 |
|
|
"Rusiya nüvə doktrinasını sərtləşdirmir, onu təkmilləşdirir".
İqtisadiyyat.az xəbər verir ki, bu barədə Rusiya Prezidenti Vladimir Putin Vətəndaş Cəmiyyətinin İnkişafı və İnsan Hüquqları Şurasının iclasında çıxışı zamanı bildirib.
"Ümumilikdə, biz indi nüvə doktrinasını deyil, "Oreşnik"i təkmilləşdirməliyik. Bu müasir silah sistemlərinin kifayət qədər sayı faktiki olaraq nüvə silahından istifadə ehtiyacını aradan qaldırır",-deyə Putin qeyd edib.
Vladimir Putin həmçinin bildirib ki, Moskva özünü bütün sahələrdə kifayət qədər diqqətli aparır.
Belarusda Rusiyanın "Oreşnik" kompleksinin yerləşdirilməsi Qərb siyasətçilərinin addımlarına cavabdır.
“Report” xəbər verir ki, bunu Belarus Prezidenti Aleksandr Lukaşenko Minsk vilayətinə səfəri zamanı bildirib.
"Amerikalılar sabah almanlarla birlikdə ola, Avropada orta mənzilli silahları yerləşdirə bilərlər. Lakin onlar "Oreşnik" deyil, orta mənzillidir. Biz də onlara cavab olaraq bu addımı atırıq", - o bildirib.
Onun sözlərinə görə, hazırda Belarusda "Oreşnik" komplekslərinin yerləşdirilməsi üçün yerlər seçilir.
Ukrayna münaqişəsi çərçivəsində atəşkəs razılaşması artıq 25 yanvarda əldə edilə bilər.
İqtisadiyyat.az xəbər verir ki, bu barədə Ukrayna Prezidenti Ofisinin keçmiş müşaviri Aleksey Arestoviç "Politika Stranı" Telegram-kanalına açıqlama verib.
Onun sözlərinə görə, atəşkəs ya 25 yanvarda, ya da həmin tarix ətrafında olacaq, çünki Donald Trampın komandası həm Rusiya, həm də Ukraynaya müvafiq ultimatum irəli sürüb.
"Məncə, söhbət belədir: Putinə "nə qədər [ərazi] istəyirsinizsə alın, amma 20 yanvara qədər" deyilib. Tramp bildirib ki, 20 yanvarda vəzifəyə başlama mərasimində və ya dərhal sonra bu məsələ həll olunmalıdır",-deyə Arestoviç ehtimal verib.
O, həmçinin tammiqyaslı sülhün yaz aylarına qədər əldə edilə biləcəyini istisna etməyib, çünki ABŞ döyüşlərin dayandırılması üçün çox sərt təzyiq göstərəcək. Arestoviç Moskva ilə Kiyev arasında razılaşma əldə olunma ehtimalını çox yüksək qiymətləndirib.
Türkiyənin Isparta ərazisində Türkiyə Silahlı Qüvvələrinə məxsus hərbi helikopter qəzaya uğrayıb.
Bu barədə Türkiyənin Milli Müdafiə Nazirliyi məlumat yayıb.
Məlumata görə, briqada generalı İsa Baydilli də daxil olmaqla 5 əsgər həlak olub.
“TRT Haber”in məlumatına görə, hadisə iki hərbi helikopterin toqquşması səbəbindən baş verib. Nəticədə bir helikopter yerə düşüb.
Helikopterdə olan 5 hərbçi həlak olub, 1 nəfər isə yaralanıb. Digər helikopter isə heç bir tələfat olmadan yerə endirilib.
Helikopterlərin təlim uçuşu üçün havaya qalxdıqları bildirilir.
Qəza ilə bağlı Türkiyənin Milli Müdafiə Nazirliyi məlumat yayıb.
“Ispartada təlim uçuşu həyata keçirən UH-1 tipli helikopter qəzaya uğrayıb və 5 hərbçimiz şəhid olub.Qəzada ağır yaralanaraq xəstəxanaya yerləşdirilən hərbçimizi isə xilas etmək mümkün olmayıb və şəhid olub.Şəhidlərimizə Allahdan rəhmət, ailələrinə və Türkiyə Silahlı Qüvvələrimizə isə başsağlığı veririk”, - açıqlamada qeyd olunub.
İsrail Suriya ordusunun Aralıq dənizi sahilindəki Latakiya şəhərindəki mövqelərini bombalayıb.
“Report” xəbər verir ki, bu barədə Livanın “Al Mayadeen” telekanalı məlumat yayıb.
Qeyd olunub ki, hücumlar Suriya ordusunun Saqubein, Əl-Müşairifə ərazilərindəki obyektlərinə və Latakiya limanına yönəlib.
Qeyd edək ki, Qətərin “Əl-cəzirə” telekanalı daha əvvəl İsrail hərbi təyyarələrinin Suriyanın cənubundakı silah anbarına hücum etdiyini bildirib.
Məlumata görə, Dəməşqdən 70 km cənubda, Dəraa vilayətində yerləşən İzra şəhəri yaxınlığında Suriya ordusuna məxsus silah anbarı bombalanıb. Hava hücumu bir sıra partlayışlarla müşayiət olunub.
Əl-Cəlali: Suriyalı əsgərlərdə üsyançılara qarşı döyüşmək üçün motivasiya yox idi.
İqtisadiyyat.az xəbər verir ki, Suriya Baş naziri Məhəmməd Qazi əl-Cəlali "RIA Novosti"yə bildirib ki, hökumət qoşunları müxaliflərlə döyüşməyib, çünki mənəvi çöküş halında olublar.
"Suriyanın hərbi qulluqçularının mənəviyyatı çökmüşdü və öz qardaşlarına qarşı döyüşmək üçün motivasiyaları yox idi",- deyə əl-Cəlali əlavə edib.
Baş nazirin sözlərinə görə, buna iqtisadi, sosial və psixoloji amillər səbəb olub: "Çətin həyat şəraiti və döyüşməyin zəruriliyinə inamın olmaması nəticəsində əsgərlər döyüşə girmədən geri çəkilməyi üstün tuturdular".
Türkiyə və Suriya Milli Ordusunun (Azad Suriya Ordusu/ASO) birgə hücum hazırlığında olduğu xəbəri yayılıb.
Axar.az xəbər verir ki, bu barədə Türkiyə mətbuatı məlumat yayıb.
Təhlükəsizlik mənbələri Türkiyə və Suriya Milli Ordusunun Suriyada YPG/PKK-ya qarşı böyük hücuma hazırlaşdığını bəyan edib.
“ABŞ-ın gələcək prezidenti Donald Tramp Ukraynadakı münaqişəni nə 24 saata, nə 48 saata, nə də 72 saata həll edə bilməyəcək”.
Bu barədə Ukraynanın keçmiş xarici işlər naziri Dmitri Kuleba “Die Presse” qəzetinə müsahibəsində deyib.
Kulebanın fikrincə, prezidentlik yarışında siyasətçinin qələbəsi Ukrayna üçün də istənilən digər Avropa ölkəsi üçün eyni deməkdir - qəbul edilməli və onunla işləmək lazım olan yeni reallıq.
“Trampın ilk açıqlamaları və telefon zəngləri böyük səs-küyə səbəb olsa da, hələlik bunlar sadəcə sözlərdir. Müharibənin tez bitməyəcəyi aydındır. Bu, sadəcə olaraq mümkün deyil. Trampın hansı planı ortaya atmasından asılı olmayaraq, reallıq yoxlamasından keçməli olacaq”.\\“Report”
Suriya müxalifətinin silahlı qüvvələri Palmiraya daxil olaraq şəhərə nəzarəti ələ keçirib.
Bu barədə “Anadolu Agentliyi” məlumat yayıb.
Qeyd olunub ki, Suriya ordusu Əl-Suxna, Əl-Furqəllus və Palmira şəhərlərindən geri çəkilib.
Bundan başqa Suriya hərbçiləri Palmirada yerləşən hərbi aerodromu tərk edir.
Türkiyə Prezidenti Rəcəb Tayyib Ərdoğan ötən gün cümə namazını İstanbulun Üsküdar bölgəsində yerləşən Həzrəti Əli məscidində qılıb.
Tribunainfo.az Türkiyə mətbuatına istinadla xəbər verir ki, Ərdoğanın Suriyada gedən proseslər, Bəşər Əsəd rejiminə qarşı çıxan “Heyət Təhrir əş-Şam”ın Hələb, İdlib, Həma və digər şəhərləri ələ keçirməsi və Dəməşqi hədəf alması fonunda şiələrin əsas tərəfdarı hesab etdikləri Həzrəti Əli (İmam Əli-red.) məscidindən Suriya lideri Bəşər Əsədə səslənişi böyük marağa səbəb olub.
Qeyd edək ki, Suriyada əhalinin çoxluğunu sünni müsəlmanlar təşkil etsə də, Əsəd ailəsi ölkədədki cəmi on faizlik ələvi icmasının (ələvilik şiəliyin bir qoludur-red.) təmsilçisidir. İranın ölkə rəhbərliyində təmsil olunan ən güclü və yeganə tərəfdarı hesab olunan Bəşər Əsəd uzun illərdir məzhəb ayrıseçkiliyi edərək öz hakimiyyətini qoruyub saxlamağı bacarıb.