Qazax rayonundan narazılığa səbəb olan daha bir məlumat.

Qazax rayon sakinləri tərəfindən "DogruXeber.az"a məlumat və həmin məlumatı təsdiq edən videogörüntü göndərilib.

Göndərilən məlumatda bildirilir ki, "Qazax rayon İcra Hakimiyyətindən təqribən iyirmicə metrlik məsafədə - "İstanbul" restoranının, qardaş Türkiyə vətəndaşlarının şəhidlərin xatirəsi üçün saldırdıqları parkın yanında yerləşən sanitar qovşaq çox iyrənc vəziyyətdədir. Ətraf əraziləri üfunət bürüyüb. Hələ yay aylarında müxtəlif murdar həşəratların əlindən və ətrafı bürüyən iyrənc qoxudan ərazinin bir neçə metrliyindən belə keçmək mümkünsüz olur.

Lakin, sözügedən ünvan mərkəz küçəsi sayılır və əhalinin çox sıx hərəkət etməyə məcbur olduğu yerlərdən biridir".

Qeyd edək ki, vətəndaşın sözlərinə görə Rəcəb Babaşov Qazax rayonuna yenicə İcra başçısı təyin olduğu zaman sözügedən sanitar qovşağı bir dəfə təmir etdirib. Lakin, sonrada təkrar yaranmış vəziyyət üçün müraciət edilsə də artıq, İcra Hakimiyyəti məsələni "qulaqardına vurur".

Sözügedən görüntülər "Kanal14" youtube kanalında "Kamalın zamanı" proqramında yayımlanıb.


P.S: Qeyd edək ki, təqdim etdiyimiz bu görüntüləri Qazax rayon İcra Hakimiyyətinin məsul işçilərindən birinə votsap vasitəsilə şəxsən göndərmişik. Məsul şəxs baxıb cavablandıracağını bildirsə də, artıq bir neçə gündür ki, redaksiyamıza heç bir cavab verilməyib.

Odur ki, qarşı tərəfin də cavab haqqını tanıyırıq.

DogruXeber.az
Jalə Asiman