Anar Əliyev məhkəmə qərarını niyə icra etmir? -
Əmək və Əhalinin Sosial Müdafiəsi Nazirliyi (ƏƏSMN) məhkəmə qərarını icra etmir.

Bu barədə Qaynarinfo-ya keçmiş baş əmək müfəttişi Müşfiq Məmmədov bildirib.

Müşfiq Məmmədov 2002-ci ildən sözügedən qurumda baş əmək müfəttiş vəzifəsində işləyib. Onun sözlərinə görə, 2019-cu ildə heç bir əsas olmadan işdən çıxarılıb.

Keçmiş baş əmək müfəttişi rəhbərliyin işdən çıxarılma barədə əmrini məhkəmədə mübahisələndirmək qərarına gəlib. O, Bakı İnzibati Məhkəməsində işə bərpa və işsiz qaldığı müddət üçün əmək haqqının ödənilməsi tələbi ilə iddia qaldırıb. Müşfiq Məmmədovun iddiasına Bakı İnzibati Məhkəməsində baxılıb və təmin edilməyib.

Keçmiş baş müfəttiş qərardan apellyasiya şikayəti verib. Şikayətə Bakı Apellyasiya Məhkəməsində baxılıb və birinci instansiya məhkəməsinin qərarı dəyişdirilmədən saxlanılıb.

Lakin Müşfiq Məmmədov hüquqi mübarizəsini davam etdirərək Ali Məhkəməyə kassasiya şikayəti təqdim edib. Ali Məhkəmə onun şikayətini qismən təmin edərək, yenidən baxılması üçün işi Bakı Apellyasiya Məhkəməsinə göndərib. Apellyasiya instansiyası isə Bakı İnzibati Məhkəməsinin qərarını ləğv edib.

ƏƏSMN qərardan Ali Məhkəməyə kassasiya şikayəti versə də, təmin olunmayıb. Məhkəmə qərarı qanuni qüvvəyə mindikdən sonra 25 aprel 2022-ci il tarixdə icra edilməsi üçün cavabdeh Əmək və Əhalinin Sosial Müdafiəsi Nazirliyinə göndərilib. Lakin Nazirlik Ali Məhkəmənin qərarını bu günədək icra etməyib.

Maraqlıdır ki, nazirlik məhkəmə qərarını icra etmək əvəzinə, Müşfiq Məmmədovun işdən çıxarılması barədə əmri faktiki olaraq saxtalaşdırıb.

"Nazirlik xəbərim olmadan analoqu olmayan qanunsuz bir addım atıb: 19 avqust 2022-ci il taixli əmrlə 17 dekabr 2019-cu il taixli ştat cədvəllərinin təsdiq edilməsi haqqında əmrə dəyişiklik adı altında adımı həmin əmrə salaraq süni xitam əmri yaradıb və əmri qanunsuz olaraq geri tarixlə elektron informasiya sisteminə yerləşdirərək analoqu olmayan növbəti qanun pozuntusuna yol verib. Beləliklə, guya mən 2019-cu ilin iyun ayında deyil, 2019-cu ilin dekabrında təkrar işdən çıxarılmışam. Halbuki mən dekabr ayında işdə olmamışam, çünki qeyd etdiyim kimi, bundan 5 ay əvvəl mən artıq işdən çıxarılmışam. Belə çıxır ki, məhkəmə qərarının icrasından yayınmaq üçün istənilən tarixdə verilmiş istənilən əmrə dəyişiklik edərək süni əmrləşmə aparmaq olar. Özü də bunu əmək qanunvericiliyinə əməl olunmasına dövlət nəzarətini həyata keçirən orqanın rəhbərliyi edirsə, bu çox acınacaqlı bir haldır", deyə Müşfiq Məmmədov bildirib.

Bu mənfi nümunədən istənilən dövlət orqanı və ya sahibkar yararlanaraq istənilən işçinin əmək hüquqlarını poza bilər.

Keçmiş baş əmək müfəttişi 2022-ci ildə verilmiş əmrin ləğvi ilə bağlı yenidən Bakı İnzibati Məhkəməsində iddia qaldırıb. Lakin iddiası təmin edilməyib. Apellyasiya instansiyasına və Ali Məhkəməyə təqdim edilən şikayətlər də nəticə verməyib.

"Halbuki, eyni məsələ ilə bağlı Əmək və Əhalinin Sosial Müdafiəsi Nazirliyinin digər işçisi Zaur Hüseynovun iddiası təmin edilib. Bakı İnzibati Məhkəməsinin eyni məsələyə ikili standartlarla yanaşması təəssüf hissi doğurur", deyə Müşfiq Məmmədov qeyd edib.

Onun sözlərinə görə, ayrıca Bakı İnzibati Məhkəməsi işə bərpa olunmağım və işsiz qaldığım müddət üçün əmək haqqının ödənilməsi ilə bağlı qərardad qəbul edib. ƏƏSMN bu qərardadı da icra etməyərək apellyasiya şikayəti verib. Lakin apellyasiya instansiyası şikayəti təmin etməyib.

Müşfiq Məmmədov deyir ki, bu günə qədər ƏƏSMN məhkəmə qərarının icra etmir və yaxud icrasına süni əngəllər yaradır. O, konkret adlar da çəkib:

"Qərarın icrasına maneə törədənlər dövlət qulluğu və məsələləri şöbəsinin müdiri Bayramova Nərmin Ernest qızı və şöbənin əməkdaşı Əliyev Elşad Nizami oğludur. Qərarın icrası ilə bağlı görüşdə bir söz deyən, reallıqda isə başqa cür davranan bu şəxslər işçilərin başına olmazın oyunlar açır və nəticədə vətəndaşları dövlətimizdən narazı salırlar".

Qeyd edək ki, hazırda əmək və əhalinin sosial müdafiəsi naziri Anar Əliyevdir. O, cari ilin fevralında bu vəzifəyə təyinat alıb.
 

Bölmənin digər xəbərləri

30 Aprel 2025 Rauf Əliyevə cinayət işi açılıb, amma məmurlar yenə bina tikməsinə icazə verir - Deyəsən cəza cinayətkara yox, xalqa kəsilir
30 Aprel 2025 İcra məmurunun oğluna verilən milyonluq tenderlər -TƏFƏRRÜAT
30 Aprel 2025 Binəqədinin icra başçısı deməsin ki, `BUNU DA BİLMİRƏM...` - BU NƏDİ BELƏ?..
30 Aprel 2025 'Medihol' klinikasında başına oyun açdılar - Foto-fakt
30 Aprel 2025 Salyanda bir idarədə adı olub özü olmayanlar "işləyir"
30 Aprel 2025 "Yeni Klinika"da hökm sürən qanunsuzluqlar: 400-ə yaxın əməkdaşından hər birindən məcburi 100 AZN/MÜRACİƏT
30 Aprel 2025 Səbail rayon məhkəməsinin hakimi Azər Tağıyevə ETİRAZ
30 Aprel 2025 Bu rayonun başçısından ağlasığmaz saxtakarlıq: Görün bir ərazini neçə şirkətə satıblar - FOTOFAKTLAR
30 Aprel 2025 “MedAura”nın həkimi Yaqub Asadidən şikayət... - Burnum çürüyür, iltihab axır kömək edin....FOİTO/VİDEO
30 Aprel 2025 HEYDƏR ƏLİYEVİN POSTERİNİ SÖKDÜRDÜ, YERİNDƏ OBYEKT TİKDİRDİ... – İcra hakimiyyəti Vüqar Sədibəylinin qanunsuz tikinti apardığını təsdiqlədi VİDEO
30 Aprel 2025 “İnvest M.Construction” şirkət həkimlərlə münaqişələri bitmir-Video
30 Aprel 2025 Gözdən əlilin pensiyası Ədliyyə Nazirliyinin sərəncamı ilə kəsilib?!
30 Aprel 2025 Qaradağda tenderleri udan “Qara Qaya” şirkəti…..
30 Aprel 2025 TƏBİB-in ƏRKÖYÜNÜ... - Vüqar Qurbanov pişik balasını daşıyan kimi bu xanımı ora-bura daşıyır...
29 Aprel 2025 Saleh Məmmədov restorana sifarişlə yol çəkdərir?-Video
29 Aprel 2025 Nəsimi rayonunda binanın zirzəmisində kim qanunsuz obyekt tikir?-Video
29 Aprel 2025 Hacıqabul sakinlərinin ÇƏKİLMƏZ CƏFALARI - VİDEO
29 Aprel 2025 Abşeron RMX-nın direktoru bacısını baş həkim təyin edib? - BU NƏDİ BELƏ?
29 Aprel 2025 "Bu kollecin tələbələri bəlkə İqtisad Universitetinin, Ada və BDU-nun tələbələridir xəbərləri yoxdur?"
29 Aprel 2025 ″AQROTARIM″ MMC-nin qalib seçildiyi ŞÜBHƏLİ TENDERLƏR - əgər araşdırma aparılarsa...

Dünyapress TV

Xəbər lenti