Xarici işlər naziri Ceyhun Bayramov Təhsil Nazirliyinin Aparat rəhbəri, daha sonra nazir müavini təyin olunanda o, həm də özəl hüquqi şirkəti olan "OMNİ" QSC-də direktor vəzifəsində çalışırdı.

Qanunvericiliyə görə, dövlət məmuru vəzifəsinin icrasına başlayanda biznesi ilə xudahafizləşməlidir. Amma C. Bayramov yalnız 2013-cü ilin sentyabrında özəl şirkətdə tutduğu vəzifəsini tərk edib. Amma səhmlərini 2017-ci ilin mayın 10-dək qoruyub saxlayıb. Daha sonra isə səhmlərini həyat yoldaşı Aygün Bayramovaya bağışlayıb.

"OMNİ" şirkətinin yolları Söyüdlü kəndində qızıl çıxaran “R.V. İnvestment Group Services” şirkəti ilə də kəsişib. İqtisadiyyat Nazirliyi 2019-cu ildə “R.V. İnvestment Group Services” şirkətinə məxsus payların alqı-satqı üsulunun həyata keçirilməsi ilə bağlı “OMNİ” şirkətindən məsləhət xidmətinin alınması üçün müqavilə bağlayıb.

Hüquq şirkətinə bundan ötrü 265.000 manat ödənilib. Müqaviləyə görə OMNİ şirkəti qızıl yatağının alqı-satqısı ilə bağlı hüquqi məsləhət verməli olsa da, Azərbaycan dövləti ABŞ şirkətinin istismarına verdiyi bu yataqları ondan geri almayıb. Əksinə, 2022-ci ildə hökumət daha üç yatağı –“Qaradağ”, “Xarxar” və “Dəmirli” əlvan metal yataqlarını onun müqavilə sahəsinə daxil edib.

/abzas.org/

Azərbaycanda çıxarışı olan torpaq başqasına satılıb.

“Xezerxeber.az” xəbər verir ki, belə bir iddia ilə Lənkəran rayon Parakənd kənd sakini İlham Nuriyev çıxış edib.

Onun sözlərinə görə, ailəsinə 1998-ci ildə verilən 93 sot kənd təsərrüfatı təyinatlı pay torpağının 40 sotu əmisi oğlu tərəfindən zəbt olunub. Pay torpağa 2019-cu ildə Daşınmaz Əmlakın Dövlət Reyestri Xidmətinin 10 saylı Ərazi İdarəsi tərəfindən reyestır çıxarışı da verilib.

İ. Nuriyev iddia edir ki, reyestr çıxarışı verilən gündən torpağın yarısını onun əmisi oğlu Bayram Nuriyev qanunsuz çəpərə alaraq orada sitrus ağacları əkib.

Vətəndaş təkcə əmisi oğlundan şikayətçi deyil, o, kəndin bələdiyyə sədri Ələmşah Məmmədovdan da şikayətçidir. Onun torpağının bələdiyyə tərəfindən satıldığını iddia edir.
Torpağın hansı əsaslarla zəbt olunduğunu öyrənmək üçün qarşı tərəflə Bayram Nuriyevlə görüşdük. Bayram Nuriyev səslənən iddiaları qəbul etmədiyini, 40 sot torpağın 1995-ci ildən ona məxsus olduğunu bildirdi.

Hirkan Bələdiyyəsinin sədri Ələmşah Məmmədov isə bildirdi ki, İ. Nuriyevin torpağının bir hissəsinin bələdiyyə tərəfindən satılması əsassızdır və ona məxsus olan 93 sot torpaq yerindədir.

Mübahisəli torpaq məsələsinə baxılması üçün iş hazırda Şirvan İnzibati Məhkəməsindədir. Məhkəmənin qərarı növbəti ayda məlum olacaq və onda torpağın kimə məxsus olduğu bilinəcək.

Mövzu ilə bağlı daha ətraflı videomaterialı təqdim edirik:

Hələ ötən əsrdə Nizami rayon Bəkir Çobanzadə 220 ünvanında salınan yaşıllıq həm insanların asudə vaxtlarının səmərəli təşkilinə ,həm də havanın çirklənməsinin qarşısının alinmasına xidmət edirdi.

Lakin illər keçdikcə, Nizami rayon icra başçısının görməzdən gəlməsi nəticəsində böyük bir ərazini əhatə edən park fərdi şəxslər tərəfindən hasarlanıb, ağaclarin böyük hissəsi məhv edilib. Qalan ağaclar isə süni müdaxilə ilə qurudulur. Bunu ağacların gövdəsində olan neft və his izlərindən açıq -aydin görmək olar. Yaşıllığın böyük hissəsinin məhvi nəticəsində mənimsənilmiş ərazinin tikinti kralı Şərurlu İsfəndiya məxsus olduğu iddia olunur. Çəkiliş zamanı ərazidə olan tanimadığımız şəxslər peşə fəaliyyətimizə mane olmağa çalışsalar da buna Nail ola bilmədilər. Ərazidə yaşayan sakinlərin istifadə etdikləri yolun zəbt olunması bir başqa dərddir. Buna səbəb isə Azəriqaz -ın ərazidən keçən xətləridir. Daha da faciəli mənzərə isə həmin xətlərinin üzərində ərazidə olan yaşayış evlərinin hasarlarının altından keçirilməsidir. Həmin xətlər vasitəsi ilə ərazidə olan möhtəsəm restoran və şadlıq evləri qazla təmin olunur. Qaz xətlərinin yaşayış evlərinin bu qədər yaxınlığından keçməsi ,fərdi yaşayış evlərinə və iaşə obyektlərinə xustar usulla qaz xətlərinin çəkilməsi burada dəhşətli faciənin gözlə qaş arasında olmasından xəbər verir.
Qarşı tərəfin mövqeyini dərc etməyə hazırıq.AzTimes.az

Ötən yazımızda Elvin Abbasovun saxta diplomla Beyləqan təhsilində at oynatmağından bəhs etmişdik və bu yazımız Elm və Təhsil naziri Emin Əmrullayevə bir müraciət kimi də qəbul edilə bilər. Çünki bu sahədə pis nə baş verirsə, buna görə daha çox qınanılan, tənqid edilən də məhz cənab Əmrullayevdir. Bu gün Azərbaycan təhsil sistemində bütün baş verən proseslərin məsuliyyətini Emin Əmrullayev bir nazir olaraq öz üzərinə götürüb. Ona görə də o verdiyi qərarlarda, imzaladığı sənədlərdə, hətta əmr verərkən belə diqqətli olmalı, adi bir səhvə belə yol verməməlidir.

Məlum məsələdir ki, təhsil hər bir dövləti, xalqı aydınlığa, inkişafa aparan tərəqqi yoludur. Buna görə də təhsil strategiyasına uyğun şəkildə mütərəqqi islahatlara imza atılmalı, təhsilin keyfiyyətinə təsir edən mühüm amillər üzərində qərarlar qəbul edilməlidir. Bunun üçün də ilk növbədə kadrların təyinatı məsələsində diqqətli olmaq vacibdir. Əlbəttə ki, təhsilə yad və kənar şəxsləri gətirib strateji-ideoloji sahəyə, yumşaq ifadə ilə desək, yerləşdirəndə söz yox ki, təhsili öz əlimizlə mənəvi terrora sürükləyirik. Buna görə də həm Elm və Təhsil Nazirliyi, həm də dövlətin ayrı-ayrı qurumları kadr təyinatı məsələlərində mütləq diqqətli olmalıdır. Ölkənin tərəqqisi də, tənəzzülü də məhz həmin kadrlardan asılıdır.

Xatırlayırsınızsa, ötən yazımızda Elvin Abbasovun özbaşınalığı haqqında yazmışdıq.

Mənbə: Realmedia.az
“Beyləqan təhsil sektoruna müdir təyin olunan Elvin Abbasov necə və hansı tələblərlə sektora müdir təyin edilib? Və yaxud Mil-Muğan Regional Təhsil İdarəsinin müdiri Rəşad Musayev diplomun legitimliyinə şübhə doğuran və bu əsasla da bir neçə il əvvəl öz ərizəsi ilə işlədiyi məktəbdən işdən azad olunan Elvin Abbasovun sənədlərini Təhsil Nazirliyindən necə keçirdib?

Bəri başdan deyək ki, Beyləqan rayon təhsil sisteminin bəxti əzəldən gətirməyib. Ta əzəldən, təhsil şöbəsinə təyin olunan müdirlər rayon təhsilini mənəvi terrora sürükləyib, bu sahəyə yalnız və yalnız gəlir mənbəyi kimi baxmaqla varlanmaq niyətini güdüblər. Yəni, Beyləqan təhsili tarixən çörəkli yer olub. Amma onu deyək ki, Elvin Abbasov əvvəlki təhsil müdirlərindən çox fərqlənir. Biz inanmırıq ki, o bu sahəyə qazanmaq, varlanmaq, qaz vurub-qazan doldurmaq üçün gəlib. Amma onun əvvəlki sələflərindən bir fərqi var. Nədir o fərq? Məsələn, əvvəlki təhsil müdirlərinin diplomu ilə bağlı ictimaiyyətdə hər hansı bir dolaşıq söz-söhbətlərə rast gəlməmişəm. Ancaq bu gün, Beyləqanda onu tanıyanlar Elvin Abbasovun diplomunun dövlət sənədi olmamasını danışırlar. Hətta Elvin bəyi yaxından tanıyanlar onun necə və nə vaxt, harda oxuduğuna da “mat-məəttəl”qalıblar.
Onu tanıyanlar bildirir ki, Elvin Abbasov taksi sürücüsü kimi fəaliyyət göstərib. Sonradan isə sələmçiliklə, yəni faizə pul verməklə məşğul olurdu. Məhz o, bu yolla, haram (sələmçiliklə) pul qazanmaqla varlandı. Yəni, hazırda Elm və Təhsil Naziri Emin Əmrullayevin müvafiq əmri ilə Beyləqan rayon təhsil sektorunun müdiri vəzifəsinə təyin olunan Abbasov Elvin Sevdimalı oğlu rayonda müəllim kimi yox, “sələmçı Elvin” kimi tanınıb. Belə bir şəxsin birdən-birə bir rayonun təhsil sektoruna müdir təyin edilməsi olduqca qəribə görünür. İnsanlar haqlı olaraq sual edirlər ki, sələmçi hara, təhsil müdiri hara. Əslində bu insanların haqlı mövqeyidir. Əslində biz Elvin Abbasovun faizə (sələmə) pul verməsini, sələmçiliklə pul qazanmasını qəbul edirik. Olsun! Zatən ölkənin ən iri məmurları bunu edirlər. Görün, ölkədə nə qədər mərc oyunlarından pullar qazanılır. “Azərlotereya” ASC bütün bölgələrdə qumarxanalarla açıq-aşkar ciblərə girirlər “Poz, qazan” küçələrə daşınıb və ölkədə açıq qumar gedir. Hər gün avtobus dayanacaqlarında, lotoreya satış nöqtələrində xüsusilə kasıb təbəqədən olan vətəndaşların böyük həvəslə “Qızıl 2”, “Şans ulduzu” və “Brilliant” ani lotereyaları almasının şahidi oluruq. Bu səbəbdən də Elvin Abbasovu qınamırıq. Və hesab etmirik də ki, onun sələmçi kimi ad çıxarması“ karyera yüksəlişi” yolunda onun üçün ciddi əngələ çevrilə bilər.

Bizim üçün maraqlı olan Elvin Abbasovun diplomunun saxta olması ilə bağlı dolaşan söz söhbətlərdir. Əldə etdiyimiz məlumata görə, Elvin Abbasov Azərbaycan Müəllimlər İnistutunun Zaqatala filialının tarix-corafiya ixtisası fakultəsindən oxumaya-oxumaya diplom əldə edib. Başqa bir mənbənin bilgisinə görə isə, Müəllimlər İnistutunun Zaqatala filialında ümumiyyətlə belə bir ixtisasın olmadığı vurğulanır. Bəs yaxşı, onda belədirsə, Elvin Abbasov bu diplomu necə əldə edib? Məsələnin digər tərəfi ondan ibarətdir ki, Elvin Abbasovun diplomunun saxta olduğunu Elm və Təhsil Nazirliyi də bilir. Yəni, bu qədərmi bəsitdir hər şey, cənab nazir?
Daxil olan başqa bir məlumatda vurğulanır ki, Elvin Abbasov hələ Regional Təhsil İdarələri yaranmamışdan əvvəl direktor işləmək üçün TN-ə müraciət edib. Lakin nazirlik onun diplomu ilə bağlı mübahisələrə görə müsabiqədə iştirak etməsini təmin etməyib. Ancaq Regional Təhsil İdarələri yaranandan sonra Elvin Abbasov Mil-Muğan Regional Təhsil İdarəsinin müdiri Rəşad Musayevin köməyi ilə əvvəlcə Beyləqan şəhər 8 saylı məktəbə direktor, az müddətdən sonra isə Beyləqan təhsil sektoruna müdir təyin edilib. Yəni, bu qədər bəsit bir şey!
Bu xüsusda əldə etdiyimiz məlumatlarda o da qeyd edilir ki, hələ bir neçə il əvvəl Elvin Abbasovun diplomunun saxta olması ilə bağlı məsələ mətbuatın gündəmində olub. Bundan sonra, o, öz ərizəsi ilə işlədiyi Beyləqan şəhər 3 saylı tam orta məktəbdən işdən çıxıb. Və bir müddət repetitorluq edib. Bu gün isə yenidən Beyləqan rayon təhsil sektoruna qayıdıb. Özü də yüksək vəzifəyə - Beyləqanın baş müəllimi vəzifəsinə.

Məlumdur ki, universitetə qəbul imtahanı imtahanı vermək və ali təhsil müəssisəsini bitirdikdən sonra diplom almaq üçün Dövlət İmtahan Mərkəzində qeydiyyatda olmalısan. Elvin Abbasovun adının Dövlət İmtahan Mərkəzində qeydiyyatda olmaması da sübutdur ki, Elvin Abbasov qanunsuz üsullarla saxta diplom alıb.
Bundan əlavə şəkillərdən göründüyü kimi, bir çox insanlar yaltaqlıq edərək Elvin Abbasovu tərif yağışına tutublar. həyatını məddahlıq üzərində quran, yaltaqlığı həyat tərzinə çevirən yaltaq insanlar Elvin Abbasovu elə müdafiə edirlər ki, sanki ovsunlanıblar. Bu yaltaqlığı edənlərin haqq-ədalət, vicdan, insanlıq yadlarına düşmür.
Azərbaycanda demokratik imic daşıyan şəxslərin əksəriyyəti bu yaltaqlıq virusunun daşıyıcısıdır.









Elə xalqı aldatmağın özü də bir yaltaqlıqdır. Saxta diplomla təhsil sahəsinin inkişafı üçün çalışdığını söyləyən sektor müdirinin olması da böyük qanunsuzluqdur.
İndi hamı kimi bizə də maraqlıdır: sələmçi və saxta diplomlu Elvin Abbasov hansı gözə görünməz qüvvənin “sehrli çubuğ”u ilə təhsil müdiri təyin edilib? Doğrudanmı, Elvin Abbasovu Mil-Muğan Regional Təhsil İdarəsinin müdiri Rəşad Musayev himayə edir?

Güman edirik ki, ölkənin aidiyyəti qurumları, DTX, Baş prokurorluq, Elm və Təhsil Nazirliyi bu məsələyə biganə qalmayacaq, Elvin Abbasovun Azərbaycan Müəllimlər İnistutunun Zaqatala filialına qəbul olub - olmamasını, olubsa, neçə balla qəbul olmasını, eləcə də Müəllimlər İnstitutunun Zaqatala filialında tarix-coğrafiya fənni üzrə ixtisasın olub - olmamasını aydınlaşdıracaqlar.
Mənbə: Realmedia.az
https://tehsilmedia.az/sikayetler/3490-saxta-diplomla-gediln-ks-yol-beylqanin-cokmkd-olan-thsili.html?fbclid=IwAR1QjwFTynTr9ynPAMwe30k5sCHVxErD0eGrT_U_JSit1_wkbrASrRXupiw

Xaçmaz rayon sakini Cəbiyeva Validə Eldar qızının redaksiyamıza növbəti müraciəti daxil olub.

Əvvəlki iki müraciətində o Azərbaycan Respublikası Qida Təhlükəsizliyi Agentliyinin Quba-Xaçmaz Regional Bölməsində işləyən oğlunun sektor müdiri tərəfindən təhqir olunub, döyülməsindən və bu hadisənin rəhbərlik tərəfindən təqdir olunmasından bəhs edirdi. Biz bu müraciətlər əsasında "Qoşqar Təhməzlinin ərköyün kadrları...-Onlar həm suçlu, həm də güclüdür" və "Qoşqar Təhməzli kadrlarına nəzarət edə bilmir - AQTA-nın Quba-Xaçmaz Regional Bölməsində Rəzalət -DE-FAKTO" sərlövhəli yazılar dərc etmişdik.

***

Bu müraciətində də Validə xanım ona və oğluna qarşı AQTA səlahiyyətliləri tərəfindən haqsızlığın, qanunsuzluğun davam etdiyini yazır. "Yenixeber.org" olaraq bu dəfə də yazıda adları hallanan tərəfləri dinləmək istiqamətindəki cəhdlərimiz nəticəsiz oldu...
Aktuallığını nəzərə alıb, müraciəti müəyyən düzlişlərlə dərc edirik:
"Mən “Yenixebe.orgr” saytının redaktoru cənab İlqar Salmanova iki dəfə müraciət edərək AQTA-nın Quba – Xaçmaz Regional Bölməsində oğlumun iş otağında sektor müdiri tərəfindən döyülməsi hadisəsini açıqlamışdım. AQTA-nın rəhbərliyinə dəfələrlə etdiyim yazılı ərizələr nəticəsiz qaldığı üçün son ümid kimi dərdimi internet vasitəsi ilə bildirmək istəmişəm. Lakin mənim bu açıq müraciətimə də, AQTA-nın rəhbərliyi səssiz qalıb. İnternet saytlarında AQTA-nın rəhbərinin – Qoşqar Təhməzlinin insanın əl və ayaq barmaqlarının sayı çatmayacaq qədər çox olan şəxsi müəssisələrinin siyahısını gördüm. Bu zamana qədər AQTA-nın rəhbərinin oğlumun iş yerində döyülməsinə münasibət bildirməməsi, tədbir gösməməsi mənim ürəyimi ağrıdır və təəccübləndirirdi.
İndi təəccüb hissim yoxdur. O qədər şəxsi “obyektləri” olan AQTA-nın rəhbərinin mənim oğlumun döyülməsinə diqqət yetirməyə vaxtı ola bilərmi? Bu qədər çoxlu “obyektlərin” gəlir-çıxarına nəzarət etmək, onların problemlərini nizama salmaqdan AQTA-nın rəhbərinin vaxtı varmı ki, bir də oğlumun döyülməsi ilə məşğul olsun?!
Çox böyük işmiş! Hansısa kiçik bir işçini onun rəhbərlik etdiyi orqanın yerli şöbəsində sektor müdiri döyüb!!! Nə olacaq ki? Buna onun vaxtı varmı ki, diqqət yetirsin?! Heç bu da işdi? Hansısa kiçik işçini əvəzolunmaz hesab etdiyi sektor müdiri cavab qaytardığı üçün döyüb. Buna görə də həmin kiçik işçinin ahıl anası onu – AQTA-nın rəhbərini narahat edib, günahkarın – buna yol vermiş AQTA-nın Quba – Xaçmaz Regional Bölməsinin rəisinin və oğlumu döyən işçinin cəzalandırılmasını tələb edir!!! AQTA özününkü hesab etdiyi işçilərini o qədər əvəzolunmaz hesab edir ki, hətta Quba-Xaçmaz Regional Bölməsindəki bəzi işçilərə əlavə güzəştlər tətbir edir. Belə ki, oradakı bəzi işçilər – (Əgər AQTA-da bununla maraqlanmaq istəsələr adlarını verə bilərəm) AQTA-nın müxtəlif strukturlarında eyni vaxtda 2 ayrı vəzifə tutub, hər vəzifəyə görə də aylıq əmək haqqı alırlar. Maraqlıdır, işçi vəzifəsindən aslı olmayaraq təyin olunduğu vəzifədə 8 saatlıq iş günü normasında çalışdığına görə əmək haqqı alır. (Bu mövcud əmək qanunvericiliyinə əsaslanmış normadır) Lakin bu işçilər eyni vaxtda necə olur ki, ayrı-ayrı iş yerlərində çalışıb, əmək haqqı alırlar?! Bu necə sehirbazlıqdır belə? Bəlkə həmin işçilər özlərini klonlaşdırıblar, eyni vaxtda ayrı strukturlarda müxtəlif vəzifələrdə çalışa bilirlər? Nə qədər ixtisaslı kadrın iş ilə təmin olunmaq üçün müraciətləri illərlə məhz bu tərəf tutan rəhbərlər tərəfindən təmin olunmur. AQTA-da isə bəzi “imtiyazlı” işçilər 2 işlə təmin oluna bilirlər. AQTA-nın rəhbərliyinə bir sual vermək istərdim: Görəsən rəhbərlik yerlərdəki qurumlara rəhbərlik etmək üçün vəzifəli şəxsləri təyin edərkən onlardan hansı tapşırıq və öhdəlikləri tələb edir? Sözsüz ki, kollektivə vicdanla rəhbərlik etmələrini, işçilər arasında əmək nizam-intizamının olmasını, vəzifəcə aşağı işçilərin hüquqlarının müdafiəsini, müvafiq sahə üzrə dövlətimizin, hörmətli Prezidentimizin Qanun, Fərman və normativ aktlara riayət olunmasını təmin etmələrini tələb etməlidir.
Bəs Sizin – AQTA-nın rəhbərinin Quba – Xaçmaz Regional Bölməsinin rəisi nə edir? Bütün bunların tam əksinə - üstün işçiyə kiçik işçini döydürür. Oğlumu döyən sektor müdirini bütün bu işlə əlaqəli orqanlarda müdafiə edən sənədlər göndərir, həmin sektor müdirini müdafiə edir. Necə olur ki, Oğlumun 28.12.2022-ci il tarixdə AQTA-nın QUBA – Xaçmaz Regional Bölməsinin inzibati binasında, iş otğında döyüldüyü günə aid inzibati binanın daxilində və həyətində quraşdırılmış təhlükəsizlik kamerasının videogörüntüləri yoxa çıxır?
Həmin videogörüntülər olduğu halda niyə görə sektor müdirinin tabeliyində işləyən işçilərin ifadəsi əsas götürüldü?
Mənim sektor müdirini döydüyüm yalanını uyduran sektor müdirinin ifadələri niyə videokameralarla yoxlanılmadı? 62 yaşlı, II qrup əlil qadın cavan oğlanı döyə bilərmi? Məntiq haradadır?
Əgər mən və oğlum bölmənin iş otağında bu qədər ictimai qayda-qanunu pozmuşuqsa, niyə həmin gün, sonrakı günlərdə bölmənin rəisi Zaur Fərzəliyev hüquq-mühafizə orqanlarına xəbər vermədi?!
Niyə həmin gün bu hadisənin baş verməsi haqda akt və ya həmkarlar təşkilatının iclas protokolu tərtib olunub, məhz həmin gün AQTA-nın internet saytına göndərilmədi?!
Hər bir halda rəis Zaur Fəzrəliyev baş verən hadisədə məsuliyyət daşımırmı?
AQTA hətta mənim göndərdiyim ərizədən sonra belə bu şəxslərin – Zaur Fərzəliyevin və sektor müdirinin AQTA-nın strukturlarında hal-hazırda da işləməsinə şərait yaradır. Bildirirəm ki, bu şəxslər adi işçilər deyil, məsul vəzifəli şəxslərdir. Kollektivin nizam-intizamına birbaşa cavabdeh olan bu şəxslər haqqında heç bir cəza
tədbiri görülmədi!!! Hətta hadisəni AQTA-ya xəbər verdikdə bizi – oğlumu və məni Agentliyə çağırıb bu hadisənin araşdırılmasına məsul olan Elgiz adlı işçi tərəfindən hədə-qorxuya məruz qaldıq. Həmin işçi bizi dövlət işçisinə böhtan atmaqla şantaj etdi. Dəflərlə sübut olaraq “Müşahidə kamerası görüntülərinə baxın” tələbimizə əhəmiyyət verilmədi.
Bütün bu hadisələrdən sonra gəldiyim nəticə budur:
- Oğlumun qəsdən, bilərəkdən sektor müdiri tərəfindən aylarla təhqir olunmasına göz yumulub. Kollektiv də bu sektor müdirindən nədənsə qorxub, çəkinirlər. Rəis Zaur Fərzəliyev həmişə bu şəxsə havadarlıq edib. Bunun sübutu da Z.Fərzəliyevin işçini döyən bu sektor müdiri haqda çox-çox müsbət xarakterizə edən
sənəd verməsidir!
Maraqlıdır tabeliyində olan 10-15 işçisinə rəhbərlik edə bilməyən, kollektivdə nizam-intizam qurmağı bacarmayan, hətta bəzi işçilərə torpil yaradan AQTA-nın Quba – Xaçmaz Regional Bölməsinin rəisi Zaur Fərzəliyev böyük bir rayon əhalisinin qida təhlükəsizliyinə necə nəzarət edə bilər?
Hörmətli Qoşqar müəllim, bəlkə bundan sonra vaxt tapıb oğlumun Sizin rəhbərlik etdiyiniz AQTA-nın Quba-Xaçmaz Regional Bölməsində iş otağında döyülməsində günahkar olan, məsuliyyət daşıyan rəhbər işçiləriniz haqqında tədbir görəsiniz". //yenixeber.org//

"Türkan Sahil"- "Qızıl qum" istirahət mərkəzi sadə insanların üz tutduğu çimərliyi zəbt edib. Çimərliyə pulsuz daxil olmaq mümkün deyil. Çünki, dənizin çimmək üçün əlverişli olan ərazisi hasarlanaraq “Türkan Sahil- Qızıl qum” istirahət mərkəzi tərəfindən zəbt edilib və çimərliyə açılan darvazalar vətəndaşların üzünə bağlanıb. Girişdə isə şlaqbaum qoyulub.

İddialara görə çimərliyə daxil olmaq üçün obyektin sahibi Hacı Mirzə Zeynalovun tapşırığı ilə vətəndaşlardan 15 manat pul tələb edilir. Bu isə ciddi narazılığa səbəb olub.

TEREF.AZ bildirir ki, bu iddia ilə Bizim.Media-ya Yeni Baxış İctimai Nəzarətin mətbuat katibi Vüqar Əmirov çıxış edib.

Onun sözlərinə görə, ərazidə əməlli başlı “pulunu ödə və keç” prinsipi işləyir. Sadə adamların milli sərvətimizi və öz doğma dənizini pulsuz görmək imkanı yoxdur:

“Xalqın sərvətini zəbt etməyə və hasarlamağa kim ixtiyar verib? İstirahət Mərkəzinin girişində şlaqbaum qoyulub və vətəndaşlar içəri pul müqabilində buraxılır. Mirzə müəllim təxminən 75 yaşlarındadır və Türkan qəsəbəsinin ağsaqqalıdır. Vaxtilə Elmar Mirzəyev adına 6 saylı İnternat məktəbinin (sağlamlıq imkanları məhdud uşaqlar üçün) direktoru olub. Rəhbəri olduğu “Türkan Sahil-Qızıl qum” istirahət mərkəzi o vaxtdan fəaliyyətdədir.

Dəfələrlə çimərliyə gedən yolun şlaqbaumla bağlanması və ərazinin hasarlanması ilə bağlı məsələ aktuallaşsa da, ölçü götürülməyib. Bu özbaşınalığa son qoyulmalıdır”, - deyə Vüqar Əmirov duruma etiraz edib.

Məsələ ilə bağlı sözügedən istirahət mərkəzinin sahibi Mirzə Zeynalovla əlaqə saxladıq. Mirzə Zeynalov Bizim.Media-ya açıqlamasında obyektin 3 qapısının hamısının açıq olduğunu və vətəndaşlara dənizə getmək üçün heç bir maneə yaratmadıqlarını bildirib:

“Bu obyekt Xəzər Rayon İcra Hakimiyyətinin sərəncamı ilə 15 ildir fəaliyyət göstərir. Vətəndaşların dənizə girişi sərbəstdir. Hələ nəzarətolunmaz giriş də var. Gəlin, özüm sizə ərazini göstərim. Üstəlik 6 metrə yol da var. Şlaqbaum isə ona görə qoyulub ki, əraziyə gündə 20-30 heyvan girir. İnəkləri, qoyunları və itləri buraxırlar.

Girişdə adam oturub. Xidmət göstərilirsə, pul alır, xidmət yoxdursa, pulsuz dənizə gedib çimib çıxırlar.

Mən 14 il buranı abadlaşdırmışam. Heç bir ağıllı adam buranı belə bir səviyyədə düzəltməz. Görünür, o vaxt səhvə yol vermişəm. Vətəndaşlar 5, 10, hətta 15 manat da verə bilər. Gedib təmiz qumda oturub, istirahət edirlər. İstirahət edən şəxsə bir otağın ləvazimatı və çətir verilir. Amma pul yalnız xidmət haqqına görə alınır. Dənizə isə hər yandan qapılar açıqdır və vətəndaşlar istədikləri vaxt çimərliyə rahat gedib gələ-bilirlər”, - deyə Mirzə Zeynalov əlavə edib.

Əgər bir yerdə, narazılıq yarandı mütləq o yerdə bu narazılığı doğuran səbəblər araşdırılmalı, ciddi tədbir görülməlidir.
Son vaxtlar, bu ticarət mərkəzindən bir - birindən maraqlı xəbərlər, aidiyyatı qurum rəhbərlərinə müraciətlər, deyəsən bu narazılığı aradan qaldırmaq əvəzinə, alovlanan ocağın üstünə benzin tökülən kimi daha da alovlandırılmasıdı.
Dərdlərin bizimlə bölüşüb, narazılıqlarını doğuran səbəbləri çılpaqlığına qədər aidiyyatı qurumlara çatdırılmasın istəyən insanları çağırıb bir dinləyən olacaqmı...?
Narazı tərəfin nümayəndəsi danışdıqca beynimizdə o qədər cavabsız suallar yaranır.
Narazı tərəfin nümayəndəsi iddia edir ki, bu məsələlər "Pandemiya" dövründə, mərkəz alış-verişə dayandırılandan sonra başladı. Din-nin, cəmiyyətə də açıq olan, hər kəsin bildiyi, işə götürülmədə qoyduğu kriteriyalara uyğun gəlməyən mühafizə polisinin manqa komandiri serjant Mais Piriyevin daha geniş fəaliyyət səlahiyyəti alması ilə başladı. Yaş həddinə görə polis sıralarından təxris olunaraq, yenidən unvermağın mülki mühafizəsi tapşırılan, hələ polis sıralarında olarkən qazandığı ləqəbi üstündə olan bu adamın, mərkəz rəhbərlərinin tapşırıqlarının üstünə şəxsi maraqlarında gəlib fironluq etməsi, hər bir səhmdarı və icarədarı buradakı vəziyyətdən narazı salır. Nəsimi Rayon Mühafizə İdarə rəhbərliyinin də bu işə göz yumması, olanlara reaksiya verməməsi Mais Piriyevin əl-qolunu daha geniş açıb. Özünə bənzər, əməlləri ilə ayama qazanmış adamları ətrafına toplaması və unvermaq rəhbərliyinin heç bir əndəzanəyə sığmayan əməlləri daha geniş vüsat alır. Mövlud, Mübariz, Şaiq kimi tərəfdaşları ilə etdikləri fironluğun dairəsi günbəgün genişlənir. Artıq bunların əməlləri dözülməz həddə çatıb. Qeyri-qanuni seçilmiş mərkəz rəhbərliyinin qeyri - qanunu tapşırıqların ica edən bu ləqəblilər deyəsən bu ticarət mərkəzinin qəsdinə, dağıdılmasına durublar.
Axı, insanlar ailələrin saxlamaq üçün buranı daimi iş yeri edib, ailəsinə bir tikə çörək pulu apara bilir. Bunu, burada çalışan insanlara çox görüb, bu imkanları da onların əlindən pis əməlləri, qanuna-zidd davranışları , ürək bulandıran bu ləqəb sahibləri əməllərindən əl çəkəcəklərmi...?
Mövzunu diqqətdə saxlayacağıq.
Qarşı tərəfində mövqeyin dərc etməyə hazırıq. //azerinfo.media//