Siti" komandasının ispaniyalı yarımmüdafiəçisi Rodri ilin ən yaxşı futbolçusu adına layiq görülüb.
Qeyd edək ki, “Qızıl top”un son qalibi 2023-cü ildə Argentina millisinin və ABŞ-ın “İnter Mayami” komandasının üzvü Lionel Messi olub.
Bundan başqa İspaniyanın “Real Madrid” komandasının italiyalı baş məşqçisi Karlo Ançelotti ilin ən yaxşı baş məşqçisi seçilib, Argentina millisinin qolkiperi Emiliano Martines “Lev Yaşin” mükafatına layiq görülüb.
İspaniyanın “Barselona” klubunun gənc futbolçusu Lamin Yamal tarixə keçərək yeni rekorda imza atıb.
Yamal La Liqanın 11-ci turunda keçirilən “El Klasiko”da “Real Madrid”ə qarşı qələbə qazandıqları matçda fərqlənib. O, bu qol ilə “El Klasiko”da qol vuran ən gənc futbolçu ünvanını əldə edib. Bu tarixi uğuru Yamal 17 yaş 106 günlüyündə ikən reallaşdırıb.
Qeyd edək ki, qarşılaşma “Barselona”nın 4:0 hesablı qələbəsi ilə başa çatıb.