Tiflisin ƏNƏNƏVİ ŞƏRƏFSİZLİYİ, YOXSA?.. - Çörəyimizin duzu var... duzu gərək bunların xirtdəyinə tökək...
Gürcüstanın baş naziri İrakli Kobaxidze parlament seçkilərindən sonra öz təzə postunda xaricə ilk səfərini Azərbaycana etdi. Bu, sözsüz ki, qərb qonşumuzun ölkəmizə verdiyi strateji önəmin təzahürü idi. Təsadüfi deyil ki, Azərbaycan Prezidenti Bakıda buna görə gürcü liderə məxsusi təşəkkürünü bildirdi.

Kobaxidze xaricə ikinci rəsmi səfərini bu həftə Ermənistana reallaşdırıb. Bu da məntiqlidir. İstənilən normal ölkə ən əvvəl öz qonşuları ilə dinc, əmin-anlıq içində, qarşılıqlı faydalı iqtisadi-ticari əməkdaşlıq şəraitində yaşamağı tərcih edir. Dara düşəndı dada ilk yetişən qonşu olmurmu? “Yaxın qonşu uzaq qohumdan yaxşıdır” ifadəsi yəqin ki, buna görə yaranıb. Nəyi ki, Ermənistan və ermənilər barədə söyləmək çətindir. Amma mövzu bu deyil...

Məsələ ondadır ki, Ermənistana səfər çərçivəsində Gürcüstanın xarici işlər naziri Maka Boçorişvili həmkarı, xarici işlər nazirinin müavini Vahan Kostanyanla birgə İrəvanda uydurma “erməni soyqırımı memorialı”nı ziyarət edib. Ora ölkəsi adından əklil qoyub. “Gürcü nazir soyqırımı qurbanlarının xatirəsini ehtiramla yad edib”, - xəbərdə qeyd edilir.

İndi bu hərəkəti necə oxuyaq, nə cür anlayaq, hansı dəftərə yazaq?

Olayın ən absurd tərəfi odur ki, Gürcüstanın özü saxta soyqırımı tanımayıb. Üstəlik, elə bu səfır ərəfəsində baş nazir Nikol Paşinyan qondarma genosid iddiasını şübhə altına alan açıqlama ilə gündəm yaratmışdı. Elə isə ürəkbulandıran, Türkiyə və Azərbaycan rahatsız edən belə demarşa, əklil-məklilə nə lüzum var idi? Rəsmi Tiflis bununla Bakı, Ankara və İrəvana hansı mesajı verir, nəyin anonsunu, siqnalı çatdırır?...

Yada salaq, Türkiyə və Azərbaycan Gürcüstana ən çox sərmayə yatıran, onun iki ən böyük ticarət tərəfdaşıdır. Adi dilə çevirəndə bu, həm də minlərlə iş yeri, etibarlı əmək bazarı deməkdir.

Əlavə olaraq, qərb qonşumuz Azərbaycan-Türkiyə-Gürcüstan üçtərəfli formatında hərbi-strateji və digər sahələr üzrə fəal əməkdaşlıq içindədir. Öz ordusunu gücləndirir, iqtisadiyyatını inkişaf etdirir. Vaxtilə, mərhum Heydər Əliyevin dövründə qazsız qalan Gürcüstanı və onun əhalisini soyuq qışdan xilas edən də Azərbaycan olmuşdu.

O zaman bu nə turşu, o nə pəhriz?..

Böyük ehtimalla, erməni tərəfi ziyarət məsələsində təkid etməyib. Yoxsa baş nazir Kobaxidze də üzdəniraq kompleksə baş çəkərdi. Yəni bu, çörəyi dizi üstündə olan gürcülərin XİN başçısının öz təşəbbüsüdür.

Yeri gəlmişkən, ötən ay bir qrup İran deputatı da İrəvanda eyni yaramazlığa imza atmışdı. Ancaq o İrandır. Keçmiş Dağlıq Qarabağ problemi zamanı erməni işğalına hər cür dəstək verən, daim Azərbaycanın və Türkiyənin ayağının altını qazan, Zəngəzur dəhlizinə qarşı çıxan, dövlət maraqlarını həmişə ümmət maraqlarından üstün tutan türkofob İran.

Tiflisin ƏNƏNƏVİ ŞƏRƏFSİZLİYİ, YOXSA?..

Bəs Gürcüstana nə gəlib? Belə şeylər unudulmur. Unudula bilməz. Heç nə yaddan çıxmır, çıxmayacaq. İllah da arxadan vurulan zərbələr...

Zahid SƏFƏROĞLU - musavat.com
 

Bölmənin digər xəbərləri

03 May 2025 Vucic ABŞ-da qəfil xəstələndi – Serbiyaya təcili qayıtdı
03 May 2025 İran Ermənistana körpü hədiyyə etdi
03 May 2025 Almaniyada avtomobil insanların üzərinə sürüldü - Yaralılar var
03 May 2025 Aİ missiyasının müşahidəçisi İrəvanda ölü tapıldı
03 May 2025 Bu da elə RUS EVİDİR: Təhlükə saçır... - FAKT BUDUR!
03 May 2025 BU NƏDİ BELƏ: Bakıdakı “Rus Evi”nin bərpası istiqamətində işlər gedir - Primakovdan AÇIQLAMA
02 May 2025 ABŞ Çinlə kosmosda mümkün müharibəyə hazırlaşır – ŞOK detallar
02 May 2025 Vuçiç Qələbə Paradında iştirak etmək üçün Moskvaya gedəcəyini təsdiqləyib
02 May 2025 İran ABŞ ilə danışıqlarda iştiraka davam edəcək?
02 May 2025 Trampın komandası dağılmaqdadır...
02 May 2025 Azərbaycanlı iş adamından 5 prezidentə Xəzər təklifi – İki dənizi birləşdirək
01 May 2025 İran Türk Dövlətlər Təşkilatına üzv ola bilər - “Mən türk oğlu türkəm”, deyən Məsud bəyin yeri görünür
01 May 2025 Ukraynada oğurlanan azərbaycanlı biznesmenlə bağlı AÇIQLAMA
01 May 2025 Suriyada gərginlik pik həddə: çox sayda ölən var
01 May 2025 Rusiyadan Ermənistana Zəngəzur xəbərdarlığı: - Məsələ yaxında həll edilməsə...
30 Aprel 2025 Paşinyanın MİT və Mi6 şefi ilə gizli görüşü - Zəngəzur dəhlizində nələr hazırlanır?
30 Aprel 2025 Putindən Trampa zərbə: Dörd regionu tələb edir! - TƏFƏRRÜAT
30 Aprel 2025 Zaxarova bu ölkəni hədələdi: Ukraynadan nəticə çıxarın!
30 Aprel 2025 Netanyahunun korteji Qüdsdə qəzaya uğradı
29 Aprel 2025 Azərbaycan-Aİ soyuqluğu aradan qalxacaqmı? - rəy

Dünyapress TV

Xəbər lenti