TƏBİB-in (Tibbi Ərazi Bölmələrini İdarəetmə Birliyi) tabeliyində fəaliyyət göstərən Yeni Klinikanın Daxili Mühafizəsinin rəisi korrupsiyada ittiham olunur.
Dia-az.info xəbər verir ki, bu barədə Nocomment.az saytı mənbələrinə istinadən məlumat yayıb.
Bildirilir ki, TƏBİB-in (Tibbi Ərazi Bölmələrini İdarəetmə Birliyi) tabeliyində fəaliyyət göstərən Yeni Klinikanın direktoru Barat Yusubov tərəfindən təyin olunmuş yeni Daxili Mühafizə rəisi Novruzov Bəxtiyar Əhmədxan oğlu və daha 2 mühafizəçi Baş prokuror yanında Korrupsiyaya qarşı Mübarizə Baş İdarəsi tərəfindən saxlanılıb.
Saxlanılan digər 2 mühafizəçi müəyyən dindirilmələrdən sonra sərbəst buraxılıb.
İlkin versiyalara görə, mühafizə rəisi klinikaya daxil olan firmalardan və vətəndaşlardan qeyri-qanuni şəkildə pul almaqda ittiham olunur. Mənbə qeyd edir ki, bu mühafizə rəisi Klinikanın direktoru Barat Yusubovun qohumudur.
Xatırladaq ki, TƏBİB-in tabeliyindəki “Yeni Klinika” tibb müəssisəsində keçən ilin avqust ayında rəhbərlik dəyişib. Bu dəyişiklikdən sonra ölkənin ən böyük səhiyyə ocağında baş verən proseslər isə heç də ürəkaçan deyil. Bir ay ərzində mərkəzin Daxili Mühafizə Xidmətinin rəisi də başda olmaqla, 10-a yaxın əməkdaş işdən çıxarılıb. Belə ki, Barat Yusubov klinikanın yeni direktoru təyin edildikdən sonra əksəriyyəti qazi və veteranlardan ibarət olan mühafizəçilər öz ərizələri ilə işdən ayrılıblar.
Klinikanın təhlükəsizlik xidməti şöbəsinin müdiri, polkovnik-leytenant Coşqun Məmmədov TƏBİB-in icraçı direktoru Vüqar Qurbanovun xidməti maşınının qapısını açmadığına görə Barat Yusubovun qəzəbinə tuş gəlib. Bu, o Coşqun Məmmədovdur ki, 44 günlük Vətən müharibəsindəki xidmətlərinə görə müxtəlif orden və medallarla təltif edilib.
Xızının Sitalçay kəndinin sakini Novruz Alıyevin 82 yaşı var. Bağçılıq-bostançılıq hələ cavanlıqdan – müəllim kimi işlədiyi vaxtlardan sevimli məşğuliyyəti olub. Təqaüdə çıxandan sonra bağçılığa daha çox bağlanıb. Həyətyanı sahəsində 200 meyvə ağacının, iri bostanın olduğunu deyir. Onun sözlərinə görə, əvvəllər bu ağaclar bol-bol su içirmiş. Ancaq son vaxtlar su qıtlığı o dərəcəyə çatıb ki, illərlə qulluq etdiyi yaşıllığı qoruyub saxlaya bilmir:
“200 ağacın indi bar verən mövsümüdür, ancaq susuzluqdan quruyur. Hər il vəziyyət daha da çətinləşir. Su problemi belə davam etsə, mənim bağımda, bostanımda meyvə-tərəvəz qalmayacaq”.
Ağaclar qurusa, sovqat apara bilməyəcək
Novruz Alıyev Qubadlı köçkünüdür, 30 ildir bu kəndə yerləşib, yurd salıb, ev-eşik düzəldib, bağ əkib. Hər yay həyətindəki ağaclardan topladığı çeşidli meyvələri yığıb rayona – köçkün qəsəbələrində məskunlaşan qohumlarının balalarına sovqat aparır. Bu məşğuliyyət 82 yaşlı Novruz dayıya illər idi ki, mənəvi rahatlıq gətirirmiş. Ancaq indi ağacların quruması onu narahat edir. Deyir, əslində kənddə su var, ancaq ana xətlər çürüyüb sıradan çıxdığı üçün su gəlib evlərə çatmır:
“Dəfələrlə şikayət etmişəm, deyirlər, kanal suyunun kəndə girişi mümkün deyil, guya ortalarda pay torpaqları var, gərək su həmin torpaqlardan keçib gəlsin”.
“Hər evə 700-800 manat borc yazılıb”
Sakinlərin sözlərinə görə, aidiyyəti qurumların kəndin bir tərəfində baş bəlasına çevrilmiş bu su qıtlığını aradan qaldırmaqda maraqlı deyillər. Səbəbindən də danışırlar:
“Xızının kəndlərində su layihələri üzrə işlər görülüb. Başqa kəndlərə getsəniz, su problemi ilə üzləşməzsiniz. Bu problem bircə bizim kənddə qalıb. Heç bir evdə su sayğacı yoxdur. Hər evin üstünə 700-800 manat su borcu yazılıb. Adamlar deyir, nə vaxt su oldu, işlətdik, bu qədər borc yığıldı? Su istəyəndə deyirlər, gedin, əvvəlcə borcu ödəyin. Ümumiyyətlə, bu rəqəmləri kim fikirləşir, nəyə əsasən yazır, bilmirik. Bunun adı dərəbəylikdir”.
Vaxtaşırı sakinlər özləri ana su xəttində bacardıqları səviyyədə təmir işləri də aparır:
“Xətlər çürüyüb, deşik-deşikdir, su çölə axır, halbuki, o su gəlib evlərimizə çatsa, problem həll edilmiş olar. Bunun üçünsə cəmi 3 kilometrlik ana xətti yeniləmək lazımdır. Kəndin yuxarısına su gəlir, orada su problemi yoxdur, ancaq aşağı tərəfə gələn ana xətt qəzalıdır. Özümüz iki dəfə pul yığıb təmir etmişik, ancaq bu işləri görmək necə deyərlər, bizim boyumuza görə deyil. Bura kasıbların kəndidir, adamlarda pul yoxdur ki, hər il toplayıb, xətdəki deşikləri bağlatdırsın”.
İçməli sudan yaranan çirkab gölməçələr
Sakinlər iddia edir ki, içməli olduqları su xətlərdəki çürümələr səbəbindən küçələrə axır. Nəticədə gölməçələr yaranır, ətrafdakı zibillər həmin gölməçələrdə birləşir. Yay aylarında gölməçələrin yaxınlğından keçmək olmur:
“Ən pisi odur ki, bu gölməçələr evimizin 5-10 metrliyindədir. Üfunətdən beyin çatlayır. Neçə dəfə təmizləmişik, xeyri yoxdur. Biz içməli suya həsrətik, o isə gəlib gözümüzün önündə çirkaba çevrilir, gölməçəyə qarışır”.
Kəndin problemi bununla bitmir. Ödəniş aparatlarının olmaması üzündən sakinlər hər gün Xızıya getməli olurlar. Kənd yolları bərbad, işıq dirəkləri qəzalıdır. Onlar sadaladıqları problemlərin həlli üçün dəfələrlə Xızı Rayon İcra Hakimiyyətinə kütləvi müraciət ediblər.
Xızı Rayon İcra Hakimiyyətindən Meydan TV-yə bildirilib ki, sakinlərin müraciətlərinə Aparatın sosial-iqtisadi inkişafın təhlili və proqnozlaşdırılması şöbəsində baxılıb və sakinlərə cavab verilib. Kəndin su probleminin həlli üçün “Azərsu” ASC-yə məktub göndərilib. Deyilir ki, Xızıda yol infrastrukturunun yenidən qurulması mərhələli qaydada həyata keçirilir.
Xızı Suvarma Sistemləri İdarəsindən sakinlərin Taxtakörpü-Ceyranbatan su kanalından Sitalçaya suyun verilməsiylə bağlı müraciətinə cavab olaraq bildirilib ki, kəndin əkin sahələri həmin kanaldan qurğu vasitəsiylə vurulan su ilə təmin olunur. Kənddaxili suvarma şəbəkəsi olmadığına görə, kənddəki həyətyanı sahələr üçün həmin suvarma suyundan istifadə etmək mümkün deyil. Kənddaxili suvarma kanallarının çəkilməsi və kənddaxili yolların işıqlandırılması yerli bələdiyyənin səlahiyyətinə aiddir. Yerli bələdiyyə isə bu işləri görmək üçün bələdiyyə fondunda pul olmadığını bildirir.
Ağstafa rayon Dağ Kəsəmən kəndinin bələdiyyə sədri işdən azad olunduqdan sonra sözügedən post Solmaz Nağıyevaya həvalə olunub.
32gun.az-a daxil olan məlumata görə, bununla da Ağstafa rayon Mərkəzləşdirilmiş Kitabxana Sisteminin (MKS) direktoru Solmaz Nağıyeva hazırda iki məsul işi icra etməkdədir.
Ağstafa rayon Dağ Kəsəmən kəndində bələdiyyə sədri vəzifəsi və eyni zamanda da Mərkəzləşmiş kitabxana sisteminin direktoru vəzifəsini icra edir.
Maraqlıdır ki, Dağ Kəsəmən kənd bələdiyyə sədri müəyyən ittihamlarla öz vəzifəsindən uzaqlaşdırılandan sonra həmin vəzifəyə rayonda deyəsən alternativ tapılmayıb.
Diqüət çəkən məqam isə sabiq bələdiyyə sədrinilə Solmaz xanımın qohumluq əlaqələrinin olmasıdır.
Redaksiyamıza daxil olan məlumatda iddia olunur ki, kənd sakinləri Solmaz Nağıyevadan arayış almaq üçün onu ya Ağstafa MKS-də ya da ki, Regional idarədə axtarmalı olurlar. Saatlarla qapı qarşıdında növbə gözləməli olurlar.
Ağsatafa sakinləri iş tapmaqda çətinlik çəkir, Solmaz Nağıyeva isə 2 işi eyni zamanda icra edir.
Əlavə olaraq saytımıza verilən məlumatda iddia olunur ki, Solmaz Nağıyeva qızı Fəridə Xudiyevanı Qazax Mərkəzləşmiş Kitabxana Sisteminə direktor vəzifəsinə təyin etdirib. Eyni işi ana Ağstafada qızı isə Qazaxda icra edir. Yəqin buna mədəniyyət dilində "ailə ansamblı" deyilir. Axı onlar mədəniyyət sahəsində çalışır.
Görəsən bütün bunlardan Qazax-Tovuz Regional Mədəniyyət İdarəsinin yeni rəisi Nail Məmmədov xəbərdardırmı? Belə anlaşılır ki, Solmaz Nağıyevanın əsas işi bələdiyyə sədri kimi arayış verib, torpaq satmaq, daha sonra MKS-nin işini görməkdir. Belə anlamaq olar ki, kitabxanada da nə iş Sakinlər tərəfindən qapısı açıla bilməyən Ağstafa Rayon MKS-də direktora da ehtiyac yoxdur. Xatırladaq ki, Qazax rayon icra başçısının birinci müavini Məmməd Alıyevin öz doğma bacısı oğlu Kamil Eyyubovun iki vəzifədə işləməsi barədə xəbər vermişdik.
"Son vaxtlar ölkə mediasında Azərbaycan Respublikasının Dövlət Şəhərsalma və Arxitektura Komitəsinin nəzdində fəaliyyət göstərən Ərazi Tikinti-Planlaşdırma Mərkəzinin İdarə Heyətinin sədri Ramin Abdullayevin qanunsuz əməlləri ilə bağıl bir-birindən ilginc məlumatlar yer almaqdadır". Bu barədə dia-az.info-ya göndərilən məqalədə deyilir. Məqalədə daha sonra deyilir:
Mediada yer alan məlumatlardan da bəlli olduğu kimi, Ramin Abdullayev himayədarı - Dövlət Şəhərsalma və Arxitektura Komitəsinin sədrinin birinci müavini Namiq Hümmətovun “xeyir-duası” ilə 44 günlük Vətən müharibəsində evləri dağıdılan Gəncə sakinlərini süründürməkdə, onların mənzillə təminatını süni şəkildə ləngitməkdədir. Məqsəd öz yaxın adamlarının adına rəsmiləşdirdiyi tenderlər vasitəsilə proseslərdən daha çox pul qazanmaq, mövcud situasiyadan maksimum qazanclı çıxmaqdır. Lakin mediada yer alan məlumatlar və bu məlumatlar fonunda yuxarı insantansiyaların basqısı Ramin Abdullayevi çətin vəziyyətə salıb. Nəticədə onunla köhnə ortaqları –“Konqo” və “Parlaq” şirkətlərinin rəhbərliyi arasında ciddi problem yaranıb. Milyonluq yeyinti tərəfləri üz-üzə qoyub: “Ne demisən, onu da etmişik!” Ramin Abdullayevlə 44 günlük Vətən müharibəsində Gəncədə dağıdılan evlərin tikintisini həyata keçirməli olan “Konqo” və “Parlaq” şirkətləri arasındakı qarşıdurmaya səbəb tərəflərin bu proyektdə yol verdiyi şərikli yeyinti ilə bağlıdır. Belə ki, Ramin Abdullayev büdcədən tikinti işləri üçün ayrılan vəsaitdən mümkün qədər qoparmaq üçün inşaat işlərini özünə yaxın olan şirkətlərə - “Konqo” və “Parlaq” şirkətlərinə həvalə etmişdi. Lakin tikinti üçün ayrılan vəsaitin Ramin Abdullayev və tender şirkətləri tərəfindən hədsiz mənimsənilməsi sonda ilginc mənzərənin yaranmasına səbəb olub. Medianın sözügedən problemi gündəmə gətirməsindən sonra yuxarı instansiyaların Ramin Abdullayevə basqısı nəticəsində məlum olub ki, ortada olan pul tikinti prosesini başa çatdırmaq üçün yetərli deyil. Ən maraqlı məqamlardan biri isə ondan ibarətdir ki, Ramin Abdullayev məlum proyektdən yeyintini tender şirkətlərinin əli ilə həyata keçirdiyi üçün onlara basqı göstərə bilmir. Çünki hər bir təzyiq və ittiham şirkət rəhbərləri tərəfindən “nə demisən, onu da etmişik” cavabı ilə qarşılanır. Namiq Hümmətov və Ramin Abdulayevin təftiş qorxusu Ramin Abdullayev yaranmış vəziyyətlə bağlı himayədarı Namiq Hümmətovu məlumatlandırsa da, böhrandan çıxış yolu görünmür. Nə Ramin Abdullayev, nə də tender şirkətləri mənimsədikləri vəsaiti geri qaytarmaq istəmədikləri üçün vəsait çatışmazlığı probleminin həlli mümkün görünmür. Bu azmış kimi, Namiq Hümmətov və Ramin Abdullayevin fəaliyyətinin təftiş edilməsi təhlükəsi yaranıb ki, bu da hər iki şəxsin digər qanunsuz əməllərinin də üzə çıxacağı deməkdir. Bu səbəbdən də Namiq Hümmətov və Ramin Abdullayevin təşviş içində problemdən çıxış yolu axtarışındadır. Gəncə sakinləri isə ümid edir ki, gec də olsa bu problem öz məntiqi həllini tapacaq və onlar nəhayətdə öz mənzillərinə qovuşa biləcəklər.
TEREF bildirir ki, bu barədə Baku.ws-in “qaynar xətti”nə məlumat daxil olub.
Söhbət Xətai rayonu, Afiyəddin Cəlilov küçəsi, 80 ünvanındakı səkisindən gedir.
Görüntüdən məlum olur ki, ərazi qanunsuz olaraq özəlləşdirilib və piyadaların keçidinə maneə yaradılıb.
Məsələ ilə bağlı Dövlət Şəhərsalma və Arxitektura Komitəsinin yanında Bakı Şəhər Memarlıq və Şəhərsalma Baş İdarəsindən sorğuya cavab olaraq bildirilib ki, komitə yanında Bakı Şəhər Memarlıq və Şəhərsalma Baş İdarəsinin əməkdaşları tərəfindən şəhərsalma nəzarəti qaydasında monitorinq keçirilib və sözügedən ünvanda səkinin parklanma yeri üçün qanunsuz olaraq zəbt edilməsi faktı aşkarlanıb.
Qeyd edilib ki, fakt üzrə müvafiq qaydada akt tərtib edilərək ərazinin saxlanılması, qısa zamanda lazımi tədbirlərin həyata keçirilməsi üçün aidiyyəti üzrə Bakı Şəhər İcra Hakimiyyəti və yerli icra hakimiyyəti orqanına məlumat verilib.
Sağlam rəqabət olan yerdə inkişaf, tərəqqi olur. O yerdə ki yarış əvəzinə qovğa, konflikt, fəsad var, orada mütərəqqilikdən danışmaq əbəsdir. Çünki təfriqə salmaq, rəqibinə "quyu qazmaq" ehtirası öz ayağına da, ətrafına da, güllə sıxmaqdır. Necə ki bunu illərdir təhsil sahəsinə cavabdeh olan iki qurum arasında görmək olar... Əvvəllər bu münaqişə TQDK ilə Təhsil Nazirliyi, yaxud Məleykə Abbaszadəylə Misir Mərdanov arasında gedərdisə, indi adlar yenilənib; hazırda zərərli konflikt Dövlət İmtahan Mərkəzi ilə Elm və Təhsil Nazirliyi arasında getməkdədir. Birincidə sədr dəyişməyib, Məleykə Abbaszadə öz ampluasındadır, ikincidə isə Emin Əmirullayev nazir vəzifəsini daşıyır. Lakin mahiyyət dəyişməyib. Bu iki strukturun didişməsi ucbatından təhsil ilbəil geriləyir, keyfiyyət aşağı düşür, repetitor bazarı isə çiçəklənir. Bunu yaradan səbəblər məhz hər iki orqanın bir-birinin əleyhinə apardığı işdir. Sadəcə, zərər çəkən Azərbaycan gəncliyi, ölkə təhsili və elmidir. Sanki Rusiya və Qərb "soyuq müharibə" aparır, altını dinc Ukrayna xalqı çəkir. Eynilə DİM-lə ETN arasında olan lüzumsuz rəqabət məktəblilərin, abituriyentlərin repetitor ümidinə qalmasına səbəb olur. Anaxeber.info məlumat verir ki, söhbət təhsil proqramı, məktəblərdəki dərsliklərlə qəbul imtahanında qoyulan suallar əın uyğun gəlməməsidir. Əgər repetitor bazarı olmasa, abituriyentlərin böyük əksəriyyəti qəbul imtahanından keçə bilməz. Çünki məktəbdə keçirilən dərs başqadır, DİM-in imtahanda hazırladığı suallar ayrıdır. Nəticədə şagirdlər hazırlıq kurslarının ümidinə qalır, valideynlər "boğazından kəsib" ayda, 400-500 manat repetitorlara hazırlayırlar. Təbii ki,, dünyada təhsilin yüksək inkişaf etdiyi ölkələrdə də repetitorluq mövcuddur. Amma heç bir dövlətdə iki təhsil orqanı biri-birini zəiflətmək üçün belə çirkin rəqabət aparmır. Bu da həm hazırlıq kurslarının gəlir mənbəyini böyüdür, həm də məktəblərdə təhsilin keyfiyyətini aşağı salır. Təsəvvür edin ki, nazirliyin dərslikləri işə yaramır, repetitorlar tamamilə fərqli proqram keçirlər ki, qəbul imtahanında o suallara cavab verə bilsinlər. Bu da əcaib haldır. Məleykə Abbaszadənin rəhbəri olduğu qurum Nazirliyi gözdən salmaq, məktəblərdə təhsilin olmadığını göstərmək üçün dərsliklərdə olmayan sualları qəbul imtahanlarına salır. Əslində tədris və imtahan sualları adekvat olmalıdır. Eyni zamanda, məktəblərdə təhsil aqoniya vəziyyətindədir və nazirlik tədrisin keyfiyyətinin artırılması üçün hər hansı kompleks islahatlar həyata keçirmir. Nazir Emin Əmirullayev və Mərkəz sədri Məleykə Abbaszadənin qarşılıqlı şəkildə bir-birinə zərbə vurması, propoqanda aparmasından zərər çəkən isə uşaqlarımızdır. Hansı ölkədə görünüb ki, dərsliklərdə olmayan mövzuların sualları qəbul imtahanına salınsın?! Deməli, bu bir təhsil cinayətidir! Təhsil ekspertləri də qeyd edirlər ki, DİM-in keçirdiyi həm buraxılış, həm qəbul imtahanlarında istifadə olunan testlərin səviyyəsi hazırda abituriyentlərin, məzunların real bilik və bacarıqlarının səviyyəsinə uyğun təşkil olunmur. Dövlətin təhsil siyasətini həyata keçirən mərkəzi icra orqanı Elm və Təhsil Nazirliyidir. Nazirlikdə təhsilin hər bir pilləsi üzrə qəbul edilmiş təhsil proqramlarına uyğun dərsliklər vasitəsilə həyata keçirilir. Son nəticə isə qiymətləndirmə buraxılış və qəbul imthanları vasitəsilə aparlır. Ancaq buraxılış və qəbul imtahanları isə DİM-in öz proqramları və çap etdiyi vəsaitlər əsasında aparılır. Beləliklə, ikili bir vəziyyət yaranıb. Nəticə etibarilə müəllim məcbur olur ki, övladına müəllim tutsun, kursa göndərsin. Nəticədə repetitorluq, "kölgə təhsili" gündən-günə genişlənir.
Sumqayıtda fəaliyyət göstərən "Real Hospital"dan maddi ziyan tələb edilir.
Qaynarinfo xəbər verir ki, xəstəxanın pasienti olmuş Cəmilə Abbasova bu tələblə məhkəmə iddiası qaldırıb. O, paralel olaraq hospitalın həkimi Səkinə Xudiyevanı da məhkəməyə verib.
Lakin birinci instansiya məhkəməsi onun iddiasını təmin etməyib. Cəmilə Abbasova apellyasiya şikayəti verib. Şikayətə Bakı Apellyasiya Məhkəməsində Xumar Mərdanovanın sədrlik etdiyi hakimlər kollegiyası tərəfindən baxılacaq.
"Real Hospital" 2014-cü ildən fəaliyyət göstərir. Müəssisənin bundan əvvəl "Real" Tibb Mərkəzi adlandırılıb. 2015-ci ildə müəssiənin lisenziyası ləğv edilib. Bundan sonra "Real" Tibb Mərkəzi "Real Hospital"a çevrilib.
Mediada gedən məlumatlara görə, xəstəxana Xətai rayonun keçmiş icra başçısı Razim Məmmədova məxsusdur.
Razim Məmmədov təhsil nazirinin keçmiş müavini İsgəndər İsgəndərovun və Sumqayıt "Univermaq Zaman" kimi tanına iş adamı Zaman İsgəndərovun bacısı oğludur.
Xəstəxanaya hazırda 1 saylı doğum evinin keçmiş baş həkimi, Zaman İsgəndərovun qızı Sevda İsgəndərovanın nəzarət etdiyi iddia olunur.
Göyçay rayonu 1-ci Ərəbcəbirli kənd sakini birinci qrup hərbi əlil, ictimai fəal Məhəmmədəli Səmədov tərəfindən
ŞİKAYƏT
Bildirmək istəyirəm ki, Göyçay Rayon İcra Hakimiyyəti yanında Şəhər Təsərrüfatı Birliyi həm millətə, həm də dövlətə zərər vurur. Belə ki, rayonun Qarabaqqal kənd ərazisində böyük zibil poliqonu mövcuddur. 11 fevral 2024-cü il tarixdə sözü gedən poliqonu sosial şəbəkələrdə içtimailəşdirdim. Bundan sonra Ekologiya və Təbii Sərvətlər Nazirliyi 8 saylı Ekologiya və Təbii Sərvətlər İdarəsi tərəfindən mənimlə əlaqə saxlanıldı. İdarənin əməkdaşı Rübail Allahverdiyev "Şəhər Təsərrüfatı Birliyi"nin sədri Murtuz Salahovun və mənim iştirakımla poliqona yerində baxış keçirdi. Şikayətimdə qeyd etdiyim nöqsanlar aşkarlandı. 8 saylı Ekologiya və Təbii Sərvətlər İdarəsi poliqonda qalaqlanmanın qarşısının alınması üçün 15.02.2024-cü il tarixdə Göyçay "Şəhər Təsərrüfatı Birliyi"nə "Məcburi Göstəriş" verdi. Lakin, Rübail Allahverdiyev məsələyə soyuq yanaşırdı. Aprel ayının 1-də onunla əlaqə saxladım və o, mənim iştirakım olmadan Murtuz Salahovla birlikdə poliqon ərazisində baxış keçirmiş, beləliklə onlar müəyyən razılığa gələrək Göyçay Rayon İcra Hakimiyyəti yanında Şəhər Təsərrüfatı Birliyinə qanuna müvafiq cərimə tətbiq edilməsindən imtina edilmişdir. Həmçinin, bildirmək istəyirəm ki, Göyçay Rayon İcra Hakimiyyəti yanında "Şəhər Təsərrüfatı Birliyi"nin 24165, 74 (iyirmi dörd min yüz altmış beş min manat yetmiş dörd qəpik) manat vergi borcu var. Ancaq idarə vergi borcunu ödəmək istəmir. Bu məsuliyyətsizlik və qanunsuzluqdur. Azərbaycan Respublikası Cinayət Məcəlləsinin 213.1-ci maddəsinə əsasən xeyli miqdarda vergiləri və ya məcburi dövlət sosial sığorta haqlarını ödəməkdən yayınma üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə min manatdan iki min manatadək miqdarda cərimə və ya iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır. Bu maddədə ≪xeyli miqdar≫ dedikdə, iki min manatdan əlli min manatadək olan məbləğ, ≪külli miqdar≫ dedikdə isə, əlli min manatdan yuxarı olan məbləğ başa düşülür. Vergi dövlətin güc mənbəyidir. Göyçay Rayon İcra Hakimiyyəti yanında "Şəhər Təsərrüfatı Birliyi"nin müdiri Murtuz Salahov məsuliyyətli olub dövlətə olan vergi borcunu ödəməlidir. Əks təqdirdə qanuni qaydada cinayət məsuliyyətinə cəlb edilməlidir. Azərbaycan Respublikasının Konstitusiyasının 25-ci maddəsinə əsasən, hamı qanun və məhkəmə qarşısında bərabərdir. Həmçinin həmin Qanunun 73-cü maddəsində "Qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər bir kəsin borcudur." - qeyd olunmuşdur. Mən mətbuat vasitəsilə Azərbaycan Respublikasının Prezidenti cənab İlham Əliyevdən çox xahiş edirəm, şikayətimdə göstərdiyim zibil poliqonunun təcili şəkildə təmizlənməsi, vəzifə səlahiyyətlərindən sui-istifadə edən 8 saylı Ekologiya və Təbii Sərvətlər İdarəsinin əməkdaşı Rübail Allahverdiyevin cəzalandırılması, Göyçay Rayon İcra Hakimiyyəti yanında Şəhər Təsərrüfatı Birliyinin dövlətə olan 24000 (iyirmi dörd min) manat vergi borcunun ödənilməsi və 10 hektardan daha artıq ərazinin çirkləndirilməsi səbəbilə onlara cərimə tətbiq olunması üçün aidiyyəti qurumlara tapşırıq verəsiniz. Ümidvarıq ki, bu il ölkəmizin ev sahibliyi etdiyi 29-cu "Tərəflərin Konfransı (COP)" noyabrın 11-dən 24-dək Bakıda keçiriləcək böyük tədbir zamanı Göyçaydakı bəzi vəzifəli şəxslərin ücbatından Respublikamız biabırçılıqla üzləşməyəcək.
Müstəqil araşdırmaçı jurnalist Cavanşir Həsənli Cavanşir Feyziyevin Gürcüstandakı biznesi ilə bağlı faktları açıqlayıb. Sadəcə bizədə maraqlı gələn odur ki, bu gün Prezidentin işğaldan azad olunmuş ərazilərdə yenidənqurma işləri apardığı bir zamanda ona dəstək olmaqdansa xaricdə belə çox milyonluq tikinti işləri aparmaq nəyin göztəricisidir?
Müstəqil araşdırmaçı jurnalist Cavanşir Həsənlinın araşdırmasını təqdim edirik: Deputat Cavanşir Feyziyevin Tiflisdə tikdirdiyi binalar 1. Tiflis, Niko Keçoveli küçəsi 16 “Horizon Gldani” yaşayış kompleksi (2020-ci ildə tamamlanıb); 2. Tiflis, Abai küçəsi 5 “Horizon Temka” yaşayış kompleksi, (2021-ci ildə tamamlanıb); 3. Tiflis, Graf Şulenberq küçəsi “Horizon Gldani-2” yaşayış kompleksi (2019-cu ildə tamamlanıb). Binaların tikintisi Feyziyevlər ailəsinə məxsus NEW HORIZON LTD şirkəti tərəfindən aparılıb. Şirkət 2015-ci ildə Tiflisdə qeydiyyatdan keçib. Təsisçiləri Cavanşir Feyziyevin qardaşı oğlu Elman Cavanşir və yaxın qohumu Rüstəm Cavanşirdir. Gürcüstanda Feyziyevlər ailəsinə məxsus digər şirkət RIMO GROUP LTD 2018-ci ildə Elman Cavanşirin təsisçiliyi ilə qeydiyyata alınıb. Bu ilin fevralında əmlak şirkətinin səhmlərinin 50 faizi Feyziyevin qohumu Rüstəm Cavanşirin və Şahnazar Hacıyevin adına rəsmiləşdirilib. Şirkətin direktorluğu da Şahnazar Hacıyevə tapşırılıb.
Məlum olduğu kimi Böyük Britaniya məhkəməsi Londonda Azərbaycan Milli Məclisinin üzvü Cavanşir Feyziyev və həyat yoldaşına məxsus $50 milyon dollar dəyərindəki mülkə həbs qoyulması ilə bağlı qərarı qüvvədə saxlayıb. Bu barədə Mütəşəkkil Cinayətkarlıq və Korrupsiyaya Hesabatı Layihəsi (OCCRP) məlumat verib. Müvafiq mülkiyyət sənədləri ilə tanış olan OCCRP Feyziyev ailəsinə məxsus mülklərə 2023-cü ilin iyun ayında Britaniyanın Milli Cinayət Agentliyinin (National Crime Agency – NCA) müraciəti əsasında həbs qoyulduğunu aşkarlayıb. NCA Feyziyev və həyat yoldaşının dondurulmuş mülkləri çirkli pulların yuyulması yolu ilə əldə etdiyinə dair ciddi dəlillərin olduğunu, əməliyyatların daha əvvəl çirkli pulların yuyulmasında iştirak etdiyi aşkar edilən şirkətlərin vasitəsilə həyata keçirildiyini iddia edir. Feyziyev ailəsinin vəkili həbs qərarının ləğv edilməsi üçün vəsatət təqdim edib. Bunu Amerikanın Səsinə Cavanşir Feyziyevin köməkçisi təsdiq edib. Fevral 22-də baş tutan məhkəmə dinləməsində Feyziyev ailəsinin vəkili Milli Cinayət Agentliyinin zəruri prosedurlara əməl etmədiyini və mülklərin qanunsuz yolla əldə edildiyini mübahisələndirmək üçün əsaslı dəlillərin olmadığını iddia edib. Məhkəmə martın 8-də vəsatəti rədd edib. Britaniyanın Transparency International təşkilatı qərarı alqışlayıb və indi Milli Cinayət Agentliyinin daşınmaz əmlakın “cinayət yolu ilə əldə edilmiş gəlirlər”lə əldə edildiyini sübut etmək imkanı olduğunu vurğulayıb. “Azərbaycan kimi dövlətlərdə vətəndaş cəmiyyətinə və müstəqil mediaya qarşı təzyiqləri nəzərə alsaq, Böyük Britaniyaya daxil olan cinayət və korrupsiyadan əldə olunan hər hansı şübhəli gəlirlərin mümkün qədər təqib edilməsi çox vacibdir. Hökumət hüquq-mühafizə orqanlarını iqtisadi cinayətlərin düzgün araşdırılması üçün lazım olan resurslarla təmin etməli və Birləşmiş Krallığın çirkli pulların sığınacağı roluna son qoymalıdır”, Transparency International nümayəndəsi Stiv Qudriç deyib. Böyük Britaniyanın Milli Cinayət Agentliyi bundan əvvəl Cavanşir Feyziyevin ailə üzvlərinin hesablarındakı 20 milyon dollardan artıq məbləği “Azərbaycan landromatı” kimi tanınan beynəlxalq çirkli pulların yuyulması mexanizmi ilə qanunsuz əldə edildiyini iddia edərək dondurmuşdu. 2022-ci ilin yanvarında “Westminster Magistrates” məhkəməsi pulların qanuni biznes əməliyyatlarından əldə edildiyini göstərən sənədlərin “tamamilə uydurma olduğunu və hesabları təşkil edən şəxslərin çirkli pulların yuyulması fəaliyyətlərini ört-basdır etmək üçün hazırlandığını” göstərən sübutlara istinad edərək dondurulmuş məbləğin 7 milyondan dollardan artıq bir hissəsinin müsadirə edilməsinə qərar verib. OCCRP-nin 2017-ci ildə dərc edilən “Azərbaycan landromatı” araşdırma yazılarında Cavanşir Feyziyevə məxsus olduğu iddia edilən iki şirkətə çirkli pulların yuyulması mexanizmi ilə 138 milyon dollar vəsait daxil olduğu qeyd edilir. 2023-cü ildə Azərbaycan Prezidenti tərəfindən “Şöhrət” ordeni ilə mükafatlandırılan Cavanşir Feyziyev bugünədək verdiyi açıqlamalarda hər hansı çirkli pulların yuyulması və ya başqa qanunsuz əməllərlə əlaqəsi olduğunu qəti şəkildə inkar edib. Məhkəmə prosesi davam etdikcə, bu iş maliyyə cinayətlərinə qarşı mübarizədə və qlobal maliyyə sistemlərinin bütövlüyünün qorunmasında beynəlxalq əməkdaşlığın vacibliyini vurğulayır. Ölkədə dərman bazarında hökmranlıq edən “Avromed”in bazarı inhisara alması səbəbindən bu gün Azərbaycanda dərmanların qiyməti nəinki Avropa ölkələri, eləcə də qonşu ölkələrlə müqayisədə xeyli bahadır. “Avromed”ə rəhbərlik edən deputat Cavanşir Feyziyevdir, apteklərə mal paylayan yenə həmin şirkətdir, bahalığın, inhisarın baiskarı da onlardır, prezidentin tənqidlərini qulaqardı edən də biznesmen-deputatdır. Məlumat üçün cumhuriyyet.az olaraq bildirək ki, b həmin deputatdır ki, “Quska” ləqəbli keçmiş deputat, həbsdə olan Hüseyn Abdullayevdən 10 milyonluq obyekt alması, müğənni Gülyazın adına rəsmiləşdirməsi ilə gündəmə gəlmişdi. 2014-cü ildə Hüseyn Abdullayevin mərhum atasının adına olan və Üzeyir Hacıbəyov küçəsində yerləşən 786 kvadratmetr qeyri-yaşayış sahəsini millət vəkili Cavanşir Feyziyev öz oğluna alıb. Cavanşir Feyziyevin ondan az əvvəl də ölümlə nəticələnən qəzada adı keçmişdi. “Porsche Cayenne GTS” markalı, 90 FC 111 dövlət qeydiyyat nişanlı avtomobilin sükanı arxasında deputat Cavanşir Feyziyev olubmuş. Cavanşir Feyziyev 2002-ci ildən “Tour İnvest” şirkətinin təsisçisidir. Bu şirkətin Şəkidə yerləşən dördulduz ”Şəki Saray Hotel”in direktoru Rüstəm Bəşir oğlu Cavanşirdir. Deyilənə görə, deputat Cavanşir Feyziyevin əmisi oğludur. Rüstəm Bakıdakı “Novo Trade” Qapalı Səhmdar Cəmiyyətinin, Şəkidəki “Asel Aqro Park” şirkətinin də direktorudur. Bu aqropark 2020-ci ildə yaradılıb. Şəki şəhərində, Olimpiya Kompleksinin arxasında ucsuz-bucaqsz qoz bağları salıb. Əlavə olaraq cumhuriyyet.az bildirir ki, Cavanşir Feyziyevin digər əmisi oğlu Elman Cavanşir Sumqayıtda 2018-ci ildə istifadəyə verilən, sərmayəsi 78 milyon manat olan “Tabaterra” şirkəti¬nin siqaret zavodunun direktorudur. Sumqayıt Kimya Sə¬naye Parkının rezid¬enti olaraq fəaliyyətə başlayan müəssisədə 8 ədəd istehsal xətti fəaliyyət gös¬tərir ki, bunların illik istehsal həcmi 14 milyard ədəd siqa¬ret təşkil edir. Ha¬zırda müəssisədə həm “Tabaterra” şirkətinə məxsus brendlər, həm də dünyanın ən böyük istehsalçıları olan “British Am¬erican Tobacco”, “Ja¬pan Tobacco İnternat¬ional” və “İmperial Tobacco” kimi şirkə¬tlərə məxsus beynəlx¬alq brendlər istehsal olunur. Elman Cavanşir 2021-ci ildə “Azərtütün” Açıq Səhmdar Cəmiyyəti özəlləşdirməyə çıxarıldığı zaman “Tabaterra Leaf” Qapalı Səhmdar Cəmiyyəti təsis edir. Nizamnamə kapitalı 5 min manat, qanuni təmsilçisi isə Elman Bəşir oğlu Cavanşir, Sumqayıt şəhəri, Sülh küçəsi, 18 ünvanında – “Xovlu İpək Fabriki”nin ərazisində qeydiyyatdan keçən şirkət Zaqatala rayonu, Yuxarı Tala kəndində yerləşən “Azərtütün” Açıq Səhmdar Cəmiyyətinin səhmlərinin 85 faizini alıb. Xatırladaq ki, Elman Cavanşir in də adı Böyük Britaniyada çirkli pulların yuyulması qalmaqalında hallandırılmışdı. “The Evening Standard” qəzeti yazmışdı ki, Böyük Britaniyanın Milli Kriminal Agentliyinin tələbi ilə bank hesabları dondurulan Feyziyev ailəsi üzvlərindən biri də Elman Cavanşirdir, onun bank hesabında 1 milyon funt sterlinqdən bir az çox vəsait aşkar edilmişdi.
Gəncə Dövlət Universitetindən nə qədər şikayət olunsa da, əlaqədar qurumlar heç bir tədbir görmədiyinə görə rektor Yusif Yusibovun özbaşınalığı pik həddə çatıb. Rektor beş il tamam olmamış qardaşının hesabına Maliyyə Nazirliyinin Yoxlama Komissiyasını gətirib öz korrupsiya əməllərini qanuniləşdirir.
Bu iddialar GUNDEMİNFO.AZ-a daxil olan şikayətlərdəndir.
Bir qrup müəllim tərəfindən redaksiyamıza gömndərilən iddialarla bağlı yazını bir sıra qeyri-etik məqamlarını ixtisar etməklə sizlərə təqdim edirik.
- Rektor işçiləri şənbə və bazar günləri də işə gəlməyə məcbur edir, həmin günlər işə gəlməyən əməkdaşları yoxlatdırıb maaşlarını kəsdirir.
Universitetin əməkdaşlarının maaşı ən aşağı səviyyədədir. Gəncə Dövlət Unversitetinin tələbələrinin sayı Gəncədəki digər universitetlərin tələbələrindən çoxdur. Buna baxmayaraq Gəncədəki digər universitetlərdə olan əmək haqqı GDU-dan qat-qat çoxdur. Alt qruplarda yığılan milyonlarla pulun hara getdiyi naməlumdur.
Universitetin büdcəsi müxtəlif adlar altında talan edilir, universitetdə adi dəftərxana ləvazimatları, kağız, marker belə verilmir, bu məqsədlə ayrılan pullar mənimsənilir. Dərslərdə markeri tələbələr pul yığıb özləri alırlar. Universitetin keçirdiyi tenderlər qanuni şəkildə yoxlansa bu universitetin respublikada ən böyük korrupsiya yuvası olduğu aşkar olunar.
Müəllimlərin maaşları artırılmır, universitetdə heç kim öz işi ilə məşğul deyil. Hərə əlinə bir siyahı alıb yoxlama aparır, bir dərsdə beş altı dəfə müxtəlif adamlar girib yoxlama aparır, tədris prosesi tam iflic vəziyyətindədir.
Təsəvvür edin ki, professorun dərsinin keyfiyyətini, onun sənədlərini 7000-10000 manat civarında rüşvət müqabilində işə təzə götürülmüş uşaqlar yoxlayır. 75 yaşlı, işə çəkələtlə gələn prorektor Gülsüm Fətəliyeva dərsin ortasında dərsə girir, əlindəki siyahı üzrə höcələyə-höcələyə adları oxuyub tələbələri adba-ad yoxlayır. Dərsin də bütün vaxtı gedir. Görəsən qrup nümayəndəsi, tyutor, dekan müavini nə üçündür?
Rektor qorxur ki, birdən prorektor Şahin Xurşudov və dekanlar ondan xəlvət tələbələri aylığa buraxar, pul məsələsində rektoru aldadarlar. Ona görə qoca prorektoru göndərib təkrar-təkrar yoxlatdırır ki,onu haqq-hesabda aldatmasınlar. Rektorun qəbul saatı yoxdur, heç bir əməkdaş rektoru görə bilmir, çünki əməkdaşları qəbul etmir. Kabinetdən çölə çıxmır.
Vasif Həsənov hələ də universitetdə at oynadır, prorektorları belə saymır. Digər qardaşı isə Bərdə rayonunda qeyri-hökumət təşkilatlarının birində yüksək vəzifədə işləyir,amma buna baxmayaraq adı Gəncə Dövlət Universitetində də gedir, buradan da maaşını alır. Amma bu heç vaxt işə gəlməsə də tam maaşını verən Yusif Yusibov laborantların 270-300 manatına göz dikir, onların beş-altı dəqiqə işə geçikmək dəqiqələrini sayır. Universitetdə özü Rusiyada olub, burada texniki işçi və ya müəllim işləyən şəxslər onlarladır.
Universitet daha bir ilkə də imza atıb. Universitetin saytına baxanda məlum olur ki, 15 il bundan qabaq rəhmətə gedən universitet əməkdaşları hal-hazırda elmi iş aparır, hətta uğurlu elmi nəticəər əldə ediblər. Fəxrəddin Süleymanov, Cəlal Zeynalov, Nurəddin Əliyev, Mayıl Mustafayev, Maya Rəhimova 10 -15 il bundan qabaq rəhmətə gediblər. Amma onlar Yusif Yusibovun qabaqçıl iş təcrübəsi nəticəsində dirilib gəlib universitetin elmi-tədqiqat işlərinə sanballı töhfələr verirlər. http://rif.gdu.edu.az/?page_id=358 Lingə baxın, hər şey oradan açıq-aydın görünür. İqtisadiyyat fakültəsinin saytı bərbad gündədir, rəhmətə gedən adamlar burada da elmi iş aparır,Menecment və turizm kafedrasında isə kafedra, onun əməkdaşları haqqında məlumat belə yoxdur. http://iif.gdu.edu.az/?page_id=4951 Filologiya fakültəsinin bəzi kafedralarında da vəziyyət belədir, müəllimlər haqqında heç bir məlumat yoxdur. http://filologiya.gdu.edu.az/?page_id=226 Bu sayta ümumi nəzarəti erməni qardaşlar və Təhsildə Keyfiyyətin Təminatı şöbəsinin müdiri, sabiq icra başçısı Elmar Vəliyevin yaxın qohumu İsmayıl İsmayılov həyata keçirir. Bunların özlərini gördüyü işin səviyyəsi budur, amma bunlar da gəlib kollektiv üzvlərində nöqsan axtarır,dərsə davamiyyəti yoxlayır, imtahanları bunlar götürür. Dərsi deyən müəllim qalır kənarda, bütün imtahanları "hərşeyşünas" İsmayıl İsmayılov götürür.
Gundeminfo.az olaraq qarşı tərəfi də dinləməyə hazırq.
