 |
|
|
Türkiyə Superliqasının 9-cu turu çərçivəsində “Antalyaspor” “Qalatasaray”ı qəbul edib.
"Cebheinfo.az" xəbər verir ki, matç qonaqların 0:3 hesablı qələbəsi ilə yekunlaşıb.
Görüşün 10-cu dəqiqəsində Mauro İkardi erkən qolla yadda qalıb.
52-ci dəqiqədə İkardi dublunu rəsmiləşdirib.
90+2-ci dəqiqədə nigeriyalı Viktor Oşimen meydan sahiblərinin boşluğunu yaxşı dəyərləndirərək möhtəşəm qola imza atıb.
Onun qayçıvari qolunu təqdim edirik:
Futbol tarixinin ən bahalı gənc oyunçusu müəyyənləşib.
“Qafqazinfo” “Transfermarkt” portalına istinadən xəbər verir ki, bu, “Barselona”nın futbolçusu Lamin Yamaldır.
17 yaşlı yarımmüdafiəçinin hazırkı qiyməti 150 milyon avrodur.
Bunadək rekord “Real”ın üzvü Kilian Mbappeyə aid idi. O, PSJ-də oynayarkən 18 yaşında 90 milyon avro dəyərində qiymətləndirilmişdi. Yamal isə bu rekordu 17 yaşında qırıb.
Futbol üzrə Misli Premyer Liqasında ikinci dövrəyə start verilib.
Redaktor.az xəbər verir ki, X turun açılış oyununda "Kəpəz" və "Qarabağ" komandaları üz-üzə gəlib. Tovuz şəhər stadionunda reallaşan qarşılaşma qonaqların 5:0 hesablı qələbəsi ilə yekunlaşıb.
Ağdam təmsilçisinin heyətində qolları Emmanuel Addai, Aleksey İsayev, Leandro Andrade, Toral Bayramov və Aleksey Kaşuk vurublar.
Bu nəticədən sonra xallarını 24-ə çatdıran "Qarabağ" turnir cədvəlinə başçılıq edir. "Kəpəz" isə 3 xalla sonuncu - 10-cu yerdə qərarlaşıb.
Qeyd edək ki, turun digər görüşləri 19-20 oktyabrda baş tutacaq.
DÇ-2026-nın seçmə mərhələsinin 10-cu turunda evdə Boliviya millisini 6:0 hesabı ilə məğlub edən Argentina seçməsinin superulduzu Lionel Messi darmadağını şərh edib.
Fanat.Az xəbər verir ki, bu qarşılaşmada 3 qol və 2 məhsuldar ötürmə ilə yadda qalan 37 yaşlı kapitanın dediklərini "Marca" belə çatdırıb:
"İnsanların mənim adımı qışqırmasından zövq alıram. Biz burada olmağı və Argentinada oynamağı sevirik. Oyunlardan zövq almaq ruhlandırır. Xoşbəxtəm. Yaşıma baxmayaraq, azarkeşlər özümü yaxşı hiss etdiyimi, hələ komandaya kömək edə bildiyimi görəndə uşaq kimi sevinirəm... Biz bundan həzz almağa davam edəcəyik".
Fransa millisinin və "Real Madrid"in hücumçusu Kilian Mbappenin vəkili Mari-Aliks Kanu-Bernar İsveçin paytaxtı Stokholmda qadına seksual təcavüzdə ittiham edilən müştərisinin günahsız olduğuna eyham vurub.
Fanat.az xəbər verir ki, "RMC Sport" vəkilin sözlərini belə çatdırıb:
"O, sakitdir. Kilian nə etdiyini və etmədiyini dəqiq bilir. Mbappe hər şeyi dəqiq bilir və prosesi kənardan izləyir. Təkrar edirəm, biz heç bilmirik ki, Kiliandan şikayət edən olub, ya yox. Edilibsə, açıqlamaqdan utanmayın".
Xatırladaq ki, mətbuatdakı məlumatlardan sonra İsveç polisi hadisə ilə bağlı araşdırmalara başlayıb.
Birləşmiş Ərəb Əmirliklərində təlim-məşq toplanışında olan Azərbaycan millisinin U-17 komandası ikinci yoldaşlıq görüşünü keçirib.
Demokrat.az xəbər verir ki, Ajman şəhərində Avstraliyanın müvafiq yaş qrupundan ibarət komandası ilə qarşılaşıb. Oyunun əsas vaxtı 2:2 hesabı ilə yekunlaşıb. Komandamızın heyətində qolları 44-cü dəqiqədə Əli Qazibəyov və 86-cı dəqiqədə Əli İbrahim vurublar. Penaltilər seriyasında daha dəqiq oynayan millimiz (4:2) matçda qələbə qazanıb.
Qeyd edək ki, bu komandalar arasında oktyabrın 14-də keçirilən ilk yoldaşlıq oyunu 0:0 hesablı heç-heçə ilə başa çatıb.
"Panatinaikos"da çıxış edən Corc Baldok evinin hovuzunda ölü tapılmışdı .Balldokun ölümündən sonra Yunan komandası maraqlı bir addım atıb.
"Daily Mail" xəbər verir ki, "Panatinaikos" evində ölü tapılan Corc Baldokun əmək haqqını müqaviləsi bitənə qədər ailəsinə verməyə davam edəcək.
Bundan başqa, Yunanıstan yığması da futbolçunun xatirəsinə yoldaşlıq oyunu təşkil edəcək.
Corc Baldok yay transfer dövründə Yunanıstan təmsilçisi ilə 3 illik müqavilə imzalayıb.
Oktyabrın 10-dan 13-dək Fransanın Monpelye şəhərində keçirilən çimərlik voleybolu üzrə klublararası Avropa Kubokunun qalibi adını qazanmış "Azərreyl" klubunun qadın və kişilərdən ibarət komandaları Vətənə qayıdıblar.
“Report” xəbər verir ki, Azərbaycanın çimərlik voleybolçularını gətirən təyyarə Heydər Əliyev Beynəlxalq Aeroportuna enib.
Hava limanında voleybolçuları ictimaiyyət nümayəndələri, jurnalistlər, idman azarkeşləri qarşılayıblar.
Qeyd edək ki, oktyabrın 13-də "Azərreyl" klubunun kişilərdən ibarət komandası Fransanın Monpelye şəhərində keçirilən çimərlik voleybolu üzrə klublararası Avropa Kubokunun qalibi adını qazanıb. Bakı təmsilçisi həlledici matçda İspaniyanın “CVP Poniente Benidorm Alicante“ komandası ilə qarşılaşıb. İki görüşün birində "Azərreyl" (2:1), digərində İspaniya təmsilçisi (2:1) qalib gəlib. Qalibi müəyyənləşdirmək üçün keçirilən qızıl setdə 15:12 hesabı ilə üstün olan təmsilçimiz Avropa Kubokunda çempion adına yiyələnib.
"Azərreyl"in qadınlardan ibarət komandası da Fransanın Monpelye şəhərində keçirilən çimərlik voleybolu üzrə klublararası Avropa Kubokunun qalibi adını qazanıb.
Misir millisinin və İngiltərənin “Liverpul” klubunun futbolçusu Məhəmməd Salah karyerasını İspaniya və ya Fransada davam etdirə bilər.
İndex.az xəbər verir ki, bu barədə “FourFourTwo” məlumat yayıb.
Nəşr İspaniya nəhəngi “Real” ilə Fransa çempionu PSJ-nin 32 yaşlı vingeri heyətinə qata biləcəyini yazıb.
Salahın Mersisayd təmsilçisi ilə müqaviləsi 2025-ci ilin yayında başa çatacaq. O, yanvarda digər klublarla danışıqlara başlayacaq.
Qeyd edək ki, Məhəmməd Salah cari mövsüm “Liverpul”da 10 matçda 6 qol və 5 məhsuldar ötürmə ilə yadda qalıb.
İngiltərənin “Mançester Siti” klubunun hücumçusu Erlinq Haland komandanı tərk etməyə hazırdır. Norveçlinin karyerasını davam etdirmək üçün prioritet variant İspaniyadır.
Tribunainfo.az xəbər verir ki, bu barədə “El Nacional” məlumat yayıb.
Bildirilir ki, 24 yaşlı Haland üçün yarışda favorit PSJ hesab olunur, amma futbolçunun özü üçün prioritet seçim İspaniyanın “Real Madrid” və “Barselona” klubları olacaq.
“Transfermarkt”a görə, o, “Real Madrid”in hücumçusu Vinisiusla birlikdə dünyanın ən bahalı futbolçusudur – onların bazar dəyəri 200 milyon avro qiymətləndirilir.
Bu mövsüm norveçli “Mançester Siti”nin heyətində bütün yarışlarda 10 oyuna çıxıb və 11 qol vurub. Halandın klubla müqaviləsi 2027-ci ilin yayına kimi nəzərdə tutulub.
Oktyabrın 10-da Haland Sloveniya ilə oyunda (3:0) dubla imza ataraq Norveç millisinin bombardiri olub. Erlinq millidə 34 qol vurub. O, 1928-1937-ci illərdə Norveçdə oynamış Yergen Juveni geridə qoyub.