Fransa Prezidenti Emmanuel Makron və həyat yoldaşı Bricit Makronun Vyetnama səfəri zamanı lentə alınan kadr internet istifadəçiləri arasında maraqla qarşılanıb və müxtəlif şərhlərə səbəb olub.

Musavat.com xəbər verir ki, cütlük Hanoy Hava Limanında təyyarənin qapısı açılan anda mübahisə edərkən görüntülənib. Kadrlar Bricit Makronun Prezidentə şillə vurduğunu göstərir.

Məsələ ilə bağlı Prezident Makronun yaxın ətrafı mövzuya aydınlıq gətirib. BFMTV telekanalının siyasi jurnalisti Leopold Audebertin verdiyi məlumata əsasən, Yelisey Sarayı həmin videonun səhv başa düşüldüyünü bildirib.

Rəsmi açıqlamada qeyd olunur ki, bu kadrlar cütlüyün səfərdən əvvəl sadəcə zarafatlaşdığı və gərginliyi azaltmağa çalışdığı bir anı əks etdirir: “Bu, prezident və xanımının bir-birinə olan yaxın münasibətinin şəxsi bir təzahürüdür”.

Musavat.com sözügedən görüntüləri təqdim edir:

Musavat.com