Teleaparıcı və bloger Səma Abıyeva yaşadığı binanın sakinlərindən şikayətlənib.

TEREF shownews.az-a istinadən bildirir ki, buna səbəb onların mənzillərinin eyvanından küçəyə atdıqları zibil olub.

İnfluenser bu barədə sosial şəbəkə hesabından paylaşım edib.

Qeyd edək ki, Səma Abiyeva radio və televiziya aparıcısı, avtobloger DJ Tural (Yusifov) ilə ailəlidir.

Bir neçə gün öncə Bakıda luks avtomobillərdən ibarət toy karvanı böyük marağa səbəb olub.
News24.az xəbər verir ki, bahalı toy korteji görənlərin heyrətinə səbəb olub.
Uzunluğu yüz metrlərlə ölçülən kortejdə ən son model lüks avtomobillər yer alıb. Təxmini 40-dan çox bahalı avtomobillərin yer aldığı kortejin qiyməti təxminən 4 milyon manat civarında olduğu deyilir.

Lakin kortejin kimin toy mərasiminə getdiyi məlum deyil.

Gədəbəydə yük avtomobili aşıb, ölən və yaralanan var.

"Report"un Qərb bürosunun məlumatına görə, hadisə Ərtəpə kəndində qeydə alınıb.

"QAZ-53" markalı yük avtomobilinin idarəetmədən çıxaraq aşması nəticəsində sərnişin, 1975-ci il təvəllüdlü Məzahir Bağırov dünyasını dəyişib.

Avtomobilin sürücüsü, 1993-cü il təvəllüdlü Kamil Allahyarov müxtəlif dərəcəli bədən xəsarətləri alıb və xəstəxanaya çatdırılıb.

Faktla bağlı araşdırma aparılır.

Abşeron-Xızı Regional Təhsil İdarəsi "Abşeron-Xızı Regional Təhsil İdarəsinə tabeli Sumqayıt şəhər və Abşeron rayon üzrə məktəbəqədər təhsil müəssisələrinin internet xidmətinin satın alınması" ilə bağlı elan etdiyi tenderin qalibi ilə müqavilə imzalayıb.
32gun.az xəbər verir ki, sözügedən tenderin qalib olan Aztelekom MMC Abşeron və Sumqayıt telekommunikasiya qovşağı ilə idarə arasında bağlanan müqavilənin dəyəri 15.984 AZN-dir.

Xatırladaq ki, Abşeron-Xızı Regional Təhsil İdarəsinin müdiri Abdullayeva İlhamə Sarif qızıdır.

Qamaqallı Qədiməliyev yüksək vəzifəyə təyin olunduBakı şəhəri üzrə Təhsil İdarəsinə müdir müavini təyin olunub.

Bu barədə elm və təhsil naziri Emin Əmrullayev müvafiq əmr imzalayıb. Belə ki, əmrlə Gəncə-Daşkəsən Regional Təhsil İdarəsinin müdiri Anar Qədiməliyev bu vəzifəyə təyin edilib. Kərimov Elçin Vaqif oğlu isə sözügedən İdarəyə müdir vəzifəsinə gətirilib.

Qeyd edilib ki, bundan əvvəl E.Kərimov 2022-ci ildən Mərkəzi Aran Regional Təhsil İdarəsinin müdiri olub.

Mərkəzi Aran Regional Təhsil İdarəsinin müdiri vəzifəsinin icrası isə idarənin müdir müavini Cavadov Cavad Alı oğluna həvalə edilib.

Paytaxtın Yasamal rayonunda qayda pozan sürücü avtomobillərə təhlükə yaradıb.

TEREF avtosfer.az-a istinadən məlumat verir ki, xoşagəlməz mənzərə bir müddət əvvəl Zərgərpalan küçəsində qeydə alınıb. Videodan da göründüyü kimi, 90-AA-385 dövlət nömrə nişanlı “Toyota” markalı avtomobilin sürücüsü maşını yolayrıcında park edib. Nəticədə o, yolayrıcına daxil olan sürücülərin soldan gələn nəqliyyat vasitələrini görməsinə əngəl törədib. Belə ki, yolu görə bilməyən sürücülər ehtiyatla irəliləyərək hərəkətlərinə davam ediblər.

Digər kadrda isə sözügedən sürücü düzgün ara məsafəsi təyin etmədiyi üçün qəfil tormoz verərək qəzadan son anda xilas olub.

Orta ömür uzunluğu təkcə rəqəm deyil, ölkədə əhalinin sağlamlığının və həyat səviyyəsinin mühüm göstəricisidir. MDB ölkələrində bu rəqəm 70-i keçir və bir çox ölkələr onu 80-ə çatdırmağa çalışırlar.

Bizim.Media xəbər verir ki, bu gün MDB-nin əhalisi təxminən 290 milyon nəfərdir ki, bu da planetin 8 milyarddan çox ümumi əhalisinin təxminən 3,7%-nə bərabərdir.

Azərbaycan

2024-cü ilin əvvəlində Azərbaycanda orta ömür uzunluğu 76 yaş olub. Maraqlıdır ki, qadınlar orta hesabla 78 yaşa, kişilər isə 74 yaşa qədər yaşayırlar. Bununla belə, kənd yerlərində yaşayanlar (76 yaşa qədər) şəhərdəkilərə (75,8 yaşa qədər) nisbətən cüzi üstünlüklərə malikdirlər. BMT-nin proqnozları göstərir ki, 2050-ci ilə qədər ölkənin yaşlı əhalisinin nisbəti gənclərin sayından çox olacaq.

Rusiya

Rusiyada orta ömür uzunluğu 2023-cü ilin ortalarında 73,4 yaş təşkil edib. Prezident Vladimir Putin əhalinin 78 yaşa çatmağı, sonra isə 80-i keçmək planını açıqlayıb. Sosial müdafiə strukturlarının indi vətəndaşların sağlamlığının yaxşılaşdırılması ilə bağlı aydın məqsədləri var.

Ermənistan

Ermənistan MDB ölkələri arasında orta ömür uzunluğuna görə birinci yerdədir. 2023-cü ildə bu, 77 yaş idi. Ermənistanda qadınlar 81, kişilər isə 74 yaşa qədər yaşayırlar. Maraqlıdır ki, şəhər və kənd əhalisi üzrə göstəricilər ümumiyyətlə oxşardır, baxmayaraq ki, şəhərlərdə kişilər orta hesabla 73, kəndlərdə isə 74 yaş yaşayır.

Qazaxıstan

Qazaxıstanda 2023-cü ildə gözlənilən ömür uzunluğu rekord həddə - 75,09 yaşa çatıb. Bu rəqəm pandemiya zamanı müvəqqəti azalmaya baxmayaraq, son 25 ilin ən yüksək göstəricisi olub.

Belarus

Belarus müsbət dinamika nümayiş etdirir, orta hesabla vətəndaşlar daha uzun ömür yaşayır: 1995-ci ildəki 68,6 ilə müqayisədə 74,6 il. Bu, səhiyyə və sosial siyasət sahəsində uğurlu islahatları təsdiqləyir.

Qırğızıstan

Qırğızıstanda gözlənilən ömür uzunluğu 72,2 ildir, lakin bu rəqəm regiondan asılı olaraq dəyişir. 64-dən 79 yaşa qədər. Bişkekdə insanlar orta hesabla 74,8 il, Oş sakinləri isə cəmi 68,8 il yaşayır.

Tacikistan

Tacikistanda əhalinin qocalması müşahidə olunur: orta ömür uzunluğu 76,3 yaşa çatıb. Gələcək proqnozlar göstərir ki, 2030-cu ilə qədər əhalinin 11,5%-dən çoxu 60 yaşdan yuxarı olacaq və onların rifahını təmin etmək üçün təcili həll yolları tələb olunacaq.

Türkmənistan

Türkmənistanda orta ömür uzunluğu 69,7 ildir. Gender üzrə göstəricilər: kişilər 66,5, qadınlar isə 73 yaşa qədər yaşayırlar. Bu rəqəmlərin aşağı olması 2000-ci illərdə bir çox xəstəxanaların bağlanması nəticəsində yaranan səhiyyə sistemindəki çatışmazlıqlarla bağlıdır.

Özbəkistan

Statistika agentliyinin məlumatına görə, 2023-cü ildə Özbəkistanda orta ömür uzunluğu 74,7 yaş təşkil edib ki, bu da 2022-ci ildəki 73,8 yaşla müqayisədə müsbət tendensiyadır.

Bir çox hallarda məktəblilər arasında bıçaqlanma, bir-birilərinə müxtəlif kəsici-deşici alətlər vasitəsilə zərər yetirmə hadisələri ilə rastlaşırıq. Təəssüf ki, buna səbəblərdən biri də məktəblərdə güclü nəzarətin olmamasıdır. Şagirdlər də bundan yararlanaraq, müxtəlif növ soyuq silahları üzərilərində daşımaqdan çəkinmir, ən kiçik münaqişədə belə onlara əl atırlar.

Bu faktların qarşısını almaqdan ötrü şagirdlər məktəbə daxil olanda onların çantaları və üstl-başı qapıda mühafizəçilər tərəfindən detektorla yoxlanmalıdır? Başqa hansı üsullarla uşaqların məktəbə soyuq silah və s. kimi zərərverici əşyalar gətirmələrinin qarşısını almaq mümkün olar?

Mövzu ilə bağlı Redaktor.az-a danışan təhsil eksperti Elçin Süleymanov bildirdi ki, məktəblərdə şagirdlərin yoxlanılması çox çətin bir prosesdir:

"Amerika kimi qüdrətli texnologiyaya sahib ölkədə belə ən çox terror, cinayət hadisələri olan yerlərdən biri orta məktəblərdir. Çünki çantasında müxtəlif soyuq silah, digər odlu silah gətirərək cinayətlər törədən məktəblilər olur. Ümumi olaraq son illərdə Azərbaycan universitetlərində təşkil olunan yoxlama sistemi var ki, mühafizə polisi də bu prosesdə iştirak edir. Təhsil müəssisələrinin girişində detektordan keçirmə xüsusilə şagird sayı çox olan məktəblərdə çox çətindir. Bunun yerinə, siniflərdə şagirdlərin aqressiyası, davranışı və s. müşahidə edilməlidir. Məktəbdə ümumi nəzarət sistemi, kamera sisteminin tətbiqi daha məntiqlidir. "Məktəblinin dostu" layihəsinin də məktəbdə müəyyən qədər qayda-qanunun saxlanmasına müsbət təsiri var. Şagirdlər nəzarətsiz buraxılmamalıdır, tənəffüsdə, müxtəlif ictimai yerlərdə müşahidə edilməlidir. Hər hansı bir aqressiya hiss edildiyi zaman dərhal müdaxilə edilməlidir".

Ekspert qeyd etdi ki, şagird sayı az olan yerlərdə bu prosesin həyata keçirilməsi mümkün ola bilər:

"Amma Azərbaycanda hazırda 3-4 min şagird olan məktəblər var. Bu halda nə kadr potensialı, nə də mühafizə buna fiziki olaraq imkan verər. Ancaq hər bir müəllim eyni zamanda psixoloqdur. O, şagirdlərin aqressiya meylini, bəzən kefinin pozulmasının səbəbini valideynlərlə müzakirə etməlidir. Həmçinin növbətçilik üsulu ilə müəllimlər baş verən hadisələrə dərhal müdaxilə edərək məktəbdə nəzarət sistemi qurmalıdırlar. Bunun üçün elektron vasitələrdən, kameralardan istifadə edilməlidir. Şagirdlər bilməlidir ki, hər hansı qaydalara uyğun olmayan davranış olsa, bu, bilinəcək".

E.Süleymanovun sözlərinə görə, yataqxanası olan internat məktəblərində qalan şagirdlərin dolabları zaman-zaman araşdırmalıdır:

"Orada soyuq bıçaq və s. kimi iti kəsici alətlər aşkar olduğu zaman şagirdlərə qarşı sərt cəza mexanizmi tətbiq olunmalıdır. Təbii ki, bu araşdırmalar davamlı olmaz. Lakin aradabir buna riayət edilərək hansısa şagirdin üzərində soyuq silah, bıçaq, kəsici-deşici alət aşkar olduğu zaman onun cəzalandırılması vacibdir".