Putin televiziya çıxışında Rusiyanın yaxın vaxtlarda Ukraynaya qarşı müharibə ilə bağlı danışıqlarda iştirak etməsinin çətin olduğunu söyləyib.
Tribunainfo.az xəbər verri ki, Müharibənin Araşdırılması İnstitutunun (ISW) yeni təhlilində vurğulandığına görə, Putinin əsas məqsədi ruslara Ukraynaya qarşı müharibənin davam edəcəyini bildirmək idi. O, danışıqlarda iştirak etməyəcəyini ehtimal etdiyini söylədi və Ukraynadakı müharibənin sadəcə Qərbə qarşı apardığı mübarizənin bir hissəsi olduğunu yenidən dilə gətirdi.
“Putin ehtimal ki, dövlət televiziyasında verdiyi müsahibəni cəmiyyətinə siqnal göndərmək üçün istifadə edib ki, Rusiya yaxın zamanda danışıqlara başlamayacaq və müharibənin tez bir zamanda bitməsi gözlənilmir”, – deyə analitiklər bildiriblər.
Bundan əlavə, İnstitutun ekspertləri qeyd ediblər ki, Putin bu müsahibəsi ilə müharibənin bitməsini istəyən elitalara təsir etməyə çalışıb. O, bununla müharibəni tez bir zamanda dayandırmaq yollarının olmayacağını onlara izah etmək istəyib.
Bu bəyanat, həmçinin Putinin fikrini ortaya qoyur ki, Ukrayna Qərbin “marioneti”dir və müharibə böyük dövlətlərin qlobal qarşıdurmasının bir hissəsidir.

Eyni zamanda o bildirib ki, Ukraynadakı müharibə ilə bağlı danışıqlar yalnız ABŞ və Rusiya arasında, Ukraynanın iştirakı olmadan aparıla bilər. Bu fikri analitiklər də qeyd ediblər.
ISW analitikləri əlavə ediblər ki, Putin müsahibəsində özünü ABŞ prezidenti Donald Trampa bərabər bir şəxs kimi göstərməyə, Rusiyanı isə böyük dövlət olaraq təqdim etməyə çalışıb.
Ukrayna ilə bağlı ehtimal olunan danışıqlar
Amerika prezidenti Donald Tramp andiçmədən öncə Putinlə görüş keçirməyə hazırlaşdığını bəyan etmişdi. Kreml bu məsələdə əlaqəyə hazır olduqlarını, lakin bu cür görüşün yalnız Trampın vəzifəyə başlamasından sonra mümkün ola biləcəyini bildirmişdi.
Həmçinin, Tramp daha öncə Ukraynada müharibəni 24 saat ərzində dayandıra biləcəyini demişdi, lakin sonradan bu vədi yerinə yetirə bilməyəcəyini başa düşmüşdü.