 |
|
|
Qazaxıstan və Tacikistan şirkətləri Düşənbədə keçiriləcək iki ölkənin investisiya forumu zamanı 1 milyard dollardan çox dəyərində əməkdaşlıq sazişləri bağlayacaqlar.
İqtisadiyyat.az xəbər verir ki, bu barədə Qazaxıstan Baş nazirinin birinci müavini Roman Sklyar bildirib.
"Forumumuz çərçivəsində ümumi dəyəri 1 milyard dollardan çox olan bir sıra sənədlər imzalanıb və onların əsasında müxtəlif birgə layihələrin həyata keçirilməsi planlaşdırılır", - Sklyar qeyd edib.
Tacikistanın sənaye və yeni texnologiyalar naziri Şerali Kabir çıxışı zamanı qeyd edib ki, bu məbləğin əsas hissəsi ölkələrin metal emalı sənayesində qarşılıqlı fəaliyyətinə aid olacaq: "Ölkələrimiz arasında ticarət-iqtisadi əlaqələrin inkişafının çox mühüm istiqamətlərindən biri və aparıcı qüvvələrindən biri Talco və ERG şirkətləridir. Biz bu şirkətlərin gələcək fəaliyyətlərinin davam edəcəyinə inanırıq. Bu da ticarət və iqtisadi əlaqələrimizi yaxşılaşdıracaq".
Nazir qeyd edib ki, Tacikistan Qazaxıstanla digər sahələrdə də əməkdaşlığı səbirsizliklə gözləyir: "Ferroərintilərin istehsalı, transformatorların istehsalı, tibb müəssisələri üçün rentgen avadanlığı, tərəvəz konservləri istehsalı, dəri emalı zavodunun tikintisi layihəsi də maraqla gözlənilir".