 |
|
|
24 saylı Suraxanı Tibb Mərkəzinin kargüzar vəzifəsində çalışan əməkdaşı, 45 yaşlı Nurlana Cavadzadə bir neçə gün öncə intihara cəhd edib.
Demokrat.az xəbər verir ki, Nurlana Cavadzadənin intihara cəhd etməsinə səbəb Suraxanı Tibb Mərkəzinin direktoru Ələkbər Tağıyevin qərəzli töhmət qərarı verməsi olub.
Qanunsuz töhmət alan Nurlana Cavadzadə özünü Suraxanı Tibb Mərkəzinin direktor müavini Südabə Yaqubovanın 4-cü mərtəbədə yerləşən otağının pəncərəsindən atmaq istəyib. Südabə Yaqubova son anda onu intihardan xilas edib.
Nurlana Cavadzadə deyib ki, hadisə təxminən bir həftə əvvəl yaşanıb:
“Məni işdə təkləyiblər. Elə vəziyyətə çatdırıblar ki, direktor müavininin otağının pəncərəsindən özümü atmaq istədim. Məni 3 aydır işimdən uzaqlaşdırıblar, otağıma girməyə qoymurlar, kompüterimi əlimdən alıblar. Yerimə sığorta işçisini gətirib qoyublar. O, bütünlüklə mənim kompüterimə nəzarət edir, əvəzimə məktubları cavablayır. Mənə deyirlər ki, guya hansısa informasiyaları harasa ötürürəm. Əsassız səbəblərdən mənə töhmət veriblər. TƏBİB-ə şikayət məktubu göndərmişəm, yeddi günə rəsmi cavab verilməliydi, hələ də müraciətim cavabsız qalıb. Məni psixoloqa yönəltdilər. O da hansısa psixotrop dərmanlar yazdı. İstəyirdilər ki, həmin dərmanları içim, psixotrop maddənin təsiri altında intihara cəhd etdiyimi desinlər. Müdiriyyət dörd gün əvvəl məni çağırdı otağına. Kadrlar şöbəsinin müdiri Tahirə xanım, İnzibati işlər üzrə direktor müavini Xanlar Əlimuradov, Texniki təminat-təchizat idarəsinin müdiri Habil Rəhimov, Həmkarlar İttifaqının sədri Lalə xanım orada mənə qarşı yığışmışdılar. Hərəsi əlində bir aktla məni günahklar çıxarırdı”.
N.Cavadzadənin sözlərinə görə, onu rəsmi qurumlara yazdığı məktubları geri götürməyə vadar edirlər:
“Müdiriyyət mənə deyir ki, TƏBİB-ə yazdığım şikayət məktubundan imtina et, de ki, psixotrop maddənin təsiri altında intihara cəhd etmisən. Əgər haqlıdırlarsa, niyə məni şikayətimi geri götürməyə məcbur edirlər?!
İşimdə hər zaman məsuliyyətli olmuşam. Bu işdə keçmiş müdiriyyət Aybəniz Sanıyevanın birbaşa əli var. Kadrlar şöbəsinə dedim ki, əmrimi verin. Əmrin üzərinə yeni direktorun adını yazıblar. Kadrlar şöbəsinin müdiri məndən soruşur ki, əmrə kimin adını yazım? Dedim ki, indiki müdirin adını yaz. O isə imzalamaqdan imtina etdi ki, bu, mənim dövrümdə olmayıb. Əgər ştat cədvəlində mənim kargüzar vəzifəsində çalışdığım qeyd olunubsa, niyə mənim masamın arxasında başqa şöbənin əməkdaşı oturmalıdır?! Kollektivlə münasibətim yaxşı olub həmişə. Yeni müdir gələndə mənə dedi ki, haqqınızda eşitmişəm. Demək, sadaladığım şəxslər ona haqqımda yanlış məlumatlar veriblər”.
Məsələ ilə bağlı TƏBİB hələlik açıqlama verməyib.
Demokrat.az
Bir neçə gün bundan öncə 7 saylı xüsusi rejimli cəzaçəkmə müəssisəsinin ərazisinin bir hissəsi zəbt olunaraq yerində qeyri-yaşayış obyekti tikilməsi haqqında "Azərbaycan Reallığı" olaraq oxucularımıza məlumat vermişdik, sözü gedən ərazini həbsxana rəhbərliyi tərəfindən satıldığı iddia olnurdu. Həmçinin həbsxana ərazisində mühafizə edən əsgərin mühafizə zolağının cəmi bir neçə metrliyindədir. Bir sözlə, həbsxana üçün ciddi fəsadlar və problemlər törədilməsi mümkün olması barədə informasiya dərc olunmuşdur.
Aparsığmız araşdırma zamanı məlum oldu ki, həbsxana ətrafında və dövlət balansında olan boş qalmış yerlerdə həbsxana rəisi özü üçün şərait yaradır. Saytmıza göndərilən videoda tikilən obyektin inşaat-matereallarını həbsxanaya ayrılan əsgərlər harasa daşıyır, hətta bildirilir ki, aparılan tikinti işlərinin bəzi işlərində həmin əsgərlərə gördürürlər.
Digər iddiada bildirilir ki, Turmə rəisi türmənin ərazisini, postunun altın özü üçün ev tikdirir, hələ bu azmış kimi cəzaçəkmə müəssəsinin ərazisində mal-qara saxlatdırır, yay fəsili olduğu üçün ətrafa pis qoxular yaylır, bu da ətrafdan yaşayan sakinləri açıq-aşkar narahat edir. Məlumatlı məndə saytmıza bildirir ki, bu haqqda dəfələrlə şikayət olunsada həbsxana rəhbərliyi heçnəyə məhəl qoymayaraq həbsxananı öz şəxsi obyekti kimi istfadə edir.
Qeyd edək ki, sosial şəbəkələrdə və yerli KİV-də 7 saylı cəzaçekmə muəsəsi ən çox tənqid olunan müəsələrdəndir onun rəisi haqqında media vastəsilə ilə adiyyeti qurumlara dəfələrlə şikayətlər olnub.
"Azərbaycan Reallığı"
Dövlət Gömrük Komitəsində malın gömrük dəyərini müəyyən etmək neçə illərdir ki, problemlidir və əsas narazılıq doğuran məsələdir. İdxal ilə məşğul olan sahibkarlar bəzən Çindən gətirdikləri malın az qala yarısı qədər gömrük ödənişi tələbi ilə üzləşdiklərini bildirirlər. Onların iddiasına görə, gömrük orqanları idxal edilmiş mallara dəyərindən daha çox gömrük rüsumu müəyyən edirlər.
Bunu Multimedia Mərkəzinin rəhbəri Osman Gündüz bildirib.
Onun sözlərinə görə, indiyədək gömrük dəyərinin hesablanması üçün ağlabatan bir üsul yoxdur.
Mərkəz rəhbəri xatırladıb ki, Gömrük Komitəsi (DGK) əvvəl bununla bağlı nəhəng bir departament yaratsa da, normal mexanizm qurulmayıb:
“DGK indiyədək xeyli faydalı rəqəmsal həllər və elektron xidmətlər formalaşdırıb. "Smart Customs" bir çox problemlərin dərhal həllinə kömək edir. Amma malın gömrük dəyərinin müəyyən edilməsi üçün daha effektiv olan rəqəmsal həll formalaşdırmağa diqqət yetirilməyib”.
O. Gündüz əlavə edib ki, ötən günlər DGK bu quruma olan müraciətlərlə bağlı bir məlumat paylaşıb. Bu statistikadan görünür ki, DGK-ya olan müraciətlərin az qala yarısı fiziki şəxslərin "İMEİ kodlar” və "Karqo” ilə, yəni vətəndaşların şəxsi məqsəd üçün gətirdiyi mallarla bağlıdır.
Mərkəz rəhbərinin ehtimalına görə, burada nəsə doğru deyil:
"Hazırda bu sektorda aparılan islahatlar, gömrük xidmətində struktur dəyişiklikləri, bu sektordakı strateji hədəflər daha çevik və effektiv mexanizmlərin yaradılmasını şərtləndirir. Beynəlxalq təcrübəyə nəzər saldıqda görmək mümkündür ki, bu tip məsələlər tam rəqəmsallaşıb. İndi hökumət gömrük dəyəri ilə bağlı yeni Qaydalar hazırlayır”.
O. Gündüz ümid edir ki, DGK-nın yeni rəhbərliyi uzun illərdən bəri mövcud olan bu problemin - malın gömrük dəyərinin qısa zamanda müəyyən edilməsi üçün ağlabatan bir mexanizm, rəqəmsal bir resurs formalaşdıra biləcək.
Onun fikrincə, gömrük xidmətində resurslar cari xarakterli işlərə deyil, gömrük proseslərinin rəqəmsal transformasiyasına yönəldilməlidir.//reyting.az//
“Azərlotereya”nın satışdan gəlirləri ötən ilə nisbətən 487% artaraq 258,2 milyon manat təşkil edib…
Bəs lotereyadan qazanan insanların gəliri nə qədər artıb..?
Adına lotereya fəaliyyəti, idman mərc oyunları deyilən sahə bütün zamanlarda olub. Hətta yaşlı nəslin yaxşı yadında olar, o zamankı lotereyalar, istiqrazlar və s. Amma bütün hallarda bu sahə ciddi nəzarət altında olmalıdır. Çünki əsas məsələ satışdan gələn qazancın neçə faizinin uduşa buraxılmasıdır və digər məsələlərə də ciddi, şəffaf komissiya nəzarət etməlidir. Görəsən, Azərbaycanda lotereya fəaliyyəti sahəsində belə şəffaf, ciddi komissiya varmı..?
Məlumat üçün qeyd edək ki, ölkənin qanuni lotereya təşkilatçısı və idman mərc oyunları operatoru olan Azərlotereya Açıq Səhmdar Cəmiyyəti — Azərbaycan Respublikasında lotereya fəaliyyətini təkmilləşdirmək, vətəndaşların hüquqlarının və qanunu mənafelərinin qorunmasını ardıcıl təmin etmək, lotereyanın keçirilməsindən dövlət büdcəsinə daxilolmaların artırılması və lotereya fəaliyyəti sahəsində dövlət nəzarətinin daha da gücləndirilməsi məqsədi ilə 23 noyabr 2001-ci ildə yaradılıb. Və Azərlotereya ASC-yə nəzarəti Azərbaycan Respublikasının Prezidenti yanında Qiymətli Kağızlar üzrə Dövlət Komitəsi həyata keçirir.
Detallara varmadan onu da qeyd edək ki, sonrakı dönəmdə, daha dəqiq desək... 2021-ci ildə "Azərlotereya" ASC Türkiyənin "Demirören Şans Oyunları Yatırımları A. Ş." şirkətinin törəmə cəmiyyəti olan "YMT Sans B. V." şirkətinə idarəetməyə verilmişdir. Və əvvəl “Azərlotereya”nın İdarə Heyətinin sədri Zafer Reisoğlu olub, hal-hazırda isə Osman Karakuşdur. Və neçə illərdir ki, “Azərlotoreya" ASC tərəfindən "5/36", "6/40", "4+4" tirajlı lotoreyaları və "Qızıl", "Şans ulduzu", "Brilliant" ani lotereyaları təşkil olunur. Amma, bir media olaraq bizi narahat edən məsələ odur ki, bu gün bütün metro çıxışlarında, avtobus dayanacaqlarında, şəhərin ən gur yerlərində POZ-QAZAN şüarı ilə hərə qabağına bir dəmir yeşik qoyub ( Rəfael Allahverdiyevin Bakı Şəhər Meriyasının rəhbərliyi dövründə olduğu kimi ) lotereya satır, orada apardığımız müşahidə zamanı görmüşük ki, udanların sayı çox azdır, nadir hallarda 5-10 manat olur. Və 1 manat verib lotereya satanların sifətinə, üst-başına fikir verəndə görmək olur ki, bura gələnlərin çoxu kasıb, imkansız, məzlum şəxslərdir, bəlkə də sonuncu 1 manatını verib nəsə qazanmaq istəyir...
Biz lotereyanın, idman mərc oyunlarının əleyhinə deyilik, amma milləti kütləvi şəkildə belə ziyanlı məsələyə yoluxdurmaq sonda yaxşı heç nə vəd etmir.
Təsəvvür edirsiniz, bu lotereya satanların əlindən şəhərdə yerimək olmur. Türk qardaşlarımıza demək lazımdır ki, bunun bir mədəni formasını tapmaq lazımdır... Digər tərəfdən, hər dəfə oyundan sonra guya kiminsə 500000 manat udduğu qeyd olunur. Amma sosial şəbəkələrdə bütün bunların yalan olduğu bildirilir, hətta “Azərlotereya”nı dələduz müəssisə adlandırırlar.
Başqa bir paytaxt sakini “Azərlotereya”dan 25 min manat udduğunu, lakin sözügedən məbləğin dələduzluq yolu ilə satıcı tərəfindən ələ keçirildiyini yazır, hətta polisə şikayət etsə də nəticə olmayıb. “Azərlotereya” ilə bağlı belə mənfi, neqativ fikirlər kifayət qədərdir.
İndi isə keçək “Azərlotereya”nın özünün açıqladığı rəsmi məlumata, daha dəqiq desək, maliyyə hesabatına: 2022-ci ildə “Azərlotereya”nın satışdan gəlirləri ötən ilə nisbətən 487 % artaraq 258,2 milyon manat təşkil edib.
Təsəvvür edirsiniz, 487 FAİZ... Ortaya sual çıxır ki, bəs lotereya alan o məzlum insanların uduşları nə qədər artıb..? Bax, əsas məsələ budur....
Ardı var... //gundelik-baku.com//
Lerik rayonu, Şingədulan kənd sakini Əbdülov Tofiq Gülağa oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, rayon rəhbərliyi qanunu pozaraq, kasıbları yox, əlavə gəlir yerləri olan şəxsləri işlə təmin edir:
"Mən, Əbdülov Tofiq Gülağa oğlu, yazaraq sizdən xahiş edirəm ki, problemimi işıqlandırasınız.
Deməli, rayon rəhbəri və yerli rəhbərlər də qanunu pozaraq adamı “günahkar” edirlər.
İcra idarəsində xadimə işinə işçini rüşvətlə götürürlər. Dövlət müəssəsini özəlləşdirib, “rüşvət idarəsi” kimi işlədirlər.
İcra başçısının dəfələrlə qəbulunda olmuşam. Dəfələrlə teleqram vurmuşam. Amma heç bir nəticə əldə edə bilməmişəm.
Rayon İcra Hakimiyətinin başçısı Əkbər Abbasovun qəbulunda olarkən söz verdi ki, ədalətli qərar verəcək. Dedi, xadimə işi kimə düşsə, ona da verəcəm. Ancaq kurator Əlipənah Bayramovun dediklərini əsas tutaraq, rüşvət əsasında qanunu pozaraq, işi başqasına, sosial yardım alan şəxsə verdilər. Daha çox ehtiyacı olana, başqa gəliri olmayana vermədilər.
İcra başçısı cavan oğlandır, gələcəyi qabaqda olan şəxs olsa da çox yalancı, sözünün üstündə durmayan bir adamdır. Belə rəhbərlərdən nə gözləmək olar?! Bu məktubumu yazmaqda məqsədim odur ki, bəlkə bu yazı işıqlandırılandan sonra icra başçısı insafa gələr, ədalətli qərarlar verər".
Jalə FAMİLQIZI
hgurriyet.az
Redaksiyadan: Yazıda adları gedən şəxslərin mövqeyini dərc etməyə hazırıq.
DİA.AZ: - Neftçilərin Hüquqlarının Müdafiəsi Təşkilatının sədri, tanınmış hüquq müdafiəçisi Mirvari Qəhrəmanlı olduqca ilginc bir faktın üstünü açıb. DİA.AZ bildirir ki, burada söhbət qosqoca dövlətin müvafiq qazlaşdırma siyasətinin, planlamasının yerdəki məmurlar tərəfindən AÇIQ ŞƏKİLDƏ ələ salınmasından gedir.
Açıqladığı faktla bağlı aidiyyatı üzrə xitab edən Mirvari Qəhrəmanlı bildirir: "Yazılanlar doğrudursa, bu halda qaz iyi, korrupsiya iyinə qarışmış olur!"
DİA.AZ olaraq NHMT sədrinin ona edilən müraciət əsasında açıqladığı biabırçı faktı təqdim edirik: "Ağsu Regional Qaz İstismar İdarəsinin Göyçay Xidmət Sahəsi üzrə rəis müavini işləyən Ruslan Buniyatov qaz xəttlərinin yerinin dəyişdirilməsi üçün müəyyən "razılaşma" ilə heç bir sənədləşmə aparmadan xəttlərin yerini dəyişir. Əsas işi sahibkarladı. Belə ki, Göyçay - Bərgüşad yolunun üstündə,Göyçay rayonu Cəyirli kəndi ərazisində yerləşən Emil Plazanın sahibi Nuriyev Aydınla "razılaşma" yolu sənədləşmə işi aparmadan,güya rayon ərazisində mövcud olan sızmaların aradan qaldırılması məqsədi ilə qaz verilişini dayandıraraq daşıyıcı d159 mm-lik qaz xəttini d76 mm-lik boru ilə yol kənarına çıxarmışdır. D159 mm-lik qaz xətti rayonun Cəyirli kəndini təbii qazla təmin edir. Bunu bilən kənd camaatı payız-qış mövsümündə qaz verilişində ciddi problemlər yaranacağını nəzərə alıb Dövlət Başçısına müraciət ediblər.
Qeyd:
- Ruslan Buniyatov 2011-2013 illər ərzində Qobustan Qaz İstismar İdarəsinin rəisi işləyib, Qobulənd İstirahət Mərkəzinə sənədsi qaz çəkilişi üçün ( ........ aldığı üçün) görə işdən qovulub
-Dediyinə görə Ruslan Əliyevin komandasından deyil, adamı SOCAR da böyük vəzifədədir, ona Azəriqaz İB rəhbərlərinin gücü çatan deyil".
İddia olunanlarla bağlı dia.az olaraq qarşı tərəfi də dinləməyə hazırıq...
Bu ilin fevral ayında töhmət alan Bakı şəhərində fəaliyyət göstərən 49 nömrəli "İntellekt” məktəb-liseyinin direktoru Təhminə Əsədova ilə bağlı sosial şəbəkələrdə daha bir şikayət yayılıb.
DİA.AZ-ın Qaynarinfo-ya istinadən məlumatına görə, iddia edilib ki, məktəbin direktoru Təhminə Əsədova orada xanədanlıq quraraq, qohumlarını təhsil ocağına işə düzəldir, eyni zamanda, pul qarşılığında şagird yerini satır. Nəticədə orada təhsil almaq istəyən şagirdlər kənarda qalırlar.
Bakı Şəhəri üzrə Təhsil İdarəsindən oxu.az-a bildirilib ki, 49 nömrəli məktəb-liseyin direktoru haqqında qeyd edilən məsələ ilə əlaqədar idarə tərəfindən müvafiq araşdırma aparılır: "Araşdırmanın nəticələri barədə məlumat veriləcək. Qeyd olunan şagird təhsilini öz sinfində davam etdirəcək”.
Qeyd edək ki, bu ilin fevral ayında da 49 nömrəli "İntellekt” məktəb-liseyinin ingilis dili müəllimi Könül Həsənova rəhbərlik etdiyi sinfin valideyn qrupuna səs ataraq, valideynlərdən pul tələb edib. BŞTİ tərəfindən aparılan araşdırmanın nəticələrinə uyğun olaraq, məktəb-liseyin direktoruna Əmək Məcəlləsinin 186-cı maddəsinin 2-ci hissəsinin "b” bəndinə əsasən, sonuncu xəbərdarlıqla şiddətli töhmət verilib. Belə hallara təkrar yol verildiyi halda daha ciddi tədbirlər görüləcəyi bildirilib.
Qaynarinfo-nun araşdırmasına görə, 2000-ci ildən 49 nömrəli məktəb-liseyin direktoru olan Təhminə Əsədovanın bacısı Əsədova Tərminə Ağəli qızı da Bakıda məktəb direktorudur. O, şəhid Tərlan Heybətovun adını daşıyan 126 nömrəli tam orta məktəbin direktorudur.
Ataları Əsədov Ağəli Abduləli oğlu 1915-ci ildə Qərbi Azərbaycanın Göyçə mahalında doğulub və yüksək vəzifələrdə çalışıb. Ağəli Əsədovun 9 övladı var.
Ötən yazımızda Dövlət Notariusları və onların rəhbərləri haqqında reportaj hazırlamışdıq. Biz elə bilirdik ki, bu sahədə baş verən özbaşınalıqlardan, notariuslara rəhbərlik edən şəxslərin xəbəri yoxdur. Hətta, yazıda Ədliyyə Nazirliyinin bu məsələyə cavabdeh olan şəxslərinə müraciət də olunmuşdur. Müraciəti də olduğu kimi dərc etmişdik. Həmin müraciətdə belə deyilirdi. "Biz inanırıq ki, Ədliyyə Naziri, cənab Fikrət Məmmədov, Ədliyyə Nazirliyi Qeydiyyat və Notariat Baş İdarəsinin rəisi İlqar Məmmədov, Ədliyyə Nazirliyi Qeydiyyat və Notariat Baş İdarəsinin rəis müavini Mehman Soltanov bu məsələlərə ciddi yanaşaraq, bütün günahkarların cəzalandırılması üçün müvafiq addımlar atacaqlar. Zərərçəkmişin hüquqları tam müdafiə olunacaq".
Sən demə, hər bir notarius gördüyü qeyri-qanuni işə görə, özündən yuxarı rəhbərliyə hesabat verirmiş. Bu hesabatlarda görüləcək işlərin miqyası bildirilirmiş, həm də o da açıq-aşkar göstərilirmiş ki, hansı əməliyyat aparılacaq, hansı qanun pozuntuları olacaq və bu qanun pozuntularının üzərini Mehman Soltanov necə ört-basdır edəcək.
Ötən yazımızda onu da bildirmişdik ki, Binədə yerləşən 31 saylı Dövlət Notariusunun rəisi, Ramiz Hümmətovla, Yevlax şəhərində yerləşən, Dövlət Notariusunun rəhbəri Elxan Hüseynovun arasında əvvəlcədən razılaşma olub və bu şəxslər gecə saatlarında xaricdə yaşayan, Azərbaycanda olmayan vətəndaşın adına etibarnamə veriblər. Onu da bildirmişdik ki, bu məsələ Ədliyyə Nazirliyinin Notariat İdarəsinin rəisi İlqar Məmmədovla Mehman Soltanovun nəzarətində olacaq və araşdırılacaq.
Biz hətta onu da bildirmişdik ki, Ramiz Hümmətov və Elxan Hüseynov Ədliyyə Nazirliyində kimlərəsə arxayın olmasalar, belə qeyri-qanuni işlərə imza atmazlar.
Bəli, mətbuatda zaman-zaman Ramiz Hümmətovun gördüyü qeyri-qanuni işlər haqqında məlumat verilib. O da bildirilib ki, Ramiz Hümmətov, Məmmədli qəsəbəsində qeyri-qanuni yolla əldə etdiyi geniş torpaq sahəsində saldığı fərdi yaşayış evləri kompleksini qəsəbədə icra nümayəndəsinin müavini vəzifəsində işləyən qardaşı oğlu İlkin Hümmətovun adına rəsmiləşdirib. Hələ bunlar harasıdır? Ramiz Hümmətovun elə əməlləri var ki, oxuyanda adam dəhşətə gəlir. Bu adam vətəndaşın adına olan qanuni avtomobili onun razılığı və imzası olmadan başqasına satıb. Bu əsl möcüzədir. Bilirsiniz, Ramiz Hümmətov Mehman Soltanova arxayın olmasa, heç bir addım atmaz, bu şansı Ramiz Hümmətova Mehman Soltanov verir. Hətta mətbuatda qeyd olunur ki, Mehman Soltanov xarici səfərlərə Ramiz Hümmətovla gedir. Ramiz Hümmətov Mehman Soltanov haqqında elə bilgilərə malikdir ki, Mehman Soltanov idarə rəisinin müavini olaraq, ona heçnə deyə bilmir.
Əlbəttə ki, Ramiz Hümmətovun Mehman Soltanovla bağlı bilgiləri o qədər çoxdur ki, o, hər zaman notarius rəisinin qarşısında susur. Bilmirik bu bilgilər nədən ibarətdir, amma daşdan keçən bir məsələdir. Deyirlər, Mehman müəllim xarici ölkəyə, xüsusən də Gürcüstana gedərkən dərhal şəhər kənarında olan restoranları axtarır. Amma biz başa düşürük ki, şəhər kənarında olan restoranlara ümumilikdə "KAZİNO" deyirlər. Biz demirik aaa, Mehman Soltanov gününü kazinolarda keçirdir, sadəcə olaraq deyirlər ki, kazinoya gedir. Bu bizim üçün maraqlı deyil, Mehman Soltanov kazinoya getdi, orada hansısa bir addımı atdı. Bu bizim yazının mövzusu deyil. Bizim üçün maraqlı olan məsələ odur ki, Mehman Soltanov tabeçiliyində olan işçilərinə nəzarət edə bilmir. Yəqin bu da onunla əlaqədardır ki, Mehman Soltanov artıq yaşlanıb, təqaüd vaxtıdır.
Onu da xatırladaq ki, Ramiz Hümmətov İlyas İsmayılovun kadrıdır və onun xeyir, duası ilə vəzifəyə gəlmişdir.
P.S. Deyirlər, Mehman Soltanov bəzi saytlarda özü haqqında palaz-palaz tərifli yazılar yazdırır, nə işdi... //gundelik-baku.com//
Bu gün ölkəmizin elmlə məşğul olan gənclərinin böyük əksəriyyəti Azərbaycan Respublikası Prezidenti yanında Ali Attestasiya Komissiyasında qanunsuzluqların, rüşvət, korrupsiya hallarının baş alıb getdiyini, gənclərin elmə gedən yollarının qarşısında süni maneələrin yaradıldığını bildirir. Milli Elmlər Akademiyasının, nəhəng ali məktəblərin elmi seminarlarının, elmi və problem şuralarının görkəmli alimləri qarşısında imtahanlarından uğurla keçən gənclərin böyük əksəriyyəti Ali Attestasiya Komissiyasının müəyyən etdiyi “şərtləri” yerinə yetirə bilmədiklərindən elmi ad və elmi dərəcə ala bilmirlər. Təbii ki, kimin yaxşı əlaqələri, maddi imkanı var, onlar bu problemlə qarşılaşmır, əsasən elmi-tədqiqat institutlarında və tədris müəssisələrində cüzi əmək haqqı ilə çalışan, gecə-gündüz yatmadan tədqiqat aparan imkansız gənclər yaşayır bu problemi. Bu günlərdə redaksiyamıza gələn və artıq ikinci ildir AAK-dan diplomunu ala bilməyən bir qrup gənc Ali Attestasiya Komissiyası qarşısında piket keçirmək istədiklərini və AAK-ın sədri, əslində iqtisadçı, 90-cı illərdə isə çoxları kimi BDU-da hüquqşünas diplomu alan Famil Front oğlu Mustafayevə, onun əlaltılarına istefa tələb etmək istədiklərini bildirdilər. Həmin gənclərin şikayətlərini araşdırdığımız vaxt ölkə mətbuatında Baş Prokurorluq yanında Korrupsiyaya qarşı Mübarizə Baş İdarəsinin açıqlaması yayıldı ki, Ali Attestasiya Komissiyasının iqtisadiyyat üzrə Ekspert Şurasının üzvü və katibi Şəfa Əliyev rüşvət alarkən yaxalanıb. Bunun ardınca isə eşitdik ki, xaricdə istirahətdə olan Famil Front oğlu Mustafayev təcili şəkildə ölkəyə qaytarılıb. İnformasiyada o da bildirilirdi ki, Baş Prokuror yanında Korrupsiyaya qarşı Mübarizə Baş İdarəsi əməliyyat-axtarış işlərini davam etdirir və AAK-da yeni ciddi yoxlamalar aparmaq fikrindədir. Həqiqətən, bu gün AAK-da Baş Prokurorluğun əməliyyat-axtarış işləri davam etməkdədir.
Amma həmin informasiyadan dərhal sonra Azərbaycan Prezidenti yanında Ali Attestasiya Komissiyası açıqlama verərək məsuliyyətə cəlb edilən mütəxəssis-ekspert Şəfa Əliyevin komissiyanın əməkdaşı olmadığını bildirərək günahı öz üzərindən götürməyə cəhd etdi. Fəqət iki səbəbə görə, biz AAK-ın bəyanatını sadəcə özünüsığortalama, yaxud faktı ört-basdır etmə addımı hesab edirik. Birincisi, Baş Prokuror yanında Korrupsiyaya qarşı Mübarizə Baş İdarəsi bəyan edir ki, "hazırda iş üzrə qanunazidd hərəkətlərə yol vermiş digər şəxslərin müəyyən edilməsi istiqamətində də əməliyyat-istintaq tədbirləri davam etdirilir". Bu isə, o deməkdir ki, Baş prokuror yanında Korrupsiyaya qarşı Mübarizə Baş İdarəsində AAK-da rüşvət halları ilə bağlı digər faktların ehtimalı da var. İkincisi, cəmiyyətdə AAK-ın elmi adları və dərəcələri müxtəlif qiymətlərə satması barədə ç0xdan və kifayət qədər geniş informasiyalar dolaşmaqdadır. Bəziləri adi fəlsəfə doktoru adı üçün qiymətin son dövrlərdə 10 min manatdan-40 min manata qədər qaldırıldığını bildirir. Həm də bu rəqəmləri adi insanlar deyil, Milli Məclisin deputatları, ölkənin tanınmış təhsil ekspertləri, görkəmli alimlər dilə gətirirlər.
Ali Attestasiya Komissiyası açıqlamasında Şəfa Əliyevin onların əməkdaşı olmadığını, sadəcə olaraq seçimlərində yanıldıqlarını vurğulamaqla bunun təsadüfi fakt olmasını qabartmağa çalışır. Doğrudanmı bu təsadüfi faktdır? Cəmiyyətin elmlə maraqlanan böyük bir hissəsi bunu AAK üçün təsadüfi fakt hesab etmir. Çünki hələ bu ilin mart-aprel aylarında və ondan da xeyli öncələr ölkə mətbuatı həyacan təbili çalaraq AAK-da rüşvətin meydan suladığını, elmi ad və dərəcələrə görə böyük məbləğdə rüşvət tələb edildiyini yazırdı. Özü də təkcə iqtisadiyyat üzrə deyil, filologiya, tarix, hüquq və s. sahələrdə də vəziyyətin bu şəkildə olduğu bildirilir. Gəlin bəzi faktlara müraciət edək!
Tribuna.az saytının hələ 15 mart 2023-cü ildə “Təhsil eksperti Ali Attestasiya Komisiyyasındakı korrupsiyadan danışdı” adlı məqaləsində deyilirdi: “AAK-da elmi adların verilməsində alimlərin qarşısına minimum 20 min manat tələb qoyulub”. Tanınmış alim, professor İdris Abbasov AAK-da rüşvətlə bağlı konkret rəqəmləri dilə gətirərək yazırdı: “20 min manatlıq elmi ad, 30 min manatlıq elmi dərəcə”. Sözçü.az adlı başqa bir saytda gedən “Attestasiya komissiyasında rüşvətxorluq, qohumbazlıqdır” adlı yazıda isə tanınmış təhsil eksperti Kamran Əsədov Azərbaycanda elmi adların daha çox məmurlara verildiyini bildirirdi. O, yazırdı: “Buna da səbəb AAK-dakı özbaşınalıq, rüşvət, qohumbazlıqdı. Məsələn, dəfələrlə şahidi olmuşuq ki, icra hakimiyyətində və yaxud dövlət strukturlarında çalışan şəxslər, deputatlar, dövlət qulluqçusu olan şəxslər elmi adları daha rahatlıqla ala bilirlər. Amma həqiqətən tədqiqatla məşğul olan, elmi işlə məşğul olanlar bu prosesdən kənarda qalıb”. Ekspert daha sonra AAK-ın lazımsız bir qurum kimi ləğv olunmasının zəruriliyini də bildirirdi.
Ümumiyyətlə, AAK-da şəffaflıq olmaması, xüsusi “qara oppanentlərin” əli ilə qəsdən mənfi rəylərin yazdırılması, qurumun “gestapo” kimi qapılarını vətəndaşların üzünə bağlaması, şəffaflıqdan uzaq fəaliyyəti ilə bağlı alimlər çoxdan həyəcan təbili çalır və qurumun fəaliyyətində qaranlıq və şübhəli məqamlar olduğunu açıq-aşkar şəkildə bildirilirdi. Bunun əvəzində isə AAK qapıları daha kip bağlayır, polis rejimini gücləndirir, AAK-ın qapısında içəri yalnız yüksək ranqlı məmurların girişinə icazə verirdi. Son aylar hətta qurumda telefonlara da cavab verilmir. AAK-la əlaqə saxlamaq çox ciddi problemə çevrilmişdi. Sual doğur: Əgər sənin fəaliyyətin şəffafdılrsa, onda niyə qapılarını vətəndaşların, alimlərin üzünə bağlayırsan?
Deputat Etibar Əliyev haqlı olaraq Milli Məclisin tribunasından rüşvət, korrupsiyadan başqa bir fəaliyyəti olmayan, elmə yalnız əngəl olan AAK-ı lazımsız qurum adlandıraraq onun ləğv olunmasını təklif etmişdi. Bütün bunlar bir daha göstərir ki, professor Şəfa Əliyevin AAK-ın Ekspert Şurasının üzvü və katibi kimi rüşvət üstündə yaxalanması heç də təsadüfi hadisə deyil. Əgər bu ilin mart ayında, aprel ayındaŞ iyun ayında mətbuatda AAK-da rüşvətlə bağlı materiallar gedibsə və iyul ayında AAK-ın katibi yaxalanıbsa, deməli bu, təsadüf yox, ardıcıl görülən işin nəticəsidir. AAK-ın isə günahı tələm-tələsik öz üzərindən atması, “o, bizim əməkdaş deyil, Sumqayıt Dövlət Universitetinin professorudur deməsi” özü də bu şübhələri qüvvətləndirir. AAK-ın açıqlamasında professor Şəfa Əliyevin Sumqayıt Dövlət Universitetində çalışdığı xüsusi vurğulanır, əslində isə, SDU-nun bura heç bir aidiyyatı yoxdur, çünki professor Şəfa Əliyev universitetdəki vəzifəsinə görə deyil, məhz AAK-dakı vəzifəsinə görə rüşvət alıb. Bu quruma isə, birbaşa Famil Front oğlu Mustafayev cavabdehdir.
Keçək başqa bir fakta. Gəncə Dövlət Universitetinin dosenti, fəxri professor Cəfər İbrahimovun Asiya.az-a ünvanladığı məktuba nəzər yetirək: “Ali Attestasiya Komissiyasında dissertasiyanı pulu ilə yazdırıb, içindən xəbəri olmayan adamı Ekspert komissiyasından müsbət rəylə keçirib diplom verirlər. Dissertasiyasındakı uzun sözləri, çoxhecalı sözləri belə tələffüz edə bilməyən, pedaqogikanı bilməyən adam pulunu verib alim adı alır”. Yazı konkret fakta söykənir. “Qasımova Həmidə İsgəndər qızı 27.05.2022-ci ildə 5804.01 – “Ümumi pedaqogika, pedaqogikanın və təhsilin tarixi” şifri üzrə fəlsəfə doktoru elmi dərəcəsi almaq üçün “Yuxarı sinif şagirdlərində təşkilatçılıq qabiliyyətlərinin formalaşdırılması üzrə işin sistemi” mövzusunda dissertasiya işi müdafiə edib. Bu dissertasiya işini rüşvət müqabilində onun elmi rəhbəri, pedaqoji elmlər doktoru, professor Akif Abbasov yazıb”. Kimdir bu Həmidə Abbasova? Professor yazır: “AAK sədri F.Mustafayevin təməlini qoyduğu rüşvət və fırıldaq yollarla alim adı alan Həmidə Qasımova Gəncə Dövlət Universitetinin rekroru Yusif Yusibovun keçmiş katibəsidi”.
Famil Mustafayevin rəhbərliyi altında fəaliyyət göstərən AAK, yuxarıda qeyd etdiyimiz kimi, daha çox məmurlara, onların qohum-əqrəbasına və katibələrinə xidmət edir. Sözü düz tələffüz edə bilməyənə diplom verilir, ciddi tədqiqat işləri isə illərlə rəflərdə saxlanır.
GundemXeber.Az-ın apardığı araşdırmalardan məlum olur ki, AAK-da son dövrlərdə rüşvət və korrupsiyanın meydanı daha da genişlənmişdir. Bəzi faktlara müraciət edək, AAK eyni ali təhsil müəssisindən gəlmiş iddiaçılardan birinin sənədini qəbul edir, ona elmi dərəcə və diplomunu verir, digərinə isə, həmin ali məktəbin DİM-dən kənar qəbul apardığını bəhanə edərək imtina göndərir. Mən hazırda fəaliyyətinə xitam verilmiş İslam Universiteti ilə bağlı onlarla belə fakt göstərə bilərəm. Vaxtilə həmin universiteti “hansı yollasa bitirmiş” şəxslərin bəzilərinə elmi dərəcələr və adlar verilmiş, həmin universiteti bitirmiş və həqiqi tədqiqatla məşğul olan bir çox istedadlı gəncin işi isə “məhz həmin universitetdə təhsil aldığına görə” geri qaytarılmışdır. Ortada rüşvət faktı yoxdursa onda bu, nədir? İnanırıq ki, prokurorluq bu məsələlərə də aydınlıq gətirəcək.
AAK son illərdə tərtib etdiyi sənədlərdə, tələbnamələrində qəsdən elə dolaşıqlığa yol verib ki, həmin baryerləri rüşvətsiz keçmək, demək olar ki, mümkünsüzdür. Və AAK həmin sənədlərdən çıxış edərək neçə-neçə istedadlı, ancaq imkansız, gəncə “sizin baza təhsiliniz, magistratura təhsiliniz müdafiənizə uyğun deyil” deyib imtina göndərdiyi halda, keçmiş dövlət məmuru Həsən Həsənovun diş texniki olan oğlu Zaur Həsənova tarix üzrə elmlər doktoru adı almaq üçün müdafiəyə icazə verir. Bu, necə olur?
(Davamı var)
Güney Nəsirov
GundemXeber.Az