“Məcnun kənd təsərrüfatından anlamayan nə qədər adam varsa, hər birini yığıb nazirliyə”.

Bunu Yenicag.az-a açıqlamasında Müasir Müsavat Partiyasının (MMP) sədri Hafiz Hacıyev deyib.

O, Kənd Təsərrüfatı Nazirliyi yanında Aqrar Xidmətlər Agentliyində keçirilən əməliyyatlar fonunda fikirlərini bildirərkən qeyd edib ki, ilk olaraq Azərbaycan Respublikasının kənd təsərrüfatı naziri Məcnun Məmmədov məsuliyyətə cəlb edilməlidir.

“O, vaxtilə İsa Qəmbərin dondurma sexini işlədən və birbaşa olaraq dövlət başçısına xəyanət edən adam olub. Xatırlayanlar olacaq, köməkçi kimi özünə Azərbaycanı qəbul etməyən Nərmin adlı xanımı seçmişdi. Həmin şəxsin vəzifədən kənarlaşdırılmasını məhz mən təmin etdim. Bir sözlə, bu nazir yerini bilməyən adamdır. Çıxıb müsahibə verir ki, hamı quzu yemək istəyir, ona görə ət bahalaşıb. İndiki dövrdə kənd təsərrüfatı məhsullarının qiymətinin kəllə-çarxa çıxmasının başlıca səbəbi onun əsəridir”, – deyə o, əlavə edib.

H. Hacıyev söyləyib ki, Prezident İlham Əliyevin kənd təsərrüfatına böyük diqqət və qayğısı var, lakin, çox təəssüf ki, həmin nazirlikdə kənd təsərrüfatı üzrə mütəxəssis işləmir və nazirin heç bu işlərdən xəbəri yoxdur:

“Dəfələrlə demişəm, bu gün xalqın əsas tələbatı kənd təsərrüfatı məhsullarınadır. Kostyum alıb 2-3 il geyinmək olar, lakin çörək, ət, qatıq, xama yeməsən, süd içməsən, yaşaya bilməzsən. Qısacası, hazırda xalqın əsas narazılığı kənd təsərrüfatı məhsulları ilə bağlıdır. Kənd təsərrüfatı üzrə mütəxəssis olaraq rahatlıqla deyə bilərəm ki, hazırda hansı rayonda kartof, üzüm, taxıl əkilməli, hansı rayonlarda isə heyvandarlıq inkişaf etdirilməli olduğunu planlaşdıra bilmirlər. Bunları danışan zaman deyirlər ki, Hafiz Hacıyevin gözü kənd təsərrüfatı naziri olmaqdadır. Olsaq, nə olar? Xalqın çörəyi artar, ət 20 yox, 10 manat olar, məhsul istehsalı artar, hər kəs də razı qalar”.

MMP sədri əmindir ki, hələ orada çox oyunlar çıxacaq:

“Hələ məndə olan məlumatlara görə Məcnun kənd təsərrüfatından anlamayan nə qədər adam varsa, hər birini yığıb nazirliyə. Neft sənayesi üzrə ali təhsil alan biri necə bu sahəni bilsin?! İlk öncə qoyunla quzunu tanımaq lazımdır. Vaxtilə kənddə çoban da olmuşuq, mal da bəsləmişik, ərazi də sulamışıq. Burada gizlətməli heç nə yoxdur. Ölkəmiz kənd təsərrüfatı üçün ən yararlı torpaqlara sahibdir. Niyə xaricdən idxal edək?!”

“Əlqərəz, xalqı narazı salan Kənd Təsərrüfatı Nazirliyi ləğv edilməli, rəhbəri tutulmalı, yerində isə Kənd Təsərrüfatı üzrə Ərzaq, Təhlükəsizlik və Qida Təminatı Komitəsi yaradılmalıdır. Oraya isə həmin işlərdən başı çıxan, bizim kimi bu sahəni bilən adamlar gətirilməlidir ki, dövlətə xidmət etsinlər. Əgər kimsə mənimlə bu barədə polemika aparmağa razıdırsa, buyursun, hər zaman hazıram. Kiminsə bacısıdır, qardaşıdır, dostudur, tanışıdır baxmayacağıq, birmənalı olaraq heç kəsə dövlət başçısına xəyanət etməyə imkan verməyəcəyik!”, – deyə həmsöhbətimiz fikirlərini yekunlaşdırıb.

Ağcabədi rayonunun Aran kəndində məskunlaşmış, əslən Laçın rayonunun Şeylanlı kəndindən olan məcburi köçkün Bəxtiyar Mirməmmədov öz müraciətində bildirir ki, övladl Zəhra Mirməmmədova iflic və epilepsiya xəstəliyindən əziyyət çəkir.

"DİA-AZ"ın məlumatına görə, şikayətçi deyir ki, hazırda qızı nə danışa bilir, nə də yeriyə bilir. Bəxtiyar Mirməmmədov iddia edir ki, Ağcabədi Rayon Mərkəzi Xəstəxanasının həkimləri Elnur Abdullayev və Gülər Həsənov övladının ağır yataq xəstəsi olmasına baxmayaraq, onu xəstə kimi qeydiyyata salmaqdan imtina edirlər. Vətəndaşın iddiasına görə, xəstəxanada yalnız rüşvət verən şəxslər qeydiyyata alınır ki, bu da davamlı müalicəsi tələb olunan övladının tibbi baxımsızlığına gətirib çıxarır. Yəni pulu olmadığından lazımi dava-dərmanı ala bilmir.

Şikayətçi qeyd edir ki, övladının əlilliyini verilməsinə mane olan həkimlərin özbaşnalığına əsəbiləşən atası da ific keçirib və hazırda vəziyyəti çox ağırdır.

O, aidiyyəti qurumlardan bu məsələni araşdırılmasını, Ağcabədi rayonunda özbaşınalıq edən həkimlərin cəzalandlrılmasını və övladına lazımi tibbi yardım göstərilməsini xahiş edir.

Bakı şəhər sakini A.Ə.Mikayılov tərəfindən Hurriyyet.az saytının redaksiyasına şikayət daxil olub. Saytımız vasitəsilə "Palmali" Şirkətlər Qrupunun rəhbəri Mübariz Mənsimova müraciət edən şikayətçinin fikirlərini olduğu kimi dərc edirik:

“Hörmətli Mübariz Mənsimov!

Mən 42 ilin riyaziyyat müəllimi olmaqla yanaşı, həmçinin 20 ildir xalçaçılıqla məşğul oluram.

Qeyd edim ki, yaxın bir dostumun vasitəsilə mərhum atanızın 40 mərasimində iştirak etmişəm. Biz oğlunuz Məcidin oturduğu stolun arxasında əyləşdik. Bir az söhbətdən sonra mən oğlunuza özümü təqdim etdim və xalçaçılıqla məşğul olduğumu bildirdim. Daha sonra “istəyirsiniz ki, xalça üzərində babanızın, nənənizin və atanızın birgə şəkli toxunsun?”, - deyə ondan soruşdum. Bu zaman Məcid bundan məmnun ola biləcəyini söylədi. Qiymətlə bağlı da razılaşma oldu və mən oğlunuzdan hazır olduqdan sonra xalçanı hara çatdırmaq lazım olduğunu soruşdum. Həmin vaxt o, mənə özünün və şirkətin mətbuat xidmətinin rəhbəri olan Fidan xanımın əlaqə nömrəsini verdi.

Hörmətli Mübariz Mənsimov!

Kimsəyə sirr deyil ki, bu cür xalçaların toxunması üçün həm çox pul tələb olunur, həm də çox əziyyətli işdir. Şəxsən özüm sifariş verdikdə isə, təhvil alacağım xalçaların ən xırda nöqtəsinə kimi analiz edirəm.

Xalçanın tikilişinə başlamamış əmin olmaq üçün oğlunuz Məcidə zəng vurdum. Tanışlıq verib, xalçanı toxutdurmağa başladığımı diqqətinə çatdırdım. O isə, yenə əvvəl kimi, boyük məmnuniyyətlə qəbul edəcəklərini bildirdi.

Beləliklə, xalça hazır olduqdan sonra - 7 dekabr, 2023-cü ildə təyyyarə ilə İstanbul şəhərinə getdim. Oradan taksi ilə "Palmali" şirkətinin ofisinə yola düşdüm. Təhlükəsizlik xidmətinin əməkdaşlarına Məcid bəylə görüşmək istədiyimi bildirdim. Dedilər ki, o, şirkətdə olmur. Bu zaman “məni Mübariz bəylə görüşdürün”, - dedim. Sizin də şirkətdə olmadığınızı dedilər. Nəhayət, məni telefon vasitəsilə Fidan xanımla danışdırdılar. Ona məlumat verdikdən sonra bildirdi ki, “xalçanı qoyun, gedin oteldə dincəlin, sizi dəvət edəcəyik”. Xalçanı şirkətdə qoyub çıxdım və Şişlidə günü 50 dollardan olan otelə yerləşdim.

3 gün gözlədim, xəbər olmayınca, yenidən şirkətə yaxınlaşdım. Bu dəfə də şirkətdə heç kəsin olmadığını dedilər. Bu səbəbdən də bilet alıb, Bakı şəhərinə qayıtmağa məcbur oldum.

Bir neçə gün sonra mobil telefonuma SMS vasitəsilə mesaj gəldi. Xalçanın neçəyə başa gəldiyini soruşurdular. Bildirdim ki, xalça 6 min dollara başa gəlib. Yəni təkcə toxunmasına 8 min manat pul vermişəm, xalça hazır olana kimi - 3 ay yarım gedib-gəlmişəm. Hər dəfə gedəndə toxucu xanımları mükafatlandırmışam. Beləliklə, xalçanın maya dəyəri 6 min dollar olub. Onu da əlavə etdim ki, “müəllim də üstündə nə verər-verər”.

Bu zaman Fidan xanım mənimlə bazarlıq etməyə başladı. Dedi ki, yox, bu qədər ola bilməz, bahadı. Ona başa salmağa çalışdım ki, media əməkdaşı olduğunuz üçün hansısas xalçanın neçəyə başa gəldiyini bilə bilməzsiniz.

Məlumat üçün bildirim ki, xalçanın 60 faizi ipək, 40 faizi isə yundur. Bu xalçaya müzeydə də baxış keçirilmişdi, orada da dedilər ki, çox qiymətli bir əl işidir. Toxunuşunu da bəyəndilər. Həqiqətən də xalça çox gözəl toxunub.

Fidan xanıma onu da bildirdim ki, mən hələ xalça toxuyanların, bu işdə zəhməti olanların pulunu verməmişəm, onlara ödəniş edilməlidir. Bundan sonra dedi ki, sizə yardım olunacaq. Çox vaxt keçmədən zəng vurdular ki, get, “Şərur İnşaat”dan pulunu götür. Getdim, amma mənə cəmi 3 min dollar verdilər. Həmin pulu da borclu qaldığım bəzi şəxslərə verdim.

Bir müddət sonra yenidən Fidan xanımla əlaqə saxladım. Dedim ki, “Fidan xanım, 3 min dollar bu xalçanın qiymətinin heç yarısı deyil, xahiş edirəm müəllimə bildirin, pulumu versin”.

2024-cü ilin iyun ayında Mənsimov qardaşları atalarına il verirdilər. Orda Mübariz bəyin qardaşı Mayis müəllimlə görüşdüm. Bir müddət sonra İçəri şəhərdə, Cümə məscidi ilə üzbəüz ofisdə Mübariz Mənsimovun bacısı oğlu Paşa müəllimlə görüşdüm. O, Fidan xanımı çağırdı. Fidan xanım əvvəl məni tanımadı, sonradan xatırladığını söylədi. O, yenə eyni sözləri təkrar edərək, xalçanın qiymətinin çox baha olduğunu bildirdi. Bu zaman qeyd etdim ki, “vallah, Məcid bəy razılıq verməsəydi, heç bu addımı atmazdım”. Bundan sonra Paşa müəllim dedi ki, “ya müəllimin pulunu verin, ya da xalçasını geri verin. Əvvəl verdiyiniz 3 min dolları isə, xalçanı qaytarsanız belə, almayın ondan”. Məndə fikirləşdim ki, eybi yox, xalça qayıtsa, saxlayaram, Mübariz Mənsimov Azərbaycana nə vaxt gəlsə, onun özünə verərəm.

Hörmətli Mübariz Mənsimov!

Əminəm ki, mənim pulumun kəsilməsindən, get-gələ salınmağımdan sizin xəbəriniz yoxdur. Bu baxımdan, sizdən xahiş edirəm ki, mənim müraciətimi cavabsız qoymayın”.

Məsələ ilə bağlı "Palmali" Şirkətlər Qrupunun rəhbəri Mübariz Mənsimov və mətbuat xidmətinin rəhbəri Fidan xanımla əlaqə saxlamağa çalışsaq da, telefon zənglərimiz cavabsız qaldı.

Jalə FAMİLQIZI

Redaksiyadan: Yazıda adları çəkilən şəxslərin mövqeyini dərc etməyə hazırıq.

Bir müddət öncə mediada vətəndaş Orxan Şirinzadənin “Maşınqayıran” MTK ilə bağlı şikayəti yayımlanıb.

TEREF Operativ Media-ya istinadən xəbər verir ki, vətəndaş ona məxsus obyektin qanunsuz olaraq başqasına satıldığını iddia edib. O, bildirib ki, “Maşınqayıran” MTK ona müraciət edərək obyektinin yerləşdiyi ərazidə tikinti işləri aparmaq barədə niyyətini bildirib. Orxan Şirinzadə MTK-ya inanaraq öz razılığını verib.

O.Şirinzadə qeyd edib ki, Bakı şəhəri, Nəsimi rayonu, Azadlıq Prospekti, ev 54 ünvanında yerləşən rəsmi çıxarışla 110.8 kvadrat metr, faktiki olaraq isə daha çox sahəsi olan tam təmirli obyekti olub. Obyekt 3.500 manat məbləğində icarə haqqı qarşılığında gəlinlik mağazası kimi fəaliyyət göstərib.

“Maşınqayıran” MTK ilə müqavilə bağlayan vətəndaş müəyyən şərtlər qarşılığında həmin ərazidə MTK-nın bina tikməsinə razılıq verib. Bu səbəbdən vətəndaş Orxan Şirinzadə ilə “Maşınqayıran” MTK ilə 13 may 2022-ci il tarixli 109 nömrəli “Əvəzləşdirmə” müqaviləsi bağlanılıb. Həmin müqavilənim bəndlərinə görə, O.Şirinzadə xüsusi mülkiyyətində olan obyektin sökülməsinə razılıq verib, MTK isə əvəzində bina inşa edilənə və ona obyekt verilənə qədər hər ay kompensasiya məbləği olaraq 3.500 AZN pul ödəyir və nəticədə 230 kv m qeyri-yaşayəş və 40 kv m qaraj verir. Müqavilənin 1.2-ci bəndinə əsasən, çıxarışla müqavilə arasında fərq olduqda, əlavə olaraq hər 1 kv m görə 15.000 AZN pul ödəyir. Lakin tikinti işləri yekunlaşdıqdan sonra MTK müqavilə şərtlərinə əməl etməyib. Belə ki, bu müddət ərzində O.Şirinzadəyə ödənilməli olan kirayə pulları ödənilməyib, tikinti başa çatdıqdan sonra öz obyekti deyil, dəyərindən 70-80 faiz aşağı sahə təklif olunub, öz obyekti isə başqa bir şəxsə satılıb.




O.Şirinzadə MTK-ya qarşı iddia qaldıraraq kirayə pulların ödənilməsi üçün məhkəməyə müraciət edib, tələbi haqlı və qanuni olduğu səbəbindən onun xeyrinə məhkəmə qətnaməsi çıxarılıb. Lakin MTK Azərbaycan Respublikasının adından çıxarılmış yekun məhkəmə aktını icra etməkdən boyun qaçırmaqla yanaşı, ona qarşı süni surətdə vaxtı uzatmaq məqsədilə məhkəmədə əsassız olaraq yeni iddialar verib.

Məsələni diqqətdə saxlayan e-huquq.az həmin iddiaların təmin olunmaması barədə məlumat əldə edib. Belə ki, məhkəmə O.Şirinzadənin xeyrinə qərar qəbul edib. Buna baxmayaraq, o, hüquqlarının bərpa olunmasına nail ola bilmir.







O.Şirinzadə deyib ki, əlində məhkəmə qərarı olmasına baxamaraq, MTK qanunsuz əməllərinə davam edir və onun mülkiyyət hüququnu pozur. Vətəndaş deyir ki, məsələ ilə əlaqədar aidiyyəti qurumlara etdiyi müraciətlər də nəticəsiz qalıb. Çarəsiz qalan O.Şirinzadə hüquqlarının bərba olunması üçün ölkə başçısı cənab İlham Əliyevə müraciət edəcəyini bildirib.

“MTK-nın ayrı-ayrı vəzifəli şəxsləri məni aldadaraq əmlakımı əvəzsiz əldə edib, heç bir kirayə haqqı ödəmədən, əmlakımı sökərək yerində hündürmərtəbəli bina inşa ediblər, əvəzində isə həmin inşa edilmiş binada vəd verilmiş sahə üzrə obyekt verilməyib. Beləliklə, mənə qarşı aldatma yolu ilə əmlakım ələ keçirilib və xüsusilə külli miqdarda ziyan vurulub. Mənim istəyim odur ki, haqq-ədalət öz yerini tapsın. Mənə qarşı edilən bu qanunsuz əməllərə son qoyulsun, cavabdeh olan vəzifəli şəxslər məsuliyyətə cəlb olunsunlar”, – deyə şikayətçi bildirib.




Qeyd edək ki, MTK-lar tərəfindən vətəndaşların bu formada aldadılması hallarına tez-tez rast gəlinir. Bir müddət öncə tanınmış vəkil, hüquq elmləri üzrə fəlsəfə doktoru Şaiq Mirzəyev də saytımıza açıqlamasında MTK-ların vətəndaşların mülkiyyət hüququnu pozmasından bəhs etmişdi. Bildirmişdi ki, MTK-lar vətəndaşların etibarından istifadə edərək onlarla müqavilə bağlayır və vətəndaşın razılığı ilə əmlakını sökür. Sonradan isə vətəndaşlara heç bir kompensasiya ödənilmir. Uzun çəkən məhkəmə proseslərindən sonra vətəndaşların xeyrinə qətnamə çıxarılsa da, MTK-lar həmin qətnamələri icra etmirlər. MTK tikinti işlərini yekunlaşdırdıqdan sonra fəaliyyətini dayandırır. İnşa edilmiş binada ayrı-ayrı mülkiyyətçilər yaranır. Həmin MTK-nın balansında nə pul vəsaiti, nə də əmlak olmur. İcra sənədi də icra olunmadan məhkəməyə geri qaytarılır. Beləliklə, vətəndaşlara külli miqdarda zərər dəyir.

Ş.Mirzəyev təklif edib ki, bütün bu hallarla bağlı Baş Prokurorluğun rəhbərliyi ilə xüsusi komissiya yaradılmalı və həmin komissiyanın tərkibində aidiyyəti qurumlar təmsil olunmalıdır. Komissiya həm əmlakını itirmiş şəxslərin şikayətlərini araşdırmalı, həm də bu sahədə qanunvericiliyin təkmilləşdirilməsi istiqamətində təkliflər hazırlamalıdır.

Yasamal rayonu, Zahid Xəlilov küçəsi 52 ünvanında yaşayan sakinlər 10 ildir ki, sakit həyata həsrət qalıblar. Bir neçə binanın düz ortasında yerləşən ikimərtəbəli "Zəfəran-Otdıx" restoranı onların həyatını kabusuna çevrilib. Restoran həm də PUB kimi fəaliyyət göstərdiyindən axşam saatlarında əyləncə məclisləri start götürür, musiqinin səsindən, spirtli içki qəbul edən müştərilərin səs-küyündən, davranışlarından məhəllə sakinlər rahat yaşaya bilmirlər. Vəziyyət o həddə çatıb ki, insanlar evdə nəinki istirahət edə bilmir, hətta bir-birini eşidə bilmirlər.

Bu barədə "Sitat.info"ya danışan sakinlər qeyd ediblər ki, məhəllədə bu obyekt tikilən zaman onları aldadıblar: "Buranın restoran olacağı bizə demədilər. Etirazlar olmasın deyə, bank kimi fəaliyyət göstərəcəyini deyib bizi aldatdılar. Sonradan restoran kimi fəaliyyətə başladı. Təsəvvür edin ki, evdə ağız deyəni qulaq eşitmir. Neçə dəfə özlərinə də demişik, polisə müraciət etmişik. Həmin vaxt bura "Kabab House" idi , polislər gələndən sonra yığışdırdılar. Sonra "Zəfəran"nın köhnə sahibləri qayıtdı, indi "Zəfəran Otdıx" adı altında fəaliyyət göstərirlər. Yenə eyni hal baş verir. Təkcə musiqinin yüksək səslə verilməsi deyil, restoranın kabinetlərində gecıyarısına kimi içki məclisləri davam edir, yeyib-içirlər, yüksək səslə danışıb-gülürlər, evdə uşaqlar, xəstələr yata bilmir. Üstəgəl restoranın ikinci mərtəbəsindən düz evimizin içərisi görünür, pəncərəni aça bilmirik. Bu qədər özbaşınalıq olmaz...".

Qeyd edək ki, problem təkcə yaşayış binasının həyətində PUB-un fəaliyyət göstərməsinin mental dəyərlərimizə zidd olması və ya yüksək səslə verilən musiqinin insanların rahatlığını pozması deyil. Burada həm də tikinti normaları pozulub. Restoranın bir neçə binanın məhəlləsini zəbt edib, insanların istirahət hüququnu əlindən alıb. Eləcə də təhlükəsizlik baxımından ciddi risklər daşıyır. Məsafə o qədər yaxındır ki, restoranda baş verə biləcək yanğın bütün bu binaları, yüzlərlə ailəni təhlükə altında qoyur. Eyni zamanda yanğınsöndürən maşınların həyətə girişi üçün də problem yaradır.

Hazırki vəziyyəti təqdim etdiyimiz videodan da izləyə bilərsiniz.

"Nərimanov rayonu 57 nömrəli məktəbin direktoru Aytən Sadıqova məktəbin təmirini tamamlamayan Elm və Təhsil Nazirliyindən “heyfini” şagirdlərdən və müəllimlərdən topladığı pullarla çıxır". Bu ittihamlar "DİA-AZ"a göndərilən müraciətdə yer alıb.

Müəllimlərdən birinin adından yazıldığı deyilən müraciətdə daha sonra bildirilir: "İllərlə məktəbdə əziyyət çəkərək yetişdirdikləri şagirdlər pul qarşılığında direktor Aytən Sadıqova tərəfindən rəfiqə olduğu direktorların məktəbinə yönəldilir, nəticədə məktəbdə şagirdlərin azalıb digər məktəblərə paylanması direktorun yeni tədris ilində daha böyük məktəbə rotasiya olunmasına kömək edəcəkdir.

Buna səbəb isə 57 nömrəli məktəbin qəzalı vəziyyətdə olduğu üçün bir müddət əvvəl təmirə bağlanmasıdır, şagirdlərin qonşu məktəblərə, 178 və Ekologiya Liseyinə yerləşdirilməsi direktorun işini asanlaşdırmış, məktəbdə təlim-tədris prosesininə nəzarət zəifləmiş, 9-11 sinif şagirdlərinə hazırlığa getmələri üçün pul qarşılığında icazələr verilmiş, həmçinin qonşu məktəblərdən 9-10 sinif şagirdləri 57 nömrəli məktəbə yerdəyişmə etmişdir.

Təkcə bu tədris ilində qonşu məktəblərdən 18 nəfər şagird 9-10 sinfə yerdəyişmə etmişdir. Maraqlıdır, belə bir vəziyyətdə olan məktəbə qonşuluqdakı daha prestijli məktəblərdən şagirdlər niyə yerdəyişmə etsinlər ki. Səbəbi məlumdur, “münbit” mühit həmin şagirdlərin hazırlığa getmələrinə kömək edəcək..."

Qeyd edək ki, Aytən Sadıqova ilə bağlı qeyd olunanlar bununla bitmir və növbəti yazımızda əlavə iddiaları təqdim edəcəyik. Bizi izləməyə davam edin...

MÜRACİƏTİN DAVAMI VAR...

(Dr.cosmetolog Delya) Dilrübə Sətyarlıdan pasiyent şikayət edir: Kosmetoloq isə: Get hara istəyirsən şikayət et……..


Son illər Azəraycanda kosmetoloji prosedurlara tələbat artdığından bu xidməti göstərən “kosmetoloqlar”ın, estetik mərkəzlərin sayı artıb. Sözsüz ki, bu da qeyri-peşəkar kosmetoloqların və onların qurbanlarının sayını artırır.

XALQ.AZ-ın məlumatına görə, rəsmi statistikaya görə, ölkəmizdə son illər kosmetoloji prosedurlardan əziyyət çəkənlərin sayı kifayət qədər artıb. Tibbi təhsili olmayanlar belə insanların sağlamlığı və gözəlliklər vəd edib gigeyinik qaydalara riayət etmədən qeyri qanuni prosedurlar həyata keçirilir.

Azərbaycan Respublikasının Qanununa əsasən kosmetoloji iş üzrə özəl tibb xidməti fəaliyyətinin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunmuş “Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda “kosmetoloji” iş üzrə tibbi xidmətin göstərilməsi tibbin bir sahəsi kimi qeyd olunub: “Burada tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutulub. Tibbi kosmetologiyaya, cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksion üsullar daxildir. Bu üsullara inyeksion prosedurlar, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq aid oluna bilər. Bu üsulların hamısı “kosmetoloji” işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssilər məşğul olmaq hüququna malikdirlər”.

İddialara görə tibbi təhsili olmadan, lisenziyasız və sertifakatsız fəaliyyət göstərən kosmetoloqlardan sosial şəbəkələrdə özünü Dr.cosmetolog Delya adı ilə reklam edən Dilrubə Sətyarlıdır.

Göründüyü kimi əsl adını gizlədərək Delya adı ilə pasiyentləri aldadır.

Araşdırmalarımız nəticəsində özünü həkim kimi təqdim edən kosmetoloq (Dr.cosmetolog Delya) Dilrubə Sətyarlı Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur.Yəni o heç bir tibbi sertifikata və lisenziyaya malik olmadan fəaliyyət göstərir.

İddialara görə özünü həkim kimi təqdim edən Dilrubə Sətyarlı tibbi prosedurları həyata keçirərək qanunvericiliyimizi heçə sayır.

XALQ.AZ-a (Dr.Cosmetolog Delya) haqqında sikayət edən pasiyent K.Huseynzadə bildirib ki, İzmir klinikasında ötən il onun yanında oldum,450 manat ödəniş etdim 250 manat nagd, 200 manat isə yoldaşım kartına göndərdi qəbzlər var. Mənim üzümü pis hala saldı, mezo etmişdi, həmçinin çənə dolğusu. Lakin düzgün doğru etmədiyi üçün tekrar müraciət etdikdə məndən pul tələb etdi. Üzümdə qüsurlar yarandı ona inanmadığıma üçün, işi bərbad olduğuna görə başqa kosmetoloqa müraciət etdim və Delyanın üzümdə yaratdığı qüsürları digər kosmetoloq düzəltdi deyə şikayətçi bildirib.

Məlumata əsasən bildirir ki, Dr.Cosmetolog Delya müştərilərinə dolğu və plazma terapiya həyata keçirir. Bununla bağlı hətta sosail hesablarında məlumatlar və görüntülər əks olunub.


Dr.Cosmetolog Delya necə sertifakisyadan keçmədən bütün kosmetoloji prosedurları hətta inyeksiya həyata keçirir?

Bu məsələ ilə bağlı (Dr.Cosmetolog Delya) Dilrübə Sətyarlı ilə əməkdaşımız əlaqə saxladı. (Dr.Cosmetolog Delya) cavabında bildirib ki, men bilmirem o kimdir, getsin hara istəyir şikayət etsin deyə cavab verdi. Siz kimsiz şikayət araşdırırsız….. Tibbi təhsil və tibbi sertikatınız varmı sualına isə cavab verməkdən imtina edərək dəstəyi asdı.

Qeyd edək ki, hüquq mühafizə orqanları tərəfindən lisenziyasız plastik cərrahlar və kosmetoloqlar haqqında araşdırmalarından yayınmaq üçün artıq qanunsuz fəaliyyət göstərən “ixtisaslanmış həkimlər” və “kosmetoloqlar” sosial hesablarını bağlayıb bir müddət gizli fəaliyyət göstərirlər deyə məlumatlar yayımlanır.

XALQ.AZ-a Analitik Ekspertiza Mərkəzindən verilən məlumat görə, Kosmetoloji və cərrahi xidmətlər göstərən istənilən estetik tibb mərkəzinin fəaliyyəti üçün kosmetoloji iş və plastik cərrahi iş üzrə özəl tibbi xidmət lisenziyası tələb olunur.Tibbi kosmetogiyaya, саrrаhi müdaxiəlar istisna olmaqla (plastik саггаhiууауа aid оlmayan) konservativ va korreksion üsullar daxildir. Bu usüllаrа inyeksion рrоsеdurlаr, müxtalif növ араrаt kosmetologiyası (о сümlədən lazer üsulu epilyasiya), biorevitalizasiya, mezoterapiya, pilinq рrоsеdurları,və müalicəvi masaj usullarl, plazmoliftinq və digər рrоsеdurlar aid оlunur. Bu tibb müəssisələrində praktiki tibb fəaliyyəti üzrə müvafiq sertifikata malik plastik-cərrahlar, həkim-dermatovneneroloqlar və sertifikat alaraq, ixtisaslaşma keçən digər həkim mütəxəssislər fəaliyyət göstərə bilər. İstənilən pasientin kosmetoloq və ya cərrahın sertifikatını tələb etmək hüququ vardır. Qeyd edək ki, həkimlər beş ildən bir sertifikasiyadan keçirlər. Hər bir pasiyentin müraciət etdiyi həkimin sertifikatını tələb etmək hüququ var. Həkim həmin sertifikatı təqdim etməzsə, o zaman vətəndaş Analitik Ekspertiza Mərkəzinə müraciət edə bilər . Bu halda araşdırılma aparılır və lazım gələrsə, plandankənar yoxlama aparılması barədə qərar qəbul edilir deyə mərkəzdən bildirilib.

Məlumat üçün bildiri ki, lisenziyasız kosmetoloji fəaliyyəti ilə bağlı sosial şəbəkələrdə bir çox görüntülər var ki, qanunsuz dolğu, full face, botoks, mezolar, lipolitik, bütün inyeksion prosedurları, hətta qanunsuz tələbə hazırlığı həyata keçirir.

Hətta endirim adı ilə müştəriləri cəlb edib vaxtı keçmiş kosmetoloji preparatları istifadə olunması ilə bağlı məlumtlar var.


İddialarla bağlı (Dr.cosmetolog Delya) Dilrubə Sətyarlının fəaliyyəti ilə bağlı Analitik Ekspertiza Mərkəzinə müraciət olunub.

Araşdırmalarımız davam edir.

Sabunçu rayonu, Yefim Saratov küçəsi 12 ünvanında yaşayan Qurbanova Ləman Azər qızı tərəfindən Hurriyyet.az saytının redaksiyasına şikayət məktubu daxil olub. O, “Reflex" Reabilitasiya Mərkəzinin baş həkimi Röyanə Quluzadədən şikayətçidir:

“Mən, Qurbanova Ləman Azər qızı, yazaraq sizdən xahiş edirəm ki, problemimi işıqlandırasınız.

Bu yaxınlarda 8 aylıq övladım Quliyev Fatehin səhhətində yaranmış problemlə bağlı “Reflex" Reabilitasiya Mərkəzinə üz tutduq. Həkimin adını, soyadını internet vasitəsilə tapmışdım. Biz həmin həkimin qurbanı olduq. Həm 100 manat pulumuz getdi, həm də uşağı normal müayinə etmədi. Həkimdən doğru-dürüst cavab belə, ala bilmədik.

Deməli, Röyanə Quluzadə “Reflex" Reabilitasiya Mərkəzində baş həkimdir, USM aparatında xəstələri müayinə edir. Nevroloq və pediatr kimi də bu xəstəxanada fəaliyyət göstərir. Bir sözlə, o, sözün bütün mənalarında bu xəstəxananı idarə edir. Məhz bu səbəbdən də, ondan şikayət çox olur.

Bayram günü olduğuna görə, xəstəxanaların çoxu işləmirdi. Uşağın anidən xəstələnməsi qeyri-peşəkar həkimi tanımağımıza vəsilə oldu. Müşahidəmə görə, həkim çox savadsızdır. Ümumiyyətlə, görəsən, onun həkimlik fəaliyyətini təsdiq edən diplomu varmı?..

Qeyd edim ki, uşağımı USM aparatına saldıq. Adını həkim qoyan bu şəxs uşağı müayinə edə-edə sosial şəbəkə üçün video çəkirdi. 8 aylıq uşağın həyatını heçə sayaraq, məşhur olmaq həvəsindədir. Dilsiz-ağızsız bir körpədir deyə, hər zülmü verməlidirlər? Verdiyim pul da haramı olsun. Bütün bunları da qoyduq bir qırağa, uşağı götürüb evə gəldik.

Axşam saatlarında uşağın vəziyyəti yenidən dəyişdi. Həkimə zəng vurub kömək istədim. O qədər kobud cavab verdi ki, sanki müayinə vaxtı video çəkməsinə susmalıydım. Mən iradımı bildirdim. Həmin vaxt körpə uşaq müayinə olunmalı idi.

Səhiyyə Nazirliyindən xahiş edirəm ki, belə həkimlər haqqında tədbir görülsün. Həm canımızı, həm də pulumuzu alırlar".

Məsələ ilə bağlı Röyanə Quluzadə ilə əlaqə saxlaya bilmədik.

Jalə FAMİLQIZI

Redaksiyadan: Qarşı tərəfin mövqeyini dərc etməyə hazırıq.

“Gənclik Mall” AVM-də yerləşən “Özsüt” restoranını tarakanlar başıb.

TEREF xəbər verir ki, bu barədə sosial şəbəkələrdə müştərilər məlumat və foto paylaşıb. Müştəri bildirib ki, masada tarakanlar gəzirdi. Onlar bu barədə restoran işçilərinə məlumat da veriblər. Restoran işçisi heç bir üzrxahlıq etmədən stolda olan tarakanı müştərilərin qarşısında salfetlə öldürərək götürüb.

Olduqca anti-sanitar vəziyyətdən xəbər verən verən bu hala görə əslində restoranda yoxlama aparılmalı və dezinfeksiya işləri həyata keçirilməlidir.

Qarşı tərəfin mövqeyini işıqlandırmağa hazırıq.

Tribunainfo.az