 |
|
|
Haqqında bəhs edəcəyimiz Bakı Dövlət Sirki ilə bağlı qısa bir tarixi ekskurs edək.
Deməli, 1890-cı illərdə Nikitin qardaşları Bakıda daimi Sirk-heyvanxana açdılar, 1904-cü ildə isə sirk-teatr binasında azərbaycanlı Fərrux müxtəlif heyvanlar təlimçisi kimi şöhrət qazanmışdı. Amma bu professional sirk kollektivi deyildi. Professional Sirk kollektivi Azərbaycanda 1945-ci ildə yaradılmışdir. İlk Sirk proqramlarında X.Abdullayev, M.Şirvani, Yunis və Yusif Ağayevlər, Rza Əlixan, Q.Abdullayev, Sali Suleyman, S.Xanlarova və b. çıxış etmişlər.
Daha sonra 1967-ci ildə “Bakı Dövlət Sirkinin binası istifadəyə verilən zaman öz dövrü üçün çox unikal sayılırdı. Hətta Böyük Moskva Dövlət Sirkinin binası bu layihə əsasında ərsəyə gəlib. O vaxt buz, su manejləri vardı, hansı ki, xüsusi avadanlıqlar vasitəsilə yığılırdı.
Deməli, uzun illər Azərbaycan tamaşaçılarına xidmət edən Bakı Dövlət Sirki ötən əsrin 90-cı illərindən sonra əvvəlki şöhrətini itirdi. Hətta tamaşaçıları toplaya bilmədi. Yəni Bakı Dövlət Sirkinin binası müasir tələblərə cavab vermirdi. Ona görə də, Bakı Dövlət Sirkində uzun illərdən sonra ilkin olaraq zəruri təmir - bərpa işləri görülməyə başlanıldı. Restavrasiya işləri çərçivəsində sirkin oturacaqları əsaslı şəkildə yeniləri ilə əvəz olunub. Bundan başqa, təmir işləri zamanı sirkin zalının döşəmələri də tamamilə yenilənib.
Təsəvvür edirsiniz, tamaşa zamanı istifadə üçün 170 tonluq su hovuzu qurulmalıdır. Bu hələ harasıdır..? Bir veterinar-baytarlıq apteki işlədən dostumuz deyir ki, sirkin rəhbərliyi kağız üzərində bizdən sirkdəki heyvanlar üçün külli miqdarda dərmanlar alırlar….amma hamısı kağız üzərindədir…sadəcə, pullar silinir…
Bəli, sabiq mədəniyyət naziri Əbülfəz Qarayevin dövründə Bakı Dövlət Sirkininin təmirinə ayrılan külli miqdarda dövlət vəsaiti kimlərinsə cibinə getdi. Məlumdur ki, Bakı Dövlət Sirki Mədəniyyət Nazirliyinin balansındadır. Və dövlətin ayırdığı vəsait nazirliklə Sirk rəhbərliyi arasında bölüşdürülüb.
Təsəvvür edirsiniz, dövlət tərəfindən bu qədər vəsait ayrılmasına baxmayaraq Bakı Dövlət Sirkinnin divarlarındakı 5 manatlıq emussiyadan başqa heç bir təmir-bərpa-restavrasiya hiss olunmur… Bu hələ harasıdır..? Bakı Dövlət Sirki üçün yeni binanın tikintisi məsələsi də gündəmdədir. Hətta Bakı Dövlət Sirkinin tamaşaçılara satdığı biletlər də saxtadır. Sirkin rəhbərliyi guya şəhid və qazi ailələrinin uşaqlarına biletlərin pulsuz olduğunu elan edərək özlərini reklam edirlər. Adama deyərlər ki, dövlətin təmir üçün ayırdığı yüz minləri necə mənimsəmisiniz..?
Təsəvvür edirsiniz, Bakı Dövlət Sirkində heyvanların saxlanılması üçün nə qədər dövlət vəsaiti silinir. Hətta atların və digər heyvanların adına silinən pullar var.
Bizim üçün maraqlıdır ki, dövlət qurumları Bakı Dövlət Sirkində baş verən bu qanunsuzluqları görmürlər..?
Növbəti sayımızda oxuyacaqsınız: Bakı Dövlət Sirkinin nəzdində olan torpaq sahələri, maşınlar, texnikalar, işçi sayları, şişirdilmiş elektrik enerjisi, qaz, su sərfiyyatı, bölgələrə ezamiyyələr və digər məsələlər. //gundelik-baku.com//