Ardını oxu...
Macarıstan Ukraynaya növbəti hərbi yardımın ayrılmasını bloklayacaq.

Bu barədə Macarıstanın ticarət və xarici işlər naziri Piter Siyarto videomüraciətində bildirib.

Onun sözlərinə görə, Kiyev Macarıstanın OTP bankının və ya digər şirkətlərinin “beynəlxalq müharibə sponsoru” qara siyahısına salınmayacağına zəmanət verənədək Macarıstan Avropa Sülh Fondundan Ukrayna üçün növbəti hərbi yardım tranşının ayrılmasını bloklayacaq.

O qeyd edib ki, Macarıstan 500 milyon avroluq yardımı təsdiqləməsi üçün Brüsselin təzyiqi ilə üzləşib, lakin Budapeşt bu cür zəmanət qəbul edənədək bu addımı atmayacaq.
Ardını oxu...
Arıqlamaq üçün pəhrizinizə süd məhsulları, qreypfrut daxil etməlisiniz.

Daha çox yaşıl çay içməlisiniz.

Cebhe.info xəbər verir ki, bunu dietoloq Olqa Redina məsləhət gördü.

Mütəxəssis vurğulayıb ki, içkinin tərkibində maddələr mübadiləsini sürətləndirən və arıqlamağa kömək edən çoxlu miqdarda katexin var. Kilo vermə prosesini əhəmiyyətli dərəcədə sürətləndirmək üçün gündə dörd-beş fincan içmək lazımdır, diyetoloq qeyd etdi.

Süd məhsullarının tərkibində yağ yandıran kalsium var. Bundan əlavə, onlar bədəni yaxşı doyurur və uzun müddət enerji verir. Həkim bunun aclıq hissini azaldığını və insanın gün ərzində çox yemədiyini izah edib. Redina əlavə edib ki, qreypfrutların tərkibində arıqlamaq üçün lazım olan çoxlu miqdarda faydalı maddələr var.
 
 
 
Ardını oxu...
"Azərbaycan Reallığı"na müraciət edən 44 günlük ikinci vətən müharibəsi zamanı Zəngilan Qubadlı istqamətində gedən döyüşlərin iştirakçısı qarabağ vetranı Ümüd Kərimli bildirir ki, İyul ayının 24 də "Vimay Klinikasına" burunun çəpər əyriliyi ilə bağlı müraciət edir. Ona klinikanın Lor estetik cərrah həkimi Şəhla Həsənova əməliyyat etməyi məsləhət görür.

Pasent 1550 manat həkimin Əli adlı köməyçisinə ödəniş etdikdən sonra əməliyyat edirlər, lakin əməliyyat uğursuz alınır. Nəfəs alma və burunun çöl tərəfində olan əyriliy olduğu kimi qalır.

Pasent bir neçə aydan sonra buna etiraz edəndə gülməli cavab alır ona bildirilir ki, problem 2-3 ilə düzələcək. Digər həkimlərə üz tutanda isə ona əməliyyatın uğursuz olduğu diyaqnozu qoyulur.

Ümüd Kərimli bildirir ki, Əməliyyat zamanı ona klinikada heç bir ödəniş qəbizi və sənədi verilməyib, hələ üstəlik klinkaya məxsus olan səhifədə məni paylaşıb reklam etdilər ki, sən demə məni pulsuz əməliyyat ediblər.

Mən etiraz edəndə izah etdilər ki, yalnız klinika xərci ödənməklə etmişik. Paylaşıma məndə bildirdim ki, klinikanın xərci 1550 manatdır?

- Sualıma cavabda verə bilmədilər. Cavab olaraq dedilər paylaşım 3-4 gündən sonra aşağı düşəcək kimsə görməyəcək.

Daha sonra Ümüd Kərimli iddia edir ki, "Vimay Klinikasının" Lor estetik cərrah həkimi Şəhla Həsənovanın Əli Adlı köməyçisinin heç bir tibbi təhsili yoxdur, yalnız həkimin reklam və menicerlik işlərini həyata keçirir.

Sonda 44 günlük ikinci vətən müharibəsinin vetranı Ümüd Kərimli adiyyəti qurumlardan ona köməklik göstərilməsini xayiş edib.

O bildirir ki,əməliyyatdan sonra əvvəlkindən daha da narahatdır. Əvvəlki kimi nəfəs ala bilmirəm mənim ya pulumu qaytarsınlar yada sağlamlığmı əvvəlki kimi bərpa etsinlər deyə bildirib.
 
Ardını oxu...
COVID-19-un müalicəsi ilə bağlı tövsiyələrini yeniləyən Ümumdünya SəhiyyəTəşkilatı (ÜST) 65 yaşdan yuxarı insanları indiyə qədər olduğu kimi yüksək risk deyil, artıq orta risk kateqoriyasına aid edir.

Bu barədə ÜST-ün Cenevrədəki mənzil-qərargahından məlumat verilib.

“COVID-19 virusunun hazırkı variantları, bir qayda olaraq, daha az ağır xəstəliyə səbəb olur. İmmunitetin səviyyəsi isə peyvənd səbəbindən daha yüksəkdir ki, nəticədə bu da əksər xəstələr üçün ağır xəstəlik və ölüm riskinin azalmasına gətirib çıxarır”, - deyə qurumdan bildirilib.

ÜST-ün xəstəliklərin müalicəsi üzrə yenilənmiş tövsiyələrinə “ağır olmayan COVID-19 xəstələrinin xəstəxanaya yerləşdirilməsinin əsas riskləri ilə bağlı yeni qiymətləndirmələr” daxildir. Bu, tibb işçilərinə xəstəxanaya yerləşdirilmə üzrə yüksək, orta və ya aşağı risk qrupunda olan şəxsləri müəyyən etməyə və müvafiq müalicəni təyin etməyə kömək edəcək.

Bəyanatda deyilir ki, hazırda orta risk kateqoriyasına əvvəllər yüksək risk qrupunda olan insanlar, o cümlədən 65 yaşdan yuxarı şəxslər, həmçinin xroniki xəstəlikləri, əlilliyi və əsas xroniki xəstəlikləri olan şəxslər daxil edilib. Söhbət piylənmə, şəkərli diabet, həmçinin xroniki xəstəliklər, o cümlədən böyrək, qaraciyər, xərçəng xəstəliklərindən gedir. Bu qrupdakı xəstələrin xəstəxanaya yerləşdirilməsi ilə bağlı təxmin edilən nisbət 3% təşkil edir.
“İmmuniteti zəif olan insanlar COVID-19-a yoluxduqları təqdirdə daha yüksək risk qrupunda qalmağa davam edirlər”, - deyə ÜST qeyd edib. Onların xəstəxanaya yerləşdirilməsi ilə bağlı nisbət 6% təşkil edir.

“Yüksək və ya orta risk katoqoriyasına aid edilməyənlərin xəstəxanaya yerləşdirilmə riski aşağıdır (0,5%). İnsanların əksəriyyəti aşağı risk altındadır”, - deyə ÜST vurğulayıb.

Mənbə: TASS
 
 
 
Ardını oxu...
Sent-Luisdəki Vaşinqton Universitetinin alimləri qocalmadan və ömrün uzunluğundan məsul olan əsas immun molekul tapıblar.

Cebhe.info xəbər verir ki, tədqiqatın nəticələri “Neuron” jurnalında dərc edilib.

Məlumdur ki, qocalma prosesi ilə bir neçə fizioloji faktor bağlıdır: orqanizmin immun reaksiyaları, sərbəst radikalların və antioksidantların istehsalı arasında balanssızlıq və yuxu pozğunluğu.

Əvvəllər mütəxəssislər Slpi geninin yaşlı heyvanların beyin qişalarında aktivləşdiyini müəyyən etmişdilər. Onun IM33 adlı variasiyasının Drosophila meyvə milçəklərində mövcud olduğunu və yuxunu modulyasiya etmək qabiliyyətinə malik olduğunu müəyyən etmək də mümkün olub. Bu böcəklər qısa ömür dövrünə və asanlıqla öyrənilə bilən genoma malik olduqları üçün genetik tədqiqatlarda tez-tez istifadə olunur.

Digər işlərdə də müəlliflər sitokinlərin heyvanların davranışını modulyasiya edə biləcəyini tapdılar. Buna görə də bu işdə komanda eksperimental midges davranışına təsir göstərə biləcək bütün immun amilləri müəyyən etməyə diqqət yetirib.

Bunun üçün müxtəlif eksperimental üsullardan, o cümlədən genetik dəyişikliklərin tədqiqi, neyronların fəaliyyətinin təsviri və molekulyar ardıcıllığın öyrənilməsi istifadə edilib.

Məlum olub ki, meyvə milçəklərinin immun hüceyrələrindəki genin söndürülməsi reaktiv oksigen növlərinin (sərbəst radikalların) səviyyəsini artırır və onların bağırsaqlarında mikrobiotanın tərkibini dəyişir. Bu, oksidləşdirici stressə və bakteriyalarda balanssızlığa gətirib çıxarır ki, bu da onların ömrünü qısaldır. IM33-ün yatırılması da yaşlanma ilə əlaqəli yuxu pozğunluqlarına səbəb olur.
 
Ardını oxu...
Rusiyada koronavirusun yeni variantı olan “Pirola”ya 10 yoluxma halları müəyyən edilib.

Gununsesi.info trend-ə istinadən xəbər verir ki, “Rospotrebnadzor” rəhbəri sözügedən variantın yayılacağını ehtimal edib.

Məlumata görə, “Pirola” klassik “Omicron”dan daha yoluxucudur və əlavə mutasiyalara malikdir.
 
Ardını oxu...
Uzun müddət, fasiləsiz 8-9 saat kompütrer qarşısında oturmaq çoxsaylı xəstəliklər riskini 4 dəfə artırır.

Tribunainfo.az xəbər verir ki, alimlər yeni araşdırmada kompüterdə çox oyun oynamaq və ya çox işləməyin demensiya və erkən ölümə səbəb olduğunu sübut edib.
Getdikcə uşaqlar, insanlar kompüter, mobil telefonda oturaraq, həm işdə, həm evdə çox vaxt keçirirlər. Hətta bunlarsız başqa məşğuliyyət tapmırlar.

Terapevt İrina Andreyeva yeni tədqiqatın nəticələri barədə danışıb.

“Statistikaya görə, insanlar orta hesabla gündə 9 saat kompüter qarşısında keçirirlər. bu 2020-2021-ci illə müqayisədə 40 dəqiqə çoxdur. Əsasən 16-30 yaş arası gənclər 10 saata qədər kompüter və ya telefonda oturur. Bu isə artıq ciddi riskdir.

9 saata qədər kompüterdə əyləşməyin fəsadları:

– II tip diabet
– Piylənmə
– Arterial təzyiqin artması
– Ürək-damar xəstəlikləri
– Xərçəng xəstəliyi

– Eləcə də demensiya riski 10 saat kompüterdə oturanlarda 4 dəfə artır.
12 saat oturanlarda isə 60% artır.

Hətta bu müddət arasında fasilələr vermək, 10 dəqiqə gəzişmək belə demensiya riskini azaltmır, çünki ümumi sərf olunan vaxt çoxdur”.
 
Ardını oxu...
Bugünlərdə səhiyyə naziri Teymur Musayev jurnalistlərə bildirib ki, “Dərman vasitələri haqqında” Qanunun tətbiqi ilə bağlı halal dərman vasitələrinə dair xüsusi qaydalar hazırlanıb və Nazirlər Kabinetinə təqdim olunub.

“Hər kəsi səbirli olmağa çağırıram, çünki yeni qaydalar müasir tələblərə cavab verir. Nəticədə ölkəyə yüksəkkeyfiyyətli dərmanların gətirilməsi asanlaşacaq”, – nazir vurğulayıb.

“Halal dərmanlar” anlayışı Azərbaycan üçün yenidir.

Müsəlmanların çoxluq təşkil etdiyi bəzi ölkələrdə – Türkiyə, İran, Birləşmiş Ərəb Əmirlikləri, Səudiyyə Ərəbistanı və Malayziyada isə halal dərman standartı illərdir tətbiq olunur.

Azərbaycanda istər sıravi vətəndaşlardan, istərsə də deputatlardan tez-tez dərmanların qonşu ölkələrlə müqayisədə kəskin şəkildə baha olması ilə bağlı şikayətlər eşidilir. Üstəlik, keyfiyyət ilə də bağlı şikayətlər var. Belədə dərmanın halal olub-olmaması nəyi dəyişəcək?

Azərbaycan dərmana olan tələbatının özü yalnız cüzi bir hissəsini ödəyir.

Azərbaycan Standartlaşdırma İnstitutundan Turana bildirilib ki, halal dərmanlarla bağlı AZS OIC/SMIIC 50-1:2023 “Halal dərman vasitələri – 1-ci hissə – ümumi tələblər” dövlət standartı qəbul edilib.

Vurğulanıb ki, halal dərman vasitələri – tərkibində islam qaydalarına uyğun olaraq icazə verilən inqridiyentlər olan əczaçılıq məhsullardır: “Yəni, bu növ dərman vasitələrində insan, heyvan mənşəlli qan, digər mayelər, haram hesab edilən heyvan və, eyni zamanda, halal olmayan komponentlərdən istifadə olunmur”.

“Azərbaycan Həkimləri” İctimai Birliyinin təsisçilərindən biri, həkim-radioloq Aydın Əliyev AzadlıqRadiosuna bildirib ki, bu, yersiz bir məsələdir: “Dərman preparatı xəstə insan üçün zəruri bir vasitədir. Onun halalı, haramı olmur ki. Orqanizm bunu xəstəliyin sağalması üçün qəbul etməlidir. Belə olan halda, dərmanların hamısı halaldır”.

Ekspertin fikrincə, bu yeni dərmanların qiymətinin aşağı olacağına ümid azdır: “Bizdə, ümumiyyətlə, bir çox dərman preparatlarının qiyməti yüksəkdir. Dövlət qurumları bu məsələyə ciddi nəzarət etməlidir. Bir ölkədən dərman alınır, üçüncü ölkədə başqa şirkət adından bahalı qiymətə qeydiyyata alınır, oradan da Azərbaycana idxal edirlər. Ona görə də ölkədə dərmanlar bu qiymətə satılır. Bəzi insanlar dərman almaq üçün kredit götürür. Bu məsələlərə nəzarət etməkdənsə, durub halal-haram söhbətini edirlər”.

Onun sözlərinə görə, Azərbaycanda dərman istehsalı, demək olar ki, sıfır səviyyəsindədir: “Yod və digər bir-iki adi tibbi vasitə istehsal olunur, başqa istehsal yoxdur. Bu illər ərzində dərman istehsalı bu vəziyyətdədirsə, halal dərmanların istehsalı inandırıcı görünmür”.

Yazıda səslənən fikirlərə ayrılıqda Səhiyyə Nazirliyi və başqa aidiyyəti qurumlardan münasibət almaq mümkün olmayıb.
Ardını oxu...
Azərbaycanda son illər bahalaşan tibbi xidmətlərdən biri də qeysəriyyə əməliyyatlarıdır. İcbari tibbi sığorta hələ tam qüvvəyə minməzdən öncə özəl klinikalar demək olar, doğuş və qeysəriyyə sahəsini tam ələ ala bilmişdi.

Buna səbəb dövlət xəstəxanalarında pulsuz qeysəriyyənin adının olub özünün olmaması, doğum evlərindəki şəraitsizlik, nəzərdə tutulmayan xərclərin çıxması, yaxşı həkimlərin özəl klinikalaracəlb olunması idi.

Belə ki, özəl klinikalarda qeysəriyyəyə gələn ailə bir dəfə kassaya pulunu ödəyir, 3 gün ərzində heç kimə pul vermir, ananın yeməyi, uşağın qidası və pampersinə kimi hər şeyi klinika təmin edir.

Pandemiyadan öncə qeysəriyyə əməliyyatının qiyməti maksimum 1500 manat idi.

Bakıda məşhur həkimlərin qeysəriyyə əməliyyatının qiymətlərini təqdim edirik:

1.Uzman mama-ginekoloq Turab Canbaxışov. Onun əməliyyatının qiyməti 4000-5000 manat arasında dəyişir.

O, "Liv Bona Dea" İnternational Hospitalın mama-ginekologiya şöbəsinin rəhbəridir. Eyni zamanda Tədris Cərrahiyyə Klinikasında çalışır.

"Tədris Cərrahiyyə"də isə əməliyyatın qiyməti 2000 manatdır.

2. Uzman mama-ginekoloq Samirə Tağıyeva - Liv Bona Dea. O, burada qeysəriyyə əməliyyatını 2500 AZN-ə, digər iş yerində - "Oksigen" klinikasında isə 1500 manata edir.

3. Vüsal Mehtiyev - DTX hospitalı – 2500 AZN. Analiz paketə daxil deyil. Vusal doktor da tanınmış cərrah-ginekoloqdur. 3 il əvvələ kimi Qeysəriyyəni 1700 manata edirdi.

4.Aytən Səfərova, cərrah-ginekoloq – 2400-2500 AZN

Sonsuzluq və süni mayalanma mərkəzi var.

5.Elnurə Mustafayeva, uzman cərrah, mama-ginekoloq – 2100 manat.

Özəl Sonsuzluq mərkəzi var.

6.Mahirə İsmayılova, tibb elmləri namizədi, mama-ginekoloq – Mərkəzi Klinikada şöbə müdiridir -1800-1900 manat (analiz paketi daxil deyil)

Mərkəzi Klinikada qiymət həkimdən asılı olaraq dəyişir.

7.Sədi Allahverdiyev –tibb elmləri doktoru, cərrah ginekoloq – 1850 manat (analiz paketi daxil deyil). Mərkəzi Gömrük Hospitalında ginekologiya şöbəsində çalışır.

8.Kamran Nağıyev – cərrah ginekoloq, "Liv Bona Dea" – 1760 manat. Bura analiz paketi daxil deyil.

9.Natiq Məhərrəmov, cərrah, mama-ginekoloq - 1700 manat (hər şey daxil). "Leyla Medikal Center"də çalışır.

10.Alik Qurbanov – "Baku Medikal Plaza" ginekologiya şöbəsinin rəhbəri. Hər şey daxil 1630 manat.

O, Azərbaycanın ən güclü cərrahlarındandır, qiyməti də bu onluqda təcrübəsi və şöhrətinə rəğmən, ən insaflıdır.

Qeyd edək ki, qiymətlər tək döl hamiləlik üçündür. Əkiz olduqda, qiymət 30% yüksək olur.

Aparılan araşdırma bəzi özəl klinikalarda doğuş və qeysəriyyə qiymətlərinin əlçatan olduğunu göstərir.

Bəzi özəl klinikalarda əgər hamilə adlı-sanlı həkim seçməyəcəksə, klinikanın standart paketindən istifadə edəcəksə, qiymətlər 1000-1200 manat arası dəyişir.

Məsələn, Baku Medikal Plazada 1500-1600 manata da keysəriyyə edilir.

Qiymətinə görə digərlərindən sərfəli qeysəriyyə əməliyyatının icra olunduğu klinikalardan biri də Caspian İnternational Hospitaldır. Burada qeysəriyyə paketi - əməliyyat, spinal anesteziya, 2 gün ana və övladın yatışı, dərman və sərfiyyat, qidalanma 1000 manata başa gəlir. Kifayət qədər yaxşı şəraiti, peşəkar kadrları olan tibb ocağında əməliyyat öncəsi doğuş paketi 145 manatdır.
Medicina.az
 

Dünyapress TV

Xəbər lenti