İstanbuldakı danışıqlarda Rusiya nümayəndə heyəti həqiqətən də Ukrayna üçün qəbuledilməz olan bir sıra fikirlər səsləndirdi.

TNS xəbər verir ki, bu barədə İstanbulda keçirdiyi brifinqdə Ukraynanın Xarici İşlər Nazirliyinin sözçüsü Georgi Tixi bildirib.

"Bildiyiniz kimi, 2014-cü ildən başlayaraq bizim ruslarla danışıqlarda böyük təcrübəmiz var. Ukrayna nümayəndə heyəti sakit, yaxşı iş gördü. Bizim əsas mövqeyimiz dəyişməz qalıb", - deyə o bildirib.

Tixinin sözlərinə görə, Ukrayna nümayəndə heyəti prinsipial mövqe nümayiş etdirərək və öz xəttinə sadiq qalaraq bu təkliflərə sakit reaksiya verib.

Qeyd edək ki, ukraynalı deputat Yaroslav Jeleznyak İstanbulda keçirilən bugünkü görüşdə Rusiya nümayəndə heyətinin atəşkəs üçün şərt olaraq Ukraynadan Donetsk, Luqansk, Xerson və Zaporojye vilayətlərindən qoşunlarını çıxarmasını tələb etdiyi haqda məlumat yaymışdı.