Bakıda iş saatı dəyişdirilir? -
Son illər paytaxt yollarında yaranan və həlli tapılmayan tıxac problemi vətəndaşlar üçün kabusa çevrilib.

Bakı küçələrində yaranan tıxac probleminin həlli ilə bağlı hökumət səviyyəsində də təkliflər səslənsə də, bu sahədə heç bir irəliləyiş müşahidə edilməyib. Məsələ ilə bağlı Milli Məclisdə müzakirələr zamanı problemlə bağlı fikilər səslənsə də, yenə paytaxt küçələrində eyni vəziyyət davam edir.

Millət vəkili Vüqar Bayramov mövcud problemin həlli istiqamətində təkliflə də çıxış edib:

“Bir sıra inkişaf etmiş ölkələrin praktikası göstərir ki, işə başlama və işin başa çatma saatlarının, xüsusən də sektor üzrə fərqləndirilməsi tıxacların azaldılmasında istifadə edilən mühüm və səmərəli alətlərdən biridir”.

V.Bayramov bildirib ki, Azərbaycanda da iş saatlarının sektorlar üzrə fərqləndirilməsi məqsədəuyğundur:

“Biz təklif edirik ki, Azərbaycanda da fərqli iş saatları tətbiq olunsun. Bu dövlət və özəl sektorları üzrə fərqli iş saatları rejminin tətbiq edilməsinə gətirib çıxara bilər. Məsələn, əksər inkişaf etmiş ölkələrdə dövlət sektoru özəl sektordan tez işə başlayır.

Nəzərə alsaq ki, Azərbaycanda dövlət sektoru məşğul əhalinin sayında xüsusi paya malikdir, dövlət sektorunun daha tez işə başlaması istər şəxsi, istərsə də ictimai nəqliyyatdan istifadəni saatlar üzrə bölüşdürülməsinə gətirib çıxara bilər. Eyni zamanda, işə tez başlayan qurumlar işi bir saat tez başa vuracaqlar ki, bu da axşam saatlarında da tıxacın azaldılmasına imkan yaradacaq”.

Qeyd edək ki, bəzi qonşu ölkələrdə də bu sistemin tətbiqi ilə yollarda yaranan tıxacın qarşısını müəyyən qədər alınır.

Bəs ölkəmizdə iş saatının vaxtını dəyişməklə paytaxtda mövcud tıxac probleminin qarşısını almaq mümkündürmü?

Millət vəkili Fazil Mustafa “Cebhe.info”-ya bildirib ki, tıxac probleminin həlli üçün iş saatlarının vaxtının dəyişdirilməsi çıxış yolu deyil:

“Bakıda tıxac məsələsini həll etmək çox sadə və rahat bir məsələdir. Sadəcə olaraq buna niyyət olmalıdır. Hələ ki, bu niyyət görünmür. Yəni hansısa qurumların doğrudan da bu problemi həll etmək niyyəti varsa, kifayət qədər bu problemin həllini bilən mütəxəssislər var. Sadəcə problemi həll etmək niyyəti qabarıq şəkildə görünmür.

Çünki bu istiqamətdə ortada sağlam bir müzakirə yoxdur. Sanki belə bir problem yoxdur, hamı görməzdən gəlir. Ancaq bunun gətirdiyi fəsadlar artıq iqtisadiyyata, insanların psixikasına, əsəblərinə böyük zərbə vurur. Görünən odur ki, bu problem bir sıra məmurları narahat etmir. Ona görə də buna adi bir məsələ kimi baxırlar. Ancaq bu, olduqca ciddi və vacib məsələlərdən biridir”.

Deputat bu istiqamətdə paytaxtın köçürülməsi ilə bağlı məsələnin gündəmə gətirilməsinin səbəbsiz olmadığını deyib:

“Çünki bunun yollarından biri də paytaxtın köçürülməsidir. Ancaq hər halda paytaxt köçürülməsə belə, yenə də tıxac probleminin həlli yolları var. Bu yolları tapmaq elə də çətin məsələ deyil”.
 

Bölmənin digər xəbərləri

10 May 2025 TƏBİB kimsəni SAYA SALMIR
09 May 2025 Sığorta şirkətlərinin SƏHLƏNKARLIĞI - 50 manatınızın BAŞI AĞRIYIR
08 May 2025 "Mənimlə maraqlanan yoxdur... borcum xərcim başımdan aşır" - Şəhid anası ÇƏTİN DURUMDA
08 May 2025 Bakı sakini əlillik pensiyasının qanunsuz olaraq kəsildiyini deyir - "16 il pensiya almışam..."
08 May 2025 Naxçıvanda vətəndaşa heyvan yemi olan kartofu satırlar... - ETİRAZ VAR..
07 May 2025 “6 yaşında uşaqdan niyə Eynşteyn düzəltmək istəyirsiniz?!” – Pediatrdan valideynlərə ÇAĞIRIŞ
07 May 2025 Azərbaycanda pensiyaçıların kommunal borclarını dövlət ÖDƏYƏCƏK?
06 May 2025 SSRİ-nin sərt və şərt qanunları - onları pozanlar cərimələnib, həbs olunublar
06 May 2025 Əyani, qiyabi, indi də distant təhsil: Dövlət qərar verdi - AKTUAL
05 May 2025 Yayda gedə biləcəyiniz ən ucuz ölkələr – SİYAHI
05 May 2025 3 bürcün həyatı dəyişə bilər!
03 May 2025 Boşanma zamanı əmlak bölgüsü necə tənzimlənir? – Hüquqşünas
02 May 2025 Bakıda söküntülər BAŞLADI: Kompensasiya sakinləri qane etmir VİDEO
02 May 2025 Məhərrəm Quliyevin qəbuluna getsə də...
01 May 2025 Sumqayıt Şəhər İcra Hakimiyyətinin tabeliyindəki müəssisənin dövlətə vergi borcu üzə çıxıb
01 May 2025 Azərbaycan əhalisi ayda siqaretə 7, təhsilə 6 manat xərcləyir - SİYAHI
30 Aprel 2025 Kahramanmaraşda "Azərbaycan məhəlləsi"ndəki evlərin inşası yekunlaşıb
29 Aprel 2025  “Hünər İnşaat”: Burda insan taleyi HEÇDİR!
29 Aprel 2025 "Binanın altındakı torpaq sahəsi sakinlərin mülkiyyətidir" - Vəkil
28 Aprel 2025 Rəsmi iş yeri olmayanlara ŞAD XƏBƏR – Bu qayda ilə ev ala bilərsiniz

Dünyapress TV

Xəbər lenti