“Bizə bu günləri yaşadan Ali Baş Komandan İlham Əliyevə öz minnətdarlığımı bildirirəm. Allah şəhidlərimizə rəhmət eləsin, qazilərimizə cansağlığı versin. Füzulidə hər şey gözəl olacaq”.

“Report” xəbər verir ki, bu sözləri Füzuli şəhərinə qayıdan keçmiş məcburi köçkün Tahir Abbasov deyib.

“Altı yaşında Füzulidən çıxdıq, indi isə altı yaşlı övladımla geri qayıdıram. O vaxt uşaq olsam da, hər şeyi xatırlayıram. Düzdür, bizə dövlət tərəfindən qayğı və diqqət göstərilib. Amma doğma Füzuliyə qayıtmaq illərin arzusudur. Qısa müddətdə bizim üçün yeni binalar inşa edilib, bütün infrastruktur yaradılıb. 31 ildən çoxdur davam edən həsrətimiz bitir”, - deyə o bildirib.

Qeyd edək ki, bu gün Azərbaycan Prezidenti İlham Əliyevin tapşırığına uyğun olaraq Füzuli şəhərinə növbəti köç karvanı yola salınıb. Bu mərhələdə Füzuli şəhərinə daha 39 ailə - 172 nəfər köçürülür. İndiyədək Füzuli şəhərində 705 ailənin, yəni 2 689 nəfərin daimi məskunlaşması təmin edilib.

Azərbaycan Prezidenti İlham Əliyevin tapşırığına uyğun olaraq, Füzuli şəhərinə növbəti köç karvanı yola salınıb.

“Report” xəbər verir ki, ölkənin müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı aprelin 22-də Bakı şəhərinin Qaradağ rayonundan yola salınıb.

Bu mərhələdə Füzuli şəhərinə daha 39 ailə - 172 nəfər köçürülür.

Prezident, müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb.
Doğma yurda qayıdan Füzuli sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər. Onlar, həmçinin, torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbir diləyiblər.

Xatırladaq ki, indiyədək Füzuli şəhərində 705 ailənin, yəni 2 689 nəfərin daimi məskunlaşması təmin edilib.

Azərbaycanda beş ulduzlu hotellərdə xidmət qiymətləri durmadan artır.

Xezerxeber.az-ın məlumatına görə, Dövlət Turizm Agentliyinin hesabatına əsasən, bu ilin yanvar-aprel ayları üçün Azərbaycanın şəhər və rayonlarındakı beş ulduzlu hotellərdə bir gecə qalmaq üçün orta qiymət 225 manat təşkil edib. Bu da ötən ilin eyni dövrü ilə müqayisədə 21,6% çoxdur.

Turizm üzrə ekspertlər bildiriblər ki, qiymətlərin mütəmadi artmasının bir sıra səbəbləri var.

Turizm üzrə ekspert Rəhman Quliyev bildirib ki, əvvəlki illərlə müqayisədə indi bəzi hotellərin xidmətlərində dəyişikliklər və əlavələr edilib.
Daha ətraflı süjetdə:

Baku TV-nin xüsusi müxbiri Fərdin İsazadə aprelin 19-da Azərbaycanla Ermənistan arasında əldə edilmiş razılığa əsasən, Azərbaycana qaytarılan dörd kənddən birində - Qazax rayonun Qızılhacılı kəndində olub.

Bildirilib ki, sözügedən kənd erməni işğalından azad edilmiş digər yaşayış məntəqələri kimi darmadağın edilib, daşı daş üstə qalmayıb.

Kəndin ərazisində I Qarabağ müharibəsi zamanı Azərbaycan Ordusunun vurulmuş döyüş maşınının qalığı indiyə kimi qalmaqdadır.
Daha ətraflı süjetdə:

Tədbir zamanı media nümayəndələrinin suallarını cavablandıran Dr. Klaus Müller azad olunmuş ərazilərdə qısa müddət ərzində şəbəkə infrastrukturunun yaradılması, ən müasir səs texnologiyası olan VoLTE xidmətinin təqdim edilməsi və Xankəndi şəhərində ilk mobil rabitə mağazasının Bakcell tərəfindən istifadəyə verilməsini bildirib.

“Bakcell"in mətbuatda müzakirələrə səbəb olmuş yeniliklər vədi barədə suallara cavab olaraq, şirkətin Baş direktoru bildirib ki, Bakcell böyük dəyişikliklər astanasındadır və bu barədə 25 Aprel tarixində ətraflı məlumat açıqlanacaq.

Həmçinin, Dr. Klaus Müller qeyd edib ki, 2024-cü ildə Bakcell bütün ölkə boyunca mobil rabitə və xidmət şəbəkəsini daha da genişləndirmək niyyətindədir.

Laçın şəhəri Heydər Əliyev prospekti 157 ünvanında yaşayan sakin ona burada verilən evin inşasında keyfiyyətsiz materiallardan istifadə olunduğunu, həmçinin tikintiyə etinasız yanaşıldığını, prosesin qaydalar çərçivəsində aparılmadığını iddia edir.
Yeniavaz.com xəbər verir ki, Fariz adlı şəxs bu barədə öz sosial şəbəkə hesabında kadrlar yayıb və evində aşkarladığını bildirdiyi nöqsanları sadalayıb.
Sözügedən şəxs qeyd edib ki, yenicə istifadəyə veriməsinə baxmayaraq evin fasadında çatlar meydana gəlib. O, həmçinin tikilinin bünövrəsinin də düzgün qoyulmadığını deyir.

Laçın sakini bildirir ki, tavan da düzgün izolyasiya olunmayıb və evi isitməkdə çətinlik çəkir. O deyir ki, tikinti zamanı istifadə olunmalı olan bəzi materiallar isə ümumiyyətlə yoxdur.
Sözügedən kadrları təqdim edirik:
Qeyd edək ki, daha əvvəl də Laçına köçürülmüş sakinlərdən bəziləri oxşar problemlərlə bağlı məlumat dərc edib, aidiyyəti qurumlara müraciət ünvanlayıblar.
Laçındakı evləri inşa edən “Bakı Abadlıq Xidməti” MMC-nin direktor müavini Nəsimi Əsədov Yeniavaz.com-a bildirib ki, məsələdən məlumatlıdırlar.
“Sözügedən şəxs bizə müraciət etmişdi. Biz də onun şikayəti əsasında Fövqəladə Hallar Nazirliyinə müraciət ünvanlamışıq. Onların mütəxəssisləri də gəlib baxış keçiriblər. Yaxın günlərdə bununla bağlı rəsmi məlumat yayacaqlar. Biz sözügedən sakinə suvaqda olan çatları, həmçinin digər problemləri aradan qaldırmaq üçün müraciət etdik. O isə bununla razılaşmır və evin tamamilə yenidən inşasını tələb edir. FHN-in rəsmi rəyi yazılı formada bizə çatanda, həmin rəy əsasında addımlar atılacaq”.
N. Əsədov qeyd edib ki, başqa belə müraciətlər də var və onlar aidiyyəti üzrə yönləndirilərək yerində həll edilir. O bildirib ki, evlər podratçı şirkətlər tərəfindən inşa olunur və buradakı nöqsanlara görə onlar məsuliyyət daşıyırlar:
“Hansı orada qüsur edibsə, o qüsuru öz vəsaiti hesabına bərpa edir”.
Qeyd edək ki, nizamnamə kapitalı 10 min manat olan “Bakı Abadlıq Xidməti” MMC-nin hüquqi ünvanı Yasamal rayonu, Tağı Şahbazi, ev 8, m. 504-də yerləşir.
MMC-nin qanuni təmsilçisi Qasımov Binnət Əli Oqtay oğludur.

Çərşənbə axşamı Ermənistan Beynəlxalq Ədalət Məhkəməsini (BƏM) Qarabağda ermənilərə qarşı etnik təmizləmə apardığına görə Azərbaycanı məsuliyyətə cəlb etməyə çağırıb.

“İllər boyu bununla hədələdikdən sonra Azərbaycan regionda etnik təmizləməni başa çatdırıb və hazırda etnik ermənilərin mövcudluğunun bütün izlərini sistematik olaraq silir” - deyə, Ermənistan nümayəndəsi Yeğişe Kirakosyan BMT-nin baş məhkəməsində dinləmələrin ikinci günündə bildirib.

Bu məhkəmə işi Cənubi Qafqaz qonşuları arasında onilliklər boyu davam edən qarşıdurmanın fəsadlarını əks etdirir.

Azərbaycan silahlı qüvvələri uzun illər etnik ermənilərin nəzarətində olan dağlıq bölgə üzərində ötən sentyabr ayında nəzarəti bərqərar etdikdən sonra əksər etnik ermənilər Ermənistana gedib.

İlk dəfə 2021-ci ildə BƏM-də qaldırılan işdə Ermənistan Azərbaycanı ermənilərə qarşı irqçiliyi təşviq etməkdə, ermənilərə qarşı nifrət dolu çıxışlara yol verməkdə və erməni mədəniyyət obyektlərini dağıtmaqda ittiham edib.

Ermənistan Azərbaycanın bununla BMT-nin ayrıseçkiliyə qarşı müqaviləsini pozduğunu bildirib.

Bakı ona qarşı irəli sürülən bütün ittihamları rədd edir.

Bazar ertəsi Azərbaycan məhkəməyə bildirib ki, Ermənistanın şikayətlərinin əksəriyyəti Qarabağ üzrə silahlı münaqişələrlə bağlıdır və BMT müqaviləsinin əhatə dairəsinə daxil deyil.

Bakı həmçinin Ermənistanı işi Dünya Məhkəməsi kimi tanınan Beynəlxalq Ədalət Məhkəməsinə verməzdən əvvəl danışıqlarda səmimi iştirak etməməkdə ittiham edib. Kirakosyan bu iddiaları rədd edib.

Noyabrda məhkəmə iş üzrə fövqəladə ölçülər qəbul edərək Azərbaycanın Qarabağı tərk edən etnik ermənilərin geri qayıtmasına icazə verməsi barədə qərar çıxarıb.

Azərbaycan milli və etnik mənşəyindən asılı olmayaraq bütün sakinlərin təhlükəsizliyini təmin etməyi öhdəsinə götürdüyünü və etnik erməniləri Qarabağı tərk etməyə məcbur etmədiyini bildirir.

Dinləmələr yalnız BƏM-in yurisdiksiyasına dair hüquqi etirazları əhatə edəcək və ayrıseçkilik iddialarının mahiyyətinə varmayacaq. Yekun qərar illərlə vaxt apara bilər və BƏM-in öz qərarlarını icra etdirmək səlahiyyətləri məhduddur.

“Ermənistandan son günlər səslən mesajlar onu göstərir ki, 5 apreldə keçirilən Brüssel görüşü proseslərə mənfi təsir edib. İrəvan bu xüsusda ritorikasını bir qədər sərtləşdirib. Erməni rəsmilərinin açıqlamaları ona dəlalət edir ki, İrəvan sülh prosesində heç də maraqlı deyil. Hətta qapalı danışıqlarda Qazaxın anklav olmayan 4 kəndinin də qaytarılmasının gündəmdə olmadığı bildirildi”.

TEREF bildirir ki, bunu Teleqraf.com-a politoloq Oqtay Qasımov deyib.

O qeyd edib ki, Ermənistan tərəfindən verilən açıqlamalar gərginliyin artmasına xidmət edir:

“Paşinyan Qazaxın 7 kəndinin Ermənistana aid olmadığını açıqlasa da, şərti sərhəddə gərginlik, təxribatlar davam edir. Qubadlı istiqamətində olan təxribat nəticəsində Azərbaycan hərbçisi yaralandı. Sözsüz ki, gərginlik irimiqyaslı toqquşmaya çevrilməyəcək. Yaxın dövr üçün genişmiqyaslı hərbi toqquşmanın olması ehtimalı azdır”.

Politoloq hesab edir ki, şərti sərhəddə gərginlik qalacaq:

“Çünki sülh sazişi imzalanmayıb, delimitasiya və demarkasiya aparılmayıb. Zəngəzur dəhlizinin açılması ilə bağlı Ermənistan üzərinə götürdüyü öhdəliyi icra etməyib. Eyni zamanda dəqiq mina xəritələri Azərbaycana təqdim olunmayıb”.

Oqtay Qasımova görə, 5 apreldən sonra Ermənistan tərəfindən təxribatların davamlı olması gözlənilir:

“Azərbaycan prosesləri ciddi şəkildə izləyir. Təhlükələr ciddi şəkil aldığı zaman Bakı adekvat tədbirlər görəcək. Brüssel görüşündən sonra gərginlyiin artmasında Qərbin də rolu böyükdür. Qərb Cənubi Qafqazda sülhün bərqərar olmasını istəyirdisə, 5 aprel görüşünə qədər Ermənistandan iki məsələ ilə bağlı mövqeyini dəqiqləşdirməyi tələb edə bilərdilər. İlk növbədə Zəngəzur dəhlizinin açılması və sülh müqaviləsinin imzalanması tələb olunmalı idi. Eyni zamanda Qərb Ermənistandan mövcud qanunverciliyini, konstitusiyasını dəyişmək tələbi qoyula bilərdi. Çünki Ermənistan Konstitusiyasında Azərbaycana və Türkiyəyə qarşı ərazi iddiaları yer alıb. Həmçinin Qarabağ Ermənistana birləşdirilmiş şəkildə təsbit olunub. Yəni Paşinyanın dediyi 29,8 min kv km deyil, 34,4 min kv. km kimi qeyd edilib. Bunlar aradan qalxmayınca gələcəkdə yeni hərbi qarşıdurmalar üçün zəmin yaranacaq”.

Kəlbəcərdə ölümlə nəticələn ağır yol-nəqliyyat hadisəsi baş verib.

APA-nın məlumatına görə, hadisə rayonun Comərt kəndində qeydə alınıb.

Şirvan şəhər sakini 1981-ci il təvəllüdlü Rəhim Şahbazov “Howo” markalı yük avtomobili ilə hərəkətdə olan zaman idarəetməni itirib.

Nəticədə avtomobilin sürücüsü və sərnişin 1998-ci il təvəllüdlü Bəhrəm Sadıqov hadisə yerində ölüblər.
Faktla bağlı araşdırma aparılır.