www.dunyapress.info

"Respublikanski"dən 250 işçi çıxarıldı - “Şər-böhtanla, ərizə yazmağa məcbur edirlər"

Yaradılıb 29.10.2023 11:38 | Baxış sayı: 218

Respublika Klinik Xəstəxanasında 20-30 ildir orda çalışan tibbi heyət - istər həkimlər, istər tibb bacıları kütləvi şəkildə işdən çıxarılır. Əldə etdiyimiz məlumata görə, işdən çıxarılanların sayı 200 nəfəri keçib. Təbii ki, onların 90%-i öz ərizəsi ilə işdən çıxarılır.

Onlardan biri ginekologiya şöbəsinin cərrah mama-ginekoloqu Bahar Novruzova 30 ildir çalışdığı xəstəxanadan necə “atıldığını” və başına gətirilənləri Medicina.az -a danışıb.

- Bahar xanım, Klinik xəstəxanadan çıxarılmağınız və ədalətsizlə üzləşməyinizlə bağlı dövlət qurumları, Mehriban xanıma və İcbari Sığorta rəhbərinə müraciət ünvanlamısız. Sizə qarşı nə baş verib, niyə 30 il çalışdığınız xəstəxanadan çıxarıldınız?

- Mən 30 ildir, bu xəstəxananın ən öndə gedən, ən ağır əməliyyatlarını icra edən cərrahı olmuşam. Bundan əlavə rayonlarda ağır xəstələr olanda məni göndəriblər. Yeganə kadr idim ki, ağır xəstələri vəziyyətdən çıxardığım üçün bəzən gecəylə maşına əyləşdirib bölgələrə göndəriblər.

İlham Əliyev və Heydər Əliyevin doğum günlərində bizi 1 həftəlik Naxçıvana həmişə məni göndərilər.

Bu vaxta qədər nə baş həkim, nə direktorlarla problemim olmayıb.

Nə baş verdisə, xəstəxanaya Elviz Qasımov direktor gələndən oldu.

Bizim şöbədə sığortadan qabaq da həmişə dərman problemi olub. Elə vacib qanaxma saxlayan dərmanlar var ki, verilməyib. Bizə şöbə müdirlərimiz deyib ki, başımız salamat olsun deyə, özünüzdə bu dərmanlar olsun. Biz də hətta apteklərdə olmayan dərmanı öz pulumuza alıb şöbədəki şkafımızda saxlayırdıq. Hətta fevralda Oksitatin adlı uşaqlığı yığan dərman olmadı, Naxçıvandakı apteklərdən gətizdirib həkimlər arasında bölüşdürmüşük. Əgər belə işləməsəydik, inanın çox xəstə ölərdi. Çünki gecə xəstə ağırlaşanda nə direktor haya yetəcək, nə baş həkim, nə dərmana cavabdeh şəxs.

Bu yay mən bir neçə həkimlə məzuniyyətdə idik. Bizə xəbər verdilər ki, xəstəxananın mühafisəzinin rəisi Pərviz girib şöbəyə, şkafları açıb dağıdıb, ordakı bizə məxsus şəxsi əşiyaları və dərmanları götürüb. Öz pulumuza düzəltdiyimiz dolabda əməliyyat geyimlərimizi atıb bayıra. Hətta alt paltarına kimi. Pərvizi də bu təzə direktor komandası ilə gətirib.

Sentyabrın 7-si gəlib şöbə müdirin yanına getdim, şikayət etdim. Sentyabrın 8-i əməliyyat otağının qarşısında 19 mama cərrahın təcili tibbi xidmət üçün dərman və ləvazimatlar, şok əleyhinə dərmanlar olan dolabları var idi. Yenə bu Pərviz yanındakılarla gəlib, onları heç bizə açdırmadan sındırıb, dərmanları, sapları yığıb apardı. Mən də bunu gördüm, şkafda mənim şəxsi dərmanlarımı yığdım ki, sabah növbədəyəm dərmansız qalacam. İşimi ehtiyatlı tutmaq üçün yığıb maşınıma apardım.

Sonra Pərviz gəldi ki, Bahar xanım, onları verin bizə, biz yoxlayıb tutuşdurmalıyıq, sizin olsa, sonra hara istəyirsiz aparın. Mən də razılaşdım. Özüm maşındakıları verdim. Guya seriyası ilə yoxlayacaq, əgər bizim olsa akt yazacağıq. Dedim lap yaxşı.

2 gün keçdi, xəbər çıxmadı. Hər yerə getdim, şöbə müdiri, ümumi şöbə, hamısı dedi bizə heç nə deyilməyib. 11-i mənim növbəmdə bir xəstə gəldi, cırılmış çapıqla, xəsətəxanada bir dənə sap yoxdur ki, əməliyyat edək. Xəstə ağrıdan ölür. Əməliyyatxananın baş tibb bacısı deyir ki, sap yoxdur. Mənim ehtiyatımı bu Pərviz aparıb. Haray saldım ki, xəstə öləcək. Hansı baş həkimin, müavinin qapısını döydüm dedilər, bilmirik get direktora, Elvizə. O da heç kimi qəbul etmir. Gələn günündən onun qapısı kollkektivin üzünə bağlıdır. Özü kimi istəyir qəbul edir. Qəbul günü də yoxdur. Məni o qədər fırlatdılar ki, xəstə də ölür. Axırda dedim bu dəqiqə TƏBİB-ə zəng edəcəm ki, xəstə ölür, dərmanımız, sapımız yoxdur tikək. Xəstənin adamı da yoxdur ki, göndərək alsın. Axırda həmin Pərvizə zəng edib, götürdüyü dərmanlarımdan verdilər.

Bu həngamədən sonra məni kadrlar şöbəsi çağırdı ki, gəlin, ərizənizi yazın. Hüquqşünas mənə dedi ki, sən xəstəxananın dərmanlarını götürüb çıxarmaqda təqsirləndirilirsən, ya indi könüllü çıx, ya da 70C ilə çıxarılırsan. Mən xəstəxanada bütün dərman işlərinə baxanların yanına, bütün şöbələrə getdim ki, məndən götürülən dərmanların xəstəxanaya qəbul seriyası yoxlanılıb, kim qərar verdi ki, bunlar xəstəxananındır?. Hamı dedi bizi işə qatma, biz dərman yoxlamamışıq.

Bəs əskiklik yoxdur, sərfiyyat düz, çıxar düz, dərmanlar necə oldu sizin oldu?

19 şkaf var şöbədə. Hər gün o əməliyyatxanaya girirdilər, görmürdülər 19 şkaf, ağzına kimi doludur?

Hüquqşünas məndən sübut istədi. Getdim akt yazdırdım, şöbənin 19 həkiminin hamısı qol çəkdi ki, bizə deyən olmayıb ki, dərman saxlamaq olmaz.

Mən dərman oğrusu olsam, onu açıq-aşkar, gündüz vaxtı maşına niyə aparıram?

Mənim Naxçıvandan qohumlarım belə şahiddir ki, biz tapılmayan dərmanları tanışlıqla ordan gətizdirimişik.

Mənə deyir, əlimizdə videoçəkiliş var. Mən də deyirəm sübut edin. O araşdırmanı kim edib, kim sübut etdi ki, o dərmanlar xəstəxanandır.

Həmkarların sədri də məni çağırdı ki, Elviz müəllim təlimat göndərib, sənin məsələn iclasa çıxarılacaq. Ora da çıxsa gərək, maddə ilə çıxasan. Nə qədər gec deyil, öz ərizənlə çıx. Adamı durduğu yerdə şərə salarlar? Mən vəkillə məsləhətləşdim, o da dedi ki, Həmkarlar təşkilatına maaşından pul tutulub. Həmkarlar işçini müdafiə etməlidir, direktordan asılı olmamalıdır. Onlar sənə deyə bilməz ərizəni yaz. İclası tələb et, qoy olsun, əlindəki sübutları da apar. Ərizəmi yazmadım, tələb etdim ki, həmkarların üzvlərinin 70%i olmasa o iclası qəbul etməyəcəm. Mən vəkillə getmək istədim, qoymadılar ki, bizim hüquqşünas ola –ola başqa vəkil olmaz. 10 nəfəri yığıblar, mən hər şeyi göstərdim. Yenə də üzümə durdular ki, sizə deyilib, dərman saxlamayın, siz əmrə tabe olmamısız.

Sonradan eşitdim ki, həmin o mühafizənin rəisi digər işçilərə hansı ki, onların da şkaflarnı açıb dərmanlarını yığmışdı, tibb bacısı ilə xəbər göndərmişdi ki, kim istəmir adı siyahıya düşsün, gəlib məni görsün ki, onun adını pozum. Onun şkafını təmizə çıxaraq. Elə adamlar var otaqda, şkafında nə qədər dərmanlar çıxıb, onlarln adı siyahıda olmadı, Elvizə verilmədir.

Həmkarların iclasından sonra məni çağırdılar ki, sənin işinə 70C xitam verdik. Bəs bu qədər izahat. Bu qədər sübut. Yenə dedilər Elviz müəllimlikdir. 4 dəfə getmişdim, axırıncı dəfə getdim, dedilər vaxtı yoxdur, dedim bu gün məni qəbul etməyənə kimi burdan çıxmayacam, burda elə bir həngamə qopacaq ki, səsi respublikaya yayılacaq. Mən artıq dözə bilmərəm bu boyda tapdağa,

saymamazlığa. Qarşınızdakı uşaq deyil. Elviz bu xəstəxananın qapısını tanımayanda mən burda can qoymuşam.

Axırda məni qəbul etdi. Hər şeyi ona danışdım. Dedim, gecə növbəsində xəstə sığorta ilə gəlir, əllərində göndəriş, dərman istəyəndə göyə çıxırlar. Nəylə tikim, yorğan sapıyla? Allah eləməsin, xəstəyə nəsə olsun, qalırıq prokurorluq yollarında. Heç kim arxamızda durmur. Ona görə 200 manatımızdan keçib hər şeyi alırıq. Allah xətrinə sağalsın, təki düzəlsin. Dedi, mən özüm bu məsələni araşdıracam. Dedim, bəs məni 70C ilə çıxarırsız, oğru damğası vurursuz, araşdırıb sonra qərar verin. Mənə dedi, yaxşı, get onda ərizəni təzədən yaz. Mən də ailəmə məsləhətləşdim, özəldə də işləməyimə mane olmasın deyə, məcbur olub yazdım.

Təsəvvür edin, şöbədən əşyalarımı götürürəm, orda bir mədəniyyətsiz, hamıya söz atan baş tibb bacısı var, söz eşitdirir ki, mənə sataşanın axırı belə olar. Mənim də onunla nə sözüm? Nə var, nə var, neçə dəfə demişəm ki, dövlətin bizə verdiyi dərmanları niyə vermirsiz? Çünki məhz baş tibb bacısı aptekdən lazımi dərmanları qəbul edib gətirməlidir. Bizə eşitdirir ki, kiminsə bu şöbədə qalıb işləməsi mənim 2 dodağımın arasındadır. Əslində, bizim şöbədə mamaça diplomu olan işləməlidir. Bu tibb bacısı ola-ola gətirib qoyublar şöbəyə. Onun işi ancaq palatada xəstələri sorğu-sual edib, həkimlər barədə informasiya almaq, həkimləri güdməkdir. Xəstələr də onun əlindən bezmişdilər. Bizim şöbədə əsl repressiya gedir. Mən 57 yaşıma kimi belə şey görməmişəm.

- Bahar xanım, siz əgər həmin gün dərmanları qutuda maşına aparmasaydız və etiraz etməsəydiz, sizi çıxarmayacaqdılar? Yoxsa elə əvvəldən sizə münasibət birmənalı deyildi? Tək sizi çıxarmaq istəyirdilər?

- Yox... Tək mən yox. Məndən qabaq nə qədər insanı çıxarıb. Arzu həkimi, Rəfiqə xanımı. Hərəsini bir bəhanə ilə ard-arda töhmət, xəbərdarlıq, axırda da ərizə. O şöbə neçə illərdir mənlə Sevil xanımın çiyinlərində idi. Onu da başlayıblar sıxışdırmağa. Onun da şkafından dərman çıxıb. Ona izahat yazdırırlar. Yenə də baş tibb bacısı Vüsalə ondan şikayət yazıb, guya, xəstələr narazıdır. Sevil xanımı izahata çağıranda, o xəstələrin hamısından izahat alıb ki, biz həkimdən razıyıq, bizdən bir manat da istəməyib. Aparıb qoyub hüquqşünasın qarşısına.

Təbii ki, mən haqsızlığıa dözmədim. Mehriban xanıma, TƏBİB sədrinə, Zaur Əliyevə məktublar yazdım və Zaur müəllimin qəbulunda oldum. Çox mədəni şəkildə qəbul etdi, dinlədi. Dedi, bu işi mən özüm araşdıracam.

Ondan sonra yoxlama komissiyası göndərib, bütün işçiləri danışdırırlar. Sual verirlər ki, uşaq doğulanda ailəyə pampers aldırırsız? Deyirik hə. 3 gün ərzində uşaq yeməyi, butul və pampers aldırırıq. Deyir, bəs xəstəxana sizə vermir pampers? Deyirik, yox. Məlum olur ki, son 2 ayda bura 7000 pampers verilib. Amma şöbəyə çatdırılmır.

Dedik, bizə inanmırsız, düşün şöbəyə, doğuş edən analardan soruşun ki, pampers veriblər, ya özünüz almısız. Yoxlayın pampersləri hərədə bir cür.

Mənə çatan məlumata görə, məlum olub ki, bu direktor gələndən Respublika Klinik xəstəxanasından son 6 ayda 250 işçi çıxarılıb, 300-dən çox yeni işçi qəbul edilib. Məqsəd də boş yer açıb, təzə adamlar götürməkdir. Onun da səbəbini yəqin komissiya araşdırar.

Mən hazırda özəldə çalışıram, hara getsəm, məni kimi cərraha ehtiyac var, işdən çıxanda neçə klinika mən çağırdı. Amma bu haqqımın da yerdə qalmasını istəmirəm. Ümid edirəm, bu araşdırmanın, yoxlamaların, müraciətlərin nəticəsi olacaq. Mən İcbari Tibbi Sığortanın rəhbəri Zaur müəllimdən də ədalətli yanaşma gözləyirəm. İstəyirəm ki, günahsızlığımı sübut edim!

Aygün Musayeva

MEDİCİNA.AZ

ƏHƏD ABIYEVIN “HALAL” PULLARINA KIM HARAM QATIB?- ŞOK DETALLAR

Yaradılıb 28.10.2023 14:18 | Baxış sayı: 305

Azərbaycan Respublikası Prezidentinin 23 fevral 2011-ci il tarixli Sərəncamı ilə Daşkəsən Rayon İcra Hakimiyyətinin başçısı vəzifəsinə təyin olunan Əhəd Mikayıl oğlu Abıyev, 17 iyul 2023-cü il tarixdə daşıdığı həmin vəzifəsindən azad olundu. Qeyd edək ki, bu şəxs şəhər-rayon icra hakimiyyəti başçıları içərisində bəlkə də yeganə icra başçısı idi ki, onun adı daim qalmaqallarda, müxtəlif olaylarda və s. hallanırdı. Əhəd Abıyevi digər icra başçılarından fərqləndirən səbəblərdən biri də, bu şəxsin çox zaman Bakı şəhərində olması və özünəməxsus problemlərinin həlli ilə məşğul olması idi. Belə bir səbəblərdən idi ki, bu şəxsin icra başçısı olduğu Daşkəsəndə problemlərin varlığı, sanki adi həyat tərzinə çevrilmişdi. Bundan əlavə, bir müddət bundan öncə Daşkəsənin sabiq icra başçısı baş verən sel və daşqınlardan əziyyət çəkən sakinlərlə görüşə gedir, amma o, sakinlərlə görüşə at belində gedir. Sabiq icra başçısının belə bir addımı ictimaiyyət tərəfindən maraqla qarşılanır və bu addımı da Əhəd Abıyevi digər icra başçılarından fərqləndirir. Yadda qalan olaylardan biri də, 2017-ci ildə Daşkəsən rayonunda Novruz-Bahar bayramı şənliyi keçirilərkən, Əhəd Abıyevin meydanda qurulmuş boks arenasına çıxması və onun əlcək geyinərək rinqdə öz məharətini göstərməsi olur. Yəni, bu şəxsin keçirilən şənlikdə atdığı addım da yadda qalan məqamlardan olur.

Media üzərindən apardığımız araşdırmalar zamanı o da məlum olur ki, Əhəd Abıyev ötən 12 il ərzində Daşkəsəndəki filiz biznesindən, daş karxanalarının sahiblərindən, Xoşbulaq və Narzanda yerləşən istirahət mərkəzlərindən, ayrı-ayrı idarələrdən, müəssisələrdən və s. kimi gəlir gətirən sahələrdən o həddə aylıq “bac-xərac” toplayır ki, bu gün o, icra başçısı olmasa da, əslində ölkəmizin ən varlı milyonçusu, bəlkə də milyarder sabiq icra başçılarından biri hesab olunur. Məsələn, bir müddət bundan öncə internet televiziyalarından birinin aparıcısı qeyd etdi ki, Əhəd Abıyevin sahib olduğu var-dövlətin, yəni daşınar- daşınmaz əmlaklarını sayıb hesablamaq üçün saatlarla vaxt lazımdır.

Ötən illər ərzində sabiq icra başçısı atdığı addımları ilə yaddaşlarda elə bir formada iz buraxıb ki, bu şəxsin Daşkəsən RİH-nin başçısı postundan çıxarılması əksər sosial şəbəkə istifadəçilərinin əsas müzakirə etdiyi mövzulardan birinə çevrildi. Məsələn, sosial şəbəkə aktivləri yazırlar ki, “Əhəd Abıyev at belində yola salındı”, yaxud da, “o, cəzalandırıldı” deyə müəyyən yozumlar da sosial şəbəkələrdə yer alır. Amma, Əhəd Abıyevin vəzifə sahibi olduğu vaxtlarda, bu şəxsin bir kimsəyə məlum olmayan əməllərindən yazıb-pozan yox idi. Məsələn, bu gün Əhəd Abıyevlə bağlı bir olayı yenidən xatırlatmağa çalışacağıq. Belə ki, bu şəxs RİH-nin başçısı olarkən kimlərsə fərdi qaydada əllərində olan xüsusi cihazlarla daşların, qayaların altından qızıl-gümüş axtarıb tapırlar. Yəqin ki, sabiq icra başçısının tapılan qızıllardan, gümüşlərdən xəbəri olub və o, tapılan qızıllardan, gümüşlərdən istədiyi qədər paya da sahib olub. Daşkəsən sakinlərinə məxsus pay torpaq sahələrinin sabiq icra başçısı tərəfindən ələ keçirilməsi heç də eləbelə olmayıb. Hətta, bu şəxs elə hallar olur ki, özünü «straxovka» etmək üçün Prezidentin mühafizə xidmətinin rəisi cənab Bəylər Əyyubovun adından sui-istifadə etməkdən də çəkinmir. Bir sözlə, Daşkəsəndə hansı daşın altından qızıl-gümüş çıxıbsa, həmin qızıl-gümüşdən “DÖVLƏT BABA”nın xəbəri olmayıbsa, mütləqdir ki, Əhəd Abıyevin xəbəri olub.

Qeyd edək ki, bir-neçə il bundan öncə «Sədərk» Ticarət Mərkəzinin rəhbəri ilə kommersiya işləri quran Əhəd Abıyev özünə yaxın jurnalistlərdən birinə etibar edİir və o, hansısa məhsulların alış-verişini etmək məqsədilə “Sədərək” Ticarət Mərkəzinin rəhbəri Yusif Qədimbəyliyə bir çamodan yüzlük dollar göndərir. Həmin pulu aparan jurnalist qaqaş çamodanın dolu olduğunu görür və o, heç də tənbəllik etmir. Yəni, çamodandakı yüzlük dolların alt hissəsində olan “paçka” pulları dəyişir və həmin yerə saxta yolla hazırlanmış dollar “paçka”sını qoyur. Az sonra həmin çemodanı «Sədərək Yusif»ə təhvil verir. Çox keçmir ki, çamodandakı saxta pullara görə Yusif Qədimbəyli Əhəd Abıyevə odlu-alovlu telefon zəngi edir və vəziyyəti ona başa salır. Daha sonra, hər iki şəxs arasında böyük «razborka» başlayır. Baş verən belə bir olaylardan sonra həmin jurnalistin hansı səbəbdən həbs olunmasının, yaxud da götürülən yüzlük dollar paçkasının geri qaytarılmasının detalları bizə bəlli olmadı. Bəli, Əhəd Abıyevin icra başçısı olduğu dövrlərdə həyata keçirdiyi idarəçilik haqda, yaxud da qol qoyduğu əməllər barədə lazımi məlumatları əldə etdikdə o da bəlli olur ki, bu şəxs geniş imkana sahib olan vəzifə sahibi olub. Media üzərindən əldə etdiyimiz məlumatlar əsasında hazırladığımız bu yazıda, adı keçən Əhəd Abıyevin və digər şəxslərin də mövqeyini dinləməyə hazırıq.

Məqalədə göstərilən faktlara aydınlıq gətirilməsi üçün dəfələrlə hörmətli Əhəd Abıyevə zəng edib mesaj yazsaq da təssüf ki, Əhəd müəllim nə telefonumuza cavab vermədə, nə də mesaja..

Odur ki, qarşı tərəfin də, mövqeyini dərc etməyə hazırıq

Davamı var, biz izləyin.

Deryaz.az

Nərimanov rayon «voenkomat»ında BAZAR QAYDALARI - NARAZILIQ VAR...

Yaradılıb 28.10.2023 10:25 | Baxış sayı: 180

Hal hazırda Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) yerli idarə və şöbələrində atılan addımlar hər kəsin daha çox nəzər-diqqətini cəlb edir desək, heç də yanılmarıq. Buna əsas səbəb, bu gün də Azərbaycanın təcavüzkar Ermənistan dövləti ilə müharibə şəraitində olması və Silahlı Qüvvələrimizin təkmilləşdirilməsi yöndə lazımi işlərin görülməsidir. Belə bir səbəblər üzündəndir ki, istər paytaxt Bakı şəhəri ərazisində, istərsə də digər şəhər və rayonlardakı idarələrdə, şöbələrdə yaşanan olaylar müəyyən çevrələrdə gündəlik müzakirə olunur, qol qoyulan qanunsuzluq əməlləri KİV nümayəndələri tərəfindən daim ictimailəşdirilir. Söz yox ki, baş verən qanunsuzluqlarla bağlı aidiyyəti dövlət qurumları tərəfindən müəyyən addımlar atılır və yeri gəldikdə bəzi vəzifə sahiblərinə qarşı lazımi cəza tədbirləri də görülür. Hal-hazırda fəaliyyəti müəyyən çevrələrdə ictimai müzakirələrə səbəb olan idarələrdən biri də, SHXÇDX-nin Nərimanov rayon idarəsinin olduğu bildirilir. Düzdür, həqiqət naminə qeyd edək ki, deryaz.az saytının redaksiyasına Nərimanov rayon idarəsi istisna olsa da, indiyə kimi digər idarə və şöbələrdə baş verən ciddi qanun pozuntuları ilə bağlı xeyli məlumatlar, çoxsaylı vətəndaş müraciətləri və s. daxil olub.

Bu günlərdə isə redaksiyamıza Bakı şəhəri, Nərimanov rayonu, ev-36, mən-34 ünvanında yaşayan Rzayeva Minaxanım Balaca qızı tərəfindən video-müraciət daxil olub. Adı çəkilən bu xanım təqdim etdiyi video-müraciətində qeyd edir ki, “Nəvəm Həsənzadə Hüseyn Zaur oğlunun həqiqi hərbi xidmətə çağırış yaşı çatdığı üçün o, ilk əvvəl Səfərbərlik və Hərbi Xidmətə Çağırış üzrə Dövlət Xidmətinin Nərimanov rayon idarəsi tərəfindən tibbi müayinədən keçirildi və onda heç bir problemin olmadığı bildirildi. Belə bir səbəbdən də ona 23 oktyabr 2023-cü il tarixdə hərbi xidmətə getmək haqda çağırış vərəqəsi verildi, hətta Hüseyn Həsənzadəyə məxsus mobil telefona “N” saylı hərbi hissəyə düşməsi barədə “SMS” də gəldi. Elə ki, 23 oktyabrda SHXÇDX-nin Nərimanov rayon idarəsində olduq, o halda nəvəmi hərbi xidmətə deyil, məhz bu idarənin rəisi polkovnik Aqşin Əliyevin verdiyi tapşırıqlar əsasında təkrar müayinəyə göndərdilər. Müayinə zamanı həkimlər nəvəmin sol gözünə maye halında dərman tökdülər, az sonra isə bildirdilər ki, “Hüseyn Həsənzadənin gözündə problem var”. Bir sözlə, belə bir oyundan başımız çıxmadı. SHXÇDX-də təkrar müayinədən sonra nəvəmə 6 ay müddətinə möhlət vaxtı verdilər. Baxmayaraq, bir müddət bundan öncə Hüseyn Həsənzadə Zərifə Əliyeva adına Göz Xəstəlikləri İnstitunda gözündən müayinə olunmuşdu və ona hərhansı problemin olmadığı haqda rəsmi sənəd də verilmişdi.

Belə bir olaylardan sonra ortaya düşündürücü suallar çıxır ki, əgər nəvəmin gözündə problem var idisə, nəyə görə çağırış vərəqəsi verilməzdən öncə, Nərimanov rayon idarəsində həkim müayinəsi zamanı onun gözündə problem aşkar olunmur? Hətta, ona 23 oktyabr 2023-cü il tarixdə həqiqi hərbi xidmətə getmək haqqında çağırış vərəqəsi də verilir? Bundan əlavə, Hüseyinə həqiqi hərbi xidmətə çağırılan çağırışçıların hərbi xidmət yeri haqqında məlumat, yəni -“SMS” də gəlir.

Qeyd edim ki, 26 oktyabr 2023-cü il tarixdə Hüseyn Həsənzadəni Dövlət Təhlükəsizlik Xidmətinin Hərbi-tibb baş idarəsində təkrar tibbi müayinədək keçirdik, o halda bir daha bəlli oldu ki, nəvəm hərbi xidmətə tam yararlıdır.”.

Söz yox ki, deryaz.az saytı olaraq Minaxanım Rzayevanın redaksiyamıza təqdim etdiyi video-müraciəti əsas tutaraq Nərimanov rayon idarəsi ilə əlaqə saxladıq və qarşı tərəf olaraq qeyd olunan olaylara münasibət bildirmələrini xahiş etdik. O halda qarşı tərəfdən “Biz ünvanlanan suallara cavab vermək səlahiyyətində deyilik, siz baş idarə ilə əlaqə saxlayın” deyə cavab verildi. Bəli, belə bir cavabdan sonra SHXÇDX ilə əlaqə saxlayıb problemlərin varlığını bu dövlət qurumunda rəhbər vəzifə sahibi olan şəxslərin diqqətinə çatdırdıq. Təəssüflər olsun ki, ötən gün ərzində SHXÇDX-dən bir kimsə məsələlərə münasibət bildirmədi. Belə bir səbəbdən də, daxil olan video-müraciətdə qeyd olunan problemlərin, çatdırılan məlumatların operativliyini əsas tutaraq, əməkdaşımızın hazırladığı yazını bitərfli qaydada yayımlamağa məcbur olduq. Ümidvarıq ki, SHXÇDX –nin rəisi cənab Mürsəl İbrahimov Minaxanım Rzayevanın üzüzə qaldığı problemin araşdırılması yöndə aidiyyəti üzrə lazımi tapşırıqlarını verəcək. Qarşı tərəfin mövqeyini bir daha dinləməyə hazırıq.

Mövzuya qayıdacağıq.

Deryaz.az

Ağstafada təhsil təsadüfi adamların əlindədir...

Yaradılıb 28.10.2023 10:20 | Baxış sayı: 251

Qazax-Tovuz Regional Təhsil İdarəsinin Ağstafa Rayonu üzrə Təhsil Sektorunun tabeliyində olan şəhər məktəblərinin birində, birinci sinif şagirdini müəlliməsi döyür, sonra isə məktəbin dəhlizində sürüyür ki, direktorun kabinetinə gətirsin. Bu hadisəni isə təlim-tərbiyə işləri üzrə direktor müavini telefonu vasitəsi ilə lentə alır. Direktorun kabinetində özlərini mələk kimi, göstərib yenidən hadisəni lentə alırlar. Şagirdin müəllimi tərəfindən döyülməsini bilən valideyin, sektor müdirinə şikayət edir. Ağstafa rayonu üzrə təhsil sektorunun müdiri Mədəd Zeynalov valideyini xoş qarşılayır və məktəb direktoruna gücü çatmadığını, onun arxasında böyük gücün olduğunu bildirir. Hadisədən bir neçə gün keçməsinə baxmayaraq məsələni nə araşdırır, nə də Qazax-Tovuz Regional Təhsil İdarəsinin müdiri Arslan Hacıyevə məruzə etmir. Valideyin çarəsiz durumda qalıb, nə edəcəyini bilmir. Məsləhətimizlə onun Rayon Prokurorluğuna müraciət etməsini tövsiyyə etdik. Uşağın atası Ağstafa Rayon Prokurorluğuna rəsmən müraciət etdi.
Bundan sonra qanunlarımızın aliliyini məktəbin direktoru, təlim-tərbiyə işləri üzrə direktorun müavini və sinif rəhbəri ilə birlikdə Ağstafa rayonu üzrə təhsil sektorunun müdiri Mədəd Zeynalov başa düşərlər.
Uşaqların qayğısına qalmaq və onları tərbiyə etmək valideynlərlə bərabər təhsil işçilərinin də borcudur. Bu borcun yerinə yetirilməsinə isə dövlət nəzarət edir.
Hələ ki, istintaqın gedişinə mane olmamaq üçün susqunluğumu qoruyuram. Vaxtı gələndə hadisə ilə bağlı ətraflı məlumat yayımlanacaq...
Məsələ ilə bağlı qarşı tərəfin də mövqeyini dinləyə bilərik. Mövzunu diqqətdə saxlayacağıq.
Ələddin Qarayev
Teref.az

Facebook-da p

Binəqədi rayonunda CƏNGƏLLİK QANUNLARI... - BU NƏDİ BELƏ?

Yaradılıb 28.10.2023 08:54 | Baxış sayı: 165

Binəqədi İcra Hakimiyyəti, Ağasadiq Gəraybəyli küçəsində yerləşən 9 nömrəli yataqxananın 32 illik sakinlərini bu binadan çıxarmaq istəyir. Amma cəmi 30 500 manat müqabilində.
Teref.az “Meydan TV”yə istinadən xəbər verir ki, 5 ildir boşaldılmağa başlayan yataqxanada 37 ailə qalıb. Onlara təklif edilən məbləğdən narazıdırlar.
Yataqxana sakini Mehriban Rüstəmov deyir ki, İcra Hakimiyyəti yataqxanada olan 30 əlavə otağı hesablamır:
“91-ci ildən ailəm ilə burada yaşayırıq. İki uşağım var, anadangəlmə əlildirlər. Yoldaşım fəhlə işləyib, ev növbəsinə düşüb. Qaçqınlar gələndən sonra həmin ev qaçqınlara qaldı. O vaxtdan biz burada yaşayırıq. Sahibkarın nümayəndəsi bura gələndə birinci bizim evdən başladılar. Əlil qızım 10-cu mərtəbədə qalır, onun evindən başladılar ki, sahibkar bizə məlumat verib ki, artırmalara da pul hesablayıb verin. Bu məlumat bizim İcra Hakimiyyətinə çatdı. Burada 30 əlavə otaq var. Mətbəx, hamam, ayaqyolu. Bunları da otaq kimi nəzərə alıb, onların da pulunu mənimsəyirlər, bu artırmaların da pulunu öz hesablarına mənimsəyirlər”.
Yataqxana sakini Şəfiqə Hüseynova deyir, müvəqqəti olaraq yerləşdirildikləri yataqxanada 32 ildir ki, yaşayırlar. Yataqxana çoxdan onların özəl mülkünə çevrilib:
“Bizi müvəqqəti bura yerləşdirdilər ki, ev növbəsi olanda ev alacaqdıq. Yoldaşlarımız illərlə DSK-nın işçisi olub. Ev növbəsinə dayanıblar. Ev növbələri çatan vaxt müharibə başlayıb, yarımçıq qalıb. Buranı müvəqqəti veriblər bizə ki, yaşayaq. Biz də yaşayandan sonra prezidentimizin qərarı ilə buranı özəlləşdirdik. Hərənin özünə bir otaq da olsa, özəlləşdirmişik. Biz burada sakinik, sənədimiz var”.
Sakinlər danışır ki, İcra Hakimiyyəti artıq 2-ci dəfədir onları məhkəməyə verir. Amma heç bir halda narazı sakinlərlə razılaşmaq istəmir:
“İcra hakimiyyəti 37 ailəni məhkəməyə verdi, hamı getdi məhkəməyə. Məhkəmə baxılmamış qaldı, bizim xeyrimizə qaldı. İndi təzədən yenə veriblər. Mən başa düşmürəm niyə verirlər? Bizi niyə məcburi çıxardırlar? Axı bizim çıxarışımız var, öz evimizdir”.
Şikayətçilər onlara ev verilməsini tələb edir. 30 500 manata ev tapmağın mümkünsüzlüyündən danışırlar:
“Buranı söküb, yerində 6 mərtəbəli bina tikəcəklər. Biz də deyirik ki, yerində ev verin. Bir otaq deyil ? Birotaqlı ev verin. Birotaqlı ev 100-120 mindir. Ev almaq olmur. Uşaqlarımız da artıq böyüyüb. Gəldilər, dağıtdılar. Sonradan burada ev alanlar pulu götürüb çıxdı. Amma qanuni ev növbəsində, idarə işlərində ömrü boyu canlarını çürüdənlər burada yaşayırlar”.
Yataqxana sakinləri deyir ki, icra nümayəndələri onların buradakı yaşayışını daha da çətinləşdirmək üçün boş otaqları dağıdırlar:
“Lomu salırlar, vururlar. Uçmayan yeri də özləri uçurdurlar”.
Nəşr bildirir ki, sakinlərin şikayəti ilə bağlı Binəqədi Rayon İcra Hakimiyyətindən açıqlama almaq mümkün olmayıb.

Facebook-da paylaş

Övladının disdant təhsilinə maneə yaradan V.Mahmudovaya görə, Jurnalist İlqar Məmmədov vətəndaşlıqdan imtina edir - Prezidentdən onun ölkəni tərk etməsi üçün yardım etməsini istəyir

Yaradılıb 28.10.2023 08:23 | Baxış sayı: 152

Zaqatala şəhəri akademik Zərifə Əliyeva adına texniki fənlər təmayüllü lisey 19 sentyabr 2008-ci ildə Prezident İlham Əliyevin iştirakı ilə açılmışdır. Prezident liseyin müəllim kollektivi, şagirdlər və valideynlərlə görüşmüş, onların qarşısında çıxış etmişdir. Ölkə Prezidenti liseyin fənn kabinetləri və laboratoriyalarını gəzmiş, kompüter otağı, idman zalı ilə yaxından tanış olmuş və təhsil ocağı haqqında xoş fikirlər söyləmişdir.
Bəhruz Nəbili adaşı Regional Təhsil idarəsinin rəhbəri Bəhruz Mehdiyevin göstərişi ilə Akademik Zərifə Əliyeva adına Litseyə gələrək yoxlama aparıb. Yoxlamanın şəffav görüntüləri valideynin haqlı olduğunu göstərsədə verilən şirinlik valideyni haqsız direktor əvəzi Vüsalə Mahmudovanı haqqlı sayılmasına gətirib çıxarıb. İlqar Məmmədovun haqlı iddiaları yoxlanmamaqla yanaşı övladının məktəbə buraxılmasının qarşısı alınıb. Dİsttat təhsilin məcburiyyətini nəzərə aldıqda şagirdin təhsuilinə maniə yaratmaq özü bir cinayətdir ki, bunuda Vüsalə Mahmudova çox gözəl həyata keçirir. Xanım direktor keçmək naminə zərt idarəçilik nümayiş etdirməklə qanunların deyil rəhbərlərin qanunsuz buyruqlarını icra edə biləcəyini göstərir.
JURNALİSTİN TƏHSİL NAZİRLİYİ QARŞISINDA VERDİYİ MÜSAHİBƏ VƏ BUNDAN SONRA SOKTOR MÜDİRİ FUAD QARAYEVİN QƏBULUNDA OLUB!

FUAD QARAYEV VERDİYİ SÖZƏ ƏMƏL ETMƏDİ. O MƏSƏLƏNİ TAM ARAŞDIRARAQ KÖMƏKLİK EDƏCƏYİNİ DESƏDƏ ALTUNUN MƏKTƏBİNƏ QAYITMASI TƏMİN EDİLMƏYİB. ƏKSİNƏ GÖRÜNÜR SAXTA YOLLARLA ƏMƏKDAR MÜƏLLİM ADINI ALAN FUAD MÜƏLLİM QANUN POZUNTULARINA HAQQ QAZANDIRMAQDA MÜTƏXƏSİSLİK NÜMAYİŞ ETDİRDİ.
Vətəndaş bununla bağlı Təhsil Nazirliyinin qarşısında aksiyada keçirib. Vətəndaşın əslində Zaqatala üzrə Bakunews.az xəbər portalının əməkdaşı olan bölgə müxbiri olduğunu qeyd etməyimiz yerinə düşər. Jurnalistin övladı ilə bağlı apardığı mübarizədə Azərbaycan mediası tam dəstək verməkdədir. Nazirlik məsələlərə laqeyd yanaşması artıq qəbul edilən yanaşma deyil. Şəxs jurnalist olmasından istifadə etməmiş və vətəndaş olaraq haqqlarını müdafiə edərək övladının təhsilini bərbad edən şəxslə bağlı məlumatları vətəndaş olaraq ictimailəşdirmişdir. Vüsalə Mahmudovanın özbaşınalığı ilə bağlı Nazirliyin sektor müdiri Fuad Qarayev qəbul edərək məsələnin həll edilməsi üçün lazımi tədbirlər görüləcəyin vurğulayıb. 16.10.2023-cü il tarixində qəbulda olan İlqar Məmmədov bildirir ki, 25.10.2023-cü il tarixində övladı Altun Məmmədovu litseyə aparıb. Direktor əvəzləyən Vüsalə Mahmuddova onunla prinsipini övladına tətbiq etdiyi üçün Altunu sinif otaqına keçməsinə izin vermir. Müəllimin qanuni tələbi olsaydı bu günə qədər mənim övladımın qeydiyyatı Akedemik Zərifə Əliyeva adına Litseydə olması mümükün olmazdı. VAlideynin istəyi olmadan litseydən şagirdi çıxara bilmədikləri reallıqdır. O zaman bu şəxslərin atıqları addımın qanuna zidd olduğu aşikar deyilmi. Qanunun tələblərinə görə distat təhsil məcburidir. Amma V.Mahmudova Azərbaycan qanunlarını və Prezidentin tövsiyələrini heçə sayaraq Zərifə Əliyevanın adını daşıyan təhsil ocağında özbaşınalığını davam etdirə bilməsinin arxasında nə və kimlər durur?
TƏHSİL OCAĞINDA QANUNSUZ REMONT ADINA PUL YIĞILMASI VƏ İMTAHANDAN KƏSİLİB DEYƏ BİLDİRİLƏN UŞAĞIN ŞİRİNLİK QARŞILIĞINDA GERİ QAYTARILMASININ SUBUTLARI!

Bu günə qədər Vüsalə Mahmudovanın qanuna zidd addımlarından qeyd edilən bir neçə məqalə və videolar dərc edilib. Lakin Şəki-Zaqatala Regional Təhsil İdarəsinin rəhbəri Bəhruz Mehdiyevin medianın suallarına cavab verməməsi vətəndaşın əslində haqqlı olduğunu göstərir. Şəxs qanunun icrası əvəzinə özünü toxunulmaz əlçatmaz şəxsə çevirməklə yerli təhsil idarəsinin problemlərlə ələşməsini istəyir. Sonda kim qalib gələrsə məsələdən xəbərsiz olduğunu bildirməklə guyamki yoluna qoyan şəxsin özü olduğunu göstərmək üçün səhnəyə təşrif buyuracaq. Lakin qeyd edək ki, media olaraq dəfələrlə müraciətimizə baxmayaraq Bəhruz Mehdiyev münasibət bildirməkdən qaçaraq susqunluğunu qorumaqdadır. Nazirlik bu şəxsləri Regional idarələrə rəhbər təyin edərkən Nazirin əlçatmazlığı kimi əlçatmaz olmağı tapşırıb…?
Hazırda 25.10.2023-cü il tarixində Altun Məmmədzadə qeydiyyatda olduğu məktəbə buraxılmaması qanuna zidd deyil nədir?
Məsələ ilə bağlı Həm polis idarəsinə həmdə Zaqatala prokurorluğuna şikayət edən jurnalist İlqar Məmmədov övladı Altun Məmmədzadə təhsilinə maniə yaradan şəxslərlə bağlı ciddi ölçü götürülməsini istədiyini bildirib.

Jurnalist İlqar Məmmədov Fuad Qarayevə bildirdiyi məsələni araşdırdığını və yenədə Vüsalə Mahmudova ilə Bəhruz Mehdiyevin sözlərini mənə bildirməklə onların verdiyi qərarla razılaşmağımı istəyir. Bu isə ədalət prinsiplərinə ziddir deyə jurnalist bildirib. O qeyd edir ki, ölkədə litseylərdə keçirilən imtahanları əsas gətirməklə haqlı olduqların zənd edirlər. Lakin mən imtahan nəticəsinin V.Mahmudova tərəfindən saxtalaşdırıldığı və azyaşlı övladımın bir Aydan artıqdır ki, təhsilini almalı olduğu məktəbə girə bilmədiyindən şikayətçiyəm. Saxtalaşdırılmış imtaham nəticələri mənim öanasız övladımın gələcəyi ilə oynanılması deməkdir.
Məhs buna görədə mən Ali Baş Komandandan məni Vətəndaşlıqdan çıxararaq ölkəni təkr etməyimə şərait yaratmasını xahiş edirəm.
Məsələ ilə bağlı rəsmi qurumların mövqeyni dinləməyə hazırıq.

Mənbə: Bakunews.az

"Əl çəkmirlər məndən...Deyirlər ki, verin yeyək" - İcra nümayəndələri ilə satıcı arasında mübahisə

Yaradılıb 28.10.2023 08:21 | Baxış sayı: 311

Bu gün günorta saatlarında Nizami rayonunda, "Xalqlar dostluğu" metrostansiyasının qarşısında Nizami Rayon İcra Hakimiyyətinin, eləcə də

Bakı Şəhər İcra Hakimiyyətinin nəzdində Bakı Şəhər Ticarət və Xİdmət Departamentinin nümayəndələri ilə səyyar satıcılar arasında mübahisə yaşanıb.

Sitat.info-nun hadisə yerində olan əməkdaşı yaşanan gərginliyi videolentə alıb.

Çəkiliş zamanı özlərini təqdim etməyən şəxslər metrostansiyanın ətrafında göyərti və qadın saç aksesuarları satan satıcılardan taxta piştaxtanın dərhal yığışdırılmasını tələb ediblər.

Onlar söhbət zamanı bildiriblər ki, səyyar satışla məşğul olanlar qeyri-qanuni fəaliyyət göstərdikləri üçün satışa icazə verilmir. Özlərini təqdim etməyən şəxslər əvvəlcə çəkilişimizin qeyri-qanuni aparıldığını deyərək,

mane olmağa da cəhd göstərsələr də, daha sonra peşə fəaliyyətimizi davam etdirəyə nail olduq.

Uzun mübahisədən sonra bu şəxslərin Nizami Rayon İcra Hakimiyyətinin və Bakı Şəhər Ticarət və Xİdmət Departamentinin nümayəndələri olduğunu öyrənə bildik. Lakin heç biri özlərini təqdim etmədi.

Satıcılar bildirdilər ki, illədir ki, burada səyyar satışla məşğul olurlar. "10-15 ildir ki, satıcı işləyirəm. İllərdir ki, arabamda göyərti satıram. Yeganə qazanc yerimiz budur. Çox səliqəli, ətrafı çirkləndirmədən çörəkpulumu qazanıram.

Hamı razıdır. İndi mənə işləməyə imkan vermirlər. İcra hakimiyyətinin işçiləri gəlirlər ki, verin, biz də yeyək". Obyektivlik naminə Nizami Rayon İcra Hakimiyyətindən rəsmi məlumat almağa çalışdıq.

İH-nin ictimaiyyətlə əlaqədar şöbəsindən Cavid adlı şəxs suallarımıza cavab olaraq bildirdi ki, satıcılar həmin ərazidə qeyri-qanuni fəaliyyət göstərirlər. Onların səyyar satıcılıqla bağlı icazəsi yoxdur.

İcra hakimiyyəti nümayəndələri və müvafiq qurum birgə reyd keçirir.

Həmin videonu təqdim edirik.

Məğrur,
Sitat.info

Facebook-da paylaş

Sabiq hakimin BİZNES “VASİTƏÇİLİYİ” - Şəmsəddin Abbasovun bacısı oğlu hansı şirkətlərlə müqavilələr bağlayıb?

Yaradılıb 28.10.2023 08:16 | Baxış sayı: 317

Ölkədə müxtəlif ranqlı bir çox vəzifəli şəxslərin tutduqları postun imkanlarından yararlanaraq şəxsi bizneslərini çiçəkləndirmələri artıq adi hala çevrilib.

Teref.az Yenicag.az-a istinadla xəbər verir ki, Sumqayıt Apellyasiya Məhkəməsinin sabiq hakimi Şəmsəddin Abbasovun da nəzərdə tutulan vəzifəli şəxslər sırasında olduğuna dair davamlı məlumatlar yayılır.

Bir müddət öncə saytımızda yayımlanan materialda qeyd etmişdik ki, artıq yaş həddi ilə əlaqədar təqaüdə göndərilən Şəmsəddin Abbasov Sumqayıt Apellyasiya Məhkəməsinin hakimi işlədiyi dövrdə vəzifəsindən sui-istifadə edərək avtomobil mühərriklərinin ehtiyat hissələrinin təmiri sahəsində inhisarçı mövqeyə sahiblənib.

Avtomobil mühərriklərinin təmiri işi kənardan kiçik biznes təəssüratı yaratsa da, əslində, çox gəlirli bir sahədir. Çünki Azərbaycanda hər il dövlət və özəl şirkətlər balanslarında olan avtomobillərin təmiri üçün milyonlarla manat vəsait xərcləyirlər.

O baxımdan, bu biznesdə milyonlarla manat vəsaitin dövr etdiyini yaxşı bilən Şəmsəddin Abbasovun vəzifə səlahiyyətindən sui-istifadə edərək bəzi dövlət qurumlarının və böyük şirkətlərin rəhbərləri ilə müxtəlif vasitələrlə əlaqə quraraq balanslarında olan avtomobillərin təmir işlərini bacısı oğlu Fətiyev Arif Əminağa oğlunun adına yaratdığı MMC-yə verilməsini təşkil etdirdiyi iddia olunur.

Arif Fətiyevin adına yaradılan avtomobillərin təmir sexi hazırda Abşeron rayonu Masazır qəsəbəsi Rafiq Dünyamalıyev küçəsində fəaliyyət göstərir. Qeyd olunan ünvanda yeni inşa edilən həmin sexin heç bir müvafiq tikinti sənədinin mövcud olmadığı da bu iddiaların mühim elementidir. Anlaşıldığı qədər, Şəmsəddin Abbasov səlahiyyət və imkanlarından yararlanaraq, həmin sexin sənədləşmə işləri aparılmadan tikilib fəaliyyətə başlamasına “şərait yaradıb”.

Yenicag.az sabiq hakim Şəmsəddin Abbasovun bacısı oğlu Arif Fətiyevlə avtomobillərin təmir olunması üçün uyğun müqavilələr bağlayan şirkətlərdən bir neçəsinin adını əldə edib. Onlar “Körpü Bina Tikinti”, “Əfqan Construction”, “Şinkar Holdinq”, “Evroscon” ASC, “Borusan Makina Azerbaijan”, “Grand Motors” və “AzTexnika” şirkətləridir. Bir daha vurğulayaq ki, yuxarıda adlarını qeyd etdiyimiz şirkətlərin Arif Fətiyevlə fiziki şəxs kimi yüzlərlə müqavilə bağlamalarının “təşkilatçısı”nın məhz sabiq hakim Şəmsəddin Abbasovun olduğu iddia edilir.

Mövzu ilə bağlı araşdırmamız davam edir.

Burası TƏBİB şefinin QARA BAZARIDIR... - BUNUN BAŞQA ADI YOXDUR..

Yaradılıb 27.10.2023 09:04 | Baxış sayı: 141

Uzun illər 300 minlik Sumqayıt şəhərinin Səhiyyə İdarəsinə, indi isə Sumqayıtdan əlavə, Abşeron, Xızı rayonlarının səhiyyəsinə rəhbərlik edən, Sumqayıt Tibbi Mərkəzin direktoru Səkinə Sadıxova barəsində yazmaq istəyərkən, yadımıza sovet dövrünün “KİRPİ” satirik jurnalı düşdü. Yaşlı nəslin yaxşı yadındadır ki, bəyənmədiyimiz sovet dövründə “KİRPİ” jurnalında hansı məmurun barəsində BİRCƏ CÜMLƏ TƏNQİDİ YAZI gedərdisə...onun işi bitmiş hesab olunurdu.
İndi neçə ildir ölkə mediası Səkinə Sadıxovanın barəsində qalaq-qalaq faktlara söykənən yazılar dərc edir, amma heç bir tədbir görən yoxdur. Bu gün Səkinə Sadıxova barəsində eşitdiyimiz xəbər həm komediya, həm də tragikomediya mövzusudur, yəni gülməli olduğu qədər də ağlamalı, faciəlidir.
Səkinə Sadıxovanın özünə məxsus siyahısı...
Belə ki, Səkinə Sadıxova və onun cinayətkar şəbəkəsi 2-3 yaşlarında sünnət olunmuş oğlan uşaqlarının siyahısını axtarıb-tapırlar və onların guya yenidən sünnət olunması işini təşkil edirlər. Daha aydın olması üçün qeyd edək ki, adətən oğlan uşaqlarını valideynləri 3-4, hətta 5 yaşlarında sünnət edirlər. Amma Səkinə Sadıxovanın şəbəkəsi illər öncə sünnət olunmuş yüzlərlə oğlan uşaqlarının siyahısı əsasında Sumqayıt Tibb Mərkəzində guya sünnət mərasimi keçirir və bu yolla dövlət vəsaiti hesabına bonuslar qazanırlar.
Məlumat üçün qeyd edək ki, hər bir sünnət üçün həkim cərrahların hesabına bonus olaraq 18 manat dövlət vəsaiti köçürülür.
Səkinə Sadıxovanın sünnət mərasimində "laqonda, drujba" söhbəti...
Onu da bildirək ki, Səkinə Sadıxovanın cərrahları həmin sünnət mərasimlərində dədə-baba qaydası ilə olan qarğu, qamış ülgüc, yəni sünnət etmək üçün lazım olan ləvazimatlarla yanaşı özlərilə "laqonda, drujba" götürürlər. Səkinə Sadıxova sual verəndə ki, bu "laqondanı, drujbanı" neynirsiniz? Həkim cərrahlar cavabında bildirirlər ki, ay Səkinə xanım, 5 yaşında uşağı sünnət etməyə getmirik eee, 16-17 yaşlı uşaqları sünnət etməyə gedirik. Səkinə Sadıxova isə əllərini yelləyərək "boş verin"... Bəli, heç demə sünnət, falan məsələsi yox imiş, bütün tədbirlər kağız üzərində gedir.
Rüşvət və korrupsiyanın sünnət səviyyəsi...
Fikir verdinizmi, rüşvət və korrupsiya sünnət səviyyəsinə çatıb. Hətta bu barədə məlumatlı şəxslərin dediyinə görə, Səkinə Sadıxovanın saxta sünnət siyahısında 10-11-ci sinifdə oxuyan oğlan uşaqlarının, yekə kişilərin də adı var. Vallahi, bu Səkinənin 10-11-ci sinifdə oxuyan oğlan uşaqlarını sünnət eləməsi əməlli-başlı KOMEDİYA mövzusudur. Siz elə bilirsiniz ki, Səkinə Sadıxova bu SÜNNƏT BİZNESİNİ özbaşına qurub. Əsla belə deyil. Bu işdə Səkinə Sadıxovanın dalında TƏBİB-in rəhbərliyi, sədr müavini Araz Nəsirov dayanır. Bu məsələ Səkinə Sadıxovanın ilk saxtakarlıq əməli deyil.
Səkinə Sadıxovanın kadrlar idarəsinin aşbaz müdiri...
Bir müddət əvvəl Səkinə Sadıxovanın uzun illər toyda-vayda aşbazlıq edən, sonradan 44 yaşında Gürcüstandan saxta diplom alan Elnarə Arif qızı Məmmədovanı Sumqayıt Tibbi Mərkəzdə Kadrlar şöbəsinə müdir təyin etməsi barədə yazmışdıq. Amma aldığımız son xəbərə görə, bizim yazılardan sonra Elnarə Məmmədova vəzifəsindən azad edilib. Bu xəbər təqdirəlayiqdir. Amma Elnarəni saxta diplomla Kadr şöbəsinə müdir təyin edən Səkinə Sadıxova niyə məsuliyyətə cəlb olunmur..? Bəs saxta diplomla dövlətdən alınan maaşın məsələsi necə olacaq..?
Səkinə Sadıxovanın tabeçiliyində olan işçilərin qohumluq əlaqələri və ya qohumbazlıq...
Yuxarıda qeyd etdiyimiz saxta sünnət biznesinin, eləcə də digər saxta yolla alınan bonusların hesabına Sumqayıt səhiyyəsində ayda 15 min manat maaş alan həkimlər var. Səkinə Sadıxova hər yerdə deyir ki, iki qohumun biri digərinin tabeçiliyində işləyə bilməz. Səkinə Sadıxovadan soruşan lazımdır ki, ....Sevincin 3 qohumu səninlə birgə Sumqayıt Tibb Mərkəzində işləyir. Bəs buna nə deyirsən..?
Bütün məclislərdə və tədbirlərdə Səkinə Sadıxova deyir ki, mənim tabeçiliyimdə bir adam göstərin ki, biri-biri ilə yaxın qohum olsun və onlar bir yerdə işləsinlər. Səkinə Sadıxova gözəl bilir ki, qohumların bir yerdə işləməsi korrupsiya halıdır.
TƏBİB-in Sumqayıt Səhiyyəsinin sədri olan Səkinə Sadıxova buyurun, tanış olun bu hal sizin rəhbərliyiniz altında baş verir...
1. 2 saylı xəstəxananın Poliklinika şöbəsinin müdiri Sevinc Nəsibova
2. Sevinc Nəsibovanın həyat yoldaşı Sığortanın Təşkili Şöbəsinin müdiri Emil Nəsibov
3. Dezinfeksiyaedici idarəsinin rəhbəri Xavər xanımın qohumu və Sevinc Nəsibovanın qudasını anbardar təyin ediblər. Həmin şəxsin adı Vəliyev İltifatdır.
Bu qohumlar birləşərək keçmiş anbardarı Namazova Səyahəti şərlətdirib işdən çıxartdılar. Həmin xanımın anasının ürəyi partlayaraq öldü, özü isə banklarda əsir-yesir olub. Səhiyyənin Həmkarlar Təşkilatı Namazova Səyahəti müdafiə etmək istəsə də Səkinə Sadıxovanın ən yaxın dostu olan Araz Nəsirov imkan verməyib.
Səkinə Sadıxova diplomsuz Elnarə Məmmədovanı yeni vəzifəyə təyin edib...
Biz Sumqayıt Səhiyyəsinin Kadrlar İdarəsinin rəisi Elnarə Məmmədovanın məsələsilə daha dərindən maraqlandıqda gördük ki, Elnarə Məmmədovanı gözdən pərdə asmaq üçün 1 saylı xəstəxanaya kadrlar şöbəsinə mütəxəssis kimi işə götürüblər.
Bir Səhiyyə İdarəsinin ki, kadrlar idarəsinin rəisi aşbaz ola, ondan nə gözləyəsən.
Səkinə Sadıxova bütün mənəvi xətləri keçir...
Səkinə Sadıxova bütün mənəvi xətləri keçərək Qarabağ qazilərinin adından da sui-istifadə edir. Guya Qarabağ qaziləri Sumqayıt səhiyyə sistemində işlə təmin olunublar. Amma əslində qazilərin adı altında başqa şəxslər işə götürülüb.
Sözün qısası, Səkinə Sadıxovanın 750 minlik kəməri barəsində, Təcili Yardım Stansiyasına ayrılan yanacağı, benzini, dərmanları, ehtiyyat hissələrini satdırması, 4-5 min manata işə adam götürməsi, keçirdiyi saxta tenderlər, cari təmir adı altında mənimsədiyi yüz minlər barəsində təkrar yazmağa ehtiyac görmürük.
Təkcə onu qeyd edək ki, Səkinə Sadıxova Korrupsiya İdarəsinin qərarı ilə dövlətə 180 min manat pul köçürməlidir və bu günədək köçürmür. Bir sözlə, Səkinə Sadıxova kimi məmurlara qarşı mübarizəmiz davam edir. Bizi izləyin.
P.S. Sumqayıt şəhərində TƏBİB-in tabeçiliyində fəaliyyət göstərən Sumqayıt Səhiyyəsində Səkinə Sadıxovanın rəhbərliyi altında elə hallar baş verir ki, bu dünyanın ən geridə qalmış ölkəsində baş vermir. Ay TƏBİB rəhbəri nə qədər qışqırıb bağırmaq olar ki, Sumqayıt Səhiyyəsində Səkinə Sadıxova problemi mövcuddur. Səkinə Sadıxovadan nə qədər yazılar yazarlar. Axı sizə ölkə rəhbəri tərəfindən deyilməlidirmi ki, Səkinə Sadıxovanın fəaliyyəti qeyri-kafi qiymətləndirilsin. Görəsən, Səkinə Sadıxovanın FETÖ-çu qohumları TƏBİB rəhbərliyinə xahişmi edir? Bəlkə, TƏBİB rəhbərliyinin Səkinə Sadıxovanın yanında ciddi gözükölgəliliyi var? Axı nə baş verir? Axı Sumqayıtda Səkinə Sadıxovanı əvəz edəcək kadr yoxdurmu? Yoxsa Səkinə Sadıxova qazandıqlarının hamısını TƏBİB rəhbərliyinə çatdırır? //gundelik-baku.com//

BIR VAXTLAR MAŞINLA ADAM VURUB DEYILƏN ICRA BAŞÇISININ INDI DƏ, SÜRÜCÜSÜ INƏYI VURUB ÖLDÜRDÜ.

Yaradılıb 27.10.2023 08:50 | Baxış sayı: 203

Neftçalanın gənc icra başçısı Prezidentin qəbulunda olarkən başladığı səhvlər seriyasını davam etdirir
Söz vaxtına çəkər, düz iki il əvvəl bəzi onlayn kütləvi informasiya vasitələrində Neftçala rayon İcra Hakimiyyətinin başçısı Mirhəsən Seyidovun avtomobillə adam vurması ilə bağlı məlumat dərc olunmuşdu.

Doğrudur, Neftçala rayon İcra Hakimiyyəti tələsik həmin məlumatı təkzib etdi ki, onlar həqiqəti əks etdirmir; ümumiyyətlə belə bir hadisə baş verməyib və kökündən yanlışdır.

İcra hakimiyyəti mətbuat nümayəndələrini dəqiqləşdirməmiş məlumatları yaymamağa çağırdı, hətta bir az da uzağa gedərək qərəzli informasiyaları dərc etməyin qanun qarşısında məsuliyyət yaratdığı, həmin kütləvi informasiya vasitələri haqqında hüquqauyğun tədbirlər görüləcəyi barədə xəbərdarlıq da etdi. Ancaq o vaxt Mirhəsən Seyidova deyən olmadı ki, yayılan məlumat onun İcra Hakimiyyətini necə idarə etməyi ilə bağlı deyil, maşını idarə edə bilməməyi ilə bağlıdır. O üzdən həmin məlumata Rayon İcra Hakimiyyəti adından deyil, fiziki şəxs kimi, sürücü kimi öz adından münasibət bildirməlidir. O başqa söhbətin mövzusudur ki, bəlkə Mirhəsən Seyidov bəlkə “Dövlət elə mən özüməm” deyən Fransa kralı XIV Lüdovik kimi fikirləşir və bu qənaətdədir ki, Neftçala Rayon İcra Hakimiyyəti elə o özüdür, özü də İcra Hakimiyyətidir.

Əslində isə məlumatda İcra başçısı Mirhəsən Seyidovun 2021-ci ilin oktyabr ayında şənbə günü axşam saatlarında Neftçala rayon Kürqarabucaq kənd sakini, kənddə «Alim» adı ilə tanınan, əsl adı isə Həsənov Vahid Nüsrət oğlu olan, yaşlı şəxsə idarə etdiyi «tayota Camry» markalı minik avtomobili ilə xəsarət yetirdiyi, həmçinin, zərərçəkmiş şəxsə məxsus bir neçə xırdabuynuzlu heyvanlardan bəzilərini tələf etdiyi, bu azmlş kimi sakinlərin sözlərinə görə, hadisəni törətdikdən sonra hadisə yerini tərk etdiyi bildirilirdi. Kənd sakinləri tərəfindən hadisə yerinə polis və Təcili Tibbi yardım çağırıldığı, eləcə də hadisəni törədən avtomobilin dövlət nömrə nişanı da məhz sakinlər tərəfindən polisə bildirildiyi qeyd olunurdu. Vurğulanırdı ki, icra başçısı xəsarət alan şəxsin özü və yaxınları ilə anlaşaraq baş vermiş hadisəni gizlətmiş, görüntülərin ələ düşməməsi üçün həmin ərazidəki yol nəzarət kameralarının qeydə aldığı görüntülərin «təmizlənməsinı» nail olmuşdur.

Əlbəttə, həmin hadisədən sonra Mirhəsən Seyidov sürücülük vəsiqəsini təhvil vermədi. Çıxardığı yeganə nəticə bu oldu ki, özünə sürücü götürsün. Sürücünün peşəkarlıq səviyyəsinin necə olması da maraqlı deyil. Əsas odur ki, başçı özünü məsuliyyətdən sığortalasın, maşını özü idarə edəndə qol qoya biləcəyi qayda pozuntularını da sürücünün üstünə atsın.

Budur, bu ilin sentyabr ayında xəbər çıxdı ki, Mirhəsən Seyidovun sürücüsü İlkin Manafov “Qarabağ” restoranının yanında kənd sakininə məxsus inəyi İcra Hakimiyyətinə məxsus və iş adamı Qurban müəllimin icraya bağışladığı 18 AA 254 seriyalı “pikap” avtomobillə vuraraq öldürüb və sonra hadisə yerindən qaçıb.

Məsələ ilə bağlı münasibətlərini öyrənmək məqsədilə İcra Hakimiyyəti başçısının özünə, müavininə, sürücüsünə dəfələrlə telefon bağlantısı yaratmağa çalışsaq da, vatsap nömrələrinə mesaj göndərsək də, zənglərimizə, mesajlarımıza cavab vermədilər. Kənd sakinlərindən öyrəndik ki, qiyməti bazarda 2000 (iki min) manat civarında olan inəyə görə sürücü vur-tut 900 (doqquz yüz) manat təklif edib.

Sadiq oxucularımız xatırlayarlar, bir müddət əvvəl “Dəryaz” qəzetinin internet əlavəsi olan “Deryaz.az” veb-saytında “Neftçalada kəndlilərin örüş, otlaq sahələri zəbt edilib” sərlövhəli tənqidi məqalə dərc olunmuşdu. Həmin məqalədə neftçalanın kəndlərində əsas məşğuliyyəti heyvandarlıq olan əhalinin örüş, otlaq sahələrinin ayrı-ayrı imkanlı şəxslər tərəfindən zəbt edilməsinə, torpaqların sakinlərin tanımadıqları kənar şəxslərə satıldığı rayon rəhbərliyi tərəfindən şərait yaradıldığı bildirilirdi. Görünür, Neftçala İcra Hakimiyyətinin başçısı həmin məqalədən sonra “Dəryaz”dan ona heç bir xeyir gəlməyəcəyini qət edib və bizimlə hər cür kontaktdan yayınmağa qərar verib.

Beləliklə, Mirhəsən Seyidovun səhvlər seriyası davam edir. İlk səhvə isə o, 31 yaşında Neftçala Rayon İcra Hakimiyyəti başçısı vəzifəsinə təyin olunanda dövlət başçısının qəbulunda olarkən subordinasiya qaydalarını pozmaqla imza atmışdı. Belə ki, o, eyni vaxtda İsmayıllı rayonuna rəhbər təyin edilən 41 yaşlı Nahid Bağırovu qabaqlayaraq cənab Prezidentin kabinetindəki stolda dövlət başçsına daha yaxın olan stulda əyləşməyə tələsmişdi. Möhtərəm Prezident isə ona yerini göstərmişdi: “Sən yaşda kiçiksən, sən orda otur” — deyərək Nahid Bağırovla yerini dəyişməyi göstəriş vermişdi.

Qarşı tərəfin də mövqeyini dərc etməyə hazırıq
Habil Tağıyev
Deryaz.az

304 -dən səhifə 640