Deməli, Ağstafa rayon icra hakimiyyətindən altı nəfər Vətən müharibəsinə çağırılıb. Lakin çağırış vərəqəsi gələnlərdən cəmi biri döyüşlərdə sona qədər olub. O da Ariz Qədiməliyevdir. Ağstafa İH aparatının sözügedən işçisi 44 günlük savaşda axıra qədər cəbhədə olsa da, digərləri geri çağırılıb. Guya həmin şəxslərə İH-də ehtiyac olduğuna görə işə qayıdıblar. Görəsən Ağstafa İH-də müharibədən daha vacib nə iş olub ki, onları geri çağırıblar?
Sadəcə, sual meydana çıxır – Agstafanın 1 saylı orta məktəbinin direktoru olmuş şəhid Elvin İmaməliyevə məktəbdə ehtiyac olsa da, nədənsə səfərbərlikdən saxlanılmadı, amma İH-nin işçiləri geri çağırıldı?

Bundan əlavə, Ağstafa rayon İcra Hakimiyyətinin başçısı Seymur Orucovun tapşırığı ilə hüquq şöbəsinin müdiri Qayıb Hadıyevin səfərbərlikdən yayındığı iddiaları səslənməkdədir. Bu faktın özü də araşdırılmalıdır.

Mənbə Fb:Arifə Əliyeva //dunyanınsesi.az//

Teref.az yazır ki, bunu vətəndaş Murad Ismayilov öz feysbuk səhifəsində paylaşıb....
Azərbaycanda Dövlət xəstəxanalari tipbi siğortaya keçdiki nəticəsi belə ola? Tipbi siğorta dərman vastələrini mənimsəyir həkimlərdə nə qoparda bilirsə qopardir özbaşinaliq baş alib gedir dövləti xalqi soyur fürsəti olan Buda 100 lərlə qanun pozuntusunan bir fakt...

Azərsu Açıq Səhmdar Cəmiyyətinin yerlərdə olan Su Kanal İdarəsi adlı qurumu yenə etdiyini edib.

Sirr deyil ki, dəfələrlə ölkə paytaxtında və regionlarda kanalizasiya, su xətlərinin çəkilməsi məqsədilə qazılan yolların yenidən bərpa olunmaması ilə bağlı faktlarla üzləşmişik.

Bu dəfə eyni problemlə Gəncə şəhərinin Xudat Rəfibəyli küçəsinin sakinləri üzləşiblər.

Kanalizasiya və su xəttlərinin çəkilməsi məqsədilə dağıdılan asfalt örtük qazılıb, yollar darmadağın edilib. Ərazidə nəzərdə tutulan işlər görülsə də, sonradan bərpa işləri aparılmayıb. Su və kanalizasiya xəttləri yenilənib, ancaq dağıdılmış asfalt örtük əvvəlki vəziyyətinə qaytarılmayıb. Halbuki xəttlər çəkildikdən sonra asfaltın bərpa olunacağı barədə vəd verilmişdi.

Hazırda Rəfibəyli küçəsi keçilməz olaraq qalmaqdadır

Dağıdılmış asfaltın yerində yaranan çala-çökəklər, dərin xəndəklər yağış suları ilə dolaraq gölməçələr yaranmasına səbəb olub. İş o yerə çatıb ki, yağışlı günlərdə ərazidə hərəkət etmək mümkünsüz hala gəlib. Hətta bəzi yerlərdə kiçik gölməçələr yox, böyük göllər müşahidə etmək olar.

Sakinlər deyirlər ki, “Rəfibəyli küçəsindən keçmək istəyənlərə uzunboğaz çəkmə və qayıq lazımdır. Əks halda batıb qalacaqlar. Məsələ budur ki, nə İcra Hakimiyyəti, nə də digər qurumlar məsələnin həllində maraqlı deyil. Olan isə bizə olur, yararsız hala düşən yol günü-gündən bərbad olur”.

Rəsmi qurum "Zamanı deyil", deyir

Yaradılmış problemlə bağlı rəsmi rəy almaq üçün üz tutduq Gəncə şəhər İcra Hakimiyyətinə. Qurumdan bildirdilər ki, Rəfibəyli küçəsi “Açıq Kommunal İnfrastuktur Proqramı 2” layihəsinin icrası tam yekunlaşdıqdan sonra düzələcək. Sözügedən yaşayış massivində nəzərdə tutulan işlər isə hələ yekunlaşmayıb.

Belediyye.net

Bu ilin yayında dərc olunan “Sahibkarı belə müflis etdilər – Milyon yarımlıq QALMAQAL” məqaləsində sahibkar Anar Qəribovla “Azur” ticarət mərkəzinin rəhbərliyi arasında baş verən münaqişədən bəhs etmişdik. Polisə, prokurorluğa, məhkəməyə edilən şikayətlər problemin həllinə kömək etməyib. Hesab olunurdu ki, mediaya müraciət hər iki tərəfə sərf edən həll yolunu tapmağa kömək edəcək. Lakin…

– Məhkəmə prosesi hələ də davam edir, – Anar Qəribov deyir. – Amma bu dəfə sizə hakimlərin işə yanaşması ilə deyil, Xətai rayon probasiya şöbəsinin Bakı Apellyasiya Məhkəməsinin çıxardığı qərara münasibəti ilə bağlı müraciət edirəm.

Sahibkar son hekayəsini davam etdirməzdən öncə oxucuya qısaca olaraq xatırladaq ki, Anar Qəribov dörd il əvvəl ticarət mərkəzində 1285 kvadratmetr sahəni icarəyə götürüb, yarım milyon manata yaxın sərmayə qoyaraq onu təmir etdirib, avadanlıq və geyim əşyalarının alışına isə bundan da artıq pul xərcləyib. Amma onun “Famous Brands” mağazası açılan kimi mərkəzin sahibləri icarə haqqını dəfələrlə artırıblar. Bu da tərəflər arasında bağlanmış on illik müqavilənin şərtlərinə ziddir.

Tərəflər arasındakı münaqişə müxtəlif instansiya məhkəmələrində həll olunduğu bir vaxtda bina sahibləri mühafizəçilərə mağazanın sahibini və işçilərini ticarət mərkəzinə buraxmamağı tapşırıblar, yenicə təmir olunan mağazanı alt-üst ediblər, bütün geyim və avadanlıqları isə toplayaraq rütubətli zirzəmiyə atıblar və nəticədə onlar yararsız vəziyyətə düşüb. Sahibkarın ziyanının böyük hissəsini bank kreditləri təşkil etdiyi nəzərə alınsa, bir milyon yarım manata yaxın məbləğ onu ağır yük altında salıb.

– Məsələ ondadır ki, Bakı Apellyasiya Məhkəməsi 2021-ci ilin martında ticarət mərkəzinin səhmdarlarına yekun qərar qəbul olunana qədər “Famous Brands” mağazasının ərazisində hər hansı təmir işlərinin aparılmasını qadağan edib, – Qəribov hekayəsinə davam edir. – Cəmiyyətdəki mövqeyindən asılı olmayaraq məhkəmənin hökmü hamı üçün məcburidir. Bu, birbaşa vəzifəsi məhkəmə hökmlərinin icrasını təmin etmək olan probasiya xidməti üçün ikiqat məcburidir.


Amma hər şey başqa cür baş verdi. Məlum oldu ki, mərkəzin sahibləri üçün məhkəmə qərarının dəyəri icarədarın şikayəti qədər əhəmiyyətsizdir. Məhkəmə icraçıları isə onların dediyi ilə oturub-dururdular. Sanki dövlət öz vətəndaşlarının hesabına onları məhkəmə qərarlarının deyil, kiminsə ərköyün övladlarının şıltaqlığının icrası üçün saxlayır.

Məhkəmə icraçıları dəfələrlə ticarət mərkəzinə baş çəkiblər, mağazanın ərazisində çəkiliş aparıblar, müvafiq akt tərtib ediblər və hətta mərkəzin səhmdarlarına məhkəmə qərarının pozulmasına görə daşıdıqları məsuliyyət barədə xəbərdarlıq ediblər. Amma xəbərdarlığın əksinə olaraq, səhmdarlar Fuad Rzayev və Babək Babayev nəinki mağazanın bütün pəncərə və qapılarını söküblər, hətta divarları da uçurublar. Bununla bağlı şikayətlər cavabsız qalıb. Məhkəmə icraçıları qaydanı pozanları hətta yaşadıqları ünvanda və iş yerlərində də tapa bilməyiblər. Baxmayaraq ki, Bakıda istənilən orta məktəb şagirdi belə bir problemi asanlıqla həll edə bilər. Babayev şəhərin demək olar ki yarısında göydələnlər tikən məşhur “Yeni Həyat” şirkətinin sahibidir, “Azərenerji” ASC-nin rəhbəri Balababa Rzayevin oğlu Fuad Rzayev haqqında isə danışmağa da dəyməz. Məhkəmə icraçıları onları “axtarışa verməklə” işlərini bitmiş hesab ediblər. Halbuki, heç kim bu dərəcədə tanınmış simaları axtarmağa hazırlaşmırdı. Tezliklə axtarış tamamilə dayandırıldı.

Qəribov səhmdarların qanunun əlifbasına əsasən hələ də ona məxsus olan keçmiş mağazasında konkret olaraq harada və nəyi sındırdıqlarını, köçürdüklərini, dəyişdiklərini dəfələrlə məhkəmə icraçılarına göstərib. O, xatırladıb ki, məhkəmənin qərarına bu cür saymazyana münasibətə görə mərkəzin sahibləri cinayət məsuliyyətinə cəlb edilməlidirlər. Lakin məhkəmə icraçıları gəliblər, gediblər, icarəyə verilən ərazinin yenidən qurulması isə davam edib. Bu gün orada yeni obyekt istifadəyə verilmək üçün hazırdır. Baxmayaraq ki, əvvəlki icarədarla bağlı problem hələ də həll olunmayıb.

Sahibkar qəzəblidir: necə olur ki, məhkəmə icraçıları məhkəmə qərarını icra edə bilmirlər? Düzdür, heç kim ona bundan açıq şəkildə imtina etdiyini demir. Lakin məmurların hərəkətləri, daha doğrusu, hərəkətsizliyi təkcə sahibkarın hüquqlarının deyil, həm də məhkəmə qərarının kobud şəkildə pozulmasına gətirib çıxarır.

– Bu yerdə istər-istəməz düşünürsən: belə məhkəmə icraçıları olan Xətai rayonunda təkcə mənim işimdə deyil, ümumiyyətlə, digər qanun pozucularına qarşı da ədalətli qərar olacaqmı? – sahibkar ritorik olaraq soruşur.

Bəli, məhkəmənin qərarı icra olunmalıdır və bunun üçün icraçılara bütün lazımi səlahiyyətlər verilib. Məhkəmə hökmünün sistematik şəkildə pozulması halları aşkar edildikdə, icraçılar təqsirkarlara qarşı cinayət işinin başlanması üçün işi Ədliyyə Nazirliyinin istintaq idarəsinə verməlidirlər. Məlum səbəblərdən Qəribovun istintaqa o qədər də inamı yoxdur. Amma qayda belədir. Yeri gəlmişkən, sahibkar iddia edir ki, artıq üçüncü ildir Xətai rayonunda aparılan istintaq eyni şəxslərlə bağlı olan xeyli qanun pozuntuları ilə bağlı materialların toplanmasına yekun vura bilmir. Ancaq bu, başqa mövzudur.

Qəribov il ərzində Xətai rayon probasiya idarəsinə, Probasiya Baş İdarəsinə, Ədliyyə Nazirliyinə, Ədliyyə Nazirliyi yanında Apellyasiya Şurasına dəfələrlə yazılı müraciət etdiyini təsdiq edən sənədləri yenidən göstərir. Dövlət qurumları qəti şəkildə susur. Düzünü desək, biz də təəccübləndik. Doğrudanmı heç olmasa formal cavab da yoxdur? Məsələn, “aldıq”, “araşdırırıq” və ya buna bənzər hansısa digər cavab… Belə bir şey mümkündürmü?

– Əgər sizin işinizdə təqsirləndirilən şəxslərdən biri yüksək vəzifəli məmurun yaxın qohumudursa, məsələn, “Azərenerji”nin rəhbəri Rzayevin oğludursa, bəli, mümkündür, – acı təcrübə səbəbindən müdrikləşən iş adamı cavab verir. – Təəssüflər olsun ki, belə hallarda aidiyyəti dövlət qurumlarının nümayəndələri çox vaxt şikayətçilərə deməyə söz tapmırlar…

Bu mövzuda ilk məqalə dərc olunandan sonra ticarət mərkəzinin sahiblərinə Anar Qəribovun dediklərinə münasibət bildirmək xahişi ilə müraciət etdik. Bu dəfə isə hüquqşünas-iqtisadçı, tanınmış vəkil Əkrəm Həsənovdan onun sözlərinə münasibət bildirməyi xahiş etdik. O, sahibkarın təqdim etdiyi materiallarla tanış olduqdan sonra dedi:

– Sahibkarın nəql etdiyi hadisə təkcə onun dərdinə şərik olmaq hissi deyil, həm də böyük təəssüf doğurur. Bu, bir daha nümayiş etdirilir ki, Azərbaycanın məhkəmə-hüquq sistemində ciddi problemlər var. Dövlət başçısı bütün tribunalardan məmurları, xüsusən də məhkəmə və hüquq-mühafizə orqanlarını biznesə mane olmamağa, əksinə, kömək etməyə çağırır. Amma özbaşnalıqlar hələ də davam edir. Bəzi hallarda bu özünü müdaxilələrdə, digər hallarda isə müdaxilə etməməkdə göstərir. Meyar isə çox vaxt qanun deyil, şəxsi maraqlar olur: bəzi hallarda pul, bəzi hallarda qohumluq əlaqələri. Nəticədə, Azərbaycan hələ də cəlbedici investisiya mühiti yaratmaqdan uzaqdır. Biznesə ancaq kağız üzərində dəstək verilir, sahibkarlar da bunu yaxşı bilir. Mülkiyyət hüquqlarının, müqavilələrin müdafiəsi, məhkəmə qərarlarının icrası və son nəticədə sağlam rəqabət yoxdur. Bütün bunlar isə bazar iqtisadiyyatının əsasını təşkil edir. Nəticədə biz təşəbbüskar insanları itirə bilərik. Onlarsız iqtisadi inkişaf mümkün deyil.

Eldar Əliyev
pressklub

Teref.az olaraq redaksiyamıza daxil olmuş şikayət məktubunun nöqtə, vergülünə toxunmadan təqdim edirik:
Bu müraciətimlə redaksiyanıza yazıb sizə bildirmək istəyirəm ki, mən 13.07.2022-ci il tarixində, mənə məxsus 66-BF-667 dövlət qeydiyyat nişanlı, Vaz 2107 markalı avtomaşınımı texniki baxışdan kecirmək istəyən zaman, Yevlax RQİ və TBŞ-ndə, həmin qurumda leytinant olaraq fəaliyyət göstərən İbadov Xəyal tərəfindən, sərt şəkildə hücuma məruz qalmışam. İbadov Xəyal həmin qurumda, qeyri qanuni fəaliyyət göstərən Bərdəli Natiq olaraq tanıdığımız şəxslə birlikdə mənə qarşı təxribat törətmiş və mənə yumruq zərbəsi vuraraq xəsarət yetirmişdir. Bildirmək istəyirəm ki, Yevlax RQİ və TBŞ-ndə İbadov Xəyal ilə birlikdə işləyən Natiq adlı şəxs siravi formada, bütün otaqlara daxil olur, dövlətə məxsus avadanliqları idarə edir, vətəndaşların avtomaşınlarına baxış kecirir və qeyri qanuni tələb olunan 110-120manat vəsaiti toplayır. Həmin hadisədə Natiq adlı qanunsuz işçi mənim sadəcə rüsumu ödəyərək, əlavə rüşvət vermədən texniki baxışdan keçmək istədiyimi bildikdə sənədlərimi alıb İbadov Xəyalın otağına daxil oldu. Mən qapını iki barmağımla döydükdə qapını açıb məni içəri çağırdı. Mən otağa daxil olduqda İbadov Xəyal ayağa qalxıb, qapını bərk döydüyümü deyərək mənə hücum elədi. Və mənə kameralar qarşısında yumruq zərbəsi vurdu. Bu hadisədən sonra mən, dəfələrlə,əlaqəli qurumlara onlarla müraciətlər etmişəm. Hər dəfə mənə qeyri rəsmi olaraq bildirilib ki, İbadov Xəyal Ziyanur oğlunun “yuxarılarda” adamı var, ona görədə mən,şikayətlərimi dayandırmaliyam. Yaxın günlərdə mənə məlum oldu ki, İbadov Xəyalın himayədarı, əmisi İbadov Şahindir və Şahin müəllim AAYDA-ndə məmurdur.
Mən bu ölkənin vətəndaşı olaraq bir cöx qurumlara müraciətlər edib bildirmişəm ki, halal zəhmətlə, alın təri ilə qazandığım vəsaiti belə şəxslərə vermədiyim üçün mənə qarşı bu haqsızlıq olub. Əgər 7 Saylı Yevlax RQİ və TBŞ-I Azərbaycan Resbublikasının qanunları ilə fəaliyyət göstərirsə, bizim qanunlarımız texniki baxış rüsumunu 30 manat 40 qəpik təyin edib. Yox əgər bizdən 110-120manat tələb olunursa o zaman bu şəxslər hansı dövlətin qanunları ilə fəaliyyət göstərirlər. Mən bütün əlaqəli dövlət qurumlarının bu məsələyə diqqət yetirməyini istəyirəm.
Səmədov Mirsahib Mirəli oğlu
Yevlax Rayonu Qoyunbinəsi Kəndi
Teref.az olaraq məktubda qaldırılan iddialarla bağlı adları çəkilən şəxslərində mövqeyini dərc etməyə hazırıq!
Teref.az

Azərbaycan Televiziya və Radio Verilişləri QSC-nin sədri Rövşən Məmmədovun maliyyə maxinasiyalarından biri haqqında sensasion məlumatlar əldə edilib. Həmin məlumatlarda iddia edilir ki, Rövşən Məmmədov yaxın adamlarına həddindən artıq yüksək qonorar və maaş yazmaqla “otkat” əməliyyatını həyata keçirir. AzTV-dəki mənbənin verdiyi şərhdə vurğulanır ki, təqdim edilən materiallar faktların cüzi hissəsidir.
Yeri gəlmişkən, qeyd edək ki, redaksiyamıza təqdim edilən siyahıda adları çəkilən elə şəxslər var ki, Rövşən Məmmədovdan yüksək qonorar alır. Bu isə ciddi şübhələr yaradır. Yəqin ki, Baş Prokurorluğun Korrupsiyaya qarşı mübarizə idarəsinin, Dövlət Təhlükəsizlik Xidmətinin, Maliyyə Nazirliyinin və ya Hesablama Palatasının araşdırmalı olduğu məsələlərdir.
Beləliklə, gəlim ilk növbədə AzTV sədri Məmmədov Rövşən Rafiq oğlunun aldığı maaşa diqqət edək: 9820 manat. İndi isə keçək əsas siyahıya.
“Müəllif Proqramları və xüsusi layihələr” Baş Redaksiyası
Əsədzadə Həmidağa Azadxan oğlu – baş redaktor – 9872 manat.
Qeyd: Həmidağa Əsədzadə eyni zamanda sədrin əsas köməkçisidir. 2021-ci ildə televiziyada yoxlama aparan Hesablama Palatasına verdiyi izahatda bildirmişdi ki, aldığı yüksək məbləğdə maaşın hamısı ona çatmır. Belə ki, kartdan çıxardığı pulların müəyyən hissəsini Həmidağa Əsədzadə Rövşən Məmmədova geri qaytarır. Yeri gəlmişkən, onu da bildirək ki, sədr köməkçisi son model Mersedes markalı avtomobilə sahibdir və az müddətdə köməkçinin bu şəkildə varlanması ciddi şübhələr yaradır.
Haşiyə: Həmin redaksiyada rejissor assitenti işləyən Zeynalov Zaur Telman oğlu 3500 manat qonorar alır. Redaksiyanın rejissoru Yusifova Təhminə Nadir qızının aldığı qonorarın məbləği isə 4245 manatdır. Siyahıda göstərilən rəqəmlər daha dəhşətlidir.

Abbasov Aqil Şamxal oğlu (rejissor) – 6688 manat
Məmmədova Səyyarə Səyyaf qızı (aparıcı) – 3490 manat
“Musiqi və əyləncəli proqramlar” Baş Redaksiyası
1. Qədirov Elnur Nüsrəddin oğlu (rejissor) – 11.751 manat
2. Tağıyev Əli Namiq oğlu (rejissor) – 4245 manat
3. Süleymanlı Nizami Sabir oğlu – 4900 manat
“Səhər” İnformasiya Proqramları Baş Redaksiyası
1. Babayev Turan Cəlaləddin oğlu ( Baş redaktor) – 5280 manat
2. Ağayev Şaiq Eynulla oğlu (müxbir) – 3350 manat
3. Cabbarlı Qönçəgül Kamal qızı (redaktor) – 3250 manat
Sosial media və ictimaiyyətlə əlaqələr şöbəsi
1. Rəfiyeva Nigar Ağaəli qızı (rəis) – 3330 manat
2. Rəhimova Günel Asim qızı (veb-redaktor – admin) – 3000 manat
3. Rəhimov Etibar Hüseyn oğlu (admin) – 5100 manat
4. Feyzullayev İbrahim Əli oğlu (admin) – 2000 manat
5. Qəmbərov Cəsarət Eldəniz oğlu (aparıcı) – 4708 manat
Aztv-nin Bədii rəhbəri
1. Məmmədov Rəfail Zöhrab oğlu – 5200 manat.
AzTV-nin “Extrim” Qrupu
1. Məmmədov Kamandar Məhəmməd oğlu (aparıcı) – 5100 manat
2. Nuruşzadə Arzum Rəhman oğlu (montajçı) – 3740 manat
3. Nəcəfov Fərid Rauf oğlu (inzibatçı) – 3340 manat
AzTV-nin “İmic” Qrupu
1. Əhmədov Elvin Əhmədağa oğlu (rəhbər) – 8850 manat
2. Abiyev Rövşən Ədalət oğlu (dizayner) 5638 manat
3. Məmmədov Novruz Məhəmməd oğlu (rejissor assitenti) – 3465 manat
4. Süleymanov Elmir Süleyman oğlu (rejissor) – 5100 manat
5. Vəliyeva Fidan Fərrux qızı (redaktor) – 5080 manat
İnformasiya Proqramları Baş Redaksiyası
1. Vüsal Qaraca (direktor) – 4700 manat
2. Acalov Vasif (müxbir) – 3740 manat
3. Babayeva Fidan Hüseyn qızı (müxbir) – 4000 manat
4. Məmmədli Niftulla Qüdrət oğlu (müxbir) – 4000 manat
5. Mustafayeva Samirə Müseyib qızı (aparıcı) – 4250 manat
“Maarifçilik” Baş Redaksiyası
1. Tağıyev Tərlan Tahir oğlu (rejissor) – 4000 manat
2. Əlləzov Sənan Mustafa oğlu (diktor) – 3800 manat
Dizayn və anons şöbəsi
1. Qədirov Bəhruz Cabbar oğlu (rejissor) – 5640 manat
2. Məmmədov Elmir Edilman oğlu (rejissor) – 5400 manat
3. Mahmudov Zaur Ələkbər oğlu (redaktor) – 3740 manat
4. Babayev Elmir İlqar oğlu (rejissor) – 5360 manat
5. Əliyev Zahir Vilayət oğlu (rejissor) – 4245 manat
6. Bayramov Sərvər Ümüd oğlu – 3062 manat
“İctimai-siyasi proqramlar” Baş Redaksiyası
1. Abbasov Tofiq Möhsün oğlu – 5560 manat
2. Həsənov Malik Əliheydər oğlu – 4380 manat
Xüsusi qeyd: AzTV-nin adi video-operatoru Kazımov Hüseyn Mirzağa oğlu 3740 manat alır.
Siyahı ilə tanış olan oxucuların bəlkə də ilk təəssüratı belə ola bilər ki, Azərbaycan Televiziyası ən yüksək maaş verən orqanlardan biridir. Bu, əsla belə deyil. Çünki peşəkar əməkdaşların işdən qovulduğu, bezdirilib uzaqlaşdırıldığı bir televiziyada olduqca cüzi qonorar alan şəxslər də kifayət qədərdir. Sadəcə onların bəxti gətirməyib ki, Rövşən Məmmədova yaxın deyillər. Bir də axı yaxın olmayan şəxslərə yüksək qonorar yazdırıb “otkat əməliyyatı” ilə qeyri-mümkündür. Təqdim etdiyimiz siyahıda elə adamlar ola bilər ki, bütün maaşı özü alsın. Amma kim sübut edə bilər ki, Elnur Qədirov kimi əməkdaşlar sədrdən belə yüksək qonorar alır.
Görünən odur ki, Azərbaycan Televiziyasında ilin maliyyə fırıldağı həyata keçirilir.
Daha dəhşətli fakt odur ki, 2022-ci ildə AzTV mənfəət vergisini 2023-cü ilə saxlayıb gecikdirib. Həmin təxminən 200 min manatlıq vergi borcunu yaxın adamlarına ilsonu mükafat şəklində yazıb otkat olaraq geri qaytarıb.
Ümumiyyətlə, növbəti araşdırmamızda təqdim edəcəyimiz faktlar daha tükürpədici məqamlardan xəbər verəcək.

Adekvat.az

Mikayılov Zaur Rauf oğlu - Boğaziçi Universitetinin "Biznesin idarə olunması" fakültəsini bitirib.
"Bravo" supermarketlər şəbəkəsinin icraçı direktoru olub. 2018-ci ilin noyabr ayından bu vəzifəyə təyin olunan gənc mütəxəssis 2021-ci ilin yanvar ayında vəzifəsini tərk edib.

Halbuki, başqaları ölkə xaricində aldığı diplomu Azərbaycanda tanıtdırana qədər aylarla sürünüb, dəridən-qabıqdan çıxır, axırda da ya reseption işləyir, ya ekspeditel, ən yaxşı halda hansısa marketdə, yaxud restoranda administrator. Bunun üçün isə heç diploma gərək yoxdur.
Odur ki, ölkədən kənarda təhsil aldığı 4 ili də, orta təhsil aldığı 11 ili də (hələ hazırlıq kursları, repetitor yanına getməsini demirik) - bir sözlə ömrünün ən az 15 ili heçə getmiş olur.

Amma, şansa baxın ki, Türkiyədə təhsil almış, karyerasına marketdən başlamış Zaur Mikayılov mühüm bir dövlət qurumunun rəhbəri vəzifəsinə qədər yüksələ bilib.

Doğrudur, Boğaziçi Universiteti güya diplomu Azərbaycanda tanınan ali məktəblər sırasında yer alsa da, tanıdana qədər də ömrümüzün bir neçə ayını (bəzən də ilini) və pulumuzu xərcləməli oluruq.

Əlqərəz...

Əslində, doğrudur, əvvəllər də su təsərrüfatı sahəsində çoxsaylı şikayətlər var idi. Zatən çoxsaylı şikayətlərin və digər qanun pozuntularının, korrupsiya hallarının olduğuna görə rəhbər dəyişdi.

Sözümüzü ora gətirmək istəyirik ki, ölkə xaricində auditoriya görmüş, böyük marketlərdə rəhbərlik təcrübəsi keçmiş Zaur Mikayılov Melorasiya və Su Təsərrüfatı ASC-nə sədr təyin edildikdən sonra nəinki əvvəlki neqativ hallar aradan qaldırılmadı, əksinə, daha da artdı.

Çoxsaylı vətəndaş şikayətləri cavabsız qaldı, su üstündə bacı-qardaş, nəsil-nəcabət arasında düşmənçilik halları hər gün daha da artdı.

Amma, elə bil, bu qədər şikayətlərin, tənqidlərin Zaur Mikayılova aidiyyatı yoxdur. El demişkən, "tükü də tərpənmir".

Dəfələrlə "DogruXeber.az" informasiya portalında Şamaxı rayon Çıraqçı kəndi, Şəmkir rayon "Düz qışlaq" kəndi, "Yeni yol" qəsəbəsi və digər bölgələrdəki su problemləri barəsində məlumatlar dərc edilib.

Hətta, son məlumatımızda Şəmkir rayon "Düz qışlaq " kəndində sakinlərin çoxsaylı şikayətlərindən və məlumatlar "DogruXeber.az"da yayımlandıqdan sonra nəhayət artezyan quyusunun təmizlənib, təmir edilib, istifadəyə verilməsi işinə başlanıldı.
Ancaq, ilk növbədə işə kənd sakinlərindən pul yığmaqdan başladılar. Daha vətəndaş özü təmir edəcəkdisə, bu qədər şikayətlərə nə ehtiyac var idi?!

Təbii ki, kənd sakinləri buna etiraz etdilər və iş eləcə də qaldı.

Yeri gəlmişkən, Samux rayonunun Qarayeri qəsəbə sakini Əjdər Məmmədov da bir neçə gündür içməli su artezyan quyusunun işləmədiyi barəsində hər gün təkrar redaksiyamıza müraciət edir.
Bildirir ki, "Bir neçə gündür Melorasiya və Su Təsərrüfatı ASC-nin Samux rayonundakı nümayəndəliyinə dəfələrlə müraciət etmişik, gəlib təmir etmirlər ".

Əjdər Məmmədovun bu gün redaksiyamıza verdiyi məlumata görə isə məsələ üzrə məsul şəxslər artezyan quyusunun təmiri üçün indi də qəsəbə sakinlərindən minimum 10 manatdan, 40 manata qədər pul yığırlar.
Eynilə, Şəmkir rayon "Düz qışlaq" kəndində olduğu kimi.

Yeri gəlmişkən, Şəmkir Suvarma Sistemləri İdarəsinin işçisi olduğunu deyən Şəmkir rayon "Yeni yol" qəsəbəsinin sakini Polad Vəliyev "Kanal14" youtube kanalımızda yayımlanan "Kamalın zamanı" proqramında canlı yayımda olarkən, dövlət büdcəsindən pul ayrılmasına baxmayaraq, hər artezyan quyusunun vurulması üçün sakinlərdən 3-5 min manat arası pul yığıb vermələrinin tələb olunduğunu bildirmişdi.

Özü də Melorasiya və Su Təsərrüfatı ASC-nin fəaliyyəti bununla da bitmir. Artıq, uzun müddətdir ki, işinin əsasını az qala Tender məsələləri ilə uğraşmaq təşkil edir.

Daha maraqlı məqam budur ki, sözügedən qurumun keçirdiyi tender müsabiqələrinin ikisinin (Zərdab Suvarma Sistemləri İdarəsi və Ağcabədi Suvarma Sistemləri İdarəsi) qalibi bir şirkət - «Xəzər İnşaat KO» MMC olub.

O «Xəzər İnşaat KO» MMC ki, apardığımız kiçik araşdırmalar nəticəsində heç bir hüquqi ünvanı və hüquqi bazası olmadığını aşkar etdik. Bununla bağlı aidiyyatı üzrə bir neçə qurumlara müraciət etdiyimizdə isə, şirkətin adını eşidən kimi, sualımız qarşısında həmişəlik susdular.

Yeri gəlmişkən, "DogruXeber.az" redaksiyasına daxil olmuş digər məlumata əsasən, Zərdab rayon Suvarma Sistemləri İdarəsindəki korrupsiya və yeyinti halları ilə bağlı Melorasiya və Su Təsərrüfatı ASC-yə rəsmi müraciətimiz də hələ ki, cavabsız qalır.

Deyir, "dəyirman öz işində, çak-çak baş ağrıdır...

Redaksiyamız hər kəsin söz haqqını tanıyır. //"DogruXeber.az"//