 |
|
|
"Naxçıvanda hər obyektdən iriliyindən-xırdalığından asılı olmayaraq vergidən əlavə ayda 300 manat "töycü" yığılır". DİA.AZ bildirir ki, bu iddia ilə tanınmış jurnalist Heydər Oğuz çıxış edib.
Jurnalist daha sonra yazır: "Pulyığanın Naxçıvan MR Vergilər nazirinin müavini Fərrux Əkbərov olduğunu bildirilir.
İddiaya görə, Fərrux Əkbərov töycü yığıma təzə başlayanda özü bir-bir obyektlərə baş çəkirdi. İndi isə o, işini xeyli asanlaşdırıb. Özü kabinetdə oturur, sahibkarlar onun hüzuruna təşrif buyururlar. Vergi ilə yanaşı töycünü də onun masasının üzərinə qoyub təzim edə-edə arxalarına belə baxmadan kabinetdən çıxıb işə yollanırlar.
Bildirilir ki, əvvəl bu töycü yığımına bir neçə nəfər etiraz etmişdi. "Başlarına elə oyun gətirildi ki, həm özlərinə, həm də həmkarlarına unudulmaz dərs oldu. Odur-budur, sahibkar töycünün və verginin vaxtı yaxınlaşand özləri öz ayaqları ilə Fərrux müəllimin qapısında növbəyə dururlar".
İddia olunanlarla bağlı dia.az olaraq bütün maraqlı tərəfləri dinləməyə hazırıq...
XalqXeber.Az
Salam sizə şikayətim Əmək və Əhalinin Sosial Müdafiəsi Nazirliyindəndir. Deməli bu ilin iyun ayında Əmək və Əhalinin Sosial Müdafiəsi Nazirliyi Sumqayıtda əmək yarmarkası keçirtdi. Öncədən Dövlət Məşğulluq Agentliyinin saytında və nazirliyin mediaya verdiyi məlumatda əmək yarmarkasında 300-400 boş iş yeri təklif olunacağı bildirilmişdi.
Teref.az yazır ki, bunu saytımızın poçtuna göndərdiyi şikayətində Sumqayıt şəhər sakini İlkin Məmmədkərimov yzır. Daha sonra şikayətçi yazır:
Mən öncədən Dövlət Məşğulluq Agentliyinin əlaqə nömrəsinə zəng edib məlumat aldım bildirdilər ki, şəxsiyyət vəsiqəsi götürüb gələ bilərsiz. Məndə 14 iyunda səhər tezdən Sumqayıtda Kimyaçı Mədəniyyət Sarayına gəldim Mədəniyyət Sarayının qabağında demək olar bütün şəhər sakinləri iş tapmaq ümidi ilə yığışmışdı. Yarmarka saat 10:00-da başlamalı idi. Saat 10:45 olsada Mədəniyyət Sarayının qapısı hələdə bağlı idi. İçəriyə yalnız Dövlət Məşğulluq Agentliyinin əməkdaşlarını, işəgötürənləri və televiziyaları buraxmışdılar. Axırda vətəndaşlar bezib qapı açılan kimi mühafizəçini itələyib zorla içəri keçə bildik. Nazirliyin qapıları illərdir vətəndaşların üzünə bağlıdır. Nəysə birtəhər içəri geçəndən sonra 2 xanım o qədər insanın yarmarkada iştirak üçün şəxsiyyət vəsiqəsi vasitəsilə qeydiyyatını aparırdı. Nəhayət sıra mənədə gəldi qeydiyyatdan keçəndən sonra saat 11:45-də yarmarkanın keçirildiyi Mədəniyyət Sarayının 2-ci mərtəbəsinə qalxa bildim. 21 işəgötürənə CV-mi qoyduqdan sonra hər biri söz verdilər ki, 1 həftə ərzində əlaqə saxlayacayıq. İşəgötürənlər məndə daxil bütün işsiz vətəndaşlara 1 həftə ərzində əlaqə saxlayacayıq vədi verirdilər. Üstəlik TV-lərədə müsahibələrində bu cür bildirirdilər. 2 həftə sonra heç bir işəgötürən mənimlə əlaqə saxlamadı. Bütün işə götürənlərə zəng etdikdə isə bildirdilər ki, son 1 ay ərzində aktiv vakansiyaları yoxdur. Haqlı olaraq Dövlət Məşğulluq Agentliyinə zəng edib şikayət etdikdə bildirdilər ki, 142-yə ümumi nazirliyin call center-nə zəng edib şikayət etdim. 142-yə isə şikayət etdikdə isə xanım operator 20 dəqiqə dirənəndən sonra şikayətimi qeydə qaldı. Mən nazirlikdən zəng edib bunun nə demək olduğunu açıqlama vermələrini tələb etdim. 1 ay sonra isə şikayətimi nazirliyə yox regional Sumqayıt Məşğulluq Mərkəzinə yönləndirib ordan mənə zəng edib Sumqayıt Məşğulluq Mərkəzinə dəvət etdiklər. Mən isə bundan imtina etdim və onlara mənim şikayətim sizə deyil nazirliyədir və nazirlikdən açıqlama tələb edirəm deyə bildirdim. Həmdə mən 2019-cu ildə Sumqayıt Məşğulluq Mərkəzinə müraciət etmişəm orda gənclərin işləməsi üçün normal iş yerləri yoxdur. Mənim adımıda sistemdə 2019-cu ildə vətəndaş iş tapdı kimi qeyd ediblər mən bunu indi bilmişəm. Halbuki mən heç bir işlə təmin olunmamışam. Ancaq adımı bütün vətəndaşlar kimi hər ayın sonu yalandan bu qədər vətəndaş iş tapdı deyə ictimaiyyətə saxta statistika təqdim etmək üçün guya işlə təmin olundu deyə qeyd ediblər. 2-3 gün sonra Dövlət Məşğulluq Agentliyindən məktub gəldiki bəs biz sizi Sumqayıt Məşğulluq Mərkəzinə dəvət etdik siz imtina etdiz. Mən təkrar 142-yə zəng edib şikayət edib 1 ay bundan əvvəl şikayət etdiyimi şikayətimi götürüb Sumqayıt Məşğulluq Agentliyinə yönləndirdiklərini, mənim isə nazirliyin zəng edib açıqlama verməsini tələb etdiyimi bildirdim. Həmçinin bildirdim ki, Sumqayıt Məşğulluq Mərkəzinin ünvanınıda əlaqə nömrəsinidə gözəl bilirəm ehtiyac hiss etsəm özüm gedə bilərəm. Operator şikayətimi təkrar qeydə aldı. Aylardır eyni qaydada davam etdi yəni nazirlik özünə borc bilib mənimlə əlaqə saxlamaq ehtiyacı hiss etmədi hər dəfə şikayətimi Sumqayıt Məşğulluq Mərkəzinə yönləndirdilər onlarda zəng edib məni Sumqayıt Məşğulluq Mərkəzinə dəvət edirdi. Axırda oktyabr ayında Sumqayıt Məşğulluq Mərkəzindən zəng edib bildirdilər ki, xahiş edirik bircə dəfə siz gəlin heç bir köməklik etməsək istənilən yerə şikayət edə bilərsiz. Mən bu dəfə inanmaq istədim ki, illər öncəki kimi deyil bu dəfə həqiqətən mənə kömək edəcəklər və Sumqayıt Məşğulluq Mərkəzinə getdim. Mənə E-sosial.gov.az-da hesab açıb 2 işəgötürənə müraciət göndərdilər və bildirdilər ki, 5 iş günü ərzində sizinlə əlaqə saxlayacaqlar. İndiyədək heç kim əlaqə saxlamayıb E-sosial.gov.az Elektron Hökümət portalındakı hesabımda işəgötürənlərə müraciət bölümündə işəgötürənin tələblərinə cavab vermədiyiniz üçün müraciətinizdən imtina edildi yazılır. Ümumiyyətlə Əmək və Əhalinin Sosial Müdafiəsi Nazirliyinin varlığı ilə yoxluğu arasında bir fərq yoxdur. Nə Dövlət Məşğulluq Agentliyi nə Dövlət Əmək Müffətişliyi nədə bütünlükdə nazirlik çalışmır. Ölkədə uşağından işçisinə, işsizindən təqaüdçüsünə, əlilinə qədər bütün ölkə bu nazirlikdən şikayətçidir. Bütün dünya 4 günlük iş rejiminə keçir. Bizdə isə Əmək Məcəlləsinə görə guya həftəlik 5 gün 40 saatdan ibarət iş rejimimiz olsada ölkədə istər özəl istərsədə dövlət müəssisələri Əmək Məcəlləsinə riayət etmir. Əmək Məcəlləsinə riayət etməmək ənənə halını alıb. Dövlət Əmək Müffətişliyi isə bildirir ki, ölkədə sahibkarlığa dəstək məqsədi ilə yoxlamalar 1 yanvar 2023-cu ilədək dayandırıldığı üçün heç bir müəssiədə yoxlama apara bilməz yalnız vətəndaş istəsə Dövlət Əmək Müffətişliyinə şikayət edə bilər. Yəni vətəndaş çalışdığı 300-400 manat maaş aldığı iş yerini itirmək qorxusunu gözə alıb Dövlət Əmək Müffətişliyinə şikayət etməlidir. Dövlət Əmək Müffətişliyi bunu bildiyi üçündə vətəndaşlar işini itirmək qorxusundan illərdir 300-400 manata istər dövlət istərsədə özəl müəssilərdə az qala 1 sutka işləyib istismar edilirlər. Yəni ölkədə bildiyiniz quldarlıq rejimi hökm sürür. Əksinə həmin müəssiələr normal ölkələrdə külli miqdarda cərimlənməli olduğu halda nazirlik onları nəyinki cərimələyir əksinə o müəssiələr "Əmək Yarmarka"larında yuxarı başda otuzdurulub insanlara "iş" təklif edir və ya regional məşğulluq mərkəzlərində həmçinin Elektron Hökümət portalında "vakansiyalar" elan edirlər. Halbuki insanların işsiz qalmasında elə müəssiələr günahkardır. Əslində məntiqlə bir nazirliyin həm Əmək Hüquqlarını qoruması, həmdə işəgötürənlərlə əməkdaşlıq edib işsizlərə iş təklif etməsi doğru deyil. Yəni bu iki səlahiyyətdən biri Əmək və Əhalinin Sosial Müdafiəsi Nazirliyindən alınıb ya digər nazirliklərin birinə verilməli, yada müstəqil dövlət qurumu yaradıb səlahiyyətlərdən birini yeni dövlət qurumuna vermək lazımdır. BMT daxil Amnesty International, Norveç İnsan Haqları kimi beynəlxalq təşkilatların müxtəlif illərdə ölkələrə iş saatlarını azaldın Əmək Hüquqlarına, İnsan Haqlarına hörmət edin çağırışlarına riayət edib ölkələr bir-birinin ardınca 4 günlük iş rejiminə keçirlər. Reuters-in məlumatına görə artıq 38 ölkə 4 günlük iş rejiminə keçib. Bizdə isə hələdə quldarlıq rejimi davam edir. Görünür biz başqa planetdə yaşayırıq dünyaya adiyyatımız yoxdur yada Əmək və Əhalinin Sosial Müdafiəsi Nazirliyi bizi insan yox qul hesab edir bunu mövcud əmək bazarına həmçinin nazirliyin Elektron Hökümət portalında təklif etdiyi daha doğrusu insanları, gəncləri layiq gördüyü "iş"lərə baxdıqda görmək mümkündür. Necə olsa milyonlarla təqaüdçünün təqaüdünü azaltmaqla və ya tam olaraq kəsməklə büdcəyə qənaət etməklə fəxr edən bir nazir və nazirlikdən danışırıq. Sözün düzü ümid edə bilməsəmdə hələdə inanmaq istəyirəm ki, 7-dən 77-yə hər kəsin haqlı olaraq şikayətçi olduğu bu qurum haqqında ciddi ölçü götürülər. Sağolun.
İlkin Məmmədkərimov
Teref.az olaraq şikayətdə toxunulan iddialarla bağlı qarşı tərəfin mövqeyini dərc etməyə hazırıq!
Teref.az
Bakıda “Qəsr” restoranında müştərilərə ovlanmasına icazə verilməyən maral və oxatan kirpi ətindən yeməklər təklif olunur.
Qaynarinfo xəbər verir ki, bu barədə videonu restoran öz sosial şəbəkə hesabında paylaşıb.
Belə ki, videoda restoranın aşbazı hazırladıqları yeməkləri təqdim edərkən, maral və oxatan ətindən hazırlanmış yeməklərin də adını çəkir.
Həmin videonu təqdim edirik:
22 ildir Qax rayonunun deputatı olan Azər Kərimlinin sahib olduğu mülklər, evlər və şirkətlərinin bir hissəsinin siyahısı yayılıb.
32gun.az həmin siyahını təqdim edir:
▪️ Binəqədi rayonu, C. Xəndan küç. ev 32B ünvanında şəxsi mənzili
▪️ Qax şəhəri, “Nikolay körpüsü” yaxınlığında, çay kənarında inşa edilən 1 milyonluq mebel fabriki
▪️ Xırdalan şəhərində mebel sexləri
▪️ Qaxın İlisu kəndində sovet dövründə salınmış “Füzuli bağı” nın yanında 1 malikanə
▪️ İsveçrə, İtaliya, Ukrayna və Çexiyada müxtəlif şirkət və biznesləri
ŞİRKƏTLƏR:
▪️ “Lotos Co Ltd” MMC şirkəti
▪️ “Qamma Ltd” MMC şirkəti
▪️ “KONTUR-L” MMC şirkəti
▪️ “KROVN KO LTD” MMC şirkəti
▪️ “KON KO LTD” MMC şirkəti
▪️ “LİTER A KO LTD” MMC şirkəti
▪️ “LANDOR” MMC şirkəti
▪️ “TURİNA” MMC şirkəti
▪️ “GEB SOLEMİO AKTİENGESELLSCHAFT” Azərbaycan və İsveçrə şirkəti
▪️ “İLKİN-SERVİS” MMC şirkəti
Millətvəkili Azər Kərimli mətbuatda daha çox Qaxdakı ağac qətliamı ilə də məşhurdur.
İddiaya görə, A.Kərimli ağac materialları və mebelqayırma sahəsində biznesmendir. Mətbuatda gedən məlumatlara görə, Qaxda ağac biznesinin önündə gedən əsas fiqurlardan biri 19 ilin passiv deputatı kimi tanınan Azər Kərimov və onun rayon mərkəzində biznes işlərində yaxından köməklik göstərən Qax rayon sakini, biznesmen Nəzirov Elşən Nemət oğludur. İddiaya görə, A.Kərimli məhz qiymətli ağacları İtaliyay daşımaqda xüsusi canfəşanlıq göstərir. Axı İtalıyada qiymətli ağaclardan mebel sənayesində istifadə olunur.
Deputat Azər Kərimlinin da mövqeyini dərc etməyə hazırıq. Məlumatlarda həmçinin bildirilir ki, yaxın dostu Elşən Nəzərovu da bu işə cəlb edərək rayondakı qoz və palıd ağaclarının ilkin emalı üçün özünəməxsus böyük sexdə emal işlərilə məşğul etmişdir.
Belə ki, Qax şəhərinin Şərq istiqamətindən dəmir "Nikolay körpüsü”nü keçib 150 metr şimal istiqamətnə getdikdən sonra çay kənarında inşa edilən böyük mebel fabriki mövcuddur. İnşaası 1 milyon manata başa gələn nəhəng fabrik strateji bir obyekt kimi hər tərəfdən müşahidə kameraları və ciddi rejimli mühafizə dəstəsinin nəzarəti altında qorunur. Fabrikin sahibi E.Nəzərəov deputatla sövdələşdiyi kimi əldə etdiyi ağac materiallarını yarımfabrikat halına salaraq birbaşa Xırdalan şəhərində yerləşən və deputat A.Kərimliyə məxsus mebel sexlərinə gətirilir. Ən müasir avadanlıqlarla təchiz edilmiş bu sexlərdə qoz və şabalıd ağacları yüksək texnoloji üsullarla emal edilərək standart formada hazırlanmış detallar mebel istehsalı üçün birbaşa İtaliyaya göndərilir.
Həmçinin qeyd edilir ki, Azər Kərinmli və Elşən Nəzərov birliyi Qax rayonunu işğal edərək meşələrinin axırına çıxmaq üzrədirlər. Və çox təəssüflər olsun ki, 22 ildir "ağac killer”ləri olan bu milyonerlərə DUR deyən hələki yoxdur.
15 noyabr məsələsi Milli Məclisdə müzakirə edilməldir… Havalar soyuyan kimi Bakının “istilik dərdi” başlayır. Yaşlı Bakı sakinləri deyir ki, ehh sovetin qədrini bilmədik, nəinki mənzillər, az qala binaların “podyezdləri” də qışın soyuğunda istidən buğlanırdı. Amma 30 ildir ki, Bakının istilik dərdinə əncam çəkən yoxdur.
Məlumat üçün qeyd edək ki, təkcə Bakının deyil, bütün Azərbaycanın istilik məsələsini həll etmək üçün Azərbaycan Respublikası Prezidentinin 08 iyun 2005-ci il tarixli 847 saylı sərəncamı ilə “Azəristiliktəchizat” ASC yaradıldı. Bu qurumun 100 faizlik səhm paketi dövlətə məxsusdur, yəni özəl-filan qurum deyil. Bu qurumun sədrini Prezident təyin edir. ASC təkcə yaşayış binalarını deyil, təhsil müəssisələrini, uşaq bağçalarını, xəstəxanaları istiliklə təmin edir.
Daha doğrusu etmir, ETMƏLİDİR. ASC-nin təkcə Bakıda 20 İstilik Sistemləri İstismar Sahələri, 52 rayonda İstismar şöbələri, 11 istismar təsərrüfatı, sədri, müavinləri, idarə rəisləri...hamısının da Allah qoymasa bahalı xidməti avtomobillərə və daha nələr. Dövlət ASC-yə 100 milyonlarla pul ayırır. Amma...
Əmması odur ki, ötən il ASC-nin 41 milyon borcu ortaya çıxdı və bunun 25 milyonu Azəriqaza olan borcudur. Bunlardan soruşan yoxdur ki, əhaliyə 1 kvm-i qızdırmaq üçün istiliyi 15 qəpiyə, qeyri-əhaliyə 25 qəpiyə satırsınız, bəs bu yığılan pullar hara gedib..?
Əlbəttə, ASC-yə 17 il rəhbərlik etmiş Yaşar Həsənov özünə Troya şadlıq evi, Atilla restoranı tikəndə ASC-nin borcu 41 milyon deyil, 100 milyon da olacaq. Yaşar Həsənovun əmlakının, mülklərinin, oğlunun bahalı avtomobuillərinin siyahısını uzun-uzadı yazmağa həvəsimiz yoxdur. Təkcə onu qeyd edək ki, Yaşar Həsənov ASC-nin 1 MİLYONLUQ tenderini, müxalifətçi yerlisinə, əslən Ordubaddan olan partiya sədrinə verib. Qazanların, qurğuların alınması üçün keçirilən tenderlərin hamısını Yaşar Həsənovun qohumları udub. Qısa məlumat üçün qeyd edək ki, bu adam sabiq mer Hacıbala Abutalıbovun ailəvi yaxını olan şəxsdir. Ən dəhşətlisi odur ki, bu adam tabeçiliyində olan şəxslərə əə, xiyar, əə danabaş deyə müraciət edir, çox vaxt iclaslara telefonla qatılır, deyir noolsun, Rəsul ( Quliyev ) müəllim də partiyasını telefonla idarə edir.
Sözün qısası, bu anormal tip 17 il Azərbaycanda istilik sistemlərinin başına oyunlar açıb milyonlar qazanıb, ancaq 40-50 illik istilik trubaları dəyişdirilməyib. Hər il qış gəlməyə yaxın oxuyuruq ki, filan məktəbdə şagirdlər soyuqdan donur...filan uşaq bağçasında körpələr soyuqdan titrəyir...filan binalarda istilik yoxdur...noyabrın 15-indən 10 gün keçib, ancaq binalara istilik verilmir...və daha nələr.
Axı, bu qurum, yəni ASC yarananda, cənab Prezident İlham Əliyev demişdir ki, biz “Azəristiliktəchizat”-ı yaratdıq ki, Bakının və bütün ölkənin istilik problemini aradan qaldıraq. Amma bu problem illərdir ki, davam edir. Yeri gəlmişkən, ASC-nin 41 milyon borcunu nə üçün dövlət ödəməlidir..?
Dövlət kiminsə dədəsi, babası deyil ee, dövlət sənsən, mənəm, bizik... Yaşar Həsənov pulları yeyəcək, niyə biz ödəməliyik..? Qoy Yaşar Həsənovun əmlakını satıb qurumun borcunu ödəsinlər. Hər il Azərbaycan qış rejiminə keçir, amma istilik gəlmir. Hər dəfə də ASC-nin məsul şəxsləri televizora çıxıb utanıb-qızarmadan deyirlər ki, qazanxanalardakı su yavaş-yavaş qızmağa başlayır.
Vallah, belə hal dünyanın heç bir yerində ola bilməz. Vətəndaşın nəyinə lazımdır ki, su qızır, ya qızmır, vətəndaş pulunu ödəyib istilik almaq istəyir. Xəstəxanalarda xəstələr soyuqdan donur, Yaşar Həsənov isə 10 milyonu təmir-tikinti adı ilə bacısı oğlu ilə qaynına bağışlayıb. Nə isə, bütün bu problemlərə görə, cənab Prezident 07 fevral 2022-ci il tarixdə “Azəristiliktəchizat” Açıq Səhmdar Cəmiyyətinin sədri Yaşar Həsənovu vəzifəsindən azad etdi. Və onun müavini İlham Mirzəyevə sədrlik vəzifəsi müvəqqəti həvalə edildi. Bu müddət ərzində nə dəyişdi..? Mirzə Cəlil demişkən, haman göl, haman qurbağa...
Yeri gəlmişkən, vətəndaşların tələb etdiyi bir məsələni də xüsusi olaraq qeyd etmək lazımdır. Axı, nə üçün məhz 15 noyabrda abonentlərə istilik verilməlidir..? Bəlkə, noyabrın 5-də, yaxud oktyabrın 20-də qar yağacaq, havalar soyuyacaq...indi vətəndaşlar titrəyə-titrəyə noyabrın 15-ini gözləməlidir..?
Biz bir media olaraq hesab edirik ki, bu məsələ müvafiq dövlət qurumlarında qaldırılmalı, hətta Milli Məclisdə müzakirə edilməlidir. Əgər məsələyə hərtərəfli yanaşsaq, noyabrın 15-ini yaddan çıxararaq, heç olmasa noyabrın biri ilə əvəz etməliyik. Onda nə Sovet dövrünün alimlərinin hesablamalarını, nə də ki indiki soyuğun təsirini müzakirə etməyə ehtiyac qalmaz.
P.S Soyuqdan qırılırıq, cənablar!!! //gundelik-baku.com//
161 saylı məktəbin direktoru Ruhiyyə Tağıyevanın sosial şəbəkələrdə səs yazsı yaylıb.
Sözügedən səs yazısında məktəb direktoru məktəbin hansısa təmizlikçisi ilə mübahisə etdiyi məlum olur, səs yazsında direktor etikadan kənar ağır təhqir dolu söyüşlər səsləndirir.
O, təmizlikçi işləyən xanıma bundan "sonra burada işləməyəcəksən" kimi iradlar bildirir, qeyd edək ki, 161 saylı məktəb direktorunun adı bir neçə qalmaqalda hallanır, onun sonuncu qalmaqalı məktəbdə tədbir zamanı Şəhidlərmizin anın ərəfəsində ayağa qalmayaraq fotoları sosial şəbəkələrdə tənqidlərə səbəb olmuşdu. Ümidvarıq bu rəzil səs yazısından sonra Təhsil Nazirliyi sözü gedən məktəbə ciddi nəzarətin əsirgəməyəcək.
Azərbaycan reallığı.
Son aylar Masallıda hamının gözü bir nöqtəyə dikilmişdi – rayona bir neçə ay öncə təyin olunmuş Araz Əhmədov əvvəlki rayon rəhbərinin xeyir-duası ilə icra hakimiyyətinin 10-15 metrliyində qanunsuz tikilmiş marketi sökdürə biləcək, ya yox?
Hə gün bir xəbər yayılırdı. Biri deyirdi, təzə gələn də payın alıb, göz yumacaq. Digəri deyirdi, icra başçısı olmur, kim olur olsun, bu böyüklükdə obyekti sökdürə bilməz, onun arxasında çoxlu pul və güclü adamlar var və s.
Bu gün, noyabrın 6-da həmin obyektin söküntüsünə başlanıldı. Obyekti yüngül konstruksiya ilə inşa edən Rusiya vətəndaşı Azər İsmayılov və onun vəkili bura toplaşan əhali qarşısında çıxış edərək bildirdi ki, sənədlərimiz qanunidir, əlimizdə məhkəmə qərarı var və sair.
İcra hakimiyyətinin nümayəndəsi kimi şəhər nümayəndəliyinin əvəzi Vahid Əhədov isə öz çıxışında onun dediklərini təkzib etdi. V. Əhədov bildirdi ki, tam qanunsuz tikilidir. Bu ərazi dövlət torpağıdır. Tikintiyə heç bir icazə, hər hansı smeta sənədləri yoxdur. Obyektin yaxınlığında, daha dəqiq desək, obyektə bitişik ərazidə yaşayan bir qrup yaşlı qadın narazılıqlarını bildirdilər ki, bu bina normal yaşayışımıza mane olur, burada bağça, qəşəng ağaclar var idi, hamısını məhv etdilər, pəncərəni qabağın tutublar, ətrafı görmürük, binanın zirzəmisini də zəbt ediblər.
Obyekti inşa edən Azər İsmayılov bir dəfə çıxış edərək obyektin sökülməsini haqsızlıq, qanunsuzluq olduğunu bildirdi. Dəymiş ziyana görə kompensasiya tələb edəcəyini söylədi və sair.
Şəhər nümayəndəsi əvəzi Vahid Əhədov təkrar-təkrar qeyd etdi ki, bu binanın inşası üçün qanuni sənədlər yoxdur. Dövlət torpağı dükan yeri kimi satıla bilməz. Ortada Fövqəladə Hallar Nazirliyinin sərəncamı var ki, bu tikili müvafiq normalara uyğun deyil və sökülməlidir. Biz də bu qərarı icra edirik.
O həmçinin qeyd etdi ki, obyektə çoxlu ərzaq yığılıb. Dəfələrlə demişik ki, bu ərzaqları yığışdırın, lakin icra etməyiblər. Ona görə obyektdəki bütün məhsulları yığıb, müvafiq anbarları daşıyırıq. Bundan sonra obyekt söküləcək və digər müvafiq tədbirlər görüləcək.
Obyektin sökülməsinə az da olsa etiraz edənlər də oldu. Əksəriyyətin fikri isə bundan ibarət idi ki, belə qanunsuz əməllərin baş günahkarı sabiq icra başçısı Şahin Məmmədovdur. Necə olur ki, rayonun ucqarında bir daş-daş üstdə qoyulanda aləm dəyir bir-birinə, amma icra hakimiyyəti binasının 10 addımlığında, həm də icra başçısının yaşadığı evin bir addımlığında ağaclar kəsilir, bağça dağıdılır... amma icra başçısının xəbəri olmur?
Bu işdə sabiq məmurlar – Məmmədhüseyn Hüseynov, Əbülfəz Nuriyevin, Abbas Mikayılovun adları hallansa da, əsas günahkarın sabiq icra başçısı Şahin Məmmədov olduğu heç kimə sirr deyil. Obyekt sahibini də ziyana saldı, keçmiş işçilərini də.
Xatırladaq ki, bu Şahin Məmmədovun ilk belə addımı deyil. İcra hakimiyyəti binasının qarşısındakı Qazanxana da onun tamahının badına getdi. Belə ki, Qazanxana təmir olunmaq əvəzinə, sabiq 1-ci müavin M. Hüseynovun qohumuna satıldı. Qısası, əvvəlki rəhbərliyin belə qanunsuz əməllər onlarladır və hamısı araşdırılır.
Mahmudavar kənd sakini Fariz Fərəcov bizimlə söhbətində bildirdi ki, icra başçısı bu məsələdə çox cəsarətli və qətiyyətli addım atdı. Yəqin çoxlarına dərs oldu ki, qanunsuz addım heç vaxt cəzasız qalmır. Şəxsən bu addımına görə ona hörmətim xeyli artdı. Bəlli oldu ki, dediyi hə sözün sahibidir. Deməli, hansı vəd verirsə, arxasındadır.
Söküntü ilə bağlı yazdıqlarımıza əlavə olaraq bildiririk ki, olayın əvvəlində obyekt tikən şəxs içəridəki malların özləri tərəfindən daşınmasına etiraz etsə də, sonradan öz adamları vasitəsi ilə buradakı ərzaqların daşınmasına başladı və binanın sökülməsində özləri də iştirak etdi.
6 may 2022-ci il, saat 17. 30 radələrinə kimi marketdəki əsas mallar daşınıb qurtarmış, artıq ilk söküntü işlərinə başlanılmışdır.
Söküntü işləri bu gün yekunlaşmalıdı.
Qeyd: Söküntü zamanı cenubxəbərtv canlı yayım təşkil etmişdi. Çəkiliş həvəskar operator tərəfindən aparıldığı üçün bir qədər zəif alınmışdı. Daha mükəmməl çəkiliş isə yaxın vaxtlarda sizlərə təqdim olunacaq.
Cenub.az
www.AzadMedia.az
Daşkəsən rayonunun İcra Başçısı Əhəd Abıyev qalmaqallı adam olmaqla yanaşı, həm də böyük maddi imkanlara sahib olan məmur kimi tanınır.
Xalqxeber.az bildirir ki, 32gun.az mətbyatda və sosial şəbəkələrdə yayılan məlumatıara istinadən xəbər verir ki, onun böyük gəlirlərə çıxışı isə hələ deputat olan zamanlardan başlayıb.
Daşkəsənin icra başçısı təkcə vəzifə deyil, həmçinin digər işlərin də həvəskarıdır. Məsələn, o, maşın kolleksiyası həvəskarıdır.
Məlumatlara görə, Əhəd Abıyevin maşın kolleksiyasında ən bahalı avtomobil “Bentley”dir. Qiyməti 500 min manat civarında olan bu maşından başqa, Daşkəsənin icra başçısının digər bahalı avtomobilləri də var. Özünün ən çox istifadə etdiyi maşın isə motorunun gücü 4700 kub olan “Toyota Lexus”dur ki, onun da qiyməti 150 min manatdan ucuz deyil.
Hətta mətbuatda qeyd edilir ki, Əhəd müəllimin "Bentley"i iki dənədir.
Amma Əhəd Abıyev təkcə, avtomobil deyil, həm də motosiklet həvəsində olan icra başçılarından sayılır. Əldə etdiyimiz məlumatlara görə, Daşkəsənin icra başçısı hələ bir neçə il öncə özünə 23 min dollar dəyərində olan “Honda” firmasının istehsalı olan motosiklet alıb.
Qeyd edək ki, bu bizim araşdırmalarımız nəticəsində bəlli olan kolleksiyanın bir hissəsidir. İcra başçısının digər bahalı avtomobillərin sahibi olması istisna deyil.
Qarşı tərəfin də mövqeyini dərc etməyə hazırıq.
XalqXeber.Az
DogruXeber.az: - Rəsmi xəbərlərdə "inkişaf"etdiyi deyilən müasir Azərbaycan təhsilinin daha bir "üz qarası" cəmiyyətə açıqlandı.
Bakının daha bir məktəbində bir neçə müddətdir davam edən daxili qalmaqal mətbuata ayaq açdı.
Belə ki, Bakı şəhər Yasamal rayonunun Cəfər Cabbarlı adına 161 saylı tam orta məktəbində bir neçə ay öncəyə qədər texniki işçi olduğunu və artıq məcburi işdən çıxma ərizəsi yazdırılaraq, işdən çıxarıldığını deyən Zülfiyyə adlı xanım "DogruXeber.az" informasiya agentliyinə müraciət edib. Həmçinin, agentliyin tabeçiliyində fəaliyyət göstərən "Kanal14" YouTube kanalında yayımlanan "Kamalın zamanı " proqramı ilə canlı telefon bağlantısı yaradılan Zülfiyyə xanım bildirir ki; - "Mən bir neçə ildir 161 saylı məktəbdə texniki işçi idim. Bu ilin avqust ayının 1-də məzuniyyətə çıxdım. Oğlum ön cəbhədə hərbi xidmətdədir. Məzuniyyət müddətində oğlumu görmək üçün yanına getməyə hazırlaşırdım, məktəbdən zəng gəldi ki, "məktəbə gəl".
Dedim, - "gələ bilmərəm, işlərim çoxdur, oğlumun yanına gedirəm".
Gedib-gələndən sonra məktəbin direktoru Ruhiyyə Tağıyeva məni yenidən yanına çağırdı, getdim. Otağına girən kimi mənə, çağırışına getmədyim üçün çox təhqiramiz sözlər dedi.
Dedim, "dövlətin qanunu var, mən qanuni şəkildə məzuniyyətdə idim".
Ruhiyye Tagiyeva, "Dövlət kimdir, mən sənə deyirəm "gəl", Mən direktoram, nə desəm etməlisən" deyə, aqressiv şəkildə şəxsimə aşağılayıcı sözlər dedi. Heç nə demədən, otaqdan çıxdım. Səhəri gün məni təkrar bir də otağına çağırdı. Bu dəfə isə təkrar təhqir edəcəyini bildiyim üçün telefon səsyazanını işə saldım, otağa elə girdim. Otağa girən kimi, direktor Ruhiyyə xanım təxmin etdiyim kimi yenidən məni yenə də şərəf və ləyaqətimi alçaldan, aşağılayıcı sözlərlə təhqir etməyə başladı. Mən sadəcə ona cavab verdim.
Sonra mənə dedi, -"ərizəni yaz çıx". Mən buna etiraz etdim. Ruhiyyə Tağıyeva ərizəmi yazmadığım halda, "70-in C bəndi ilə işdən qovmaq"la təhdid etdi. Mən də məcburiyyət qarşısında qalaraq, ərizə yazıb, işdən çıxdım.".
Qeyd edək ki, sosial medialarda yayılan məlumatlara görə sözügedən direktor Ruhiyyə Tağıyeva rəhbərlik etdiyi məktəbdə keçirilən tədbirlərdən birində şəhidlərin xatirəsini bir dəqiqəlik sükutla yad edərkən, nə direktor özü, nə də yanında əyləşən digər şəxslər ayağa qalxmayıb. Amma, söz veriləndə ayağa qalxıb 2-3 kəlimə "tamadasayağı" çıxış edib və sözü müavininə verib, əyləşib.
Məlumatla Bağlı şəhər Təhsil İdarəsinin mətbuat xidməti ilə əlaqə saxladığımız zaman da bizə bildirildi ki, tədbirdə şəhidlərin xatirəsinə qarşı hörmətsizlik etdiyinə görə sözügedən direktora töhmət verilib. Baxmayaraq ki, Ruhiyyə Tağıyeva bununla bağlı mətbuat nümayəndələrinə "o tədbir deyildi, tədbir öncəsi hazırlıq idi, tədbir ondan sonra keçirilib" deyə bir açıqlama verib. Lakin, məktəbin redaksiyamıza müraciət edən keçmiş işçisi Zülfiyyə xanım direktorun açıqlamasının doğru olmadığını bildirdi.
P.S: Yeri gəlmişkən, Zülfiyyə xanımın iddiaları ilə bağlı 161 saylı məktəbin direktoru Ruhiyyə Tağıyeva ilə telefon əlaqəsi saxladıq. Ruhiyyə xanım Zülfiyyə xanımın iddialarını etiraf etdi və bildirdi ki, "Məni çox əsəbləşdirmişdi, ona görə ağzımdan o sözlər çıxdı".
Yuxarıda sizə təqdim etdiyimiz videolinkdə diqqət etdinizsə, Zülfiyyə xanım direktor barəsində daha böyük bir şokedici faktı da açıqladı. Xanım bildirdi ki, "Ötən il 3A sinifinin rəhbəri analıq məzuniyyətinə gedib. Lakin, onun adı məzuniyyətdə deyil, işdə gedib, əmək haqqını isə direktor Ruhiyyə Tağıyeva özü alıb.".
Doğrudur, biz bu barədə "DogruXeber.az" redaksiyası olaraq, Bakı Şəhər Təhsil İdarəsinin mətbuat xidmətinə məlumat verdik. Lakin, aydın məsələdir ki, direktorları təyin edən də, işdən çıxaran Elm və Təhsil Naziridir. Amma, heç onun da bu barədə hər hansı bir tədbir görəcəyinə adamın inanmağı gəlmir. Çünki, bundan əvvəl bu cür qanunsuz əməlləri olan, adı korrupsiyada hallanan məktəb direktorlarının işində qalmağa davam etdiyini, adi bir töhmət, yaxud yerdəyişmə ilə "söhbəti bağladığı"nı da az görmədik.
Necə deyərlər, "bığdan götürüb, saqqala qoyurlar". Dəyişən sadəcə iş otağı olur. İnsan eyni, vəzifə, səlahiyyət eyni. Yəni, həmin əməllərini davam etdirməsi üçün əlverişli fürsət.
Ruhiyyə xanıma da bir dəfə töhmət verilib, gözləyək görək növbəti addımda onu hansı məktəbə transfer edəcəklər?!
Yeri gəlmişkən, onu da qeyd edək ki, bir neçə gün əvvəl 211 saylı orta məktəbin direktoru barəsində də Elm və Təhsil Nazirliyinin mətbuat xidmətinin rəhbəri Cəsarət Valehova telefon vasitəsilə şəxsən məlumat vermişdik. Eyni zamanda məlumatla bağlı materialları və məmulatları rəsmi blankda Cəsarət Valehovun votsap ünvanına göndərmişdik.
Bundan qısa müddət sonra 211 saylı orta məktəbin direktoru Həcər Mahmudova işindən azad edildi və 30 nömrəli orta məktəbə direktor təyin edildi. Ancaq, maraqlıdır ki, Bakı şəhər Təhsil İdarəsi məlumatımızdan sonra atılan bu addımlar barəsində ilk olaraq, bixs digər saytlardan birinə məlumat verib.
Bəlli ki, özləri də verdikləri qərarın nə qədər gülünc bir qərar olduğunun fərqindədirlər və bu barədə verəcəyimiz suallarla üzləşmək istəmədilər. Ya da təhsil başda olmaqla bütün qurumlarda baş verən bütün qanunsuzluqlar və özbaşınalıqlar barəsində gerçəkləri ictimailəşdirdiyimiz üçün rəsmi açıqlamanı da bizə deyil, gerçəkləri deyil, şəxsi maraqları naminə birtərəfli fəaliyyət göstərən saytlara verməyi tərcih ediblər.
Amma, səbəb nə olursa olsun, məlumat verən biz olduğumuz üçün, görülən tədbirlər barəsində məlumat verməli olduqları da bizik.
Mövzuya qayıdacağıq.
Redaksiyamız hər kəsin söz haqqını tanıyır.
DogruXeber.az