Zaxarova, həmçinin ötən ilin ikinci yarısında Rusiya nümayəndələrinin iştirakı ilə Arktika Şurasının bütün altı işçi qrupunun iclaslarının keçirildiyini xatırladıb.
Rusiya Xarici İşlər Nazirliyinin rəsmi nümayəndəsi Mariya Zaxarova Rusiyanın Arktika Şurasında işini qismən bərpa etdiyini açıqlayıb.
Bu barədə "RİA Novosti" Rusiya Xarici İşlər Nazirliyinin nümayəndəsinə istinadən xəbər verib.
"Hazırkı mərhələdə Arktika Şurası vasitəsilə qarşılıqlı fəaliyyət qismən bərpa edilib", - Zaxarova bildirib.
Zaxarova, həmçinin ötən ilin ikinci yarısında Rusiya nümayəndələrinin iştirakı ilə Arktika Şurasının bütün altı işçi qrupunun iclaslarının keçirildiyini xatırladıb.
Eyni zamanda, Rusiya Xarici İşlər Nazirliyinin nümayəndəsi qeyd edib ki, Arktika Şurasında siyasi dialoq donmuş vəziyyətdə qalır.
"Əsas əlaqələndirici orqan olan Yüksək Vəzifəli Məmurlar Komitəsinin iclasları keçirilmir... Norveç tərəfi ilə əlaqə saxlayaraq, biz Şurada vəziyyətin normallaşdırılmasına çalışmaqda davam etmək niyyətindəyik", - agentliyin həmsöhbəti bildirib.
Bundan əvvəl Kreml Arktikanın Rusiyanın strateji maraqları zonası olduğunu bəyan edərək, Rusiya Federasiyasının bu regionda mövcudluğunu davam etdirəcəyini vurğulamışdı.