 |
|
|
Son həftələrdə Şərqi Azərbaycan vilayətinin rəsmiləri və Traktor Klubunun sahibi Məhəmmədrza Zunuzi arasında klubun təhvil verilməsi məsələsi müzakirə olunur.
Fars xəbər agentliyinin məlumatına görə, iş adamı Zunuzi klub üçün televiziya yayımı hüququ, müəllif hüquqları qanunu və milli kanallarda, xüsusən də Kanal 3-də Traktor oyunlarının yayımlanmasını tələb edir.
Bu xəbərə əsasən, klub sahibinin bu tələbləri yeni deyil və Zunuzi bu tələbləri daha əvvəl də irəli sürüb.
Məhəmmədrza Zunuzinin tələbləri vilayət rəsmiləri, o cümlədən Şərqi Azərbaycan vilayətinin mərhum valisi Malik Rahmatinin müavini Türab Məhəmmədi ilə danışıqlarda müzakirə olunub. Lakin tələblər vilayət orqanlarının səlahiyyətləri xaricində olduğu üçün danışıqlar nəticəsiz qalıb.
"Radio və televiziyanın ayrı-seçkiliyi və iki paytaxt komandasının [İstiqlal və Persepolis] oyunlarının milli kanallarda yayımlanması ilə bu komandalarla rəqabət aparmaq mümkün deyil" - deyə, Zunuzi bildirib.
Traktor klubu sahibinin vilayət rəsmilərindən komandaya qarşı ayrı-seçkiliyin aradan qaldırılması ilə bağlı tələbləri və bu rəsmilərin həmin tələbləri yerinə yetirmək səlahiyyətinin olmaması səbəbindən danışıqlar nəticəsiz qalıb və Zunuzi komandanı və klubu təhvil verməkdə israr edir.
Almaniyada keçirilən Avropa çempionatının qrup mərhələsinin II turunda baş tutan Almaniya - Macarıstan matçının ən yaxşı futbolçusu müəyyənləşib.
"Report" UEFA-nın mətbuat xidmətinə istinadən xəbər verir ki, Bundestimin heyətində İlkay Gündoğan qarşılaşmanın ən yaxşı oyunçusu seçilib.
33 yaşlı yarımmüdafiəçi Macarıstanla matçda komandasının ikinci qolunun müəllifi olub.
Almaniyada keçirilən futbol üzrə Avropa çempionatında qrup mərhələsinin II turunun görüşləri çərçivəsində Xorvatiya və Albaniya yığmaları üz-üzə gəlib.
Hamburq şəhərində keçirilən matç məhsuldar heç-heçə ilə yekunlaşıb - 2:2.
Oyunda hesabı 11-ci dəqiqədə albanlardan Kyazim Laçi açıb. 74-cü dəqiqədə Andrey Kramariç "status-kvo"nu bərpa edib. 2 dəqiqə sonra Klaus Qyasulya avtoqol müəllifi olaraq xorvatları hesabda önə çıxarıb. Bu futbolçu 90+5-ci dəqiqədə daha bir qol vurub. Xorvatiya komandasının qapısına yol tapan yarımmüdafiəçi komandasının bərabərlik qoluna imza atıb.
Qeyd edək ki, xorvatlar B qrunun ilk matçında İspaniyaya 0:3, albanlar isə İtaliyaya 1:2 hesabı ilə məğlub olub.
Almaniyada keçirilən futbol üzrə Avropa çempionatının qrup mərhələsinin II turunun Almaniya - Macarıstan matçı başa çatıb.
Qarşılaşma Bundestimin 2:0 hesablı qələbəsi ilə yekunlaşıb.
Almanların heytində hesabı 23-cü dəqiqədə Camal Musiala açıb. 67-ci dəqiqədə isə İlkay Gündoğan matçın yekun hesabını müəyyənləşdirib.
Qeyd edək ki, A qrupunun ilk görüşündə ALmaniya Şotlandiya yığmasına da qalib gəlmişdi - 5:1.
Bədii gimnastika üzrə Ermənistan komandası Kazanda keçirilən BRİKS Oyunlarında turnirin baş hakiminin dəyişdirilməsi ilə əlaqədar iştirakdan imtina edib.
Bunu erməni gimnast Silva Sarkisyan "Match TV"yə bildirib.
Çərşənbə axşamı Sarkisyan "Telegram" kanalında BRİKS Oyunlarında iştirak etməyəcəyini açıqlayıb.
"Əvvəlcə Ermənistan nümayəndəsi baş hakim təyin olundu. Sonra dəyişdilər, indi yarışın baş hakimi Azərbaycandandır. Beləliklə də, Ermənistan yarışdan çıxdı. Məni təmsil etdiyim assosiasiya adından danışmağa dəvət etdilər, lakin Ermənistanın İdman Nazirliyi rəsmi məktub göndərərək BRİKS Oyunlarının 2024-cü ilin yarış təqvimində planlaşdırılmadığını bildirdi", - deyə o bəyan edib.
Xatırladaq ki, BRİKS Oyunları çərçivəsində bədii gimnastika yarışları iyunun 20-22-də keçiriləcək.
Almaniyada keçirilən futbol üzrə Avropa çempionatının F qrupunda baş tutan Türkiyə - Gürcüstan matçında Türkiyə komandası 3:1 hesablı qələbə qazanıb.
Mərt Müldür 25-ci Arda Gülər 65-ci dəqiqədə fərqlənib.
Türkiyə millisində son nöqtəni Kərəm Aktürkoğlu 90+7-ci dəqiqədə qoyub. Gürcüstan millisinin yeganə qolunu isə 32-ci dəqiqədə Georgi Mikautadze vurub.
Türkiyə millisinin üzvü Arda Gülər AÇ-2024-ün açılış oyununda Gürcüstana qarşı keçirdikləri matçda fantastik qolla yadda qalıb.
"Qafqazinfo" xəbər verir ki, o, matçın 66-cı dəqiqəsində mükəmməl qol vurub.
Bu qol ilə gənc yarımmüdafiəçi komandasını önə çıxarıb.
Qeyd edək ki, A. Gülər bir müddət öncə də bənzər qol vurması ilə gündəm olmuşdu.
Gürcüstan və Türkiyə yığmalarının azarkeşləri futbol üzrə Avropa çempionatının oyunu başlamazdan əvvəl stadionda dava salıblar.
“Report” xəbər verir ki, məlumatı Reuters yayıb.
Türkiyəli azarkeşlərin olduğu hissə qapının arxasında yerləşir. Onun yanında küncdə Gürcüstan millisinin azarkeşləri var. Bəzi azarkeşlər oturacaqlarından atılaraq əlbəyaxa davaya başlayıblar. Hər iki tərəf də bir sektordan digərinə yad əşyalar atıb.
Polisin müdaxiləsindən sonra azarkeşləri sakitləşdirmək mümkün olub.
Qeyd edək ki, Almaniyada keçirilən Avropa çempionatının F qrupunun ilk turunda Türkiyə və Gürcüstan yığmaları üz-üzə gələcək.
Almaniyada keçirilən futbol üzrə Avropa çempionatında daha bir oyun baş tutub.
E qrupunun ilk matçında Rumıniya millisi Ukrayna ilə üz-üzə gəlib.
Qarşılaşma rumınların inamlı qələbəsi ilə bitib – 3:0.
26-cı dəqiqədə Nikolae Stanku, 53-cü dəqiqədə Razvan Marin, 57-ci dəqiqədə isə Denis Draquş fərqləniblər.
Qeyd edək ki, AVRO-2024 iyulun 14-də başa çatacaq.
"Los-Anceles Dodcers" beysbol komandasının oyunçusu Muki Bettsin Yüksək Baketbol Liqasında (MLB) "Kanzas Siti" ilə oyun zamanı qolu sınıb.
O, "Kanzas"ın oyunçusu Den Altavillanın ötürməsini dəf etməyə hazırlaşarkən təxminən 157 km/saat sürətlə hərəkət edən top Bettsin sol biləyinə dəyib və o dərhal yıxılıb.
Oyundan sonra "Dodcers"in baş məşqçisi Deyv Roberts Bettsin əlində sınıq olduğunu, lakin əməliyyata ehtiyac olmadığını söyləyib.
Klub ümid edir ki, oyunçu bu mövsüm meydana qayıdacaq.
Qeyd edək ki, MLB-nin müntəzəm mövsümü martın 20-də başlayıb və sentyabrın 29-da başa çatacaq. 31 yaşlı Betts "Dodcers"in aparıcı oyunçularından biridir, o, ikiqat MLB çempionu olub və bir çox şəxsi liqa mükafatları var.