 |
|
|
“Azərbaycanda fındığın ixrac dəyəri tez-tez dəyişir. Bu dəyişmələr fermerlərin ziyanındadır”.
Kənd təsərrüfatı üzrə ekspert Vahid Məhərrəmov belə deyir. O bildirir ki, ötən il 2022-ci ilə baxanda fındıq ixracı həm fiziki çəkidə, həm də dəyər ifadəsində artıb. Lakin 2019-cu illə müqayisə onu göstərir ki, fındıq ixracatçılarının gəliri 2 dəfəyədək azalıb.
Son illər Azərbaycanda fındığın əkin sahəsi xeyli genişləndirilib. 2015-ci ildə 32,7 min hektarda fındıq bağı salınmışdısa, 2022-ci ildə bu rəqəm 81,4 min hektaradək artıb. Bu o deməkdir ki, son 7 ildə fındığın əkin sahəsi 2,5 dəfə böyüyüb.
2017-ci ildə Qax rayonunda barama, tütün və fındıq istehsalının inkişafı məsələlərinə dair respublika müşavirəsində çıxış edən ölkə başçısı İlham Əliyev də baramaçılıqdan və tütünçülükdən fərqli olaraq fındıqçılığın daha çox inkişaf etdiyindən danışmışdı.
Demişdi ki, 2000-ci ildə Azərbaycanda fındıq bağlarının sahəsi 18 min hektar olub, bu rəqəm 2013-cü ildə 30 min hektara, 2015-ci ildə 32 min 700 hektara çatıb.
“Hazırda 55 min hektarda fındıq bağları salınıb. Əlbəttə, bu, son hədəf deyil. Qarşıya məqsəd qoyulub ki, biz fındıq bağlarının sahəsini 80 min hektara çatdıraq”.
Həmçinin Prezident deyib ki, fındığın ixracı ilə bağlı gələcəkdə heç bir problem olmayacaq.
Vahid Məhərrəmov isə deyir ki, son illər fındığın ixracında xeyli problemlər yaranıb. Onun sözlərinə görə, son 5 ildə fındıq ixracının dinamikası tez -tez dəyişir, gah artır, gah azalır:
“2019-cu ildə ixrac edilən fındığın miqdarı 22 639 ton, dəyəri isə 125 621 min dollar olub. Bu göstərici 2018-ci ilə nisbətən fiziki çəkidə 24 faiz, dəyər ifadəsində 30 faiz çox olsa da, növbəti 2020-ci ildə fındıq ixracı 2019-cu ilə nisbətən fiziki çəkidə 16,5 faiz, dəyər ifadəsində isə 7,3 faiz azalıb. Növbəti iki ildə də fındıq ixracının həcmi 2019-cu il səviyyəsinə qalxmayıb. 2023-cü ildə fındıq ixracı fiziki çəkidə 2019-cu ilə nisbətən artsa da, dəyər ifadəsində 2 faizədək azalıb. 2023-cü ildə 2019-cu ilə nisbətən fındıq ixracatçılarının gəlirləri 2 milyon 486 min dollar azalıb”.
2023-cü ildə Azərbaycandan 44,6 milyon avro dəyərində Avropa İttifaqı ölkələrinə fındıq ixrac edilib. Bu, əvvəlki ilə nisbətən 23,2 faiz azdır.
Azərbaycandan Almaniyaya 23,4 milyon avro dəyərində 4,2 min ton meşə fındığı idxal edilib. Bu da əvvəlki ilə nisbətən dəyər ifadəsində 64,1 faiz, fiziki çəkidə isə 71,4 faiz çoxdur.
Vahid Məhərrəmov deyir ki, dünyada fındıq istehsalı ilə cəmi 30 ölkə məşğul olsa da, fındıq bazarında cox ciddi rəqabət var.
Onun sözlərinə görə, fındıq məhsulunun rəqabətqabiliyyətli olması üçün keyfiyyət səviyyəsinin yüksək, maya dəyərinin isə ucuz olması şərtdir. Məhsulun maya dəyərinin aşağı olması üçün məhsuldarlıq yüksək olmalıdır:
“Türkiyə və bəzi ölkələr istisna olmaqla əsas fındıq istehsal edən ölkələrdə məhsuldarlıq yüksəkdir. Məsələn, hər hektardan İtaliyada 16 sentner, Polşada 15, Çində 20, Fransada 19, Gürcüstanda 17, ABŞ-da isə 23 sentner məhsul əldə olunur. Azərbaycanda isə fındığın ən yüksək məhsuldarlığı 2005-ci ildə 15 sentner olub. 2022-ci ildə ölkə üzrə orta məhsuldarlıq 13,9 sentnerədək düşüb”.
Ekspert deyir ki, ölkə üzrə fınıdığın hər hektar üçün ortalama məhsuldarlığı 800-900 kiloqramdır və bu, çox azdır:
“Beləliklə, fındıqçılıqda əkin sahələri genişlənir, məhsul istehsalı artır və hektardan məhsuldarlıq isə lazımı səviyyəyə qalxmır. Bunun da səbəbi sahədə mövcud olan problemlərin uzun müddət həll edilməməsi ilə bağlıdır. Fındıqçılıqla məşğul olan əksər fermerlər fasiləsiz suvarma suyu ilə təmin olunmur. Həmçinin keyfiyyətli gübrə, pestisid çatışmazlığı səbəbindən rəqabətqabiliyyətli, yüksək keyfiyyətli məhsul istehsal edə bilmirlər. Emal müəssisələri məmurlara yaxın olan adamların əlindədir, qiyməti onlar diktə edir. Ən ciddi problemlərdən biri də ölkədə peşəkar kadr çatışmazlığıdır”.
Vahid Məhərrəmov düşünür ki, sahənin inkişaf etdirilməsi üçün fermer, kəndli təsərrüfatlarının fasiləsiz suvarma suyu ilə təmin edilməsi, aqrar sahə üzrə yüksək səviyyəli peşəkar kadrların hazırlanması, emal sahəsində, bazarda inhisarçılığın aradan qaldırılması kimi məsələlər həll edilməlidir.
dia-az.info
Qarabağ İqtisadi Rayonunda Bərpa,Tikinti və İdarəetmə Xidməti "Madina Group MM” MMC (VÖEN – 1502073491) ilə satınalma müaviləsi imzalayıb.
Yeniavaz.com xəbər verir ki, müqavilə bir mənbədən satınalma metodu əsasında bağlanıb.
Tender müsabiqəsinin şərtlərinə görə, "Madina Group MM” MMC Bərpa,Tikinti və İdarəetmə Xidmətinin sifarişi əsasında 500 ədəd xüsusi hədiyyəlik taxta qutular hazırlayacaq və qarşılığında 32 min 450 manat alacaq. Bir ədəd hədiyyəlik taxta qutunun hazırlanmasına 64 manat 90 qəpik ayrılacaq.
Məlumat üçün bildirəik ki, tenderin qalibi olan "Madina Group MM” MMC 25 may 2012-ci il tarixində dövlət qeydiyyatına alınıb. Nizamnamə kapitalı 10 min 10 manat olan MMC-nin hüquqi ünvanı Binəqədi rayonu, M.Rəsulzadə ŞTQ, Biləcəri Şossesi, ev 8D-də yerləşir. Şirkətin qanuni təmsilçisi Mürşüdov Asəf Rüstəm oğludur.
Qeyd edək ki, bu müqavilə üzrə satınalma proseduru dövlət satınalmalarının vahid internet portalında keçirilməyib. "Dövlət satınalmaları haqqında” Qanunun 15.1 maddəsində göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsilə həyata keçirilir. Qanunun tələblərindən də göründüyü kimi hədiyyəlik taxta qutular məxfi məlumat hesab oluna bilməz. Bu səbəbdən də, Qarabağ İqtisadi Rayonunda Bərpa,Tikinti və İdarəetmə Xidmətinin tender müsabiqəsini bu şəkildə keçirməsi başa düşülən deyil.
Üstəlik müqavilənin hansı səbəbdən bir mənbədən satınalma metodu ilə imzalandığı da aydın deyil. Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur:
– Satınalma predmeti yalnız hər hansı konkret təchizatçıda olduqda;
– Satınalma predmetinin əvəzedicisi və alternativi olmadıqda;
– Satınalma predmetinə təcili tələbat yarandıqda;
– Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;
– Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.
Ramazan ayında iftarını evdə açanlarla yanaşı dostları, yaxınları ilə bərabər yemək üçün restoran və kafelərə üz tutanlar da var.
“ATV Xəbər” paytaxt restoranlarının müştərilərə təklif etdikləri imsak və iftar menyuları ilə bağlı süjet hazırlayıb.
Bildirilib ki, müştərilər üçün təklif edilən iftar menyularının qiyməti 20 manatla - 120 manat arasında dəyişir.
Həmin süjeti təqdim edirik:
Ukrayna hərbi dairələrinin iddiasına görə, bu günkü döyüşlərdə daha bir rus generalı öldürülüb.
Təsdiqini gözləyən məlumata əsasən öldürülən general Rusiyanın “Dnepr” qruplaşmasının komandiri, general-polkovnik Mixail Teplinskidir.
Bildirilir ki, Ukrayna hərbçiləri "düşmənin daha bir mühüm hədəfini – Rusiya Silahlı Qüvvələrinin motoatıcı briqadalarından birinin komanda məntəqəsini yerlə yeksan edib. Rus general-polkovnik Mixail Teplinskinin də atəş zamanı həmin komanda məntəqəsində bulunduğu güman olunur.
Heydər Oğuz
TEREF
Gədəbəy Rayon İcra Hakimiyyəti Gədəbəy şəhərində yolların əsaslı təmiri ilə bağlı tenderə yekun vurub.
Qaynarinfo xəbər verir ki, tenderin qalibi "İS.M.M." MMC seçilib. Tərəflər arasında bağlanacaq satınalma müqvailəsinin maliyyə dəyəri 925 905,34 AZN-dir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "İS.M.M." MMC 2 aprel 2004-cü ildə qeydiyyata alınıb. Nizamnamə kapitalı 2 897 170 AZN olan şirkətin hüquqi ünvanı Bakı şəhəri Yasamal Rayonu, Əlövsət Quliyev küçəsi, ev 98, mənzil 15-də yerləşir. MMC-nin qanuni təmsilçisi Xudiyev Nadir Bilman oğludur.
Şirkətin ilk qanuni təmsilçisi Xudiyeva Mürvəq Xıdır qızı olub. Onu Sadıqov Ceyhun İsmayıl oğlu əvəzləyib. Ceyhun Sadıqov 2023-cü ilə qədər "İS.M.M.” "MC-ni təmsil edib. Həmin ildən şirkətin qanuni təmsilçisi Nadir Xudiyevdir.
Açıq mənbələrdə bu şəxslərin heç bir haqqında hər hansı məlumata rast gəlinmir. "İS.M.M." MMC barəsində heç bir məlumat yoxdur.
Gədəbəy Rayon İcra Hakimiyyəti vaxtaşırı yolların təmiri və abadlıq işləri ilə bağlı tender keçirir. Ötən il 7 belə tender keçirilib. Bu tenderlərdə görüləcək işlər üçün təklif edilən qiymətlərin ümumi dəyəri 1 749 219,27 AZN-dir.
Gədəbəy Rayon İcra Hakimiyyətinin başçısı Orxan Mürsəlovdur. O, 2022-ci ildən bu vəzifəni daşıyır.
İş adamı İlkin Şabanov cərimələnib.
Qaynarinfo-nun məlumatına görə, İlkin Şabanova İnzibati Xətalar Məcəlləsinin 192.1-ci maddəsi ilə cərimə yazılıb. Cərimə yazan qurum isə Əmək və Əhalinin Sosial Müdafiəsi Nazirliyin yanında Dövlət Əmək Müfəttişliyi Xidmətidir.
İlkin Şabanov ittiham olunduğu maddə Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsi ilə bağlıdır.
Maddədə inzibati cəza növü kimi fiziki şəxslərin 1000 manatdan 2000 manatadək, vəzifəli şəxslərin 3000 manatdan 5000 manatadək, hüquqi şəxslərin isə 20 000 manatdan 25 000 min manatadək məbləğdə cərimə edilməsi nəzərdə tutulur. İlkin Şabanovun hansı məbləğdə cərimələnməsi barədə məlumat yoxdur.
Hər bir halda iş adamı dövlət xidmətinin qərarı ilə razılaşmayaraq məhkəməyə şirkayət ərizəsi ilə müraciət edib. Onun şikayətinə Xətai Rayon Məhkəməsində baxılacaq. Sülhanə Hacıyeva iş üzrə hakim təyin edilib.
İlkin Şabanov FMCG (Fast moving consumer goods – Tez istehlak edilən gündəlik tələbat malları) sektorunda əhəmiyyətli paya sahib olan “Delta Qrup C.O” MMC-nin rəhbəri olub. Bu şirkət “Bismak” markası ilə şirniyyat və un məmulatları, “Çörəkçi” markası ilə isə çörəklər istehsal edirdi.
Ötən ilin fevralında şirkət “Mars Overseas Baku LTD” MMC-yə qoşulduğunu bəyan edib. “Mars Overseas Baku LTD” MMC-nin həmin vaxt yaydığı məlumatdan aydın olunur ki, “Delta Qrup C.O” MMC-nin ona qoşulması ilə şirkət yenidən təşkil edilir.
İlkin Şabanov 2021-ci ildə İsveçrənin Cenevrə şəhərində fəaliyyət göstərən “UN Council for Public Awards” (UNCOPA) təşkilatının “Avropa Sənaye Lideri” fəxri adı layiq görülüb və “Gottfried Wilhelm Leibniz” medalı ilə təltif edib.
Bundan əvvəl isə iş adamı Türk Dünyası Araşdırmaları Beynəlxalq Elmlər Akademiyasının mükafat komitəsi tərəfindən “Türk Dünyasında İlin İş adamı” fəxri adı verilməklə “Altın Yıldız” medalı ilə təltif olunub.
Van Qoqun 1884-cü ildə çəkdiyi “Ağ papaqlı kəndli qadın” portreti Maastrixtdə keçirilən Avropa İncəsənət Yarmarkasında (TEFAF) satılıb.
“Qafqazinfo” xarici KİV-ə istinadən xəbər verir ki, portreti alan şəxs 4,5 milyon avrodan çox pul ödəyib.
Əsər Yeni Orleanda yerləşən M.S. RAU qalereyası tərəfindən satışa çıxarılıb.
Azərbaycandan olan investor Stavropol diyarında "Vostochnıy” istixana kənd təsərrüfatı kompleksinin tikintisinə 5,6 milyard rubl (təxminən 61,7 milyon dollar) sərmayə qoyacaq.
Musavat.com xəbər verir ki, bu barədə TASS-a regional İqtisadi İnkişaf Nazirliyinin rəhbəri Denis Polyubin məlumat verib:
"Levokumski rayonunda "Vostochnıy" kənd təsərrüfatı kompleksinin tikintisinə qoyulan investisiyaların həcmi 5 milyard 660 milyon rublu ötür. Layihə həyata keçirilir, o cümlədən investor artıq lazımi avadanlıq alıb. İstismara verilməsi 2024-cü ilin sonuna qədər planlaşdırılır".
Nazirlikdən verilən məlumata görə, istixana kompleksinin sahəsi 22 hektara yaxın olacaq: "İstixana kompleksi regionun ən böyüklərindən biri olacaq. Kompleksdə pomidor və xiyar yetişdirilməsi planlaşdırılır".
Bundan əvvəl Stavropol hökuməti jurnalistlərə bildirmişdi ki, bölgədə ümumi sahəsi təxminən 336 hektar olan 12 istixana kompleksi fəaliyyət göstərir. 2023-cü ilin sonunda bu komplekslərdə tərəvəz - pomidor, xiyar, salat və badımcan istehsalı təxminən 112,7 min ton təşkil edib.
Qeyd edək ki, "Aqrokompleks Vostoçnı” MMC-nin sahibləri "Aqro-Finans-Yuq” MMC (99 faiz) və RSHB strukturu "RSHB-Finance” MMC-dir. Agro-Finance-South Yusif Məmmədov (51 faiz) və Şamil Heydərova (49 faiz) məxsusdur.
"Aqrokompleks Vostoçnı” MMC-nin direkotru Heydərov Xaqani Bilal oğlu adlı şəxsdir. Rusiya reyestrinə əsasən o, həmçinin daha 4 müxtəlif MMC-nin direktoru, bir müəssisənin təsisçisidir.
Maraqlıdır ki, 2021-ci ildə Stavropol məhkəməsində 280 milyon rubl borcu olduğuna görə "Aqrokompleks Vostoçnı” MMC-nin müflis elan edilməsi iddiası ilə proses başladılıb.
Rusiya mətbuatında gedən materiallardan aydın olur ki, müəssisə ilə bağlı müzakirələrdə Azərbaycan Milli Məclisinin sabiq üzvü Əsabil Qasımov da iştirak edir. Bir neçə gün əvvəl Rusiya mətbuatında onun şirkətinin Jeleznovodsk xüsusi iqtisadi zonasında üç sanatoriyanın inşasına 9 milyard rubl (97,4 milyon ABŞ dolları) sərmayə qoymağa hazırlaşdığına dair məlumat yayılıb. Məlumatda kurortun rəhbəri Yevgeni Bakulin azərbaycanlı investorun ümumi sahəsi 9 hektar olan üç torpaq sahəsi üçün müqavilə bağladığını bildirib.
Vurğulanıb ki, bu vəsaitə 600 otaqlı və 1200 çarpayılıq üç sanatoriyanın tikintisi nəzərdə tutulub. Bakulin artıq Jeleznovodskda Azərbaycan sərmayələrinin uğurla icrasının şahidi olduqlarını da xatırladıb. Mətbuatın yazdığına görə, bu sərmayələri sahibi də Əsabil Qasımovdur. O, 2021-ci ildə burada ən böyük kurortlarından biri olan beşulduzlu "İstoçnik Jeleznovodsk” sağlamlıq kurortunu istifadəyə vermişdi. Sanatoriyanın yataq tutumu 500 çarpayıdır. Layihəyə qoyulan ümumi investisiyanın həcmi 2 milyard rubldan artıqdır.
Əsabil Qasımov açılışda da iştirak etmişdi. Ə.Qasımov 2016-ci ildə Yessentukidə də 1.5 milyard rubl investisiya hesabına 400 yerlik "İstoçnik” sanatoriyasını açmışdı.
Əsabil Qasımov "Karat Holdinq”in sahibidir. Şirkət 2006-cı ildə yaradılıb. 2010-cu ildə 79 saylı İmişli seçki dairəsindən Milli Məclisin deputatı seçildikdən sonra Əsabil Qasımov biznesini yaxınlarına "tapşırmışdı”.
"Karat Holdinq"ə bu şirkətlər daxildir:
- Karat MTK, İdeal MMC, İzmir MMC (tikinti şirkətləri);
- "Azinvest” tikinti şirkəti;- "Everest-M", "Şin Servis" (armatur alqı-satqısı);
- Karmen MMC (dəyirman və un alğı-satqısı);
- Hökməlidə Makaron Fabriki, Hökməlidə Kisə Fabriki;
- ASTEL MMC (Məhəmmədi, Mehdiabad və Şamaxıda Quşçuluq fabrikləri), taxıl anbarları və dəyirman kompleksləri (Şəkidə, Kürdəmirdə, Marneulidə və Gürcüstanın müxtəlif bölgələrində);
- Gəncə Fatoğlu (un dəyirmanı);
- Bakı şəhəri, Zərifə Əliyeva küçəsində 18 mərtəbəli iki "Marina Plaza" oteli;
- Zərifə Əliyeva küçəsində ikimərtəbəli restoran;
- Bakı şəhəri, Səməd Vurğun küçəsində "Ağ Saray";
- Bakı şəhəri, Xan Şuşinski küçəsi 12, İmran Qasımov küçəsi 16, Qulu Quliyev küçəsi 21, Süleyman Rüstəm küçəsi 61-də yerləşən 18 mərtəbəli dörd bina;
- İzmir küçəsi 7A və 7B-də yerləşən 19 mərtəbəli iki bina;
- Zərifə Əliyeva küçəsi 53-də yerləşən 23 mərtəbəli bir bina, Süleyman Rüstəm küçəsi 61-də yerləşən "Premium Market".
"Karat Holdinq”in Rusiyada biznesi bununla kifayətlənmir: bundan öncə şirkət Moskvanın cənubundakı Taqanski rayonunun Böyük Poluyaroslavk döngəsində yerləşən və "Vasili Osipoviç Krasavin və qardaşları” ticarət birliyinə məxsus binanı demontaj edirdi. Onun yerində sahəsi 11,3 min kvadrat metr olacaq apartament tipli mehmanxana tikilib.
Paralel olaraq, "Karat Holding” Moskvanın Nikoloyamskaya 11 küçəsində yerləşən "Bernikov” biznes mərkəzini 1,47 milyard rubl (21,3 milyon dollar) qarşılığında satın alıb. Rusiya paytaxtının mərkəzində yerləşən və 17 min kvadrat metr sahəni əhatə edən biznes-mərkəzinin yeni sahibi tərəfindən 200-250 nömrəlik otelə çevriləcəyi açıqlanır.
Şirkət 2017-ci ildə Kislovodsk şəhərində yerləşən "Akademiçeskiy” sanatoriyasına 25 milyon dollar sərmayə yatırıb. Holdinq Moskva vilayətində yerləşən Podolsk çörək və un məmulatları zavodunun da əsas səhmdarıdır.
Banqladeşin milli neft və qaz şirkəti “Petrobangla” ölkənin Benqal körfəzindəki dəniz zonasında geoloji kəşfiyyat işləri üçün tender elan edib.
"Report" xəbər verir ki, tenderin şərtləri şirkətin rəsmi saytında dərc olunub.
Tender üçün 9 dayaz su bloku və 15 dərin su bloku hərraca çıxarılır.
Müqavilə şərtlərinə görə, neft əməliyyatları üçün idxal olunan avadanlıq və mexanizmlərə rüsum tətbiq edilməyəcək. Podratçının korporativ gəlir vergisi öhdəliyi “Petrobangla” tərəfindən ödəniləcək.
İddiaçı həm dayaz, həm də dərin sulu dəniz blokları üçün dövlətə məxsus Banqladeş Neft Kəşfiyyat və İstehsalat Şirkətinin 10%-lik payına zəmanət verməlidir.
Tender iştirakçıları üçün ixtisas meyarlarına dənizdə gündəlik ən azı 15 min barel neft və ya 150 milyon kubmetr qaz hasilatı daxildir.
Uzun müddətdən sonra dollar üzrə faiz dərəcəsi aşağı salına bilər. ABŞ Federal Ehtiyat Sisteminin Amerika iqtisadiyyatı ilə bağlı proqnozlar özünü doğrultduğu təqdirdə, 2024-cü ildə baza faiz dərəcəsini endirəcəyi ilə bağlı xəbərlər yayılıb.
İqtisadçı ekspert Xalid Kərimli bildirib ki, FED baza dərəcəsini 5,25-5,5 səviyyəsində saxlayıb. Onun sözlərinə görə, ABŞ-da inflyasiyanın davamlı şəkildə azalması müşahidə edilir. Əgər proses belə davam etsə, il ərzində uçot dərəcəsinin enidirlməsinə şərait yaranacaq.
Ekspert deyir ki, uçot dərəcəsinin çox yüksək olması Amerika iqtisadiyyatının müəyyən sahələrində durğunluğa səbəb olur.Xalid Kərimli qeyd edib ki FED faiz dərəcəsini azaltamağa qərar versə, bu dolları dünya bazarında ucuzlaşdıracaq.
O, əlavə edib ki dollar ucuzlaşsa bu manatın məzənnəsinə ciddi təsir etməyəcək.
Mövzu ilə bağlı daha ətraflı videomaterialı təqdim edirik:
"Almaniya hakimiyyət 10 il ərzində ölkə sakinlərini münaqişələrdən qoruyacaq bunkerlərin tikintisi üçün ildə bir milyard avro ayırmalıdır".
Qayanrinfo xəbər verir ki, bunu "Funke"yə müsahibəsində Almaniyanın Şəhərlər və Kommunalar Assosiasiyasının rəhbəri Andre Berqeqqer bildirib.
Assosiasiya rəhbəri bunkerlərin tikilməsinin zəruriliyini qeyd edib.
"Mülki əhalini qorumaq üçün növbəti 10 il ərzində hər il ən azı 1 milyard avroya ehtiyacımız var", deyə Andre Berqeqqer bildirib.