 |
|
|
Gürcüstan parlamenti "Amnistiya haqqında" qanun layihəsini birinci oxunuşda qəbul edib.
Parlamentin 82 deputatı qanun layihəsinin lehinə səs verib.
Qanun layihəsinə əsasən, Gürcüstanda bütün məhkumların təxminən üçdə birinin cəza çəkməkdən tamamilə azad ediləcəyi və ya cəza müddətinin azaldılacağı gözlənilir.
Bildirilir ki, bu gün Gürcüstanda 10 mindən çox insan məhkumluq həyatı yaşayır və qanunun qəbulundan sonra onların təxminən 10 faizi azadlığa buraxılacaq.
Amnistiya 2024-cü il iyulun 1-dək törədilmiş cinayət əməllərinə görə məhkum olunmuş şəxslərə şamil edilsə də, qətl törədənlərə, narkotik vasitələri istehsal edən və satışı ilə məşğul olan şəxslərə, ağır cinayətlər törətmiş şəxslərə şamil olunmayacaq.
Qanunun payız sessiyasında ikinci və üçüncü oxunuşlarda qəbul edilməsi nəzərdə tutulur.
Qeyd edək ki, müxalifətin əksər deputatları parlamentin iclasına qatılmayıb.
News Georgia
ABŞ prezidentliyinə namizəd Donald Trampın Pensilvaniyadakı seçki kampaniyasının mitinqinin təhlükəsizliyini təmin etmək üçün taktiki komandanın tərkibində olan snayperlərdən biri siyasətçiyə sui-qəsd cəhdindən əvvəl atıcı Tomas Metyu Kruksu damda görübmüş.
Gundemxeber.az xarici mediaya istinadla xəbər verir ki, bu barədə Amerikanın “CBS News” telekanalı məlumat yayıb. Yerli hüquq-mühafizə orqanlarındakı mənbə telekanala deyib ki, snayper həmin anda tüfəngin binoklundan baxarkən Kruksu görüb və onun şəklini çəkə bilib. Bundan sonra o, şübhəli şəxs haqqında rəhbərliyə məlumat verib.
Kanalın həmsöhbətinin sözlərinə görə, Kruksun Trampa hücumda istifadə etdiyi binanın içərisində snayperlərdən ibarət taktiki qrup yerləşib. Atıcı görünəndə iki polis əməkdaşı dama çıxmağa çalışsa da, silahlı şəxs həmin an atəş açıb.
WTAE televiziya kanalı atıcını göstərən video nümayiş etdirib. Video sui-qəsddən bir saat əvvəl mitinq iştirakçılarından biri tərəfindən çəkilib. Açıq rəngli geyimdə olan Kruks kamera obyektivinə tərəf gedir. O, mühafizə olunan perimetr hasarının arxasındakı ərazidə gəzərkən görüntüyə gəlib.
Eyni zamanda, mitinqdə olanlar atıcının damda silahla hərəkət etdiyini görür və ona fikir vermirlər.
O da məlumdur ki, 20 yaşlı cinayətkar Trampa sui-qəsd edilən gün işdən bir günlük icazə alıb. O, bir işi olduğuğunu deyib. Kruks sui-qəsdin ertəsi günü işə qayıtmağı planlaşdırıb.
ABŞ-ın keçmiş prezidentinə sui-qəsd edildiyi gün Kruks üç dəfə məxfi xidmətdən yayına bilib. Əvvəlcə binada olan snayperlərdən biri küçədən dama baxan atıcını görüb. Kruks binaya baxış keçirib və gözdən itib. Bundan sonra o, qayıdıb, çəmənlikdə oturub və telefonuna baxmağa başlayıb.
Daha sonra Kruks məsafəölçən götürüb. Bundan sonra snayper komanda məntəqəsi ilə radioəlaqə saxlayıb. Bu zaman Kruks yenidən gözdən itib, sonra isə bel çantası ilə qayıdıb.
Snayperlər şübhəli şəxs barədə rəhbərliyə məlumat veriblər. Əlavə kömək üçün gələn asayiş keşikçisi Kruksun olduğu dama çıxarkən o, Trampa atəş açıb.
Polis hesab edir ki, Kruks damın üstünə çıxmaq üçün havalandırma sistemindən istifadə edib.
Hazırda FTB hələ də Trampa hücumun motivini müəyyən edə bilməyib. Onların fikrincə, Kruksun dostları az olub və güclü siyasi əqidəsi olmayıb. Həmçinin, onun telefonunda istintaqa kömək edə biləcək heç bir məlumat tapılmayıb.
Bu infomasiyadan sonra Tomas Metyu Kruksun öncədən qarşı damdakı snayperin nişahgahında olması tezisi təsdiqini tapir. Həmin snayper onu, atəş açandan 1-2 saniyə sonra bir atəşlə öldürüb.
Gundemxeber.az
Süleyman Demirel uzun siyasi həyatında bir çox siyasi partiya və onların liderləri ilə koalisiya ortaqlığı, müxtəlif kabinələrdə bərabər çalışmışdır. Xalq o dövrün siyasətçilərinə xoş ləqəblər qoymuşdu – Türk Milliyyətçilərinin lideri Alparslan Türkeşə “Türk çocuğu”, Sol hərəkatın ən önəmli isimlərindən Bülent Ecevite “Halk çocuğu”, İslamçı-mühafizəkar Necmettin Erbakana “Müslüman çocuğu” deyirdilər.
Demirelin isə yaxşı bir ləqəbi-filan yox idi. Və bir dəfə kameralara gözlənilmədən belə deyir:
“Türkeş Türk çocuğu, Ecevit halk çocuğu, Erbakan Müslüman çocuğu, biz o... çocuğu muyuz?”…
foto: soldan sağa - B.Ecevit, N.Erbakan, S.Demirel, A.Türkeş
İbrahim Nebioğlu
TEREF
İyulun 26-da Parisdə keçiriləcək Olimpiadanın açılış mərasimində iştirak etməli olan üç minə yaxın fransalı sənətçi hökuməti tətillə hədələyib.
Oxu.Az "Le Parisien" nəşrinə istinadən xəbər verir ki, onlar rüsvayçı əmək müqavilələrindən şikayət edirlər.
Qeyd olunur ki, artıq həmkarlar ittifaqının bəyanatı aidiyyəti qurumlara təqdim olunub.
Xatırladaq ki, Parisdə Olimpiya Oyunları iyulun 26-dan avqustun 11-nə qədər, Paralimpiya Oyunları isə avqustun 28-dən sentyabrın 8-nə qədər keçiriləcək.
Nümayəndələr Palatasında və Senatda demokratların liderləri Hakim Ceffris və Çak Şumer prezident Co Bayden ilə şəxsi görüşlər zamanı onun seçkilərdə sonrakı iştirakının Demokrat Partiyasının gələn il Konqresin hər iki palatasına nəzarət etmək qabiliyyətini təhlükə altına qoyduğunu söyləyiblər.
Qaynarinfo xəbər verir ki, bu barədə “The Washington Post” dörd məlumatlı mənbəyə istinadən yazır.
Mənbələrə görə, görüşlər zamanı Ceffris və Şumer partiya üzvlərinin Baydenə görə konqres seçkilərində çoxluğu qazana bilməyəcəkləri ilə bağlı narahatlıqlarını müzakirə ediblər, bu da respublikaçılara qanunlarını daha asan qəbul etməyə imkan verəcək.
ABŞ prezidentinə yaxın olan, adı açıqlanmayan WP mənbəsi bildirib ki, təkbətək söhbətdə onlar birbaşa ona deyiblər ki, prezident namizədliyini geri götürməlidir, çünki bu, onun mirasını qorumaq və ölkəni Donald Trampın daha bir prezidentlik müddətindən xilas etmək üçün yeganə yoldur.
Mənbənin sözlərinə görə, Bayden bu fikirlə qətiyyən razılaşmadığını və respublikaçı rəqibini məğlub etmək üçün ən yaxşı namizəd olduğunu söyləyib.
Ağ Evin sözçüsü Endryu Beytsin sözlərinə görə, Bayden Şumer və Ceffrisə şəxsi görüşləri zamanı prezidentlik yarışını tərk etməyəcəyini deyib.
“The Washington Post” qeyd edir ki, demokratlar Senatda 51-49 səs çoxluğuna malikdir, lakin bu yaxınlarda müstəqil olmuş senator Co Mançin yenidən seçilmək niyyətində deyil. Bu o deməkdir ki, respublikaçılar partiyası böyük ehtimalla həmin yeri geri qaytaracaqlar.
Demokratlar iddia etdiyi bütün digər yerləri qazansalar belə, nəticə 50-50 olacaq, bu o deməkdir ki, Senat Ağ Evi ələ keçirən partiya tərəfindən idarə olunacaq, çünki vitse-prezident bu palatada həlledici səsə malikdir.
Materialda deyilir ki, Ceffris və Şumerin şəxsi xəbərdarlıqları Demokratik Partiya liderlərindən güclü bir siqnaldır və Baydenin Trampla debat performansından sonra bir çox demokratlar arasında kədəri əks etdirir.
Qəzet yazır ki, son günlər, demokrat qanunvericilər və hətta Baydeni yenidən seçmək üçün çalışan ən yaxşı strateqlər, prezidentin yarışının vəziyyəti haqqında tam təsəvvürə malik olmamasından getdikcə daha çox narahat olurlar.
“The Washington Post” iddia edir ki, xüsusilə, onlar narahatdırlar ki, o öz kampaniyasının sosioloqları ilə görüşməyib, əksinə, çoxdankı köməkçilərinin kiçik bir dairəsinin məsləhətinə çox etibar edir.
Rusiya Prezident Administrasiyası rəhbərinin birinci müavini Sergey Kiriyenko Vladimir Putinə Rusiya Təhlükəsizlik Şurasının sədr müavini Dmitri Medvedevi işdən çıxarmağı təklif edib.
“AzPolitika” xəbər verir ki, bu barədə Rusiya “teleqram” kanalları Kremlə yaxın mənbələrə istinadla xəbər yayıblar.
Məlumata görə, Rusiyanın keçmiş prezidentinə ağır xəstəlik diaqnozu qoyulub və Kiriyenko Putinə müraciət edərək, “Medvedevə sağlamlığını yaxşılaşdırmaq və istirahət etmək imkanı verməyi” təklif edib. İddialara görə, Putin Medvedevlə şəxsən danışacağına söz verib, eyni zamanda onun yerinə namizədlərin təqdim olunmasını istəyib: “Təhlükəsizlik Şurasının işindən xəbərdar olan mənbə deyib: “Bir çoxları Dmitri Anatolyeviçin ümumiyyətlə nə etdiyini başa düşmür. Düşünmürəm ki, onun gedişi nəyisə kökündən dəyişəcək. Medvedev kimi insanlar inkişafa töhfə vermir”.
"Vaşinqtonun İsrailin hərəkətlərinə diplomatik pərdə çəkməklə Ukraynada olduğu kimi, Yaxın Şərqdəki münaqişənin də birbaşa şərikinə çevrilib".
Bunu Rusiyanın xarici işlər naziri Sergey Lavrov Yaxın Şərqdəki vəziyyət, o cümlədən Fələstin məsələsi ilə bağlı iclasda çıxışı zamanı deyib.
"İsrailin hərəkətlərini diplomatik ört-basdır etməklə, silah və sursatla təmin etməklə Vaşinqton Ukraynada olduğu kimi, Yaxın Şərqdəki münaqişənin də birbaşa ortağına çevrilib. Bu dəstək dayansa, qan tökülməsi də dayanacaq. Lakin ABŞ ya istəmir, ya da bunu edə bilmirlər, görünür, əsas insan həyatını xilas etmək deyil, seçki kampaniyası zamanı onlara daha çox xal qazandıracaq manevrlərdir", - Lavrov qeyd edib.
Donald Tramp onun qalib gəlməsinin qarşısını almaq üçün bütün imkanları tükənmiş Ağ Evin əmri ilə “saxta axmaq” tərəfindən öldürülməyə cəhd edilib.
Bu iddianı RT-nin baş redaktoru Marqarita Simonyan səsləndirib.
Onun sözlərinə görə, ABŞ hakimiyyətinin Trampa qarşı sui-qəsdin sifarişində iştirakı ondan xəbər verir ki, Vaşinqton hazırda İranı “gülməli və yöndəmsiz şəkildə günahlandırmağa” çalışır.
Simonyan öz Teleqram kanalında yazıb: “İndi tək beyni olan hər kəsə aydındır: saxta yarımağıl dərin dövlətin göstərişi ilə Trampı öldürməyə cəhd edib, bu isə onun qalib gəlməsinin qarşısını almaq imkanlarını tükəndirib”.
Trampa qarşı iyulun 13-də Pensilvaniyada seçkiqabağı mitinqində sui-qəsd cəhdi edilib. ABŞ-ın keçmiş prezidenti qulağından zədələnib. Hücumçunun 20 yaşlı Tomas Metyu Kruks olduğu üzə çıxıb və o, zərərsizləşdirilib. \\Publika.az
ABŞ Dövlət Departamenti İordan çayının qərb sahilində baş verən hadisələrə görə İsrail ordusunun hərbçisinə qarşı sanksiya tətbiq edib.
Bu barədə Dövlət Departamenti məlumat yayıb.
Ordunun çavuşu Elor Azariyaya qarşı sanksiyaların səbəbi “insan haqlarının kobud şəkildə pozulması, o cümlədən qətllər olub”.
Azariyaya qarşı sanksiyalarla eyni vaxtda ABŞ İordan çayının qərb sahilində “sülh, təhlükəsizlik və sabitliyin pozulmasında” iştirakda ittiham olunan bir qrup şəxsə məhdudiyyətlər tətbiq edib.
Sloveniyanın ətraf mühit, iqlim və energetika naziri Bojan Kumer ilə ekologiya və təbii sərvətlər naziri Muxtar Babayev arasında görüş keçirilib.
Bu barədə İqtisadiyyat.az-a Ekologiya və Təbii Sərvətlər Nazirliyindən bildirilib.
Qeyd edilib ki, görüşdə Azərbaycanın bu il ev sahibliyi edəcəyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq tədbirləri çərçivəsində fikir mübadiləsi aparılıb.