Xəbər verdiyimiz kimi, ötən ilin iyununda "Laskovıy may"ın ("Ласковый май") solisti Yuri Şatunov, noyabrında isə qrupun yaradıcısı Sergey Kuznetsov vəfat edib.

Teref.az rus mətbuatına istinadən xəbər verir ki, onların ardıcıl ölməsi pərəstişkarları arasında çoxlu suallara və fərziyyələrə səbəb olmuşdu. Bu gün isə qrupun keçmiş prodüseri Andrey Razin müğənni və Kuznetsovun muzdlu məqsədlər üçün öldürüldüyünü iddia edib:

"Amerikada işə götürdüyüm böyük əlaqələri olan səlahiyyətli insanlar onun ölümünün təsadüfi olmadığını 90% ehtimalla təsdiqlədilər. Yura sui-qəsd, hiylə və maliyyə fırıldaqları nəticəsində öldü. Son üç ildə o, indi vəkillik fəaliyyəti ilə məşğul olan keçmiş kəşfiyyatçılar tərəfindən aldadılıb. Bu cinayətdə onların əli var. Məhz onların hüquq-mühafizə orqanlarındakı əlaqələri heç bir sənəd olmadan Yuranın cəsədini götürməyə və dərhal onu yandırmağa icazə verdi ki, heç bir iz qalmasın. İnanıram ki, Yuranı mənə qarşı qaldıran acgöz əclaflar öldürüblər. Onlar Yuranı mənimlə olan mübahisəsini müzakirə etmək bəhanəsi ilə bağ evinə apardılar. Müəlliflik hüququ heç vaxt Şatunova qaytarılmayacaqdı. Amma ona pul verməmək üçün Yuranı aradan götürülməsinə qərar verilmişdi. Ona görə də hesab edirəm ki, bu, pul qazanmaq və işin bütün materiallarını gizlətmək məqsədilə iki nəfərin qətlidir. Daha ətraflı araşdıracağıq. Bu məsələ belə qalmayacaq".

Qeyd edək ki, müğənni Yuri Şatunovun kəskin ürək çatışmazlığından vəfat etdiyi deyilirdi. ( axşam.az)