Atası Bedrosun ölümündən sonra Rusiyanın Xalq artisti Filipp Kirkorov kədərə boğulub və dərin depressiyaya düşüb.

Bu haqda sənətçinin köməkçisi Lyudmila Dorodnova “RuNews24.ru” saytına açıqlamasında məlumat verib. 

Lyudmila bildirib ki, rus estradasının pop kralı praktiki olaraq heç bir şey yemədiyi üçün xeyli arıqlayıb.

“Filipp, demək olar ki, yeməyi dayandırıb - boşqablara toxunulmamış qalır və mətbəxdə bir vaxtlar gülüş və yumorla dolu atmosfer sükuta qərq olub”, - deyə sənətçinin köməkçisi qeyd edib.

Xatırladaq ki, Bedros Kirkorovun ölüm xəbəri martın 18-də yayılıb. Kirkorovun atası 93 yaşında dünyasını dəyişib. Son illər o, çoxsaylı xəstəliklərin, o cümlədən ürək-damar xəstəliklərinin kəskinləşməsi səbəbindən özünü pis hiss edib. Bedros Troekurovski qəbiristanlığında dəfn edilib. (Olay)