 |
|
|
Bir müddət öncə açıqlamasına görə bankdan üzr istəyən, ardınca Ədliyyə Nazirliyi ilə məhkəmə çəkişməsində olan şərab oliqarxı heç demə qızı Günel Məmmədhəsənova tərəfindən də məhkəməyə verilibmiş. Buna səbəb tərəflərin şirkətin səhmləri məsələsində razılığa gələ bilməməsi olub. Tərəflər arasında gərginliyi artıran digər bir məsələ isə Naiq Məmmədhəsənovun həyatında başqa bir amilin olması ehtimalıdır. Məlumat üçün qeyd edək ki, Günel Məmmədhəsənova həm də “Tovuz Reatil” MMC-nin təsisçisidir.
Naiq Məmmədhəsənovun içində olduğu daha bir hüquq çəkişməsi isə paytaxtın üçüncü mikrorayon bazarı ilə bağlıdır. Vaxtiylə iki iş adamı tərəfindən qurulan bazara sonradan üçüncü şərik qismində daxil olan Naiq Məmmədhəsənov, bu gün bütün bazarın sahibliyinə iddia edir. Elə bu səbəbdən də keçmiş şəriklər arasında gərginlik güc orqanları və məhkəmə zallarına daşınmaqdadır.
Naiq Məmədhəsənovun sabiq şərikləri hesab edir ki, min bir əziyyətlə qurduqları bazara “Tovuz-Baltiya” MMC rəhbərinin iddia etməsi həm qanun, həm də ədalət baxımından yolverilməzdir.
Naiq Məmmədhəsənovun oğlunun Fransada axtarışa verilməsi ilə bağlı da məlumat var. Naiq Məmmədhəsənovun oğlunun Fransada bir xanımı döydüyünə görə axtarışa verildiyi bildirilir.
Onu da qeyd edək ki, ölkənin spirtli içki bazarında aparıcı yer tutan Naiq Məmmədhəsənov, Bakı, Tovuz və respublikanın bir çox şəhərlərində çoxlu sayda müxtəlif təyinatlı obyektlərə, restoran və digər ictimai iaşə obyektlərinə sahibdir.
GundemXeber.Az
Ali Məhkəmə xarici diplomların tanınması üzrə vahid məhkəmə təcrübəsini müəyyən edib.
Bu barədə APA-ya məhkəmədən bildirilib.
Məlumata görə, son günlər xaricdə alınmış diplomların tanınması üzrə məhkəmə təcrübəsi haqqında çoxsaylı sorğular daxil olur. Mövzunun aktuallığını nəzərə alaraq, Ali Məhkəmə inzibati kollegiyasının bakalavr diplomunun tanınması və ekvivalentlik haqqında şəhadətnamənin verilməsi ilə bağlı vahid məhkəmə təcrübəsini müəyyən edən qərarı təqdim olunub.
Ali Məhkəmənin rəsmi saytında dərc olunan məlumata əsasən, şəxsə (Bundan sonra - iddiaçı) qiyabi təhsil üzrə Moskva Politexnik Universiteti tərəfindən bakalavr diplomu verilib və həmin diplom Rusiya Federasiyasının səlahiyyətli qurumu tərəfindən apostil olunub. İddiaçı Azərbaycanda diplomun tanınması barədə tələblə cavabdeh orqana müraciət edib, lakin cavabdeh tərəfindən tədris normativi üzrə təhsil almaq üçün tələb olunan müddətin qarşılığında iddiaçının həmin ölkədə qısa müddət ərzində olması, həmin müddətin isə tədris proqramının mənimsənimlməsi üçün kifayət hesab olunmaması əsası ilə ali təhsil ixtisasının ölkə ərazisində tanınmasından imtina edilib.
Bundan sonra iddiaçı cavabdehə qarşı iddia ərizəsi ilə məhkəməyə müraciət edərək, diplomun tanınması və ekvivalentlik haqqında şəhadətnamənin verilməsi öhdəliyinin cavabdehin üzərinə qoyulması barədə qərar çıxarılmasını xahiş edib.
Lakin birinci instansiya məhkəməsi iddia tələbini təmin etməyib, həmçinin apelyasiya məhkəməsi qərarı qüvvədə saxlayıb. Bundan sonra iddiaçı Ali Məhkəməyə müraciət edib.
Ali Məhkəmə qərarında aşağıdakıları qeyd edib:
1. Qiyabi formada xaricdə alınmış bakalavriat təhsilinin Azərbaycan Respublikasının müvafiq təhsil sahəsində dövlət standartlarına uyğunluğu müəyyən olunmalıdır. Qeyd edilən standartlar həm də tədrisin yükünə və yerinə yetirilməsi qaydasına dair tələbləri də özündə ehtiva edir. Təhsil alınan ölkədə faktiki olunan müddətləri hər bir halın fərdi xüsusiyyətləri də göz önündə tutulmaqla sözügedən tədris yükünün və yerinə yetirilməsi qaydasının qiymətləndirilməsi baxımından nəzərə alına bilər.
2. Ekvivalentlik haqqında Şəhadətnamənin verilməsi ilə bağlı mübahisələrə baxılarkən qiymətləndirilməli ilk məsələ alınmış təhsilin forması ilə bağlı məsələdir. Nəzərə almaq lazımdır ki, təhsilin forması olaraq qiyabi və distant fərqli təhsil formalarıdırlar. Ona görə də, iddiaçının halına münasibətdə qiyabi təhsil formasına dair tələblər tətbiq olunmalı, bunun üzərindən hüquqi dəyərləndirmələr aparılmalıdır.
3. Azərbaycan Respublikasında təhsilin müvafiq strukturlarına qoyulan tələblərə uyğunluğun müəyyən olunması baxımından isə nəzərə alınmalıdır ki, ölkəmizdə bakalavriat təhsilinin qiyabi formada həyata keçirilməsinə münasibətdə hər il müəyyən tədris yükünü yerinə yetirmək, eləcə də müəyyən müddətlərdə tədrisə faktiki cəlb olunmaqla auditoriya dərslərində iştirak tələb olunur. Belə olan halda, xaricdə alınmış qiyabi formada bakalavriat təhsili üzrə ixtisasın ölkəmizdə tanınması və ekvivalentliyinin müəyyən edilməsi məhz Azərbaycanda bakalavriat təhsilinin qiyabi formasına münasibətdə əsas standartlara uyğunluğun müəyyən olunmasından asılıdır.
4. Xaricdə təhsil alınarkən distant təhsil texnologiyalarından istifadə oluna bilər və təhsilin alındığı ölkədə bu, yolverilən hesab edilə bilər. Lakin burada həlledici olan qeyd edilən qaydada xaricə alınmış qiyabi bakalavriat təhsilinin Azərbaycanda bakalavriat təhsilinin qiyabi formasına münasibətdə əsas standartlara uyğun olub-olmadığı ilə bağlı məsələdir. Başqa sözlə, Azərbaycan Respublikasının qanunvericiliyi tədris ili ərzində tələbənin müəyyən müddətlərdə tədrisə faktiki cəlb olunmaqla auditoriya dərslərində iştirakını qiyabi formada bakalavriat təhsilinin həyata keçirilməsinin əsas prinsiplərindən biri və müvafiq olaraq Azərbaycan Respublikasında təhsilin bu formasına qoyulan tələb kimi müəyyən etmişdir. İddiaçının halında sözügedən tələbə riayət olunmamışdır. Bundan başqa, qeyd edilən tələbə iddiaçının iradəsi ilə bağlı olmayan obyektiv hallara görə riayət edilməsinin mümkün olmadığına dair iddiaçı tərəfindən hər hansı sübutlar da təqdim olunmayıb.
Qeyd edilənlərə əsasən, iddiaçı tərəfindən verilmiş kassasiya şikayəti təmin edilməyib, apelyasiya instansiya məhkəməsinin qərarı dəyişdirilmədən saxlanılıb.
Respublika Perinatal Mərkəzində 7 yeni doğulmuş körpənin yanğında ölməsi ilə bağlı məhkəmə araşdırması davam edir.
“Qafqazinfo”nun məlumatına görə, Bakı Ağır Cinayətlər Məhkəməsində keçirilən iclasda əsas təqsirləndirilən şəxs - hadisə baş verən zaman mərkəzin direktoru olmuş Mehriban Abasquliyevanın istintaqa verdiyi ifadəsi elan edilib. O, məhkəmədə sərbəst danışmaqdan imtina etdiyinə görə hakim Leyla Əsgərova-Məmmədova onun əvvəlki ifadəsini oxuyub.
Abasquliyeva hadisəyə görə özünü günahkar bilmir. O, bəzi əməkdaşlarını həm bacarıqsız, həm də səhlənkar adlandırıb. Eks-direktorun sözlərinə görə, Fövqəladə Hallar Nazirliyi vaxtilə Perinatal Mərkəzə yanğın təhlükəsizliyinin artırılması ilə bağlı təlimat göndərsə də, maliyyə çatışmazlığı səbəbindən tədbirlər görülməyib: “Mən direktor təyin ediləndən sonra öz vəsaitim hesabına bəzi işlər gördüm. Yeni doğulmuşlar otağında cəmi 3 işçi masası var idi, mən artırdım, əlavə çarpayılar gətizdirdim. Ancaq indi mənə təşəkkür etmək əvəzinə, artıq xəstə qəbulunda ittiham edirlər”.
Fotoda: Hakim Leyla Əsgərova-Məmmədova
Təqsirləndirilən şəxs xəstə sayının çarpayı sayından çox olması ilə bağlı ittihamları qəbul etməyib və bunun digər xəstəxanalarda da adi hal olduğunu deyib.
Hadisə gecəsi növbədə olan tibb işçilərinin fəaliyyətini də tənqid edən Abasquliyeva bildirib ki, onlar yanğını söndürmək üçün yalnız iki vedrə su və tezalışan yorğanlardan istifadə ediblər: “Yanğınsöndürən balonlar var idi, amma istifadə etməyi bacarmayıblar. Halbuki ilkin yanğınsöndürmə qaydalarını bilməliydilər. Bəziləri isə ümumiyyətlə, kənardan seyr edib. Baş prokuror Kamran Əliyev də hadisə yerində jurnalistlərə açıqlamasında deyib ki, yanğın başlayan zaman növbətçi həkim yalnız 7 dəqiqə sonra hadisə yerinə gəlib”.
Abasquliyeva özündən əvvəl mərkəzə rəhbərlik etmiş Məryəm Rzayevanı da günahlandıraraq onun da məsuliyyətə cəlb olunmasını tələb edib: “Guya mən direktor gələndən sonra təhlükəsizlik tədbirlərinin artırılmasına ehtiyac olduğunu mənə bildirib. Yalandır. Deyə bilər ki, işdən çıxanda fövqəladə hallar nazirinə də bu barədə məlumat verib. Buna inanmaq olmaz. Onun barəsində də cinayət işi başlanmalıdır.”
Növbəti məhkəmə iclasında Mehriban Abasquliyevanın digər ifadələri elan ediləcək.
“Tovuz-Baltiya” MMC-nin rəhbəri, məşhur iş adamı Naiq Məmmədhəsənov problemlərlə üzüzə - QALMAQAL
Tarix: Bu gün, 15:10Bölmə :GündəmXəbər / ManşetBaxış: 94
Bir müddət öncə açıqlamasına görə bankdan üzr istəyən, ardınca Ədliyyə Nazirliyi ilə məhkəmə çəkişməsində olan şərab oliqarxı heç demə qızı Günel Məmmədhəsənova tərəfindən də məhkəməyə verilibmiş. Buna səbəb tərəflərin şirkətin səhmləri məsələsində razılığa gələ bilməməsi olub. Tərəflər arasında gərginliyi artıran digər bir məsələ isə Naiq Məmmədhəsənovun həyatında başqa bir amilin olması ehtimalıdır. Məlumat üçün qeyd edək ki, Günel Məmmədhəsənova həm də “Tovuz Reatil” MMC-nin təsisçisidir.
Naiq Məmmədhəsənovun içində olduğu daha bir hüquq çəkişməsi isə paytaxtın üçüncü mikrorayon bazarı ilə bağlıdır. Vaxtiylə iki iş adamı tərəfindən qurulan bazara sonradan üçüncü şərik qismində daxil olan Naiq Məmmədhəsənov, bu gün bütün bazarın sahibliyinə iddia edir. Elə bu səbəbdən də keçmiş şəriklər arasında gərginlik güc orqanları və məhkəmə zallarına daşınmaqdadır.
Naiq Məmədhəsənovun sabiq şərikləri hesab edir ki, min bir əziyyətlə qurduqları bazara “Tovuz-Baltiya” MMC rəhbərinin iddia etməsi həm qanun, həm də ədalət baxımından yolverilməzdir.
Naiq Məmmədhəsənovun oğlunun Fransada axtarışa verilməsi ilə bağlı da məlumat var. Naiq Məmmədhəsənovun oğlunun Fransda bir xanımı döydüyünə görə axtarışa verildiyi bildirilir.
Onu da qeyd edək ki, ölkənin spirtli içki bazarında aparıcı yer tutan Naiq Məmmədhəsənov, Bakı, Tovuz və respublikanın bir çox şəhərlərində çoxlu sayda müxtəlif təyinatlı obyektlərə, restoran və digər ictimai iaşə obyektlərinə sahibdir.
GundemXeber.Az
Rusiyanın Moskva şəhərində əslən Azərbaycandan olan qohumlar arasında münaqişə hüquq-mühafizə orqanları çərçivəsində həll ediləcək.
"DogruXeber.az"ın "Unikal"a istinadən məlumatına görə, Moskvada yerləşən "Çestnaya stomatologiya" klinikasının həkimi Əliyev Kabil Qalib oğlu yaxın qohumu Sabit Əliyevi öldürmək üçün əslən azərbaycanlı olan, Hacıqabul rayon sakini Pənahov Elsevər Pənah oğluna sifariş verib və bunun qarşılığında hətta ona külli miqdarda pul da vəd verib. Ancaq təsadüf nəticəsində sifarişi verilən Sabit Əliyevə bu il yanvarın 3-də məlum olub ki, onu öldürmək istəyirlər.
Belə ki, tanımadığı bir azərbaycanlı yol gedən zaman Sabit Əliyevə yaxınlaşaraq onun qətlinin yaxın qohumu tərəfindən sifariş verildiyini bildirib. Bununla bağlı "Estet" Stomotoloji Klinikalarının baş həkimi olan Sabit Əliyev müəyyən araşdırmalar apardıqdan sonra Preobrazhenski Rayonlararası İstintaq İdarəsinə rəsmi qayda da həyatının təhlükədə olması barədə ərizə verib. Araşdırmalarımız zamanı məlum oldu ki, Kabil Əliyev Sabit Əliyevin klinikalarının daha nüfuzlu olmasına, ora gələn pasiyentlərin çoxluğunu qəbul etmədiyindən ondan qisas almaq niyyətinə düşüb. Hətta bundan öncə də bir neçə dəfə müxtəlif formalarda Sabit Əliyevin nüfuzunu aşağı salmaq üçün müəyyən addımlar atıb, onun klinikasına sifarişlə xəstələr göndərib və sonra həmin müalicə həkimlərindən müəyyən hüquq-mühafizə orqanlarına qondarma şikayətlər yazdırıb.
Kabil Əliyev isə qohumunun onun ölümünü sifariş verməyindən məlumatı olduqdan sonra adıçəkilən rayonda "Parus" restoranın sahibi olan Elsevər Pənahovu yanına çağıraraq vəd verdiyi 30 min dollar pulu ona verib və onun sifarişçi olması barədə hər hansı hüquq-mühafizə orqanına məlumat verməməsini tapşırıb.
Hazırda Sabit Əliyevin ərizəsi əsasında Preobrazhenski İstintaq İdarəsində araşdırmalara başlanılıb.
Bir neçə gün əvvəl xəstəxanaya yerləşdirilən tanınmış filosof-kulturoloq, professor Niyazi Mehdi evə buraxılıb.
Bu barədə onun dostu, "Qanun" nəşriyyatının direktoru Şahbaz Xuduoğlu məlumat verib.
Onun vəziyyətinin ağır olaraq qaldığı bildirilir.
"Dünən xəstəxanadan çıxarıblar, axşam evinə gətiriblər. Müasir fəlsəfi fikrin ən qabaqcıl imzalarından biridir. 20-dən çox kitabı nəşr edilib, yüzlərlə elmi yazısı var. Çoxlu tələbə yetişdirib, saysız hesabsız dostlar qazanıb. Bu gün o, biçarə durumda evində oğlanlarının himayəsinə sığınıb",- N.Mehdinin dostu, naşir Şahbaz Xuduoğlu bildirib.
Qeyd edək ki, N.Mehdi 1951-ci il fevralın 26-da Bakıda anadan olub.
Sankt-Peterburqda (Rusiya) azyaşlı yeni dostunun xahişi ilə yüzlərlə məktəbi "minalayıb".
Bu barədə TEREF Oxu.Az-a istinadən xəbər verir.
Ötən gün naməlum şəxs üç nömrədən polisə zəng edib və uşaq səsi ilə şəhər daxilində 709 məktəbin minalanmış olduğunu bildirib.
Təhsil müəssisələrinə əməkdaşlar göndərilib və onlar heç bir yerdə partlayıcı qurğu aşkar etməyiblər.
Əvəzində polis zəng vuran şəxsin kimliyini müəyyən edib və o, Kronştadtdan olan 10 yaşlı Vladislav adlı məktəbli olub.
Uşaq etiraf edib ki, bu yaxınlarda "Telegram"da həmyaşıdı ilə tanış olub və sonuncu ondan bir xahişi yerinə yetirməsini istəyib. Dostluq naminə uşaq terror aktı təhlükəsi barədə məlumat verib.
Hazırda iş üzrə istintaq materialları İstintaq Komitəsinə təhvil verilib.
Qəbələdə buz bağlayan yol təhlükəli şərait yaradıb.
"Referans" xəbər verir ki, bu barədə görüntülər sosial şəbəkədə paylaşılıb.
Belə ki, hərəkətdə olan minik maşını piyadaların üzərinə aşmaq təhlükəsi ilə üzləşib.
Həmin görüntüləri təqdim edirik:
“Taliban” BMT-nin Əfqanıstandakı əməkdaşlarından saqqal saxlamağı tələb edib.
Bu barədə “Amu TV” məlumat yayıb.
Məlumata görə, Əxlaq və Fəzilət Nazirliyinin nümayəndələri BMT-nin Əfqanıstandakı əməkdaşlarına xəbərdarlıq ediblər ki, saqqalını qırxan şəxslər həbs ediləcək.
Qeyd edək ki, bu, “Taliban”ın ölkələrindəki BMT nümayəndələrinə qarşı gördüyü ilk tədbirlər deyil. Belə ki, 2023-cü ilin aprelində qadınların təşkilatda işləməsini qadağan ediblər.
Polisə müraciət edən G.K. dini nikahlı əri Serdar Arslanın yoxa çıxdığını deyərək, itkin düşdüyünü bildirib.
Sonxeber.az xarici mediaya istinadən xəbər verir ki, polis əməkdaşları hadisə ilə bağlı araşdırma başlatarkən, şübhəlinin evindən çıxan zaman stifadə etdiyi avtomobilinin Ümraniyedə qapıları açıq tərk edilmiş halda tapılması ilə istintaqın gedişi dəyişib.
İstanbul İtkin Şəxslər Bürosu tərəfindən aparılan araşdırmada avtomobilin başqa bir şəxs tərəfindən Kocaeli, Başiskeleyə gətirildiyi müəyyən edilib. Təhlükəsizlik kamerası görüntülərini araşdıran polislər , avtomobili İstanbula gətirən şəxsin Ümraniyedə avtomobili tərk edərək taksi ilə Kavacığa getdiyini, daha sonra isə onu gözləyən başqa avtomobilə minərək Sefaköyə getdiyini müəyyən edib.
Polis əməkdaşları, avtomobili idarə edən şəxsin Ö.Mahsun olduğunu təyin etdi. Həmin şəxsin itkin düşdüyü üçün axtarışda olan Serdar Arslanın iş ortağı və alabalıq restoranını birlikdə işlətdiyi Ö.Habil qardaşı olduğu müəyyən edilib.
Məlum olub ki, iki şərik bir müddətdir ki, borc üstündə dava ediblər.