ABŞ Prezidenti Donald Tramp administrasiyası immiqrasiya siyasəti çərçivəsində bir il ərzində 1 milyon insanı deportasiya edəcək.

Globalinfo.az xəbər verir ki, bu barədə xarici media Ağ Evə yaxın mənbələrə istinadən məlumat yayıb.

“Sözügedən deportasiya ABŞ tarixində indiyə qədər olan ən böyük əməliyyat planı olacaq. Trampın yaxın çevrəsinin rəsmiləri federal qurumların, xüsusən də Daxili Təhlükəsizlik Departamentinin bu məqsədə doğru işlədiyini açıqlayıb. Ağ Evin sözçüsü Kuş Desai deyib ki, immiqrasiya siyasəti özbaşına hədəflərə deyil, terrorçuların və cinayətkarların kütləvi deportasiyasına yönəlib. Rəsmilər ölkələri tərəfindən qəbul edilməyən 1,4 milyon insanın siyahısına üstünlük verirlər. Bu çərçivədə sərhədyanı əməkdaşlıq üçün Meksika, Kosta Rika, Panama və Ruanda kimi ölkələrlə əlaqələr qurulub”, – deyə bildirilib.

Məlumata görə, Trampın planı ciddi hüquqi və logistik maneələrlə üzləşir:

“Bəzi federal hakimlər immiqrantların deportasiyasını müvəqqəti olaraq dayandırıb”.