Qərb dağılacaq, Rusiya isə ayağa qalxacaq.

Axar.az xəbər verir ki, bu sözləri 1970-ci illərdə SSRİ-nin dağılacağını proqnozlaşdıran tanınmış fransız sosioloq Emmanuel Tod “Le Fiqaro”ya müsahibəsində deyib.

O bildirib ki, bu qənaətə gəlməyinin 3 səbəbi var:

“ABŞ-da sənayenin və təhsilin tənəzzülü, Qərb cəmiyyətində bir dəyər sistemi kimi protestantlığın yoxa çıxması və Rusiyanın dünyanın qalan hissəsi qarşısında artan cəlbediciliyi”.

Onun sözlərinə görə, Moskvanın yeni mühafizəkar “yumşaq gücü” Qərb əxlaqından fərqli olaraq getdikcə populyarlıq qazanır:

“Rusiya iqtisadiyyatının sanksiyaların şokuna tab gətirməsi isə Rusiya modelini daha da cəlbedici edir. Qərbdə Rusiya haqqında deyilənlər çox vaxt doğru deyil: o, tənəzzülə uğrayan ölkə kimi təqdim olunur, onun sürətlə bərpa və yenidənqurma mərhələsində olduğuna diqqət yetirmirlər.

Eyni zamanda, ola bilsin ki, Rusiya sistemini gücləndirən, vətənpərvərlik və milli birliyi qidalandıran məhz Qərbin düşmənçiliyidir. Beləliklə, sanksiyalar Rusiyaya genişmiqyaslı idxalı əvəzetmə siyasətinə başlamağa imkan verdi ki, bu da onların iqtisadiyyatına AB iqtisadiyyatı üzərində əhəmiyyətli üstünlük verəcək”.

Cənubi Qafqazın gələcək taleyi ilə bağlı prinsipial inkişaf istiqamətləri artıq tədricən aydınlaşmağa başlayıb. Üstünlük, dünya nəhənglərinin bu regionu özlərinin geopolitik maraqlarının girovuna çevirmək cəhdlərinin də iflasa uğraması üzrə olduğu müşahidə olunur. Cənubi Qafqazda yalnız Azərbaycanın geopolitik iradəsinin hegemon olduğu da artıq inkaredilməz reallıqdır. Və rəsmi Bakı bu reallığı həm region ölkələrinə, həm də Cənubi Qafqazda geopolitik maraqları olan kənar güclərə qəbul etdirməyə nail olub.

Azərbaycan Prezidenti İlham Əliyevin son açıqlamaları isə Cənubi Qafqazın gələcək taleyi ilə bağlı önəmli mesajlar ilə zəngindir. Prezident İlham Əliyev vurğulayıb ki, yekun sülh sazişinin imzalanması üçün hazırda geniş imkanlar mövcuddur. Çünki Azərbaycanın Qarabağdakı erməni separatizmi və terrorizminin sığındığı "boz zona"nın ləğvindən sonra əsas problem artıq həll edilib. Və bu səbəbdən də, yekun sülh sazişi ilə bağlı müzakirələrdə bu mövzunun yenidən gündəmə gətirilməsi üçün heç bir əsas mövcud deyil.

Azərbaycan lideri Ermənistana revanşist davranışların doğura biləcəyi nəticələr barədə də sərt xəbərdarlıq mesajı ünvanlayıb. Prezident İlham Əliyev vurğulayıb ki, əgər, Azərbaycana qarşı hər hansı hərbi təhlükə yaranarsa, dərhal müdaxilə olunacaq, preventiv addımlar atılacaq. Və Azərbaycan liderinin bu mesajı rəsmi İrəvanın Ermənistanın beynəlxalq himayədarlarına bəslədiyi ümidlərin də reallıqdan uzaq olduğunu göstərir.

Məsələ ondadır ki, Prezident İlham Əliyev Azərbaycan ordusunun gücləndirilməsi prosesinin intensiv şəkildə davam etdirildiyini də bildirib. Ermənistanın Fransadan aldığı "Bastion" döyüş maşınlarının Azərbaycanla yeni hərbi qarşıdurmada effektiv olmayacağına da ironik şəkildə eyham vurub. Azərbaycan lideri Fransanın Ermənistana göndərdiyi "Bastion" döyüş maşınlarını yararsız "konserv bankaları" adlandırıb. Və rəsmi İrəvan Azərbaycan liderinin dediklərindən mütləq doğru nəticələr çıxartmalıdır.

Hər halda, Paşinyan hakimiyyəti nəzərə almalıdır ki, əgər, Prezident İlham Əliyev Fransa "Bastion"larını ironik şəkildə "konserv bankaları" adlandırırsa, deməli, Azərbaycan ordusu onlarla müqayisəedilməz səviyyədə daha güclü döyüş texnikasına sahibdir. Ona görə də, rəsmi İrəvan Fransa "Bastion"larına güvənib, Azərbaycanla yeni hərbi qarşıdurmaya cəhd edərsə, bu, Ermənistan üçün faciəvi nəticələr verə bilər. Və bu baxımdan, Paşinyan hakimiyyəti fransız "konserv bankaları"na ümid bəsləmək əvəzinə, yekun sülh sazişini imzalayıb, onun arxasına sığınmağa çalışsa, daha doğru olar.

Digər tərəfdən, Azərbaycan lideri Ermənistanın gələcək taleyi ilə bağlı da müəyyən mesajlar verib. Prezident İlham Əliyev Zəngəzur dəhlizi barədə danışarkən, Ermənistanı faktiki olaraq, konkret seçim qarşısında buraxıb. İndi Ermənistanın gələcək inkişaf perspektivləri məhz rəsmi İrəvanın edəcəyi seçimdən birbaşa asılıdır. Və əgər, Paşinyan hakimiyyəti Ermənistanın beynəlxalq himayədarlarının yerinə yetirilməsi mümkün olmayan utopik vədlərinə uyaraq, yanlış seçim edərsə, Ermənistan əbədi blokada şəraitində qala bilər.

Məsələ ondadır ki, Azərbaycan lideri rəsmi İrəvana Zəngəzur dəhlizi ilə bağlı öhdəlikləri xatırladıb. Prezident İlham Əliyev vurğulayıb ki, Zəngəzur dəhlizinin təhlükəsizliyi üçün Ermənistanın verdiyi zəmanət yetərli deyil. Ona görə də, 10 noyabr üçtərəfli anlaşmasında nəzərdə tutulan təhlükəsizlik maddəsi yerinə yetirilməlidir. Həmin maddəyə görə, Zəngəzur dəhlizinin təhlükəsizliyini Rusiya sərhədçiləri təmin etməlidirlər. Və bu, Ermənistanın marşruta təkbaşına nəzarət imkanlarının zəif olduğunu nəzərə aldıqda, Zəngəzur dəhlizinin təhlükəsiz fəaliyyəti üçün böyük önəm daşıyır.

Digər tərəfdən, Prezident İlham Əliyev onu da birmənalı şəkildə vurğulayıb ki, Zəngəzur dəhlizi üzərindən Azərbaycandan-Azərbaycana hərəkət Ermənistanın nəzarəti olmadan reallaşdırılmalıdır. Yəni, Azərbaycanın əsas hissəsindən Naxçıvana daşınan yüklər və sərnişinlərin yoxlanılması yolverilməzdir. Çünki həmin yüklər Azərbaycana aiddir və ölkə ərazisindən kənara çıxarılmır. Eyni zamanda, Azərbaycan vətəndaşları da Naxçıvana gedərkən, ölkədaxili səyahət məqsədi güdmüş olacaqlar. Və bu baxımdan, Azərbaycana aid yüklərin və sərnişinlərin yoxlanılması absurddur.

Ancaq rəsmi Bakı Ermənistanın digər yükləri yoxlamasına qətiyyən etiraz etmir. Belə ki, Avropadan Asiyaya və yaxud əksinə daşınan yükləri Ermənistan yoxlasa, rəsmi Bakı buna qarşı çıxmaq niyyətində deyil. Əslində, rəsmi Bakının bu mövqeyi tamamilə ədalətlidir. Çünki Azərbaycandan Naxçıvana yüklərin və sərnişinlərin daşınması ölkədaxili hərəkət anlamına bağlıdır. Ermənistan bu reallığı qəbul etməlidir və Zəngəzur dəhlizinin açılması prosesini ləngitmənəlidir.

Əks halda, rəsmi Bakı uzun müddət Ermənistanın verəcəyi qərarı gözləmək niyyətində deyil. Belə ki, Azərbaycan İran ərazisindən Naxçıvana daha qısa marşrutun inşası istiqamətində qərarının icrasına artıq start verib. Əgər, Paşinyan hakimiyyəti rəsmi Bakının Prezident İlham Əliyev tərəfindən elan edilmiş şərtləri çərçivəsində Zəngəzur dəhlizinin açılmasına qarşı çıxarsa, onda Ermənistan əbədi blokada şəraitinə məhkum qalacaq. Çünki Zəngəzur dəhlizinin reallaşmayacağı təqdirdə, rəsmi Bakı Ermənistanla hər hansı digər nəqliyyat-kommunikasiya xətlərini açmaq niyyətində deyil.

İndi Zəngəzur dəhlizi Ermənistan üçün blokada şəraitindən çıxmaq üçün yeganə şans variantı rolu oynayır. Bu baxımdan, rəsmi İrəvan Azərbaycan Prezidenti İlham Əliyevin verdiyi son mesajların şifrələrini doğru oxuyaraq, artıq əldən buraxmaqda olduğu bu son şansı da qaçırmamaq barədə düşünməlidir. Və Paşinyan hakimiyyəti onu da nəzərə almalıdır ki, Zəngəzur dəhlizi açılmasa da, "zaman qatarı" artıq sürətlə hərəkət edir.

Elçin XALİDBƏYLİ,
Siyasi ekspert,
"Yeni Müsavat"

Azərbaycan Respublikasının Prezidenti İlham Əliyev yanvarın 10-da yerli televiziya kanallarına müsahibə verib.

Müsahibəni təqdim edirik:
***
Azərbaycan Respublikasının Prezidenti İlham Əliyev yanvarın 10-da yerli televiziya kanallarına müsahibə verib.

Bu barədə President.az xəbər verir.

“Azərbaycandan Azərbaycana insanlar və yüklər heç bir yoxlama aparılmadan keçməlidir”.

AZƏRTAC xəbər verir ki, bunu Azərbaycan Respublikasının Prezidenti İlham Əliyev yerli televiziya kanallarına müsahibəsində deyib.

Dövlətimizin başçısı deyib ki, əks təqdirdə, Ermənistan əbədi dalan kimi qalacaq və əgər, dediyim marşrut (Zəngəzur dəhlizi – red.) açılmasa, biz Ermənistanla heç bir başqa yerdə sərhədimizi açmaq fikrində deyilik. Yəni, beləliklə, onlar bundan daha çox ziyan görəcəklər, nəinki xeyir.

Qeyd edək ki, dövlət başçısı bu fikirləri “Xəzər” Televiziyasınnın əməkdaşının "Cənab Prezident, Tbilisidə İpək Yolu Forumunda Ermənistanın baş naziri “sülhün kəsişməsi” deyə bir layihədən bəhs etdi, hansı ki, bu, “erməni qovşağı” layihəsinin adı dəyişdirilmiş formasıdır. Sözdə layihə guya Azərbaycan, Türkiyə, İran, Gürcüstan və Ermənistan arasında kommunikasiyaların, belə deyək, inkişafını nəzərdə tutur. Halbuki Azərbaycan bu təklifi üç ildir irəli sürür. Ermənistanın baş naziri bunu yeni bir təşəbbüs kimi səsləndirdi. Ümumiyyətlə, regionda Azərbaycanın razılığı olmadan belə layihələrin baş tutması mümkündürmü?" sualına cavabında bəyan edib.

Prezident həmin suala cavabında bildirib: " Əlbəttə ki, yox. Yəqin ki, siz də bunu yaxşı bilirsiniz, mümkün deyil. Hesab edirəm ki, bu, sadəcə olaraq, piar aksiyadır. Çünki Ermənistan, bildiyiniz kimi, 10 noyabr üçtərəfli Bəyanatının bir müddəasını yerinə yetirmir və faktiki olaraq öz öhdəliyinə laqeyd yanaşır. Ona görə bunu pərdələmək, eyni zamanda, “Zəngəzur dəhlizi” sözünü sildirmək üçün belə bir təklif irəli sürmüşlər. Onu da bildirməliyəm ki, “Zəngəzur dəhlizi” sözü onları çox qıcıqlandırır və mən deyəndə ki, axı dəhliz hər hansı bir ölkənin suverenliyini şübhə altına almır, - Şimal-Cənub dəhlizi var, Azərbaycan ərazisindən keçir. Bu, o demək deyil ki, bizim suverenliyimiz burada şübhə altına düşür.

Şərq-Qərb dəhlizi var, - amma nədənsə Ermənistanda bu dəhliz sözünə münasibət bir az fərqlidir. Ona görə bu erməni yol kəsişməsi, ya yolayırıcı, ondan sonra bunu “sülh yol kəsişməsi” adlandırmışlar. Amma faktiki olaraq bu, piar aksiyadan başqa bir şey deyil.
Ətraflı

Onlar, ilk növbədə, Zəngilanla Ordubad arasındakı ərazidə bizə maneəsiz keçid verməlidirlər. Bu, onların öhdəliyidir. Mən artıq demişəm, bir daha demək istəyirəm, Azərbaycandan Azərbaycana gedən yüklər, vətəndaşlar və avtonəqliyyat vasitələri heç bir yoxlamadan keçmədən, gömrük inzibatçılığına cəlb edilmədən sərbəst keçməlidirlər. O ki qaldı digər ölkələrin yüklərinə, əgər, məsələn, Orta Asiyadan Türkiyəyə bir yük Ermənistan ərazisindən göndərilirsə və hətta Azərbaycandan Türkiyəyə hansısa bir yük göndərilirsə, təbii ki, bütün gömrük rüsumları da ödənilməlidir. Yəni, bu, çox ədalətli mövqedir.

Bir məsələ də önəmlidir, bu yolun təhlükəsizliyi. Çünki mən dəfələrlə Ermənistan rəhbərliyinə demişəm ki, Ermənistanın qarantiyaları bizə kifayət deyil. 10 noyabr Bəyanatında göstərilmişdi ki, Rusiya sərhədçiləri 42-43 kilometr ərazidə təhlükəsizliyi və nəzarəti həyata keçirirlər və bu öhdəlik yerinə yetirilməlidir. Ermənistan isə bundan indi boyun qaçırmaq istəyir. Halbuki bu da məntiqli deyil. Çünki Rusiya sərhədçiləri Ermənistanın, İrəvanın aeroportundadırlar, Ermənistan-İran, Ermənistan-Türkiyə sərhədindədirlər. Niyə orada onlar qala bilərlər, amma burada qala bilməzlər? Sadəcə olaraq, bu, bir bəhanədir ki, bu yol açılmasın. Biz üç il gözləmişik, bizi ittiham edirdilər ki, biz güc tətbiq edərək o yolu açacağıq. Halbuki bu, cəfəng bir ittiham idi. Onu da bildirməliyəm ki, bu şayiələri, belə ucuz şayiələri yayan da Fransadır. Biz dəqiq bilirik ki, hər yerdə danışırdılar və bu gün də yəqin davam edir ki, bu gün-sabah Azərbaycan Ermənistana hücum edəcək. Halbuki bunun heç bir əsası yoxdur, heç bir hazırlıq da getmir və bu gün hazırlığı gizlətmək də mümkün deyil. Çünki hər şey yuxarıdan, peykdən görünür, digər informasiya mənbələri var. Biz, sadəcə olaraq, üç il gözləmişik, görəndə ki, bu alınmır, bizim başqa yolumuz qalmayıb. Biz qısa yolla Azərbaycanın əsas hissəsini Naxçıvanla birləşdirməliyik və bildiyiniz kimi, İranla artıq razılıq da əldə edildi, nəinki razılıq, təməlqoyma mərasimi keçirildi. İndi Ağbənd istiqamətində artıq birinci körpünün inşası başlamışdır və ikinci körpü də Ordubad istiqamətində nəzərdə tutulur. Yəqin ki, bu il biz ona da başlayacağıq.

Beləliklə, Ermənistan yenə dalan olaraq qalacaq. Onlar indi, necə deyərlər, bundan duyuq düşərək əl-ayağa düşdülər ki, biz kənarda qaldıq və hətta bildiyiniz kimi, Amerika Dövlət Departamentinin rəhbərinin müavini də bir anlaşılmaz açıqlama vermişdi ki, ya Ermənistandan keçəcək, ya da ki, biz imkan verməyəcəyik. Yaxşı, biz bunu üç ildir deyirik ki, bu, Ermənistandan keçsin, Ermənistan imkan vermir. İndi də bizi ittiham edirlər ki, biz başqa yol seçirik. Yəni, siz şərait yaradın Ermənistanın ərazisindən keçsin, Mehri ərazisindən keçsin, mən dediyim şərtlərlə, onda digər varianta ehtiyac qalmayacaq. Yoxsa bu da anlaşılan deyil. Bu gün Azərbaycanın əsas hissəsi ilə Naxçıvan arasında əlaqə yenə də İran ərazisindən həyata keçirilir. Niyə buna etiraz edilmir, məhz Mehri hissəsinə etiraz edilir? Ermənistan-İran ticarəti gündən-günə artır, çiçəklənir. İran Qərbi Zəngəzurda konsulluq açıb. Niyə bu, necə deyərlər, heç bir sual yaratmır?

Yəni, belə məntiqsiz və cəfəng açıqlamalar heç kimə şərəf gətirmir və “biz buna imkan verməyəcəyik” deyəndə, - mən artıq bunu demişəm, - Amerika nəyi nəzərdə tutur, necə imkan verməyəcək? Gələcək Zəngəzurda bir sədd qoyacaq, ya Zəngilanda bir qoşun yerləşdirəcək, ya İran ərazisində? Necə imkan verməyəcək? Bu, bizim suveren işimizdir. Bizim İranla bu yaxınlarda Astaraçay üzərində körpünün açılışı olmuşdur. Nə üçün? Çünki Şimal-Cənub dəhlizində yükdaşımaların həcmi iki dəfə artıb və hazırda Astaradakı terminal bütün o yükləri götürə bilmir. Rusiya ilə ikinci keçid açmışıq Xanobada və indi Rusiya-Azərbaycan sərhədində iki keçid var, bir idi. İranla da iki keçid var. Yəni, bu, bizim suveren işimizdir.


Ona görə Ermənistan tərəfinə məsləhətim odur ki, burada manipulyasiyalarla məşğul olmasın. Onların Azərbaycanın əsas hissəsindən Naxçıvana gedən təklif etdiyi marşrut tamamilə yararsızdır və ilboyu o marşrutdan istifadə etmək mümkün olmayacaq. Çünki orada hava şəraiti də və relyef də çox sərtdir. Ən düzgün variant Mehri ərazisindəndir. Onsuz da sovet vaxtında oradan dəmir yolu keçirdi və avtomobil yolu da tikilirdi. Həm dəmir yolu, həm də avtomobil yolu oradan keçməlidir.

Azərbaycandan Azərbaycana, dediyim kimi, heç bir yoxlama aparılmadan insanlar və yüklər keçməlidir. Əks təqdirdə, Ermənistan əbədi dalan kimi qalacaq və əgər, dediyim marşrut açılmasa, biz Ermənistanla heç bir başqa yerdə sərhədimizi açmaq fikrində deyilik. Yəni, beləliklə, onlar bundan daha çox ziyan görəcəklər, nəinki xeyir.

Sülhlə bağlı Azərbaycan və Ermənistan bir-birinə qarşılıqlı olaraq təkliflər göndərir. Burada təkliflərin mahiyyəti tam aydın olmasa da proses davam edir. Müşahidələr onu göstərir ki, sülh müqaviləsinin imzalanması ilə bağlı iki məsələ ətrafında gərgin müzakirə gedir. Bu iki səbəb sülh müqaviləsinin bağlanmasına maneə yaradır.

Bunu Teleqraf.com-a politoloq Fərhad Mehdiyev deyib.

“İlkin olaraq bu, sərhədlərin delimitasiyası və demarkasiyası məsələsidir. Sərhəd xəttinin haradan keçməsi ilə bağlı ziddiyyətli fikirlər var. Görünən odur ki, erməni tərəfi hazırkı sərhəd xəttini qəbul etmək istəmir. Onlar hər hansı bir xəritə əsasında sərhədlərin müəyyən edilməsini təklif edir. Digər məsələ Qarabağdan getmiş ermənilərlə bağlıdır. Onlarla bağlı hər hansı bir razılaşma yoxdur. Məhz bu iki sadalanan məsələyə görə sülh müqaviləsinin imzalanmasının ləngidiyi ehtimalı böyükdür”, – deyə o qeyd edib.

Politoloq bildirib ki, ABŞ dövlət katibinin Türkiyəyə səfəri zamanı da sülh məsələsi gündəmdə oldu:

“Bu, əslində təbii haldır. Çünki Türkiyə bu prosesin içərisindədir. Ağdamda Türkiyə-Rusiya Birgə Monitorinq mərkəzi var. Amerika Türkiyənin bu bölgədə rolu ilə yanaşı Azərbaycanın gücünü artıran bir dövlət olduğunun da fərqindədir. Bu səbəbə görə, Vaşinqtonun müəyyən məsələlərdə Ankara ilə razılığa gəlmək istəyi normal haldır. Sözsüz ki, ABŞ-nin Türkiyə ilə bu məsələdə nə dərəcədə razılığa gəlməsi sonrakı prosesdir. Amma hər bir halda burada Türkiyənin gücünün tanınması anlamı ifadə edilir”.

Fərhad Mehdiyev sülhlə bağlı gözləntilər fonunda separatçıların gündəmə gəlməsi məsələsinə də toxunub:

“Bu günlərdə separatçı Samvel Şahramanyanın guya hansısa “qərarı” ləğv edəcəyi ilə bağlı verdiyi açıqlama məntiqsizdir. Əslində onun verdiyi heç bir “qərar”ın hüququ əsası yoxdur. Qarabağa Azərbaycan tam nəzarət edir. Çünki konstitusiya hüququna görə, ərazisi olmayan bir varlıq dövlət olduğunu iddia edə bilməz”.

"Bu seçki, baş verə biləcək təhlükələrdən və təhdidlərdən özümüzü sığortalamaq baxımından önəmlidir"
Qarşıdan növbədənkənar prezident seçkiləri gəlir. 2020-ci il 44 günlük müharibədən sonra hər bir Azərbaycan vətəndaşının yeganə namizədi İlham Əliyev oldu. Bu seçkilərdə onun seçiləcəyi şübhəsizdir. Müharibədə qazanılan qələbə, Azərbaycanın beynəxalq arenada özünə yer etməsi və güclü orduya sahib ola bilməsi, məhz onun sayəsində olmuşdur.
Milli Məclisin deputatı Ceyhun Məmmədov Bizimyol.info xəbər portalına açıqlamasında bildirib ki, Qarabağ müharibəsində qələbədən sonra Azərbaycanın qarşısında çox mühüm vəzifələr durur.

"Biz bir mühim mərhələni keçib, yeni bir önəmli mərhələyə daxil olmuşuq. Bu mərhələ, qələbəmizin daha da gücləndirilməsi mərhələsidir. Biz bu istiqamətdə səylərimizi daha da gücləndirməliyik və eyni zamanda dövlətçiliyimizi daha da möhkəmləndirməliyik. Bu mənada, bu anlamda bugün həm dünyada, həm regionda çox ciddi proseslər gedir. 2024-cü ilin kifayət qədər mürəkkəb və ağır bir il olacağı gözlənilir"-deyən deputatın fikrincə, hazırda belə bir seçkinin keçirilməsi çox önəmlidir.

“Bu seçki, zəfər seçkisidir. Bu seçki, həm də bizim qələbəmizin möhkəmləndirilməsi anlamında çox vacibdir. Baş verə biləcək təhlükələrdən və təhdidlərdən özümüzü sığortalamaq baxımından böyük önəm daşıyır. Azərbaycanda həyata keçirilməyə başlanılan islahatların davam etdirilməsi baxımından da xüsusi əhəmiyyətə malikdir.

Bu gün biz ölkə daxilində cənab prezidentin rəhbərliyi ilə ciddi islahatların həyata keçirildiyini görürük. Bu islahatların əsas hədəfi və məqsədi, Azərbaycanın gücləndirilməsidir. Bu addım cənab prezidentin növbəti uzaqgörən düşünülmüş, ölçülmüş, biçilmiş bir addımı kimi qiymətləndirilməlidir. Bu məsələyə bu formada yanaşılmalıdır”-deyə deputat vurğulayıb. O, qeyd edib ki, Azərbaycan hazırda inkişaf edir və güclənməyə davam edir.

Deputatın fikrincə, hər bir Azərbaycan vətəndaşı bu inkişafın və bu yüksəlişin bir parçası olmalıdır. Eyni zamanda hər bir azərbaycanlı Azərbaycan dövlətçiliyinin və müstəqilliyinin güclənməsinə, möhkəmlənməsinə də öz töhvələrini verməlidir. Çünki bizim qarşımızda çox mühim vəzifələr var.

“Əlbəttə, bugün bu seçkiyə kölgə salmaq cəhdləri də var. Amma bu cəhdlər əbəs yerədir. Azərbaycan qarşısına qoyduğu bütün hədəf və məqsədlərə hər zaman olduğu kimi bu dəfə də nail ola biləcək”-deyə deputat vurğulayıb.